4. MILAGRO

25-VI-2.012. Milagro  (d´o latín “Miraculum”: talaya, miralgüén; tamién podreba rilazioná-se con o bocable aragonés “Mirallo” u “Miral”: balcón, miralgüen u espiello) ye una billa d´a Comunidá Foral de Nabarra en a merindá d´Olite, comarca d´a Ribera Arga-Aragón; en a bal de l´Ebro, en a corona d´un tozalico, en a marguin dreita de l´arriu Aragón y á 1´5 kms. d´a suya abocadura en Ebro; con 3.378 abitadors, á  295 mts. d´altaria y á 80 kms. de Pamplona.

00

Mapa de Nabarra. Mapa de Nabarra.

01

Vista de Milagro. De Miraglo l´ambiesta.

As fiastas grans de Miraglo  son adedicatas á San Blas, á primers de febrer, con la tradizional  fogatera popular  do i controxan nucas, figos, bin y o roscón de San Blas; y curiosamén tamién o primer dominche de setiambre, con baquiella, chalangas y festelladura de ro diya d´o nino, d´a muller y d´o güelo.

Refieren as siguiens tradizions:

“En determinado día se daba suelta por las calles a un gorrín o cerdito que era llamado “de la Virgen”. Previamente, se le ponía un collar y se le recortaba una oreja para que fuese reconocido. De junio a febrero recorría libremente las calles hospedándose en la última casa donde le cogía la noche. Engordaba rápidamente, ya que todos los vecinos lo regalaban con los mejores piensos hasta el día en que era rifado, quedando los ingresos libres para el culto a la Virgen del Patrocinio”.

¿De dónde eres? –De Milagro. Y autras begatas: ¿De dónde eres? – De Milagrico.

02

Escudo de Milagro. Escuto de Miraglo.

Os de Milagro fardan de i criyar as millors ziresas de Nabarra.

Por ixo si li preguntan á uno de Milagro ¿de dónde eres? en o tiampo d´ixa fruita, iz que i respón tó argulloso: ¡De Milagro! Y la resta de l´añada, umilmén: de Milagrico.

A os de Milagro lis izen “los Botijos”, (“el que no se va, rezuma”).

Autros ditos conoxitos por la redolada:

“Erga, Arga y Aragón hacen al Ebro varón”.

“Aragoneses y navarros, en cuanto a tercos, primos hermanos”.

O mayestro d´Arguedas á l´empieze d´o sieglo XX, Pedro Lino Munárriz y Velasco, se´n escurrió istos bersez rilazionaus con l´arriu Aragón qu´amostraba á ros escolans d´él: “El Aragón cuyo origen / está en los montes de Jaca, / rápido va por Sangüesa / y hacia la Ribera avanza.

Penetra por Catarroso / y huertos de Villafranca, / y en los campos de Milagro / se incorpora con el Arga.

Y con su caudal doblado / sigue adelante su marcha, / alcanzando luego al Ebro, / con el cual mezcla sus aguas.”

03

Río Aragón a su paso por Milagro. L´Aragón en pasar por Miraglo.

D´a debanmentada pachina güeb “Toponimia Oficial de Navarra”, en trigan bels toponimos chocans referius á Miraglo:

“Almacén del Galo, Badina, Cañoclar, La Carreraza, Castillazo, El Escorredero, La Facería, Milagro (Miraglo en 1229), Mora, Rasocorral, Sarramián, El Cañamar, Las Sardas”.

Lo 1098 lo rai Pietro I ordinó fuertificar la talaya p´aguaitar la Ribera tudelana, allora agún mozleme.

La localidá estió lo cocollo d´una tenenzia en o sieglo XII.

La suya ilesia, ascrita á la badía de Mondaragón, estió ritornata por o rai Garzía Remírez (1137) ta la mitra de Pamplona.

Sancho VII lo Fuerte atorgó lo 1197 á los Espitalaires de San Chuan de Cherusalén lo monopolio d´o trafico flubial en a cursa d´Ebro entre Azagra y Miraglo.

Como billa de reyalengo apocaba lo 1280 una peita añal de 900 sueldos.

Lo prenzipe Carlos de Viana atorgó lo siñorío d´a billa lo 1446 á Juan de Beaumont, pero la prenzesa Lionor la rentegró pa cutio ta lo patrimonio d´a corona nabarra, lo 1472.

Mientres la guerra d´a Independenzia, en a redolada de l´abocadero de l´arriu Aragón en l’Ebro se i situgueron as tropas d´o marescal Bon Adrien Jeannot de Moncey en a Batalla de Tudela, en a que ras tropas españolas  i estieron escobatas por fuarzas franzesas lo 23 de nobiambre de 1808, ubrindo-lis lo camín ta la prenida de Zirigoza zaga lo segundo de ros Asities d´a capetal de l´Ebro.

04

Ermita de la Virgen del Patrocinio. Armita de la Virgen del Patrocinio.

Nabesando por Milagro arriban en la gran armita d´a “Virgen del Patrocinio”,

05

Fachada de la Basílica. Frontera d´a Basilica.

patrona d´a billa, de metá d´o sieglo XVII, barroca pero asabelo retraziada.

06

Ermita y al fondo iglesia de Milagro. Armita y, ta ro fundo, ra ilesia de Miraglo.

Cada nobiambre la Birchen ye menata ta la ilesia parroquial gotico-renaxentista de “los Abades”, costruyita de 1581 ta debán, do se i zilebra la nobena en a suya onor.

07

Iglesia de los Abades. Ilesia de los Abades.

Lo dominche siguién ye ritornata de nuabas ta l´armita.

Alufran un repoliu casal-palaz d´o sieglo XIX, anomenato “el Montecillo”, con  l´escuto linachudo pertocán.

08

Casa palacio en Milagro. Casal-palaz en Miraglo.

Marchando ta lo cabalto d´a billa nabesan por os ronals d´a talaya,

09

Atalaya entre los pinos. Aguaitadero de Miraglo.

güé acupata por zicuañas,

10

Cigüeñas en la atalaya de Milagro. Zicuañas en l´aguaitadero de Miraglo.

y se´n ban amanando ta un miralgüén dende do alufran as majizas ambiestas de salzars, chopleras y guartas por la bal y, más abaxo, l´arriu Aragón.

11

El río Aragón desde la atalaya de Milagro. L´Aragón dende l´aguaitadero de Miraglo.

Continan enta lo siguién destín, Azagra (14 kms.).

Anuncios