7. MONESTERIO DE VALVANERA. OS PANCRUDOS

Lo Monesterio de Santa María de Valvanera (de ro toponimo latín “Vallisvenarie”, con o sinificato de “Bal d´as benas” por l´agundanzia d´augua en o terrén; “Bal de pardos”; “Bal d´a cazera”; u “Bal de Benus”) ye en o preto d´a montaña, á 1.026 mtrs. d´altaria, en a Sierra de San Lorenzo (Siarra d´a Demanda), en o pedero de ros Pancrudos, en l´albala d´Anguiano (á 14 kms.) y á 54 kms. de Logroño capetal.

01

Mapa turístico de la Rioja. Mapa toristenca d´a Rioxa.

Lo puesto do ye plantificau lo monesterio de Valvanera ye majizo, espeitacular, redoliau de selbas pretas poblatas de fayos, lezineras y chaparros, y con arrigazes, fuens y arrigatuers como l´arriu Valvanera que naxe chus los Pancrudos, afluyén d´o Najerilla.

02

Bosques por Valvanera. Selbas de Valvanera.

Empliu de paz y quedez, ye un puasto perfeuto ta lo retire.

03

Monasterio, detrás los bosques. Monesterio, as selbas dezaga.

A liyenda de ra fundazión d´o monesterio en rezenta que:

en el último tercio del siglo IX, un hombre, natural de Montenegro de Cameros, llamado Nuño Oñez, tras arrepentirse de su vida de ladrón, decide retirarse a la cueva llamada Trómpalos en la localidad de Anguiano, para llevar desde ella una vida de oración. Cierto día se le apareció un ángel que le mandó ir hasta Valvanera en el Monte Mori y buscar en el interior del roble más sobresaliente entre panales de miel y manando abundante manantial a sus pies, una imagen de la Virgen, trasladarla a una cueva próxima situada en un peñasco, donde crearía la ermita del Santo Cristo, iniciándose el culto desde ese momento y que con el título de Valvanera es venerada.”

04

Paisaje precioso junto al monasterio. Remajizo paisax chunto lo monesterio.

Cada 21 de setiambre se i reproduz la tradizión, en a cuala lo presidén d´a comunidá de la Rioxa, chunto con bels bendemadors, ufren á la Birchen de Valvanera lo primer mosto de l´añada, con istas glosas que i rezitan os rioxans:

María de Valvanera,

En la sierra te vi un día.

Dicen que la sierra es fría:

Yo digo que es una hoguera.

María de Valvanera,

Presta calor a las vides

Y nunca jamás me olvides.

Ni aún después cuando muera,

María de Valvanera”.

05

Arco del Monasterio. Arcada d´o monesterio.

Lo primer Abate d´o monesterio paix estar qu´estió Don Sancho, lo 990. S´ha conservau lo testo manescrito con os comentarios d´a “Regla de San Benito”, anomenato” “Esmaragdo”, calendato lo 954 (agora 992), con una nota que i diz: “para Valvanera”.

06

Otro arco del Monasterio. Unautra arcada d´o monesterio.

Lo primer decumén en o que reyalmén aparix Valvanera ye de l´año 1016, entre Sancho Garzés lo Mayor y lo suegro d´él, Sancho Garzía, do i amugaban lurs territorios.

07

Patrona de la Rioja. Patrona d´a Rioxa.

En 1072, durante el reinado del rey Sancho de Navarra, se construyó el monasterio en el lugar donde dicen que apareció una imagen de la Virgen.

08

Pasadizo entre arcos. Biscalamo d´arcadas.

Lo 1092 Alfonso VI atorgó á lo monesterio un común de paxenters, de conchunta con os lucars de Matute, Tobía, Anguiano, Naxera y la bal d´Ojacastro.

09

M. Martín delante del monasterio de Valvanera. M. Martín debán d´o monesterio de Valvanera.

Paix estar que Isabel la Catolica yera gran debota d´a birchen de Balbanera.

10

Fachada del Monasterio. Frontera d´o monesterio.

L´endi teneba tanta de feguza que, lo 1482, plegó á está-ie güeito diyas siguitos entutata n´iste monesterio, pos denguna muller podeba remanir en a suya gospedería más de nueu diyas, chus punizión debina de muarte. En diz a tradizión que la raina i tornó una añada dimpués e i dixó una d´as donzellas suyas por fer la prebatina, qui fenezió á lo nueno diya. Encontinén d´ixo endonó diez milentas de marabetins ta lo santugario. Mesmo se conox que l´autentico nome d´a primer carabela de Colón, con la que gosó escubrir America, estió Santa María de Valvanera.

11

M. Pérez delante del monasterio de Valvanera. M. Pérez debán d´o monesterio de Valvanera.

Altubaxo por ixas mesmas engüeltas os monches i posediban 4.000 obellas que yeran cusiratas por 30 pastors, ibiernans en defesas espardidas por toda ra peninsula; puyando ra fazienda d´o monesterio en o s. XVI  ta 10.000 capezas de ganau (churras e merinas), 30 porcadas de cochins, 80 arnas y biñers.

12

Entrada al Monasterio. Entrador ta lo monesterio.

Á l´empieze d´o s. XVIII bi eba 12.000 capezas, achiquindo-sen amoniqued dica ras 3.500 con a ixamortizazión de Mendizábal, en 1835, en remanindo antiparti lo monesterio en estau d´albandono total. Fueras d´ixa puenda y la d´a remetida franzesa napolionica, lo monesterio ha remaniu abitau de contino dica lo diya de güé. Agora lo monesterio ye rechito por una comunaldá de monches beneditins.

13

Paisaje y vista del Monasterio. Paisax y ambiesta d´o monesterio.

Quieren saper si dend´aquí son bisters os “Pancrudos”, cuatro zemas conchuntas que puyan de ros dos mil metros -lo Pancrudo más altizo ha 2.079 mts.- y que se piensan que quedan por dezaga d´o monesterio. Ta i plegar cal petenar pro -más de 3 oras y 1.000 mts. d´eslibel- y no pas, no lo ferán.

14

Mapa-croquis de la Rioja. Mapa esquematica d´a Rioxa.

Naide millor t´aclarir istos dandalos sopre los Pancrudos que lo prior d´o monesterio, lo pai Jesús Martínez de Toda Torrecilla. Azesible y atento, M. Martín gosa izí-le que lo pai suyo yera d´o lucar de Pancrudo (Tergüel). Lo pai Jesús lis diz -entre autras cosas- que á la ixida, baxo lo monesterio, chunto una cruz y fegura escultorica d´a Birchen, s´endi alufran bian os Pancrudos.

Lo prior lis combida á prener un basico de licor dichestibo que adoban os monches, como diz lo pai Jesús, con dezenas de yarbas, zucre, zafrán, carambelo y alcol.  Lis preba de pistón, mesmo lis ne  tira la seteguera que teneban: de puturrudefuá, debino. Consientes y goyosos por o licor Balbanera, en mercarán ta la familla en a botigueta de subenirs.

 

15

Licor Valvanera.

Aztualmén chunto lo monesterio tamién ne b´ha una gospedería.

16

Entrada a la iglesia del Monasterio. Entrador ta la ilesia d´o monesterio.

A primer ilesia bisigotica se i fadrucó en o sieglo X con l´arribada de ros primers armitans, dimpués esdebenita ilesia prerromanica consagrata lo 1073, seyendo rai Sancho Garzés IV de Nabarra. Dimpués i costruyeron unautra romanica lo 1183, de ra que agún se´ndi mantienen bellas trazas en la suya tor.

17

Pintura en baldosa de mosaico. Pentura en rechola de mosaico.

L´aztual ilesia ye tardanagotica, con os aintros goticos d´o sieglo XV, d´una sola nau trazata en cruz do i beneran a Birchen de Balbanera, patrona d´a Rioxa.

18

Otra pintura de mosaico. Autra pentura de mosaico.

Á lo que besitan la ilesia lis enchegan as luzetas ta que i beigan millor la Birchen de Balbanera.

19

La Virgen de Valvanera. A Birchen de Valvanera.

Aztualmén se´ndi aplegan numbrosos romers de toda la Rioxa y muitas pelegrinazions.

20

De vuelta. De tornata.

Dimpués de fer os pertocans afotos de ros Pancrudos,

21

Cruz y figura escultórica de la Virgen, al fondo, los Pancrudos. Cruz y fegura escultorica d´a Birchen, os Pancrudos ta ro fundo.

22

M. Martín bajo la cruz y la Virgen, al fondo, los Pancrudos. M. Martín chus cruz y birchen, os Pancrudos ta lo fundo.

23

Los montes Pancrudos, delante la cruz y la Virgen. Os mons Pancrudos, debán a cruz y a birchen.

24

M. Pérez bajo la cruz y la Virgen, al fondo, los Pancrudos. M. Pérez chus cruz y birchen, os Pancrudos ta lo fundo.

25

M. Martín junto a la cruz y la Virgen, al fondo, los Pancrudos. M. Martín chunto ra cruz y ra birchen, os Pancrudos ta ro fundo.

marchan camín d´Anguiano, agradixitos por l´amabilidá d´o prior d´o monesterio, Jesús Martínez, y embabiecaus por o mañifico parache.

Anuncios