14. LA MUELA
10-V-2.011. Prenzipian la cursa de bels diyas que lis menará á conoxer, más que más, a Comarca de l´Aranda. Ixen de Zirigoza por l´autobiya de Madrí (A-2), fendo una primera aturadica en a localidá de La Muela.
La Muela (de ro latín MOLA= “muala de molín” y por semellanza “sarrau altero de susana eslabata y zemera plana”; as mualas gosan tener en a susana canteras calzinas isolatas, retrayidas á caxals) ye un monezipio d´a probinzia Zirigoza y a comarca Baldexalón. Ye á 23 kms. de Zirigoza capetal, á 597 mts. d´altaria y ha 5.000 abitadors. Como lo suyo nome endica, ye plantificata en una muala, puyando ascape la carretera de ros 200 ta ros 600 mts d´altaria.
Antiguo pasadizo entre dos casas. Antigo biscalamo en La Muela.
En o paisache suyo i alternan os cambos d´almendreras y oliberas con un desinforme parque egolico y puzos artisanals de ro sieglo XVIII.
As fiastas de La Muela, en onor á San Antonio, se i zilebran lo 13 de chunio y ta lo 23 de nobiambre ondran á San Clemente. Tamién ban de romería ta la “Virgen de La Sagrada” -en o termino de Monzalbarba- o primer dominche de mayo.
Ye muito sonato iste dito d´a localidá: “Como los de La Muela, llegar y cogé-la”.
En o libro “La población de Aragón según el fogaje de 1495”, de Antonio Serrano Montalvo, se i rezenta que La Muela teneba 22 fuegos. Trascriben a rilazión nominal de toz els:
JD: Johan de Roba. VC: Mossen Rodrigo de Lespich. TT: Anthon Cedrillas – Martín de Sos, “comensales del dicho Tresorero y Comisario”.
“El vicario, Johan Aznar, Domingo Matheu, Johan Milian, Maria d’Exea, María Palacio, viuda, Garcia Ximeno, Guillen Johan, Johan d’Asso, mediano, Jayme Garcia, Johan de Roba, Domingo Ximeno, Martin Garcia, Gil de Borau, Christoval Perez, Anthon d’Uzeda, Gracia Larregadera, Pascual del Recuenco, Johan d’Asso, mayor, Isabel Navasal, viuda, Salvador de Castellon, Garcia de Rioja”.
A istos 22 fuegos, famillas u casas de 1495 caldreba aplicá-lis un enrase d´altubaxo 4´5 presonas por cadagún, risultando-ne cualques 99 abitadors.
A poblazión de La Muela, d´allora enta debán, ye estata la siguién:
lo 1547, 38 casas: 180 presonas; lo 1625, 60 casas: 270 abitadors; lo 1702: 390 bizins; lo 1753, 122 casas: 534 abitadors; lo 1800, 175 casas: 756 presonas; lo 1842, 411 bizins; lo 1900, 783 presonas; lo 1991, 978 abitadors; lo 1996, 1.098 presonas; lo 2005, 3.265 bizins, y en 2010 en sobrixen d´ os 5.000 abitadors.
Zerrigüeltían un poqued por os arredols d´a ilesia y carreras proxemas.
As trazas urbanas d´o bico biello, con carreras perpendiculars y paralelas, son farchatas ta i pribar as boladas de zierzera. Ne b´ha de casas-palaz d´o sieglo XV como la de Torres, y la esbiellata Casa´l Lugar con frontera renaxentista.
A ilesia de San Clemente, gotica d´o sieglo XVI, ye de manposatería con sillars de piatra y una nau con capiellas laterals y retaulos intresans. A torre ye mudéxar de ladriello con emplantille cuadrato de tres trampos.
Torre mudéjar de la Iglesia de San Clemente de La Muela. Torre mudéxar d´a ilesia de San Clemente (San Climén) de La Muela
Quedan repuis d´un poblau ispán-román en o conoxiu parache de “L´Atalaya”.
La Muela estió fundata lo 1259 por Chaime I Lo Conqueridor -á demandas d´o Conzello de Zirigoza- ta i establir una poblazión fitera y esfendedera de ros biachers d´o Camín Reyal, menazaus por os numbrosos bandius que campaban allora por istos disiertos entre Zirigoza y L´Almunia.
S´han conserbau bels decumens sopre la creyazión de La Muela.
Un d´els ye la carta de 1259 de l´infán don Alifonso, fillo primerenco d´o rai Chaime I, prenendo baxo la suya protezión La Muela de Garrapiniellos (como se´n iziba allora). Amuestran un resumen d´iste decumén, bistrayiu d´o libro “La Historia de la Muela” de Miguel Plou Gascón, de l´ año 1995:
“Sepan todos que vieren la presente carta que: Nos, el Infante Alfonso, primogénito del ilustre Rey de Aragón y su heredero, recibimos y ponemos bajo nuestra protección, y custodia, y bajo nuestro especial cuidado la población de la Muela de Garrapinillos. Y a todos sus pobladores y futuros, tanto hombres como mujeres…
También confirmamos perpetuamente para los mismos pobladores el Ovalar y vedado de cirogrillos (coniellos) y de pinos que les fue concedido por los Jurados y Cabildo de Zaragoza, como consta plenamente en su Carta…
Dadas en Zaragoza, por el expresado Infante, a nueve de las calendas de octubre del año del señor de mil doscientas cincuenta y nueve…”.
Como curiosidá, en 1718 bibiba en La Muela José Chueca, promanán de Trasobars, igual como Francisco Ferrando que i plegó lo 1723 y Antonio Ferrando, lo 1741.
La Muela estió bico de Zirigoza dica qu´en o sieglo XIX esdebinió monezipio sindependién.
Otra vista de la torre de la iglesia de San Clemente de La Muela. Autra ambiesta d´a torre de ra ilesia de San Climén de La Muela
En o libro “Diccionario del habla de La Muela” de Prudencio Gimeno, publicato lo 2002, s´incluye un amplo lesico y esprisions tipicas de La Muela. Un güen triballo d´o qu´en trigan bels bocables y esprisions aragonesas chocantes:
“Aguarte, Alfarrazar, Arbillo, Arcijo, Azicuaco, Azogue, Barbau, Buchaca, Burina, Cané, Canzel, Carracloso, Coda, Cojotia, Configau, Conociencia, Contiparar, Con mi, Con tú, Coz coz, Cuacar, Cuajau, Chafachorras, Chancharramanchas, Chemecar, Chinchimpalla, China chana, Debantar, Diaunde, Disvel, Enronar, Escarramau, Escoyuntau, Escuchiminizau, Espurnar, Falaguera, Falca, Ganchera, Glarima, Gurrupera, Inflau, Joriar, Joropo, Lebrel, Llebre, Maitiniar, Marcolfa, Mocé, Moscarra, Ni zarrapita, Ñapa, Ocurrencia, Punzar, ¿Qué tal vaiso?, Rader, Rechichibase, Rechumar, Relojiar, Remejer, Sarinochazo, Solimán, Sumancio, Tarquín, Tastar, Trallazo, Ubiá, Urza, Usma, Ventestate, Vislai, Zampiau, Zarapita”.
“Está la mañana tuerta”.
“Me estás volviendo chichota”.
“Vas más templau que el cierzo”.
“Lo suelgo comprar”.
“T’as comido el queso el cura”.
“Échate un trago é vino».
“Menudo mandoble ha sacudido”.
“Vamos a bailar las marianas”.
“Ya lo ha escudillau todo”.
“Ya vendrás de caicear”.
“Tú lo que eres un chafarrias”.
“Esto paice casa e giro”.
“Se tiene que buscar la coqueta”.
“Antes con antes”.
“Tico taco iremos”.
“Qué, ha sido la nuez cocona”.
“Que vas a llevar una chola”.
“Yo soy el que pago el coñaco”.
“Cojo el pendingue y me voy”.
“Eso no cale ni velo”.
“Coje el toli y tira”.
“Paices un abadejo de canto”.
D´a ya mentata replega de (IDEAragón) en trigan bels toponimos trucadizos de La Muela:
“Abalerizas, El Águila, Aljibe de Fornazos, Los Alberges, Almendrones, El Arrodeo, La Haya del Cuartal, Vagos del Cabeso del Sillón, La Baila, Val de la Azadica, Val de los Vascos, Val de Górriz, Valdejota, Val de Concejo, Valdelarto, Balsa de Castillón, Val de la Cerdena, Barranco de Val Madre, La Boya, Dehesa de Vallobar, Dehesa del Marqués, El Forcallo, Cabaña del Roncal, Cabezo la Muela, La Calerica, Camino de Bárboles a Bardallur, La Carrasca, La Carbonera, Lobaco, Camino del Cortijo, Camino de Peñarroya, Camino de la Plana de Lobaco, Camino de Roda, Camino de Sabinar, Cañada de Ganados, Cado de los Zorros, La Caracha, Casa de Castillona, Castellón, Clementico, Cuarto de las Cabras”.
Ta i completar, adiben bels autros toponimos chocans d´o sieglo XVI, rilazionatos en o debanmentau libro “Historia de La Muela” de Miguel Plou:
“La Atalaya, Cuesta Gaconterio, Balsa de la Jupe, El Espligar, Montarones, Zuellos, Paniquesa, Baluenga, Ontinar, Val de Riglos, Pueyo Coronal, Zafranales, Alcofertas, Almazarro, Val del Daso, Val de Xerica, Val de Cuadros, Cabezo de Rioja, Podio de los Ladrones”.
Dimpués de bel embolico ta marchar de La Muela, con ixita nuabamén por l´antiga carretera (clamata “el caracol”), zercularán correutamén por a carretera Madrí con destín El Frasno, situgau á 44 kms. y chunto l´autobiya.
