38. MATUTE

Matute (posiblemén dorichen arabe MAQTÛT: “puasto u mon retallato”) ye un monezipio situgato en a chuscomarca de l´Alto Naxeriella u Sierra rioxana, en o pedero d´a Sierra de la Demanda ozidental, en o cordelerico constimeso por antigos “Montes Distercios”, güé “Redonda y Valvanera”, ta lo surgüeste d´a Rioxa; ha 109 abitadors, ye á 682 mts. d´altaria y á 41 kms. d´a capetal, Logroño.

Ha tres arrius: lo Naxeriella, lo suyo fillero Tobía y lo Rigüelos u Matute.

As fiastas grans de San Quirico, u San Quiles, y Santa Julita se i zilebran o 16 y 17 de chunio. A bispra puyan en romería dica l´armita, portiando lo santo en una alforcha “para que vea a su madre”. A meya tardi en ritornan, dixando lo santo en a parroquia. D´antis más en a romería i feban un bailote ritual danzaire, con un cachibirrio que li cantaba coplas como ístas:

San Quirico es pequeñito / pero hace milagros grandes; / tampoco los que le danzan / son mozos, sino chavales.

San Quirico, San Quirico / que encima del monte estás, / por mucho que medre el río / los pies no te mojarás.

Este santo, San Quirico, / de Matute es el patrón / como símbolo de un pueblo / que rechaza la opresión”.

01

Vista del pueblo de Matute. — Ambiesta de ro lucar de Matute.

As chens de Matute tamién ban ta lo Monesterio de Valvanera ta i benerar la suya imachen. Lo tradizional yera yir á piet, inclusibe chintando en a mallata de Campo las Brujas. Lo ritorno en autobús, aturando á brendar en a Fuente de la Autana y cantando canzions como iste inno á la Birchen:

“Viva la Virgen de Valvanera, / que en nuestro pueblo tiene su altar, / y reine siempre triunfante Cristo / en nuestro pueblo noble y leal”.

Pa rematar, a “Fiesta de Gracias” u “la Virgen de la Concepción”, fiasta ludica que i fan o zaguer cabosemana d´agosto, que la suya imachen ba y torna en prosezión ta l´armita suya, alcompañata por unas danzaderas con cachibirria, que canta ista copla:

Virgen de la Concepción, / virgen gloriosa y bendita, / con mucha fe y devoción / te llevamos a tu ermita”.

Dimpués en a plaza i executan uns palotiaus anomenatos “troqueaos”.

O segundo diya, de tardis, chugan lo tradizional chuego de pastors anomenato “la Huta”, do posan unas monetas denzima d´unas fustas conicas chuñitas por as pundas, prebando de batí-las con dos chapas que chitan dende una longaria d´onze mts. Gana qui las dixa más zerquica d´as monetas.

Matute naxió en o sieglo XI con a monarquía nabarra de ros Ximena u Abarca, recién plantificada en Naxera zaga la reconquiesta á ros mozlemes, a referenzia escrita más antiga en ye en o cartulario de San Millán de la Cogolla.

Os primers repobladors de Matute, mezclallo de foranos, antigos indichenas berons e ispanorromans, disposarán de fuers y dreitos suyizos.

Os rais afaborixen a repoblanzia con atorgues y de precurando-sen as fabors eglesiasticas, indizcando la creyazión de monesterios (Sta. María de Certún, San Cristóbal de Tobía), ilesias (S. Román, S. Miguel) y armitas (S. Andrés de la Peñuela, S. Quirico).

Penderá de ro monesterio de San Millán d´a Cocolla, dica qu´en o s. XII s´entrecambeyen con Valvanera lo monesterio de San Cristóbal de Tobía, dica lo sieglo XIV.

Unatro monesterio con enfluyenzia yera Santa María de Cañas, que rezebió d´o rai Alfonso X en 1256 a billa de Matute. En o s. XV un prebilechio d´Enrique IV, emologato dimpués por os Rais Catolicos, atorgó á Matute a sindependenzia churisdizional.

Á canto d´a ilesia parroquial de San Román -sieglo XVI- charran con un bizín de Matute, D. Pedro Corral, qui ba á cumplir as 85 añatas. Muito aimable, lis refiere bels datos chiograficos d´a redolada:

02

M. Pérez con D. Pedro Corral en la iglesia de San Román de Matute. — En a ilesia de San Román de Matute.

03

M. Martín con D. Pedro Corral en la iglesia de San Román de Matute. — En a ilesia de San Román de Matute.

Después del Salto y Cueva Negra está el Arroyo Rigüelos que viene de Las Frádigas, Agua la Tobera y Manzanar. El río Manzanar y Las Frádigas en Antuñán se unen para formar el Rigüelos. El río Tobía viene del Pico la Rioja- el monte más alto de Matute-, concretamente nace en la Fuente del Oro. Pancrudo está en la falda de San Lorenzo. A la piedra Tobía que ven delante le dicen “Mallos de Matute” o “Peña Alba”, en el arroyo Tobía que es afluente del Najerilla, y al monte donde bajan los Rigüelos; tamién nombra os toponimos: Serradero, Los Cogotes, Zertún, Pontusana y río Calamontío”.

Marchan á fer a escorsetica de ra “Senda del Salto del Agua”.

ESCORSETA TA “LA SENDA DEL SALTOLAGUA”

Longaria: 3 kms. d´ita y tornata

Durata: 1 ora.

Dificultá: chiqueta de tod y sin d´eslibel remarcable.

 

O sender se´n adintra en un barrango qu´esnabesa por o mondañal rocazer entre Tobía y Anguiano. Bi ha dos paisaches esferenziatos: os mallos de mallacán y as paquizas de ros barrangos.

 

A cursa empezipia á la ixita de ro lucar, chunto ras Peñas u Mallos de Matute, siede d´un chiqued güeitramen.

04

M. Pérez en los Mallos de Matute. — En os mallos de Matute.

05

M. Martín en los Mallos de Matute. — En os mallos de Matute.

Arrecorren o camín á plazeretas abanzando por o barrango de l´arrigachuelo Rigüelo, parache de chocán cuentraste entre as colors tiarrosas d´as rochas y a berdura de ra paquiza con agundans felecars. Chunto l´arrigallo i beyen choplos, salzes, fraxins y autros arbols y matullos, dica plegar en un saldico d´augua d´o parax conoxito como  “Fuente de la Salud”.

06

M. Pérez en la excursión por la senda del “Salto del Agua”. — En a escorsa por o sender d´o “Saltolagua”.

07

M. Martín en la excursión por la senda del “Salto del Agua”. — En a escorsa por o sender d´o “Saltolagua”.

08

M. Pérez en la excursión por la senda del “Salto del Agua”. — En a escorsa por o sender d´o “Saltolagua”.

09

M. Martín en la excursión por la senda del “Salto del Agua”. — En a escorsa por o sender d´o “Saltolagua”.

10

M. Pérez en la excursión por la senda del “Salto del Agua”. — En a escorsa por o sender d´o “Saltolagua”.

11

M. Pérez en la excursión por la senda del “Salto del Agua”. — En a escorsa por o sender d´o “Saltolagua”.

12

M. Martín en la excursión por la senda del “Salto del Agua”. — En a escorsa por o sender d´o “Saltolagua”.

13

Cascada de agua. — Un saldo l´augua.

Rematan o luango y bian escurruchato diya indo de nuabas ta Lardero, dimpués d´istos diyas por o norde peninsular. Zenan y aduermen en casa d´Oscar, lo chirmán de M. Martín, i seyendo acomboyaus igualmén por a muller, Marysol, a suegra, Raquel, y lo fillo d´Oscar, Oscar Felipe, un mozé encantuchador que plega de fé-se un recalcón en o clabillar, poca cosa, y con qui lo pasan de pistón gromiando y chugando; lastima de que tampó no agora han enzertato con o pai, Oscar Martín, pos contina en biache de triballo por tiarras muito lueñes.

14

Raquel, Pilar, madre de M. Martín y Oscar, con Oscar Felipe. Raquel, Pilar -mai de M. Martín y Oscar- con Oscar Zelipe.

15

Oscar, hermano de M. Martín, con su mujer Marysol. Oscar, chirmán de M. Martín, con a suya muller Marysol.

16

Oscar Felipe, sobrino de M. Martín. Oscar Zelipe, sobrín de M. Martín.

Anuncios