45. FITERO

Fitero (de lo bocable latín FICTORIUM: “fita”, “muga”, “mullón”) ye una billa situgata ta lo surgüeste de Nabarra, en a comarca d´a Ribera. En as marguins de l´arriu Alhama, ha 2.022 abitadors, ye á 421 mts. D´altaria y á 104 kms. d´a capetal, Pamplona. Lo suyo nome ye ligau á los arronzaders establimiens de baños bizins.

00 Mapa-de-Navarra

Mapa del valle del Ebro. – D´a Bal de l´Ebro.

B´ha un sonau dito en Fitero que diz:

Antes pasaría por ruedas de navajas que hacer eso”.

En amuestran bels motes eslexius de Fitero:

Alvardero, Amante, Andoli, Aragonés, Baldorro, Bandurria, Barda, Barrau, Batanera, Becha, Balu, Bendice, Bolay, Boliche, Caca, Cacula, Cagarto, Cagasartenes, Caique, Calchas, Capullo, Carambucho, Carloto, Casetas, Catachán, Cilio, Cocona, Colasillo, Coleto, Coscas, Cotón, Cuco, Cutín, Chanflones, Changarro, Changua, Chiri, Chochete, Chongo, Choto, Choya, Dios, Estrepa, Fite, Gacho, Gapita, Garapa, Gotio, Guancha,  Laco, Macuán, Madriles, Mangorra, Marieto, Monchón, Moña, Novielcas, Pancho, Parajotas, Pella, Perales, Pichacas, Pichagorda, Pichín, Pilinchín, Pinocho, Pucho, Puya, Regalada, Ronchas, Sastrica, Ungaro, Zamarro, Zangollas”.

02

Vista de Fitero. -Ambiesta de Fitero.

La semana gran de Fitero escomenzipia lo sabato siguién á lo diya 8 de setiambre. Son fiastas zilebratas en a onor d´a patrona, la “Virgen de la Barda”. Nueu diyas antis i enzetan la tradizional “Novena” á la Virgen de la Barda, do cantan os “gozos” á la birchen con gran delera. Ne b´ha güenacosa d´aztos adedicaus á lo común de la chen.

A bispra de l´Aszensión i fan la “ Romería del Barranco “.

Lo 15 de marzo i zilebran as fiastas de San Raimundo Abad.

Las fiastas “de la Juventud”, atrapaziadas por os quintos, se i fan lo primer cabosemana d´agosto.

10

Una puerta de entrada a la plaza de toros de Fitero. – Una puarta dentradera ta la plaza toros de Fitero.

A billa de Fitero yera antis más una billa romana, conoxita como “Tudillén”, á bels 3 kms. de l´aztual Fitero.

S´ha conserbau un decumén de 1073 en lo que lo rai Sancho IV de Nabarra truca con lo moro Al-Muqtadir Billah, de Zirigoza, lo castiello mozleme de Tudillén por lo crestián de Caparroso.

Como feito estorico cal mentar que lo 27 de chinero de lo 1151 chuscribieron Alfonso VII – rai de Leyón y Castiella e Imperator totius Hispaniae– y Remón Belenguer IV –conte de Barcelona y Prenzipe d’Aragón- lo sonau Tratau de Tudillén.

En ista pachería los siñataires deziden declarar la guerra á lo raino de Nabarra, por tal de troxá-lo-se-ne; pasando t’Aragón as plazas y territorios ta lo sur d’o Xúcar y lo dreito á conquerir os rainos mozlemes de Balenzia, Denia y Murzia, entre que la resta d’Al Andalus remaniba como aria d’estendilladura de Castiella-Leyón. As risultas d’iste Tratau no plegueron á esdebenir en lo respetibe á Nabarra, merzé á l’abelidenzia diplomatica d’o rai nabarro.

La costruzión d´un segundo monesterio en Fitero, ya finitibo, prenzipió lo 1179 y la ilesia suya estió consagrata lo 1247, merzé á l´aduya de l´arzebispe Rodrigo Ximénez de Rada.

03

Monasterio de Fitero (1). – Monesterio de Fitero.

Refunderon la billa de Tudillén á zaguers d´o sieglo XV, en seyendo lo taute l´abate d´o monesterio de Fitero.

A Edá Muderna i estió carazterizata por as continas plaitinas qu´enfrontineron á la billa con lo monesterio de Santa María la Real, qu´exerzeba lo siñorío d´a billa y de lo que no se´n esmuyó dica que los suyos monches no´n estieron forachitaus con la Ixamortizazión de 1836.

Mentan como cosa chocán lo que diz que gosó escaizir entre l´abate de Fitero y lo churato gran de Tarazona:

Se disputaban Fitero y Tarazona la propiedad de unas tierras, y el abad envió una carta a Tarazona esgrimiendo sus títulos de propiedad. Al término de la misma estampó su firma como era costumbre: ABBAS FITERUM (el abad de Fitero). El alcalde de Tarazona le respondió que no iban a renunciar a las tierras y su escaso conocimiento del latín le indujo a pensar que era un elogio comparativo de las “habas de Fitero”, por lo que rubricó su carta con la contundente frase: “P’a judías las de Tarazona”.

Lo monesterio de Fitero lo funderon lo 1140 y estió lo primer zenobio zistelziense costruyiu en a Peninsula Iberica.

04

Monasterio de Fitero (2). – Monesterio de Fitero.

Lo primer abate de Fitero, San Raimundo, yera lo fundador d´a orden melitar de Calatrava (1158), por aquelas engüeltas lo lucar yera luen d´o monesterio, pero en lo s. XV repobleron la billa ta engrandar la esfensa d´o territorio y as nuabas casas s´edefiqueron en os arredols d´a badía. L´abate desinaba alcalde, rechidors y autros cargos; os bizins preberon de fundar lo 1663 una nuaba localidá clamata “Villa Real”. Os monches lo empacheron y bi´n abió de rebolizios y pillas, dica que con a Ixamortizazión de 1836 Fiteró aconsiguió d´esmuyí-se-ne de lo monesterio. L´antiga gospedería monchil ye acupata por lo Conzello, as cambras d´os monches son agora residenzia d´os biellos de lo luca, lo refetorio, Casa de Cultura y zine, y a biblioteca y a cozina son esdebenitas museyo.

05

Monasterio de Fitero (3). – Monesterio de Fitero.

Besitan lo monesterio, alfaya arquiteitonica d´a Edá Meya, enamplau mientres os sieglos XVI y XVII.

06

Monasterio de Fitero (4). – Monesterio de Fitero.

Á la puanda meyebal (s. XII y XIII) apertenexen lo temple abazial y la sala capetular costruyida lo 1247, asinas como repuis d´os dormitorios y refetorio. A ilesia abazial ye una d´as más siñaleras d´a orden de lo Zistel en Uropa; de cruz latina con tres naus, capitero de chiruala y zingo capiellas.

07

Monasterio de Fitero (5). – Monesterio de Fitero.

Lo claustro ye renaxentista de planda cuadrata. Autras dependenzias son lo dormituero nuabo de zaguers d´o s. XVI y la biblioteca d´enta lo 1614.

08

Monasterio de Fitero (6). – Monesterio de Fitero.

As alfayas de lo monesterio: piazas d´orfadrería, coronas, sacres, calizes y costodias. Tamién son importans lo brazo relicario de San Raimundo, una arqueta d´ebuar de lo 966 -pertocán á la puanda califal- y lo relicario de San Blas d´o s. XIII.

09

Monasterio de Fitero (7). – Monesterio de Fitero.

En rematar la cursa por lo monesterio de Fitero, se´n tornan ta Zirigoza (112 kms.).

11

A la salida de Fitero, vista del Moncayo. –  Ambiesta de lo Moncayo á la ixita de Fitero.

RESUMINDO: Ye estato un biache espeitacular, con un orache que por un regular lis i ha feito guana ondra. Puéstar que seiga estata la cursa más pleniza desembolicata dica d’agora difuara d´Aragón.  Han conoxito ros naxeders de l´arriu Ebro y d´o Canal Imperial d´Aragón, han besitato cualques comunaldaz autonomas, probinzias y zidaz y lucars esconoxitos. Y qué izir de ros diferians y repolitos paisaxes, andipardi con majismas escorsas !!. Asabelo de goyosos.

Anuncios