36. NAXERA

Por segunda begata n´iste biache plegan ta Naxera, agora ta besitá-la.

01

M. Martín, detrás el río Najarilla y Nájera. — Dezaga l´arriu Naxeriella y Naxera.

Naxera (d´o prerromán NÁJARA-NÁXARA-NÁJARA, arabismo NÁJERO: “anijar”, “nadjar”, “naggera”, con sinificato de “fustero”, “fustería”; ta ros arabes NAXARA: “puasto entre peñas” y ta ros crestians esdebinió ra capetal d´o raino de Naxera-Pamplona) ye un monezipio d´a Rioxa, cruziato por l´arriu Naxeriella, ha 8.185 abitadors, ye á 491 mts. D´altaria y á 28 kms. d´a capetal, Logroño.

Á ros de Naxera lis izen “Lechuguinos”.

De l´intresán blog: Javimanzanares.blogspot.com.es en trigan bels motes chocans d´ista billa, entrequitaus de ro libro d´as fiastas de Naxera de lo 1944:

La Pimpollo, la Ponzarras, Pita, Cotarro, Chamundina, la Moco, Chachego, Chiro, Tilín, la Abuela de Cristo, Pacha, Bún, el Hebreo, Petit, Pan seguro, Peticá, Miguelejas, Matacuartillos, Mariposo, Napoleón, la Polla, la Monja, Gaita, El Regatero, Chicorro, Corruscos, Chancha, la Jota, Pancha-ampla, Mepo, el Gaitón, Chilaila, la Chaporra, el Amolanchín, Chiguinín, Meregil, la Galufa, Mococho, Perica, Chón, la Palillera, la Bruja, el Bubillo, Garin, Judas”.

Á l´arreyo de l´añata en Naxera i zilebran güenfaxo d´aztos festers. Os más siñalers:

o 17 de chinero, San Antón;

o 19 de marzo, San José, patrón d´o gremio de ra fusta; en Semana Santa i fan a Feria d´o Mueble, con numbrosos besitadors;

o 28 d´abril, San Prudencio, patrón d´a zidá;

Lo 1 de mayo, remerando la proclamadura de Fernando III “el Santo” como Ray de Castiella en 1218, i zilebran un gran mercato meyebal.

A zaguers de chunio son as fiastas en onor á San Juan y San Pedro, con as trucadizas “Vueltas”, rematando con o sonato apedeque de “la Venancia”.

Arredol de metá chulio i zilebran toz os años l´espeitaclo meyebal “Reino de Nájera” en a plaza d´o Monesterio de Santa María la Real.

As fiastas grans son á metá setiambre, en onor á San Juan Mártir y  Santa María la Real.

Lo 29 de setiambre ra Feria de San Miguel, de maquinaria agricola y ganadera.

02

M. Martín junto al río Najarilla. — Chunto lo Naxeriella.

Naxera en ha d´estoria, importán estoria, plegó á esdebenir raino, estió capetal de Nabarra en os s. X y XI y en ista billa se creyoron os rainos d´Aragón y Castiella, en troxar o rai Sancho lo Mayor as tiarras d´él entre os fillos suyos. Antiparti, estió ra primer zidá crestiana qu´en cudió de monetas.

Lo 923 lo rai de Pamplona Sancho Garzés I, de conchunta con Ordoño II de Leyón, conquirió Naxera y a Rioxa Meya y Alda, que dixó á lo suyo fillo Garzía Sánchez con l´anomenazión de Raino de Naxera.

Dimpués d´a destruyizión de Pamplona por as tropas d´Abderramán III, lo 924, Garzía Sánchez treslada ra suya siede ta Naxera. Dend´allora l´anomeneron rai de Naxera-Pamplona. Garzía desembolicó una pulitica de repoblanzia de territorios y afaborindo ros monesterios con endonanzias, más que más á San Millán d´a Cogolla; pero añadas más tardi lo gran empentaire d´a zidá de Naxera sereba Sancho III, en zilebrando-ie Corz y atorgando lo sonato Fuer de Naxera, conserbato en una emologazión de l´orichinal por Alfonso VI, lo 1076; contién os riedos de ras tres comunaldaz relichiosas: crestians, chodigos y mozlemes. Se´n sape tamián de ra esistenzia d´un Fuer Chodigo de Naxera, testo perdito, pero reflexato en autros fuers de l´Aldo Ebro, como lo de Tudela.

03

M. Pérez, detrás el río Najarilla y Nájera. — Dezaga l´arriu Naxariella y Naxera.

Garzía Sánchez tamián afaborió ras pelegrinazions ta Sandiago de Combostela, fendo esdebenir ra zidá una estacha d´a rota chacobeya.

Zaga ra suya muarde se´n troxan lo suyo imperio ros fillos: Garzía de Naxera, Fernando I de Castiella, Remiro I d´Aragón y Gonzalo Sánchez.  Á Garzía Sánchez III lo de Naxera (1035-1054) li pertocan os territorios de Naxera y Pamplona. Garzía fazió estendillar os dominios d´él por a Rioxa Baxa, fundó lo monesterio de Santa María la Real, afaborindo ros escritorios monasticos de San Millán, Naxera y Albelda.

12

Claustro del monasterio de Santa María la Real de Nájera. – Claustro d´o monesterio.

O zaguer rai de Naxera será lo suyo fillo Sancho IV lo de Peñalén (1054-1076). Achuntato ta ro suyo primo Sancho Remírez d´Aragón, s´enfrontineron ta ras prebatinas acorporaderas d´o rai de Castiella. Lo 1076 Sancho IV ye asasinato por o chirmán d´él, Remón. As peleyas desenfilan en a trestalladura d´o raino. Nabarra ye acorporata ta lo Raino d´Aragón. Alfonso VI de Leyón se´n fa con Naxera y autros lucars güegatizos con o raino de Castiella, que delexa á lo tenén suyo, Diego López I de Haro dica lo 1113, cuan Alifonso I d´Aragón -marito d´Urraca I- li´n esposeye de ra tenenzia de Naxera y l´escambeya por Fortún Garzés Caxal entre 1113 y ra muarde d´o rai d´Aragón.

13

Claustro del monasterio de Santa María la Real de Nájera. – Claustro d´o monesterio.

D´allora ta debán ye acorporata ta Castiella sin pon de perduga de prestixo ni peso pulitico.

Juan II de Castiella l´atorga lo tetulo de Zidá lo 1438.

Enrique IV de Castiella l´atorga lo 1454 l´anomenazión de “Muy Noble y Muy Leal”. Lo 1465 ixe mesmo rai endona ra zidá de Naxera, lo suyo castiello y fuertaleza ta Pedro Manrique de Lara, con emologazión -más adebán- d´os Rais Catolicos, y l´adibianzia de ro tetulo de Duque de Naxera.

14

Claustro del monasterio de Santa María la Real de Nájera. – Claustro d´o monesterio.

Cruzian a puen sopre l´arriu Naxeriella, como ros pelegrins d´o Camín de San Chacobo,

04

M. Pérez en el puente sobre el río Najarilla. — En o puan sopre lo Naxeriella.

05

El río Najarilla a su paso por Nájera. — Lo Naxariella esnabesando por Naxera.

y se´n adintran en o bico biello, u “barrio de adentro” de Naxera. En iste estorico bico biello i alufran diferiens estilos arquiteitonicos (gotico, plateresco, renaxentista), dica arribar en o monesterio, declarato Molimén Nazional dende 1889.

Dentran en o Monesterio de Santa María la Reyal de Naxera por a puarta dentradera ta lo Claustro.

06

Preciosa cúpula del monasterio. — Remajiza cupula d´o monesterio.

07

Preciosa cúpula del monasterio. — Remajiza cupula d´o monesterio.

Coronando ra Escalera renaxentista, i alufran una cupulaza de meya narancha, con casiellons pintatos do i leyen a calendata de costruzión: 1594.

08

Preciosa cúpula del monasterio. — Remajiza cupula d´o monesterio.

En o “Claustro de los Caballeros” se i troban os sepulcres de numbrosas famillas rioxanas, nabarras y bascas de ros s. XVI ta lo XVIII, feitos entre 1517 y 1518, y d´estilo goticoplateresco.

09

Sepulcro de familia importante. –Sepulcre de familla de baralda.

En o costato sur de ro Claustro i beyen a Capiella de doña Mencia López de Haro, que ha lo sepulcre chusto en o bel meyo, inclusibe con estatua.

Ye remarcable tamién o Mausoleyo de Don Diego López de Haro, X Siñor de Bizcaya, con sepulcre de ro s. XIII ye decorato -igual como lo de ra muller d´él, doña Toda Pérez de Azagra- con l´escuto linachuto.

10

Mausoleos de Diego López y de Toda Pérez. — Mausoleyos d´ixa chen.

Ta iste costau de ro Claustro se´n topetan con una puarta de noguera d´estilo plateresco.

11

Puerta plateresca.

Alcanzan a ilesia goticotardana de 1422, con tres naus, cruzer y siellería de noguera.

Se´n amanan ta lo Panteyón Reyal, renaxentista con motibos platerescos, feito lo 1556. Astí son enterrecatos presonaches de dos dinastías diferiens: la Chimena u Abarca, que gubernó iste raino de Naxera-Pamplona entre 918 y 1076, y ra dinastía d´o rai García Ramírez, pai de Blanca de Navarra.

15

Sepulcros de dos dinastías diferientes. — Sepulcres de dos dinastías diferiens.

Chunto l´entrador b´ha una espelunga, do diz a liyenda qu´en o s. XI lo rai Garzía Sánchez III de Naxera i trobó una imachen d´ a Birchen María.

16

Leyenda de la cueva de la Virgen. — Liyenda de ra espelunga d´a Birchen.

Astí son as escolturas de Don García y Doña Estefanía, en postura pregatoria.

17

Esculturas de Don García y Doña Estefanía.– Escolturas.

A imachen benerata n´ista cuaba ye ra “Virgen de la Rosa”, talla gotica de ro sieglo XIII.

18

“Virgen de la Rosa”.

Autras tombas d´o Panteyón Reyal, más simplas, apertenexen ta infans d´a familla reyal, entr´elas o tape susano d´o sepulcre de Blanca de Navarra, muller de Sancho “el Deseado”.

19

Tumbas del panteón real.– Sepolturas d´o pantión reyal.

O retaulo de l´altar mayor de ra ilesia estió feito lo 1690 por Francisco de la Cueva y Mateo de Rubalcaba. En o bel meyo, Santa María la Real, feitura mayestra d´o romanico rioxano.

20

Retablo del altar mayor. — Retaulo de l´altar mayor.

En ixindo ya de ro claustro,

21

M. Martín impresionado por tanta belleza. — Bian percutiu de tanta politeza.

y dentrando ta lo chardín por a “Puerta del Árbol del Bien y del Mal”, alufran lo bian feitas que i son as trazerías calatas.

22

Tracerías caladas del claustro del monasterio. — Trazerías calatas d´o claustro.

23

Tracerías caladas del claustro del monasterio. — Trazerías calatas d´o claustro.

Dimpués de biyer tanto arte, quiaren biyé-ne más, asinas que jopan enta San Millán d´a Cogolla (18 kms.).

Anuncios