9. LAGUARDIA. SIERRA DE CANTABRIA (TOLOÑO)

26-VI-2012. Ixen de güen maitín de Lardero con destín Laguardia (22 km.).

 

Laguardia (una teyoría diz que promanarba d´o chermanico “Wartôn”: puasto d´aguait, fuertaleza. En usquera sinifica “Guardia”) ye una localidá d´a probinzia Araba, comarca Rioxa Arabesa (l´antiga comarca estorica yera “la Sonsierra de Nabarra”), pertenexién á la comunaldá autonoma de Basconia, u Euzkadi. Muga ta lo norte con a “Sierra de Cantabria” y ta lo sur con a marguin cucha d´Ebro. Ye plantificada en un tozal y ha 1.528 abitadors; ye á 630 mts. d´altaria y á 64 kms de Vitoria-Gasteiz. Lo 1900 b´eba 2.470 abitadors.

01

Mapa de la Rioja. – d´a Rioxa.

02

Vista de Laguardia. – Ambiesta de Laguardia.

L´alazet d´a suya economía ye  ra endustria d´o bin, con numbrosas bodegas.

As fiastas grans de Laguardia son as de San Juan y San Pedro, que se i zilebran entre lo 23 y 29 de chunio. Güé diya 26, en o cocollo de ras fiastas, paix estar que ra poblazión en ye fendo un discanso.

Lo diya 23 á l´empieze d´a tardi, os “Danzarines”, con o “Cachimorro” en capeza, enfilan ta la plaza ta i achuntá-sen con l´alcalde y o “regidor síndico” ta fer la baxada de ra bandiera de Laguardia. Encontinén i escaiz la troxada de flors y prenzipia la cursa d´a catafila enta ra ilesia de San Juan; por debán os Danzarins con o Cachimorro y donzainers y por dezaga, os combidaus y Conzello. Ya en a ilesia, se i rende la Bandiera debán de Nª Sª la Virgen del Pilar y San Juan, meyán la zerimonia de ra “tremolación” u rebulutiar d´a bandiera.

04

Vista áerea de Laguardia (2).- Ambiesta airia de Laguardia (2)

O mayor retante de ras fiastas de San Juan son os encletaus d´arreses furas. Á la meyodiada  zarran la carrera Mayor con cletas y, dimpués  de disparar tres codetes, i sualtan as baquiallas qu´arrecorren la carrera zaga ros mozos.

As fiastas rematan lo 29 de chunio con o “entierro de la barrica” y la traca final.

Á ros de Laguardia lis izen “Rabudos”; beluns se piansan que pué promanar de “rabinos” (chodigos) y que ye rilazionato con iste dito:

“De Genevilla salieron / y por Laguardia pasaron / y en Labastida comieron / los que a Cristo sentenciaron”.

Lo 908 lo rai nabarro Sancho Abarca fazió bantar un castiello enta lo norte d´o tozal qu´asiñoría la redolada con la fin d´esfender Nabarra. Asinas naxió Laguardia , á l´oxeto d´a esfensa melitar.

09

Edificio engalanado.- Edefizio adrezau.

Lo castiello de Laguardia estió un de ros prenzipals d´o Raino de Nabarra de ros sieglos  XIII ta lo XV, e i continó quillato dica lo 1875.  Estió por cualques  begatas siede de los Rais de Nabarra;  astí naxió doña Blanca de Nabarra y n ixe castiello se´n maridó lo 1150 con don Sancho “El Deseado” de Castiella. Lo 1164, Sancho VI “El Sabio”, chirmán de Doña Blanca, atorga lo “Fuero de Población” á Laguardia. La puya ta billa con o nome de “la Guardia de Navarra” y l´atorga diferiens prebilechios como “Libertad de mercado”, “Exención de impuestos”, “Prohibición de Juicios de Dios”.

Iste fuer suposó una gran crexenzia de ra poblazión arrechuntada en o tozal, apresguardatos por o castiello melitar.

Sancho VII “El Fuerte” (1192-1234) fuertifica lo castiello y toda ra billa con muralla de sillars de piatra sablón, esdebenindo plaza fuart.

Mientres toda ra Edá Meya, de risultas d´as guerras entre nabarros y castellans, Laguardia cambeya de contino de siñor. Lo 1461 pasa ta Castiella pa cutio y lo 1486, por ordinanzia d´os Rais Catolicos, Laguardia y as aldeyas suyas se´n acorporan ta la “Hermandad de Álava”.

10

Curioso muñeco en el balcón.- Chocán moñaco en o balcón.

Alparcan l´auto fruen ta ros estrazios de l´antiga muralla quillata en o sieglo XIII, en a que agún se´ndi mantianen bels torreyons y dos torres esdebenitas tors-campanals e zingo de ras puartas dentraderas en o rezingle meyebal: Mercadal, Páganos, San Juan, Carnicerías o Nueva y Santa Engracia. Dentran en l´antiga localidá por a “Puerta de Carnicerías”, la unica ubiarta dos sieglos dimpués, en o sieglo XV.

03

Vista áerea de Laguardia (1).- Ambiesta airia de Laguardia (1)

Plegan ta la Plaza Mayor, fuertificata y presidita por la Casa la Billa, edefizio d´o sieglo XIX.

06

Casa de la Primicia.– d´a Primicia.

08

Plaza Mayor de Laguardia

Adornata con plandas y flors por tal de ras fiastas, ye de remarcar la suya frontera por l´escuto y un relox de zimbaletas que é ras 12 d´o maitín, 2, 5 y 8 d´a tardi oratas fan sonar lo ridmo pasacarreras tipico de ras fiastas.

07

Ayuntamiento bien adornado (2).- Casa la Billa bien petona.

Continan la cursa por a carrera “Páganos” con l´edefizio zebil más antigo d´a billa (s. XV),

05

Casa de la Primicia.– Casa d´a Primicia.

casals-palazes d´o s. XVIII y escutos linachutos, dica arribar en a plaza d´o Gaitero.

11

Entre Plaza Mayor y calle Páganos. – Entre Plaza Mayor y carrera Páganos

12

Junto a la Plaza Mayor.- Á canto d´a Plaza Mayor.

13

Calle Páganos de Laguardia.- Carrera Paganos de Laguardia.

14

Muñeco estatua imitando a M. Martín.- Moñaco perenal emitador de M. Martín.

15

Plaza el Gaitero.

Astí alufran lo conchunto escultorico “Viajeros” de l´artista Koko Rico.

16

Rótulo bilingüe.- Retulo biluengue.

Como omenax á lo biacher, l´escultor  posa en dos placas de bronz  güen amiro de bolsos y maletas en l´auna y calzers en l´autra, arredoliau tot por un majizo chardín.

17

Esculturas de bronce.- Escolturas de bronz.

18

M. Pérez con las esculturas de bronce.- con as escolturas de bronz.

19

M. Martín con las esculturas de bronce.- con as escolturas de bronz.

En ixir de ra plaza lo Gaitero enfilan ta ra plaza de la Torre, do ye la “Torre Abacial”. Ista ye d´orichen melitar, d´o sieglo XIII, y dica lo XIX comunicaba con o temple por un corridor. Güé ye lo campanal de Santa María de los Reyes.

A ilesia de Santa María de los Reyes ye chunto ras plazas d´a torre y d´o Gaitero, en a carrera Mayor.

20

Vista aérea de Santa María de los Reyes.- Ambiesta airia de Santa María de los Reyes.

A suya costruzión escomenzipió en o s. XII, d´estilo romanico lombardo y no la remateron dica l´empieze d´o XVI. L´edefizio ye d´emplantille retangular con tres naus, cruzer y capitero d´auside poligonal.

21

Torre abacial de la iglesia de Santa María de los Reyes.- Tor abatial d´a ilesia de de Santa María de los Reyes.

Ha una impresionán portalada gotica de piatra, de zaguers d´o s. XIV, con un porchegau policromato d´o s. XVII. B´ha feguras de ros doze Apostols y una escoltura de Santa María de los Reyes.

22

Puerta gótica de Santa María de los Reyes.- Puarta gotica de Santa María de los Reyes.

23

Detalle del pórtico de Santa María de los Reyes.- Detalle de ro porchegato de Santa María de los Reyes.

Lo retaulo mayor, de Juan de Bascardo, ye una gran feitura d´o sieglo XVII.

24

Retablo mayor de Santa María de los Reyes.- Retaulo mayor de Santa María de los Reyes.

25

Torre amurallada.- Tor amurallata.

Tornan por a carrera Mayor, nabesan por a carrera Castillo que, como la resta d´as carreras, ha lo retulo tamián en uskera.

26

Calle Castillo.- Carrera Castillo.

27

Escudo en fachada de una casa. – Escuto en a frontera d´un casal.

28

Balcón con muñeco.- Balcón con moñaco.

Plegan dica ra ilesia-fuertaleza  de San Juan, d´estilo gotico, anque la prenzipieron en romanico. Ye decorata con colunnas ripresentaderas de l´Anunziazión. A planda ye de cruz latina con tres ausides y cruzer. Lo retaulo barroco, ye adedicato á San Chuan Baltista. La tor gotica apertenexió á un castiello,  yera una de ras puartas d´a muralla, en seyendo retraziata lo s. XVI ta cumplir la suya aztual funzión de campanal.

29

Iglesia de San Juan Bautista.- Ilesia de San Juan Bautista.

En a replazeta de San Juan se i troba lo casal de naxenzia d´o fabulista Félix María Samaniego.

Ye un casal-palaz d´o sieglo XVII. En a suya frontera i luze un escuto de los  Ramírez de la Piscina y Acedo.

30

Casa palacio del siglo XVII.- Casal-palaz de ro sieglo XVII.

Han espleitau en Laguardia d´a conserbanzia d´o suyo trazau orichinal y d´as carreras y arracons manteneders d´a suyiza sapia orichinal.

De tornata enta l´auto nabesan por l´edefizio de l´Achuntamién, en l´entrador escubren lo “Fuero de Población de La Villa de Laguardia” enbastidau en una parete.

31

Fuero de Población de Laguardia.- Fuer de Poblamién de Laguardia.

Dentran por un biscalamo ta desiguida en ixir por a puarta de Carnicerías,

32

M. Martín hacia la puerta de Carnicerías.- M. Martín enta ra puarta de Carnicerías.

plegando ta la gran muralla decorata con floretas qu´arredolía ra billa.

33

Muralla de la villa de Laguardia.- Muralla de la billa de Laguardia.

Dende bel costato d´istas murallas s´alufra enta par d´o norte la siarra de Cantabria.

34

Otra parte de la muralla.- Unatra partida de ra muralla.

Á lo sur d´Araba y d´orién ta ozidén se´ndi estendilla una siarra que desepara la Rioxa Arabesa de ras bals de l´arriu Ega e Inglares. Ofizialmén ye conoxita como sierra de Cantabria, pero as chens de ros lucars bizins ta la siarra la conoxen entegramén como sierra de Toloño.

Amuestran un resumen d´o sobrixién articlo de José Antonio González “Sierra-Cantabria-Sierra Toloño”, prenzipiando-ie  con un bistraito de ro libro “Laguardia”, escrito por Miguel Martinez Ballesteros en 1874 y reditato en 1982:

“No deja de causar cierta extrañeza que la Sosierra, aquella fértil ribera oriental del Ebro, abrigada por la altísima cordillera de Tolonio que D. Iñigo Arista coronó e hizo casi inaccesible con los castillos de Población, Toro, Herrera, Tolonio y Buradón…”

Autros exemplos sereban en a decumentazión almadazenata en o “Archivo Provincial de Álava”:

“El juez de primera instancia de Laguardia solicita a la Diputación de Álava, información acerca de si el monte denominado “Sierra de Toloño” o “Antigua Hermandad” de Laguardia es propiedad de la Diputación o, por el contrario, pertenece en comunidad a las villas de la Rioja Alavesa. (20 de octubre de 1929).”

“Agustín Fernández y Cortés, vecino de Laguardia, solicita malezas de leñas del monte de la Antigua Hermandad de Laguardia, denominado Sierra de Toloño, para alimentar un horno de cal.”

35

Laguardia y la sierra de Cantabria.- Laguardia y ra siarra de Cantabria.

Paix estar que lo nome de Cantabria li´n han posato á ista siarra chens foranas, por o nome propio de ra zidá proxema de Cantabria, ya destruita, pero muito sonata.

En o “Diccionario Geográfico-Histórico de España” de l´año 1802, de la “Real Academia de la Historia”, Seizión I, Tomo 2:

“…Cantabria: … un cerro bastante extendido de superficie plana y faldas en parte sembradas y parte baldías de la otra banda de Ebro, enfrente y a muy corta distancia de Logroño.”

De Laguardia (22 kms.) ta Briones pasan á canto d´a localidá rioxana de San Vicente de Sonsierra y por un puen meyebal que cruzia l´Ebro; dend´astí se´ndi alufra la Sierra de Cantabria, u pa millor dito, de Toloño.

36

Vista de San Vicente de Sonsierra y el río Ebro (1).- Ambiesta de San Vicente de Sonsierra y el río l´Ebro.

Á metá de ro sieglo XII, lo territorio de l´aztual Rioxa apertenexió por cualques añadas á Aragón, durán lo rainau d´Alifonso I. Lo 1132 lo rai se´n plantificó en o “Cerro de Cantabria”, en a marguin cucha d´Ebro, fruen ta Logroño, atorgando Fuers á Sangüesa y Asín.

37

Sonsierra y el río Ebro (2).- Ambiesta de San Vicente de Sonsierra y el río l´Ebro.

En el Pueyo de Cantabria bi ha un importán chazimién protostorico anomenato  “Monte” u “Ciudad” de Cantabria; (podreba estar: can=chunto, á canto; ebrio=Ebro).

Seguntes lo Codiz Milianense 39, la zidá y castiello -capetal de ro Ducato de Cantabria- estieron estruyitos lo 574 por o rai goto Liobichildo:

Cantabriae sita est In mons Iggeto iuxta fons Iberi / Et Leovildo rex destruxift”.

y conqueriu dimpués por Tariq, lo 712.

38

Sonsierra y el río Ebro (3).- Ambiesta de San Vicente de Sonsierra y el río l´Ebro.

Os primers rais d´Asturies yeran deszendiens de ros Duques de Cantabria Fabila y Pedro. Pelayo naxió y bibió en o castiello de Cantabria, aintro de l´aztual  Rioxa.

39

Sonsierra y el río Ebro (4).- Ambiesta de San Vicente de Sonsierra y el río l´Ebro.

Rezenta ra liyenda qu´en o parache de “la Liende”, en  a muga  entre as albalas de Briones y San Vicente de la Sonsierra, estieron trobatas dos imachens (un cristo y una birchen). Leberon la Birchen ta Briones y lo Cristo ta San Vicente, pero as dos imachens se´n torneron ta la muga, lo cual que ros abitadors apercazeron que la “Virgen de los Remedios” eba á estar en San Vicente y lo “Cristo de los Remedios” en Briones.

Ne b´ha una copla que diz:

“La Virgen de los Remedios

no es comprada ni vendida,

que es bajada de los cielos

y en la Liende aparecida”.

40

Sonsierra y el río Ebro (5).- Ambiesta de San Vicente de Sonsierra y el río l´Ebro.

41

Vista de San Vicente de Sonsierra.- Ambiesta de San Vicente de Sonsierra.

Plegan ta la poblazión rioxana de Briones.

Anuncios