39. TUDELA

4-7-2012. Tornan ya ta Zirigoza, besitando en primeras Tudela y “El Bocal”, rancadero de ro Canal Imperial d´Aragón.

01

Mapa del valle del Ebro.– Mapa de la bal de l´Ebro.

02

Mapa físico del valle. — Mapa fesica de la bal.

Tudela (de ro bocable latín “Tutela”, referén á la dibinidá romana d´ixe nome) ye un monezipio situgato ta lo sur de Nabarra, en as marguins d´Ebro chusto en a compleganza de l´arriu Queiles, pertenexién á la comarca nabarra d´a Ribera Tudelana; ha 35.388 abitadors, ye á 264 mts. d´altaria y á 94 kms. d´a capetal, Pamplona.

03

Vista de los alrededores de la catedral de Tudela.– Ambiesta d´os arredols.

O clima ye mediterranio y lo paisax d´esteperas y secanizos.

04

Plaza de los Fueros.– de los Fuers.

A economía de Tudela ye más que más agricola, pero con más y más industria y torismo. Un de ros terrens más agundosos de Nabarra ta lo cautibo d´ortalizias -do b´ha tamién cambos de plazer- ye la Mejana de Santa Cruz (bocable arabe que sinifica: “isla atrazata por l´arriu”; autros esfienden que promana de ro latín: mediana y aragonés: meyana).

05

Pimientos rojos secándose en el balcón.– Pimiens royos axutando-sen en la balconeta.

L´escuto de Tudela contién un puen coronato por 3 tors, tres zicuañas, baxo lo que corre l´Ebro y 3 peches “sollos” (estruchons) que, seguntes lo Fuer, se i pexcaban en Ebro.

06

Escudo de Tudela. — Escuto de Tudela.

En Tudela gosan gastar muitos ditos, mazadas y esprisions, encontinén en amuestran beluns:

“Más estrecho que el gato de la Tarranca”.

“Vega por vega, la del Moncayo a Tudela”.

“¡Déjale al muete que unte!

“Santo Cristo, un capucete y me visto. Santo Tomás, un capucete y no nado más”. (á lo que se´n capuzan en Ebro)

“Arbolicos de ciminicera; esos se saltan de esta manera”.

“Deja que llueva hasta que llegue el agua al cerrojo de Santa Quiteria”.

“Santanica, Santanica; que me encuentre una cosica”.

“La vuelta de la “Huevoduro”: ir por la carrera y volver por el muro”.

“Dió más vueltas que un triquitraque, que un molinillo, que una veleta aceitada, que una campana bandeadera, que un rodete, que un volatín”.

“Se puso como un Nazareno, como un Cristo, como un Ecce-Homo”.

“Como un cipotero”.

“Habla más que la Parrica”.

“Más serio que un plato de habas, más serio que el escaparate de Jadraque, más negro que el culo de un caldero boca abajo, que un zapato, que un carrapuchete”.

“Fulano es un piojico resucitado”.

“Es más difícil que ponerle ventosas a un cesto”.

“Más viejo que el puente de Tudela”.

“A socarrina huele, el que se queme, que se amuele”.

“Afloja, que ése es de Tudela”.

“Agüelico churrapé, qué guapito que está usté”.

“Ay, qué moler de pementones”.

“Con esas campanas te entierren”.

“Ése es como el caballo de Cabila, que era muy manso hasta que le tocaban la bolsa”.

“Ése es de los de la Manta”.

“¿Ha sabido? (¿has comido?)”.

“Paso … el culo por un bardal”.

“Que si quieres, cogerás de mi huerto los cascabeles”.

“Santa Ana, mengüete, si no, capucete”.

“La mujer que no tiene quien la corteje, se le pone la cara como a un hereje”.

“Santo Cristo; un capucete y me visto. Santo Tomás; un capucete y no nado más”

“Yo soy el Ebro, que todas las aguas bebo; si no es a Duero, que no le veo; o a Tajo, que no le alcanzo; y a Guadalquivir, que nunca le vi; y al Guadiana, que se va por tierra llana”.

07

Una de las torres de la catedral.– Una d´as tors.

08

Arquitectura tradicional.– Arquiteitura tradizional.

09

Una antigua y alta casa. — Antigo y altero casal.

Como costumbres risaltables i son: “El Volatín” y “la Bajada del Ángel”.

En Semana Santa endi espleitan d´istos dos aztos tradizionals, declaraus “Fiestas de Interés Turístico Nacional”:

“El Volatín” se i zilebra lo diya d´antis á lo de Pascua, cuan ripresientan con un moñaco a enforcadura de Chudas por a suya traiduría.

“La Bajada del Ángel” la i fan o diya de Pascua: un nino u nina bestiu d´anchel buela sopre ra plaza asochetau con ligantons, dica que plega ta la Birchen y li quita lo belo de luto, nunziando la rebilcata d´o fillo d´ela.

Como curiosidá mentar l´esturraz que chuniba Tudela y Tarazona, dende 1885 dica 1972, que l´iziban l´“Escachamatas”; agora ye una Biya Berda de 22 kms. nabesadera por a bal de l´arriu Queiles: lo “Tarazonica”.

As fiastas grans de Santa Ana son de lo 24 ta lo 30 de chulio, con danzes, chigans, encletaus y la Xota de Tudela, entre autros aztos.

Lo 29 de chunio (San Pietro) son as fiastas d´o Bico Biello; lo más siñalero ye la tradizional chera do i sucarran á “Don Cierzo”.

Respetibe á romerías, la “del Cristo” se i zilebra lo 3 de mayo; marchan ta l´armita de lo Cristo dende 1734, plantificada baxo lo tozal de Santa Barbara en a marguin dreita d´Ebro. I minchan la “culeca” (bollo dolz con un güego cueto por aintro).

Muitos tudelans son adebotaus á “Nuestra Señora de la Muela”, benerata en do seguntes a tradizión aparixió la fegura d´a Santa Cruz flotando por Ebro, denzima d´una ruata de molín. Lo mesmo la imachen que lo “flotador” atureron á canto l´armita d´a Santa Cruz, espuntando qu´astí yera do la Birchen quereba seyer adorata. L´armita Santa Cruz de Tudela ye situgada en os arredols d´a zidá, y antis más estió l´antigo monesterio de “Nuestra Señora in Silva”.

Autra creyenzia enradigata en a Ribera, y más que más en Tudela, ye ra esistenzia d´un pasador chus d´Ebro, fadrucato por as nueis por os chodigos locals. L´oxeto en yera d´esmuyí-sen d´a lezda de pontax, apocadera cada begata que cruziaban l´arriu por lo biello puen román, ta enfilar enta lurs fiziendas.

10

Fachada de un convento.– Frontera d´un combén.

Lo que no ye liyenda, sino pura estoria tudelana ye ra esistenzia d´un tunel que cubillaba lo cauz de l´arriu Mediavilla, que l´iziban “El Escuraño”, seguntes refiere mañificamén Felipe Tajafuerte –con sucosas alcordanzas mueteriles (de mozé)- en o suyo blog “Desde mi mejana”:

http://www.desdemimejana.es/2011/02/el-escurano.html

Tudela estió fundata por os romans. Conquiesta lo 716 por os mozlemes, l´Ebro estió dezisibo ta que i fesen una gran zidá, i plantifiqueron una puen sopre l´Ebro – a unica entre Logroño y Zirigoza-, murallas que dureron dica en fa 150 añatas y tiarras agundosas de regano. Baxo lo dominio mozleme esdebinió Taifa, u seiga, raino sindependién, y gran mercato.

12

El rey del Ebro. — Lo rai de l´Ebro.

Poco dimpués d´a reconquiesta de Zirigoza lo 1118, l´escaizió lo mesmo á Tudela con as tropas crestianas d´o rai aragonés Alifonso I lo Batallero, lo 25 de febrer de 1119.

Alifonso I nombró Tudela capeza de merindá y l´atorgó los fuers de Naxera, Sobrarbe y Zirigoza, inclusibe lo Prebilechio d´o Tortum per tortum. Lo 1127 gosó emamplá-se lo prebilechio con l´atorganzia de lo fuer nopiliar de los infanzons d´o rai, conteniu en o fuer de Zirigoza que, asinasmesmo, yera alazetato en o Fuer de Chaca. Con o refirme d´ista ampla autonomía ixos fuers plegarán á esdebenir lo sieglo XIII en un “Fuero estenso de Tudela”, redatau en romanz por churistas que i replegan en más de tresziens capetulos as estituzions d´a localidá, con esclatera influyenzia aragonesa promanán de ros prebilechios orichinals.

Á lo que fenex Alifonso I, Tudela se´n acorpora ta lo raino de Pamplona.

11

El río Ebro a su paso por Tudela.– l´arriu Ebro  nabesando por Tudela.

Os monarcas de lo raino de Pamplona/Nabarra alterneron lur siede entre Pamplona y Tudela. Lo monarca más embrecau con Tudela estió lo rai Sancho VII lo Fuert (1192-1234), naxió y espritó en Tudela, luitó en la baralla d´as Navas de Tolosa en 1212, de conchunta con os rais Alfonso VIII de Castiella y Pietro II d´Aragón. Tudela esdebinió la billa más poblata d´o raino.

En Tudela se´n apacheron durán bels sieglos as colturas crestiana, chodiga y mozleme, cadaguna con lurs riedos, usaches y ritos apropios, y en bicos diferiens. De por istas engüeltas ye lo sonau chodigo Benchamín de Tudela (1127-1175), un chocán biacher que trachinó por lo Mediterranio dica ta par d´Orién Proxemo.

46

Rótulo del barrio. — Retulo de lo bico.

Lo 1379 lo rai de Castiella Enrique II se´n emparó de Tudela, pero tornó ta Nabarra lo 1380. Estió acupata por os franchuz lo 1521 y represa poco dimpués por Carlons V.

La cursa toristenca por Tudela lis mena por a Plaza de Los Fueros, u Plaza Nueva, de ro s. XVII y sopre l´arriu Queiles, la chema d´o güego por allora.

13

M. Pérez y M. Martín en la plaza de los Fueros de Tudela.– Migalánchel Pérez y Migalánchel Martín en la plaza de los Fuers.

14

Vista de la plaza de los Fueros.– Ambiesta d´a plaza de los Fuers.

15

Desde un arco, la plaza de los Fueros.– Dende una arcada.

En plenero Bico Biello s´alcuentran la Casa la Zidá y la impresionán Catedral.

16

Edificio renacentista.– Edefizio renaxentista.

17

Dos torres de la catedral.– Dos tors d´a catedral.

18

Torre mudéjar de la catedral.– Tor mudexar d´a catedral.

19

Vista lateral de la entrada a a la catedral.– Ambiesta de bislay de l´entrador ta la catedral.

Sopre os repuis d´a mezquita i fadruqueron a colechiata de Santa María la Blanca, embullita d´o Zistel y esdebenita Catedral lo 1783. Ha tres portaladas; la más siñalera ye l´anomenata “Puerta del Juicio” con arcata apundata, arquigualtas y a tematica d´as dobelas: eszenas de lo Chenesis, rebilcadura de ros muarz, bianbenturatos y condenatos en o diya d´o Chudizio Zaguero.

20

Portalada de la catedral.

21

Portalada de la catedral.

22

Portalada de la catedral.

L´arte gotico ye en o sepulcre d´o Canciller Villaespesa y en os retaulos de la Esperanza y de Santa Catalina. A renaxenzia y o manierismo aparixen en a capialla de San Pedro y en o retaulo de San Martín, tamién en os dos frescos, en o trescoro y en o Chudizio Zaguero; y en a capiella de Nuestra Señora de la Esperanza se i mantien un retaulo d´o s. XV de lo pintaire zirigozano Bonanat Zaortiga.

23

Retablo de San Martín.– Retaulo de San Martín.

24

Talla policromada. — Entretalla policromata.

25

Retablo de un pintor zaragozano. — Retaulo d´un pintaire. zirigozano.

De lo s. XVII son a Sagristía y Sala Capetular, amás d´a torre Nueva.

26

Preciosa escultura en la catedral. — Sobrepolida escoltura en a catedral.

27

De lo s. XVIII datan as capiellas barrocas d´o Espíritu Santo y de Santa Ana, patrona de Tudela. Lo Retaulo Mayor ye d´estilo ispanoflamengo, en sobrixindo la escoltura romanica policromata “Virgen Blanca” de lo s. XII.

28

La escultura “Virgen Blanca” en el retablo. — Ixa escoltura en o retaulo.

29

La escultura “Virgen Blanca” en el retablo. — Ixa escoltura en o retaulo.

30

La “Virgen Blanca” .

31

Techo barroco.– Teitumen barroca.

32

Santiago apóstol.– San Chaime apostol.

Á nabés de lo claustro romanico se´n dentra ta lo Palacio Decanal u Casa del Deán, agora adedicau á museyo.

34

Claustro de la catedral.

35

Detalle del claustro. — De lo claustro.

36

El claustro, al fondo torre de la catedral.– Lo claustro, ta lo fundo la tor d´a catedral.

La costruzión d´iste palaz ye d´o 1477. Lo Deán Don Pedro de Villalón, enampló lo palaz lo 1515 t´alox de rais y Papas á lo que pasaban por Tudela. Os capitiellos han eszenas de l´Antigo Testamén y de ra bita de Chesús. En a capiella mudexar de San Dionís i almiran decumens ebreyos, lampas y una reproduzión de “La Manta”, zenso de chodigos tudelans combersos d´o s. XVII.

33

Censo de judíos conversos.– Zenso de chodigos combersos.

En o museyo amuestran tamién repuis arquioloxicos islamicos y crestians, orfebrería, imachinería relichiosa, retaulos, bestimentas liturchicas y penturas.

37

Virgen policromada restaurada.– Birchen policromata esbiellata.

38

Cuadro bosquiano.

En Tudela agún b´ha bels palazes zebils renaxentistas y barrocos, os más intresans son lo d´o Marqués de San Adrián, d´o s. XVI, a Casa del Almirante, muito retraziato, lo d´o Marqués de Huarte, de lo s. XVIII, a casa d´Ibáñez Luna, de lo s. XVII y lo Casal-Palaz de los Beráiz.

39

Palacio del marqués de Huarte.– Palaz de lo marqués de Guarte.

45

Impresionante fachada de un palacio de Tudela.– Percutidera frontera d´un palaz de Tudela.

Antimás d´a Catedral Tudela en ha d´ilesias remarcables, como la d´a Magdalena, de lo s. XII, molimén nazional con tor campanal romanica, portalada prenzipal con eszenas d´o Nuabo Testamén, animals mitolochicos y elemens bechetals;

44

Iglesia de la Magdalena.– Ilesia de la Madalena.

a de San Nicolás con o timpano d´a portalada romanica y os dos leyons denzima; y San Jorge el Real, qu´estió referén d´ilesias chesuitas en a peninsula; en os aintros i risaltan bels lienzos de Vicente Berdusán. En zagueras, a ilesia de la Enseñanza de la Compañía de María, un de ros millors exemplos d´o barroco relichioso.

40

Iglesia San Jorge el Real. — Ilesia.

41

Un edificio de Tudela. Un edifizio de Tudela

42

Otra vista del convento e iglesia de San Jorge el Real.– Unautra ambiesta d´ixe combén e ilesia.

43

Bonita y antigua casa.– Poliu y biello casal.

Se´n promenan por l´antigo bico chodigo, güé acupato por as carreras Plaza de la Judería, Hortelanos, Fuente del Obispo y Benjamín de Tudela, entre autras. Os edefizios carauterísticos i son casas estreitas y alteras d´adoba u rechola. As fronteras remataban en rafes dentaus mudexarizans.

47

Antigua calle judía.– Antiga carrera chodiga.

48

Fachada de un palacio renacentista.– Frontera d´un palaz d´a renaxenzia.

49

Torre tipo mudéjar.– Tor  retrayida ta mudexar.

50

Edificios altos y muy antiguos.– Edefizios alters y asabelo biellizos.

Autro puesto intresán como miralgüén d´a zidá ye la Torre Monreal, feita seguntes a tradizión en o s. IX, á lo que fuertificaban os mozlemes a zidá.

51

Vista de la catedral con sus torres.– Ambiesta d´a catedral y as suyas tors.

52

Vista hacia Tudela.– Ambiesta enta Tudela.

53

La torre Monreal.– La tor Monrial.

54

Vista de Tudela desde la Torre Monreal. — Ambiesta de Tudela dende la tor Monrial.

L´autro miral enta Tudela, l´Ebro y as Bardenas ye dende lo “Sagrado Corazón de Jesús”, molimén plantificau en do yera l´antigo castiello de Santa Barbara.

Rematan la besita de Tudela gambadiando por lo Paseo del Prado, en o beral d´Ebro, y por a puen d´orichen meyebal de dezisiet gúellos. Estió coronato por tres torretons que son os que feguran en l´escuto d´a zidá.

55

M. Martín y M. Pérez junto al río Ebro a su paso por Tudela.– Chunto l´Ebro á lo que nabesa por Tudela.

56

El Ebro  a su paso por Tudela.– L´Ebro á lo que pasa por Tudela.

57

El Ebro  a su paso por Tudela.– L´Ebro á lo que pasa por Tudela.

58

El Ebro  a su paso por Tudela.– L´Ebro á lo que pasa por Tudela.

59

El Ebro  a su paso por Tudela.– L´Ebro á lo que pasa por Tudela.

60

El Ebro y la catedral de Tudela.– l´Ebro y la catedral de Tudela.

Anuncios