6. LARDERO – DAROCA DE RIOJA – NAVARRETE

Dentran en a Comunidá de la Rioxa, en comentando qu´estoricamén y lingüistica ye una rechión de transizión.

L´estoriador Antonino González Blanco en ye d´o siguién parixer:

Desde los pueblos asentados en la región (vascones no indoeuropeos en Calahorra y berones celtas en Nájera y Logroño), se condicionó la vieja organización romana o la posterior visigótica. Los verones dominaron la Rioja Baja u Oriental y los vascones la Alta u occidental. Esto hizo que la Rioja medieval gravitara hacia Castilla (la no indoeuropea) o hacia Aragón (la celtizada).

01

Mapa de la Rioja. Mapa d´a Rioxa.

O debanmentau filologo Fabián González Bachiller en o suyo libro “Aspectos fonéticos de la toponimia riojana actual” i diz:

La toponimia de la Rioja es expresión de la coexistencia profundamente arraigada de tendencias lingüísticas distintas pero inequívocamente autóctonas. La convivencia de elementos coincidentes con los del castellano viejo, el habla alavesa, el navarro-aragonés, el propio eusquera y el mozárabe junto a algún rasgo exclusivo de la región, hacen de las hablas riojanas una variedad híbrida.

Existe una posible coincidencia, en cuanto a los rasgos fonéticos, con topónimos de los territorios navarro, aragonés y leonés, lo que indicaría la existencia, en la época de nacimiento de las hablas romances, de un área lingüística de cierta homogeneidad, extendida desde el nordeste peninsular (Pirineos y Valle del Ebro) hacia el Oeste, rota por el avance del castellano, lengua, en cambio de rasgos divergentes.

Incluso relacionado con el leonés en la semejanza en el tratamiento fonético de las secuencias –aks- que se encuentra en La Fragineda, Las Fraginedas, en paralelismo con los topónimos leoneses Frejeneda, Frejenal, opuesta a la castellana Fresneda…, estos hechos inducen a creer que existe una notable coincidencia entre unas y otras hablas, explicable por un mismo origen y unos mismos principios evolutivos, proceso roto al extenderse el castellano por la geografía riojana.

Respecto a las coincidencias con el aragonés; entre otras, diptongación de o breve en (wá), en topónimos como Fuan, y la de o más yod en Pueyo, Ruella, la de e más yod en Barriviel; aspiración de f en Juan; disimulación de –rr- en –rd- en ejemplos tales como Albardán, Gabarda, sonorización de sorda tras continua; conservación de sordas intervocálicas en casos como Paretillas, Priorato; uso de topónimos como Cajigal, Fardacho, Fte. Siero, Plana, Ricial, Zaborra y palabras aragonesas como alcorza, aligas, arañón, escarrón, fardachón, mallo, etc.”.

Ya lo´n diz iste dito, qu´esprisa l´espezial binclo entre os lucarins d´a Ribera l´Ebro: “Aragoneses, navarros y riojanos, primos hermanos”.

Lardero (toponimo qu´esdebien d´o bocable nabarraragonés “LARDO”, promanán  d´o latín “LARDUM u LARDIUM”: ‘tozino blango d´o cuto´como sinonimo d´o saín d´o cochín, rilazionato con l´agundán gasto d´ista carne en o tradizional Chuebes Lardero, diya qu´escomenzipian as Garrastolendas, y con a importanzia que tenioron las suyas salazions en a puanda d´os romans) ye un monezipio situgau en o norte d´a Rioxa Meya, de 8.750 abitadors, á 438 mts. d´altaria y mugatizo con la capetal, Logroño, en seyendo lo cocollo urbán á menos de 5 kms.

02

Vista de Lardero. Ambiesta de Lardero.

En estar chunto á la capetal, a suya poblazión ye crexendo muito en as zagueras añatas, con nuabas zonas residenzials y muitas casas unifamillars.

03

Urbanización de Lardero. Urbanizazión de Lardero

Una d´as tradizions más tipicas de Lardero ye la fiasta d´os “Mayos”, que se i zilebra dende l´año 2000. Collas de ninos se´n achuntan en a plaza España con lurs “mayos”, feitos con un armau conico de cañas, refuerzatas con aros de barrica, forraus con fuellas de choplo y adornaus con flors, bandieras y postals.

Puarta á puarta os criallos en clicas arrecorren la localidá, prenzipiando con iste sonsonet: “Ha venido mayo, ha pasado abril, para que los niños salgan a pedir…”.

Ye costumbre que os bizins ausequien á la catrinalla con churizos, güegos, rosquiallas, ezetra. Si lis ie dan presens, lis n´agradexerán asinas:

Ya nos despedimos, de esta buena casa, que sean felices, y muchas gracias”.

Y si no lis ne dan, asinas:

Ya nos despedimos de esta mala casa, que tengan muchos hijos y pocas patatas”.

Autro costumbre ye “la danza del santo” en a onor de San Pietro y San Marzal. Lo grupo de danzas recuperó en fa cualques 30 añadas iste baile que se i fa lo 30 de chunio.

Tamién “la bendición del queso y el hojaldre”, costumbre que se´n arremunta ta lo sieglo XVIII, tamién recuperau fa poco -en 1997 puntosamén- cuan por fineza d´a Conflairía de San Marzial os larderans tastan os pastiellos de fuellatre, en a festibidá de San Antón de Padua.

Unautra tradizión i mantenida ye la de “los quintos”, orichinata en as dispididas d´amius á lo que lis tocaba marchar t´a mili, se i fa á metá de setiambre cuan os “quintos” -os chobens de 18 añadas- s´achuntan cada cabo semanata en as bodegas ta i zenar, tirar codetes y petardos, ezetra. (Fa ya 25 añatas de ra disparixión d´a mili obligatoria).

Á los de Lardero lis izen “Cigüeños”.

Nombran bels toponimos trucadizos: “La Rad, el Pallaro, Monte de la Pila, Cueva del Moro, Monte de la Coronilla, El Redal, Pico del Águila, Punta Malvid, Atayo”.

Á l´empieze d´o sieglo XI aparix por primer begata un lucar con o nome de “Ladrero”, que cuasi seguro que ye Lardero, en o fuer dau á Naxera por o rai nabarro D. Sancho el Mayor, emologato por Alfonso VI. Lo 1350 Lardero estió acorporato ta Logroño por tal de pribar lo suyo espoblamién. Lo 1645 tenió lo primer alcalde, anque no i podió portiar la bara dica lo 1678. Lo 1820 otenió lo tetulo de billa y se´n independizó de Logroño lo 1834.

A basilica de San Marzial ye adedicata á lo patrón d´a localidá y estió costruyita lo 1716;

04

Iglesia de San Marcial. Ilesia de San Marcial.

a ilesia parroquial de San Pietro prenzipión á fé-la en a primer metá d´o sieglo XVI. A frontera  ye d´o XVII.

05

Iglesia de San Pedro. Ilesia de San Pedro.

Aquí en Lardero pasan por casa de Óscar, lo chirmán de Migalánchel Martín, ta i dixar l´equipax, pos i serán estachers as dos proxemas nuaiz.

06

Oscar, hermano de M. Martín, con su mujer Marysol. Oscar, chirmán de M. Martín, con a suya muller Marysol.

07

Raquel, Pilar, madre de M. Martín y Oscar, con Oscar Felipe. Raquel, Pilar -mai de M.Martín y Oscar- con Oscar Zelipe

08

Oscar Felipe, sobrino de M. Martín. Oscar Zelipe, sobrín de M. Martín.

8a os dos chirmans  Martín con o fillo y sobrín Oscar Zelipe

Los dos hermanos Martín con el hijo y sobrino Oscar Felipe. Os dos chirmans Martín con o fillo y sobrín Oscar Zelipe

Ban á aprofeitar o resto d´o diya ta besitar bels lucars no guaire lueñes, en primeras: Daroca de Rioxa.

Daroca de Rioja (lo mesmo que Daroca de Zirigoza, d´o prerromán rilazionau con o bascón con sinificau de “arriu frido”, u de radiz prerromana dar-auca; u de radiz prezeltica d’r referita á “puesto altero” u “montaña” + o sufixo toponimico –occ: Dar-occa, entre autros parixers), ye una billa d´a Rioxa, situgata en o paco d´a Sierra de Moncalvillo, de 59 abitadors, á 716 mts. d´altaria y á 19 kms. de Logroño capetal.

09

Daroca de Rioja. de Rioxa.

Daroca de Rioxa ye arrigata por bels barrangos y mananzials, afluyens de l´arriu Daroca, u Mayor, que aboca en Ebro por a suya marguin dreita. L´arriu Daroca nax en a Sierra Moncalvillo y esnabesa por os terminos de Daroca de Rioxa, Medrano, Navarrete y Fuenmayor.

Á primers d´o s. XIII s´edeficó l´armita de San Lorenzo en a zona de “El Charco” y una begata á l´añada baxaban o Santo ta ra ilesia d´o lugar, do i remaniba dica lo 11 de setiambre que tornaba ta ra suya armita.

Lo 10 d´agosto se i zilebra la fiasta gran de San Lorenzo, con dos misas con lurs prosezions portiando lo santo por as carreras,  con l´abanguardia d´a colla de danzaires entrepetando unas danzas tipicas.

Mientres lo segundo cabosemana de nobiambre gosaban portiar en prosezión a imachen d´a Virgen del Patrocinio, ta i demandar plebidas. Agora, la Conflairía zilebra una chenta y autibidaz culturals.

Costumbres intresans qu´han teniu en Daroca de Rioxa son os siguiens:

A mozardalla ixiban á demandar “aguinaldos” un diya u dos antis d´a Nueigüena, i tocando zambombas, butellas d´anís buedas y almirez.

Cuan as boiras u nubles trayen periglo han á estar esconchuratos por  o mosen. Dende empezallos de mayo dica la replega d´a cullita, t´allá ta la fiasta d´a Cruz de setiambre, toz os diyas se toca á “tentenublo”.

Os biellos de Daroca de Rioxa remeran o sonsonet d´o tentenublo:

Tentenublo, biriburro, guarda el pan, guarda el vino, guarda los campos que están florecidos.”

Bels toponimos de Daroca de Rioxa: Castillo, El Acebo, El Chozón, El Tablón, La Espinilla, La Laguna, La Lleca, Los Pinos, Plana del Molino, Cabezo, La Cabañera, Parejón, Val”.

Antis d´o sieglo XI nomás yera un paxentero con parideras.

Ye conoxito en a Rioxa iste dito: “Cuando marzo tuerce el rabo no queda oveja con pelleja ni pastor enzamarrado”.

10

Iglesia de Daroca. Ilesia de Daroca.

Á partir d´o s. XII fizieron la ilesia d´o Patrocinio, cuaterneron la poblazión, asinas como la “Cofradía del Patrocinio”, que aduyaba á os  más amenisteraus.

Una begata farchau lo “padrón” empezipiau por María Daroca, de Medrano, i enanteron, antiparti d´a paxentadura, la labranza de guartas chunto l´arriu Daroca, con naxedero en a fuen “el Colorado” y chunto l´arriu Cabañas, con naxedero en “el Crucero”.

Daroca mientres la Edá Meya estió billa fuertificata y tenió castiello arabe, de ro que no´ndi quedan guaires repuis. Apertenexió á lo siñorío d´Almorabid, qui bendió en o s. XIV a billa y tiarras á lo conzello de Navarrete. Daroca de Rioxa consiguió la independenzia de Navarrete lo 1790. Como pertenexeba á lo partiu de Logroño dentró en a probinzia Burgos dica 1822, calendata en a que s´entegró finitibamén en a de Logroño.

En l´entrador d´o lugar, ta la dreita, b´ha un brendador con rustidors, fuen y taulas. Perfeuto ta i chintar acubillaus d´a caloraza que ye fendo, baxo la guambra d´uns arbols y chunto á un arrigatiello, y alcompañaus á ratez por una mosica bian plazentera.

11

Junto a un riachuelo. Chunto un arrigachuelo.

Dend´astí mesmo alufran la ilesia de Nuestra Señora del Patrocinio, fadrucata en sillería y ladriello con una nau de gualtas goticas. Construyita en o s. XVI y retraziata en o sieglo siguién. A imachen d´o Patrocinio ye barroca d´o XVII.

12

Iglesia de Daroca de Rioja. Ilesia de Daroca de Rioxa.

En os arredols d´o lugar ye l´armita de San Lorenzo, d´o sieglo XVII, rezienmén restaurata. Puesto tradizional d´acullita d´o santo, tresladau en romería ta la ilesia en agosto y ritornato en setiambre. San Lorenzo ye lo 10 d´agosto, con misas y prosezions alcompañatas de danzaires, como ya se´n ha debandito.

Dende Daroca de Rioxa marchan ta la localidá de Navarrete.

Navarrete (toponimo  qu´esdebiene de “Navarra” que promana d´o bocable prerromán “Nava”: “puesto padulenco”; autra teyoría ye que “Navarrete” se traduz en basco como “Puarta de Nabarra”) ye un monezipio de La Rioxa, situgau en as costeras d´o “Cerro Tedeón”, de cuasi 3.000 abitadors, á 512 mts. d´altaria y á 10 kms. de Logroño.

13

Vista de Navarrete. Ambiesta de Nabarrete.

Navarrete ye un lucar de tradizión chacobeya. Lo Camín esnabesa lo suyo casalar por a carrera Mayor Baja ta i continar por la Mayor Alta. Navarrete yera de pasata forzosa ta ros pelegrins, pos i eban fundato un Espital de San Chuan d´Acre -lo 1185- con la fin d´acullir y socorrer astí á ros pelegrins ta Sandiago.Se´n mantién lo porchegau d´estilo romanico, plantificau dende 1875  en l´entrador d´o fosal.

Ye remerato un chocán costumbre, mantenito dica ras añadas 40 d´o pasato sieglo: pregar ta que no i plebese. En a Tellería d´a familla Lerena, antis d´empezipiar lo triballo, arredolaban os emplegaus a tellería y con as ferramientas en man i pregaban izindo:  “La vida del tejero es aire y sol pero agua no”.

Entre as tradizions aztuals de Navarrete ye lo Belén Bibién, en do i partizipan más de zien nabarretans recreyando bels pasaches d´a Biblia,  y ra conserbanzia agún d´alfars do i fadrucan agún botexas, basillas y charras de bardo.

Tamién ye tipica ra zilebrazión de San Blas con os “bollos del santo” replenaus de churizo y zucrosos, bendezitos en a ilesia.

Mentan iste dito, asabelo sonato por istas calendatas:

Por San Blas la cigüeña verás.

si no la vieres, año de nieves

y si la vieres año de bienes”.

En un cabosemana de mayo se i atrapazia un intresán escaizimién solidario. Lo conzello y asoziazions de Navarrete atrazan autibidaz y tastes con a intinzión  d´endonar os esquimens, chunto con o 0´7 %  d´os contos de ro conzello, ta una ONG qu´adedique ros diners á un proyeuto cuentra ra pobreza.

A fiasta gran ye ra de “la Virgen y San Roque” (15 y 16 d´agosto).  Data de ro 1.300, cuan se correban toros y se troxaban pizcas entre os probes. Agora se i zilebra con muitos aztos comuns, berbenas y tastes.

14

Entre unas casas. Entre meyo lo casalar.

A fundazión de Navarrete ha rilazión con o deseyo d´os rais castellans d´esfender lur territorio cuentra los rainos bizins. Por ixo, lo rai Alfonso VIII proposó á ros abitadors de ras aldeyas d´a redolada -San Llorente, San Antolín, Ntra. Sra. del Prado y San Pedro-  á ros que se conoxeba como “Corcuetos”,  d´achuntá-sen en o castiello quillato en “Cerro Tedeón”, i fundando la nuaba billa de Navarrete.

Á ros abitadors d´ista nuaba poblazión lis atorgoron importans “Fueros” á partir de 1192.  Con as localidaz d´a redolada –Daroca, Fuenmayor, Hornos y Sotés- constimezioron una mancomunidá anomenata “Villas del Campo”, con dreitos en o mon de Moncalvillo, ya mentata en decumens d´ixe sieglo, lo primer d´a raina de Nabarra, Estefanía de Foix.

Estió chusmeso á las plaitinas entre os rais castellans y nabarros; lo 1380 quedó baxo cusiranza de ro Duque de Naxera.

S´apaseyan con guanacosa de calor chunto ta la ilesia de “la Asunción de María”, de trazas goticas, prenzipiata lo 1533 y rematata en o sieglo XVII, con a molimental torre suya d´estilo herreriano. Ha tres naus y un retaulo barroco.

15

Iglesia de la Asunción de Navarrete. Ilesia de la Asunción de Navarrete.

Continan nabesando por uns porches d´a carrera “Cal Nueva”,  

16

Calle Cal nueva de Navarrete. Carrera Cal nueva de Navarrete.

do beyen uns guambrosos y escuros “cocinos”

17

Techo celeste. Teito de ziel.

(astí sereban as taulas carnizeras publicas, que arrullaban os eschites ta un chiqued alcanduz).

18

Donde estaba la carnecería. Do yera estata ra carnezería.

Alufran casals de ros sieglos XVII y XVIII con contrimuestras d´enferretaus  en as finiestras y grans escutos.

19

Escudo de una casa de Navarrete. Escuto d´un casal de Nabarrete.

Continan camín discansando d´a caloraza bel ratico en Nájera, chus la mosquera d´uns arbols y chunto l´arriu Najerilla, mesmo M. Martín se i trasque un chelato.

20

Orilla del río Najerilla en Nájera. Marguin de l´arriu Naxeriella en Naxera.

Ista localidá, más que más os arredols d´o monesterio de Santa María la Real, la beyerán con más susiego á la tornata de ro biache t´Asturies, asinas qu´en comentarán respetibe á Naxera en un proxemo capetulo.

D´aquí se´n ban ta lo monesterio de Valvanera.

Anuncios