34. SAFAGÚN

Safagún (debenito de SANCTUS FACUNDUS, SANCT FAGUNT, SANT FAGUN, SAFAGUN: “referén á lo Santo Facundo”) ye un monezipio plantificau entre os arrius Cea y Valderaduey, ta lo surgüeste d´a probinzia Leyón y pertenexién á ra comunidá autonoma de Castiella y Leyón; ha 2.700 abitadors y ye á 813 mts. d´altaria.

Á ros de Safagún lis izen  “Sahagunenses” y “Facundinos”.

 

01

Vista de Sahagún.– Ambiesta de Safagún.

De ro libro “Aproximación a la literatura geográfica popular leonesa” d´Eduardo Tejero Robledo, en trigan cualuqes ditos rilazionatos con Safagún:

Que si quieres arroz, Catalina”. (esprisión orichinaria de Safagún)

Cortiancha y rabiseca de pun, como espada de Sahagún”.

La cuba de Sahagún, la cuba de Oña”.

Viva Sahagún, porque tiene la Peregrina en su trono”.

02

Iglesia de San Tirso.– Ilesia de San Tirso.

Y fablando de pelegrins, mentan una contrimuestra de ra conoxita letra d´o canzioner leyonés “los Peregrinos de Sahagún”:

Peregrino de andadura / por camino de templarios / para llegar a Sahagún / a dormir y visitarlo.

Peregrinos que venían / por caminos de Santiago / y en nuestra Virgen del Puente / hacían un gran descanso.

Peregrinos, peregrinos / que al monasterio llegaban / y el rey Alfonso y los monjes / de atenciones colmaban.

A San Francisco acudían / que era una buena posada / donde tenían el pan / y donde cama les daban…

Villa de reyes, villa de santos / en el camino que va a Santiago / ¡SAHAGÚN!”

03 Ruinas del monasterio de San Benito.

Ruinas del monasterio de San Benito.– Ronal de ro monesterio de San Benito.

Respetibe á fiastas y cultura, Safagún en mantién e i zilebra bels aztos tradizionals.

O dominche d´antis de ro de Ramos, conoxito como “domingo de tortillero”, ye costumbre d´ixir ta ro cambo e i minchar tortialla. Antiparti zilebran ra “Subasta de los Pasos” ta podé-los portiar en a prosezión d´a Semana Santa. A conflairía de “Jesús Nazareno y Patrocinio de San José” esfilan con un total de 16 pasos. A nuei de Chuebes Santo combidan á toz os complegatos á “pan bregado mojado en orujo”. Tamién i zilebran o “Concurso Nacional de fotografía de Semana Santa”.

04 Ruinas del monasterio de San Facundo

Ruinas del monasterio de San Facundo.– Enronas de ro monesterio de San Facún.

Quinze diyas dimpués de ro dominche de Rebilcadura ha puesto la “Romería del Pastor Bono”, en a que pastors y labradors ufren lurs produtos, con bailot, limonata y abillanas que ros mozos prisentallan á ras mozas. De tardis ístas ausequian en pagas á ros mozos con bailotes á ro son de donzaina y tamborín; fa tiampo se´n tornaban ta ro lucar cantando y bailotiando  “la Tantáriga”, que se´n retrayeba á ra xota.

05

Arco del antiguo monasterio.– Arcata de l´antigo monesterio.

Autra tradizión de pelegrinax ye lo 25 de chapril, Romería de San Marcos chunto l´armita de ra “Virgen del Puente”, tamién anomenata “Romería del pan y el queso”. Astí emponderan a plegata d´a Primabera, amenata con donzainers y tastes de pan y formache; de tardis, rosario y taste de caragols.

06 Iglesia de San Tirso

Iglesia de San Tirso.– Ilesia de San Tirso.

O 2 de chulio espleitan de ra fiasta d´a “Virgen de la Peregrina”, con prosezión ta ro Santugario.

As fiastas más siñaleras son o diya 12 de chulio y siguiens, en a onor de ro suyo patrón San Juan. O protagonista prenzipal son as encletadas, calendatas dende lo 1410, costumbre que rilata lo miraglo feito por San Chuan en Salamanca, cuan aturó un toro furo que yera por as carreras yixemenando fereda, y que á ro mandau de “tente necio”, o toro i plantó parlaticato.

07

El arco de San Benito acceso a la iglesia del monasterio.– L´arcata de San Benito, entrador ta ra ilesia d´o monesterio.

Ta remate d´as tradizions, á zaguers de chulio i remeran a primer escuala de chuglars d´España, fundata en Safagún lo 1.116. A localidá se´n imple de chuglars y morfuga meyebal en o “Encuentro de Juglares”.

08

Placa en latín.– Retulo en latín.

De l´intresán blog http://www.joseluisluna.com/ en trigan cualques motes trucadizos de bizins de Safagún:

Abisinio, Adobero, Aguila, Ahorca pobres, Albarquiñas, Andevanir, Angelón, Babosa, Bachicha, Badanas, Bailadotes, Barrabás, Barrigacha, Baticú, Baturro, Baulero, Belibú, Ben-barek, Boberas, Boca-ballena, Boca-cuco, Boca-fandango, Boca-gato, Boca-perro, Boca-rana, Bomboncito, Bonanza, Boné, Borrachanga, Botero, Boticarín, Bragas, Brazo-duro, Bruja, Bubillo, Buen mozo, Buenón, Búfalo, Cabeza-perrillo, Cabeza-picuda, Cabezón, Cache, Cagada, Cagalita, Cagaloro, Caguín, Caín, Camirulo, Camisita, Cantamañanas, Caparranas, Capusita, Carabuca, Carachiste, Carafraile, Caragüela, Careto, Carina, Carlones, Cascajo, Cascarilla, Casquines, Catena, Cebollón, Colilla, Columbrina, Come-huetagos, Come-miejas, Confite, Corregochos, Coyote, Cucarra, Cuco, Culazo, Culobomba, Cuqueta, Cura ranero, Cura pintitas, Cusco, Cristo limpias, Chachachá, Chamaco, Charlot, Charrancha, Che, Chepa, Chevalier, Chibolo, Chilindrin, Chiqué, Chis, Chispa, Chivero, chivita, Choclos, Chóriga, Chumina, Chuti, Drácula, Espaldonas, Esquiladora, Fabio, Farruca, Figaredo, Fiscalin, Fliflá, Farfolla, Fu-Man-Chú, Furriñas, Fraile, Gallarón, Galo, Garrafón, Goete, Gorga, Güagüano, Güalo, Guarro, Guita, Gurrupeche, Hueto, Miranda, Hungaro, Juanón, Judas, Judio, Lagañoso, Librada, Llorin, Macachuzo, Mama-chivas, Manga-mazos, Manonas, Marqués del peón, Marrana, Mata-frailes, Mata-galvanas, Matiná, Maximurrin, Micifú, Machina, Minisio, Monia, Morejón, Morringo, Morroduro, Ña-ña, Ojetín, Ojines, Ojo-bala, Olé, Ordás, Oso, Pedrón, Pelotas de bronce, Pericote, Periculo, Picachin, Picalé, Pichín, Pichona, Pichirichi, Pilatos, Pinguen, Pirimpimpin, Pistolo, Presera, Que zale, Rampallo, Raposo, Rasoberas, Roba cuartas, Rondollo, Rosina, Sastrin, Serbus, Subailér, Tabardillo, Tabuco, Tarambana, Tararira, Tata-feli, Tátaro, Tia ojetín, Tin, Traga-boinas, Uco, Vita, Ya-yo, Zabulón, Zarabito, Zazo”.

O monezipio ha l´orichen en o puesto do l´año 304 enterrecón os repuis de ros sandos Facundo y Primitivo, chirmans chifletiaus como crestians en a puanda de dominanzia romana pagana, y que más tardi i estió quillato un santugario chus lur albocazión. Safagún plegó d´anzoniá-se-ne en o s. XI con l´arribata d´a Orden de Cluny y l´atorganzia de fuer á la billa por o rai Alfonso VI de Leyón. Durán lo suyo rainato empentó la rota chacobeya, i endizcando ra crexenzia d´o comerzio.

10

Cabecera de San Tirso.– Capiter de San Tirso.

Se pensaban os Zerris que Safagún yera más gran, pero los molimens que i son alufrando no ros han en muitas zidaz.

Safagún estió un fortal foco mudexarista, mantenendo bellas ilesias d´iste estilo promanans de ros sieglos XII y XIII, como San Lorenzo, San Tirso, Santiago y La Peregrina. Son tamién intresans os estrazios de ro sonato monesterio de San Benito, con os sepulcres d´Alfonso VI y as cuatro esposas d´él. L´orichen d´iste monesterio ye aldomeyebal, romanico escambeyato por gotico de ro s. XIII, do se´ndi alzón as relicas de ros martirs Facundo y Primitivo.

11

Antiguo monasterio de San Benito.– Antigo monesterio de San Benito.

Enampló lo suyo poder dica plegar á siñoriar cuasi un zendenal de monesterios e ilesias por as engualtas d´Alfonso VI; empentó ra liturchia romana y estió eslexito como panteyón. Acupato por monches clunizenses, i exerzeba lo siñorío feudal. A decayenzia esdebinió de ro s. XV ta debán; nomás ha mantenito en güen estato ra capiella de San Mancio d´una nau achunta ta ra ilesia abatial,

12

Torre de la iglesia de San Mancio.– Tor de ra ilesia de San Mancio.

l´Arco de San Benito, puarta sur d´a ilesia,

13

El arco de San Benito.– L´arcata de San Benito.

a cara norde con bels repoyos meyebals y a Tor d´o relox, una de ras dos que yeran en l´entrador de ro monesterio.

14 Capilla de San Mancio y Torre del reloj

Torre del reloj.

Ye rilazionato con Aragón: estió lo cubilar d´a raina Doña Urraca I de Leyón dimpués de plaitiar con o marito d´ela, Alifonso I d´Aragón, entre que plegaba ra bula que zircunduziba lur casorio. Ista situgazión indizcará l´arrampladura d´a badía lo 1.111 por os burzeses de Safagún, refirmatos por o rai d´Aragón Alifonso lo Batallero. Dimpués d´ista pilla, i nombrón abate de Safagún por dos añatas (1114-1116) á Remiro lo Monche, chirmán d´o rai d´Aragón, qui más dimpués esdebenirba tamián rai d´Aragón.

Tamién rilazionato con Aragón ye lo Tratau u Pauto de Safagún, siñato en ista zidá lo 4 de chunio de 1170 entre Alfonso VIII de Castiella y Alifonso II d´Aragón. Seguntes ista pachería, Alfonso VIII de Castiella guarenziaba á lo rai d´Aragón l´apoquiñe de 40.000 morabatins durán zingo añatas, apocatos por Ibn Mardanis, qui adempribiaba l´albitrax de cuatro contes en unas plaitinas pendiens, con o compromís d´Alifonso II d´Aragón de mantenir a paz con o baralda andalusín -á trucas d´ixos diners- mientres ixas zingo añatas.

Un dato chocán de ro s. XX ye que Safagún ha lo tetulo de “Muy Ejemplar Ciudad” por a enchaquia de seyer una de ras tres primeras localidaz proclamaderas d´a Republica, lo 14 d´abril de 1931; as autras dos zidaz estión Eibar y Chaca.

A ilesia de San Tirso ye una d´as primeras ilesias romanicas (sieglo XII) en a qu´escambeyón a piatra y a escoltura por as recholas, esdebenindo l´estilo Romanico-Mudéxar. Os dos ausides de ros costatos s´edeficón en rechola. Ye espeitacular a tor cuasi por denzima de l´auside.

15 Cabecera de la Iglesia de San Tirso

Cabecera de la iglesia de San Tirso.

16

Iglesia de San Tirso. Cabecera.

A ilesia de San Lorenzo ye autra contrimuestra de romanico mudéxar, d´empezallos de ro s. XIII, que ra suya construzión ye en rechola de raso.

Jopan enta Burgos (124 km.), do amallatarán ista nuey.

Anuncios