11. AGUARALS DE BALPALMAS
ZINGO BILLAS, RAINO D’OS MALLOS Y MUGA DE NABARRA DE LO 7 DICA LO 13 DE MAYO DE LO 2013
En o termino monezipal de Balpalmas y á 5 kms. d´ixa localidá s´alcuentran os “Aguarales”.
Os Aguarales (bocable aragonés que anomena terrenos escomidos y esgalachaus por efezto de l´augua) de Balpalmas u Baldemilaz s´alcuentran en una ballariza estollada, con a consiguién esbaziadura d´as soladas de salagón zenegoso, do s´ha chenerau un paisache esgalachau de terrers escomius, tipico d´os aguarals, con entretalladuras en burals y espuenals escabonaus por plebidas y rezias tronadas estibals que foratan iste terreral caligüeco, i ubrindo sulcos, arriguers y esforicachos por os que l´augua corre, se´n trasmina y atraza recalzes, condutos, catarreras, esbalzadas y caldericas.
M. Martín en los Aguarales de Valpalmas. M. Martín en os Aguarals de Balpamas.
Os Aguarals -fenomeno conoxiu tamién como”turrullons”, “monchons”, u “Chamineras de fadas”- se i son farchaus á l´arreyo de 25 millons d´añadas debiu á qu´en aquels tiampos os arrius pirinencos abocaban en un auguachal. Cuan iste lacaz se´n ubrió camín enta la mar, en fa altubaxo 10 millons d´añadas, l´Ebro y os afluyens suyos prenzipión á atrazar o rete aztual d´auguas. Asinas ye como n´iste puesto aparixió un balello que sorregaba ta lo gran arriu. Os diferiens enantos chiomorfoloxicos causaus por l´augua fadrucón en as costeras y o capitero d´o barrango as conzieteras escomidas alufradas en os Aguarals.
M. Pérez en los Aguarales de Valpalmas. M. Pérez en os Aguarals de Balpamas.
M. Martín en los Aguarales de Valpalmas. M. Martín en os Aguarals de Balpamas.
Istos escomes feitos por l´augua continan aztibos agora y, anque parixen amortaus á simpla güellada, se´n i esbixolan á cada nuaba tronada; magueras a febleza d´istas formazions, han una crosta de zeniego y buro que las proteche por bel tiampo d´as escomidas.
M. Pérez en los Aguarales de Valpalmas. M. Pérez en os Aguarals de Balpamas.
Alufran os Aguarals dend´os abanzes d´os arredols y dimpués los arrecorren por o sender d´aintro, en do tamién ñay d´atifaders.
M. Martín en los Aguarales de Valpalmas. M. Martín en os Aguarals de Balpamas.
M. Pérez en los Aguarales de Valpalmas. M. Pérez en os Aguarals de Balpamas.
Á os Zerris lis paizen de pistón, unicos, -se´n retrayen á os paisaches d´a Capadozia, en Turquía-; i remanen como alufres en biyer a bariedá y espeitacularidá de catarras, monchons risaltaus y afundiduras. Chocans formazions en un poliu paisax.
Lis fa un orache sobregüeno, sin gota de caloraza, y pro que sí, en fan güenfaxo d´afotos.
Marchan agora enta Balpalmas, á 5 kms.
