31. VILLAFELIZ DE BABIA

Por a carretera CL-626 plegan ta Villafeliz de Babia, do aturan á chintar.

00

Cartel de destino.– Retulo destinataire.

Villafeliz de Babia (de ro latín “VILLAM FELICEM”) ye una aldeya pertenexién á ro monezipio de San Emiliano (4 kms.), en a puarta de ra bal y comarca de Babia, de ra comunidá Castiella y Leyón, ha bels 50 abitadors, ye á 1.180 mts. d´altaria y á 67 kms. de ra capetal de ra probinzia, Leyón.

01 Mapa Babia

Mapa de Babia.

O lucar ye trestallato en dos parz diferians: en o cabalto, ro lucar, y en o cobaxo ra clamata Venta, á ran d´a carretera y en a marguin de l´arriu Luna, que ye do ban á chintar.

02

Vista de Villafeliz de Babia.– Ambiesta de Villafeliz de Babia.

A Comarca leyonesa de Babia (de ro latín “VADABIA” “VA (LLEM) DE ABIA: bal d´arriu, d´augua) ye situgata en o güeste d´a Cordelera Cantabrica, muga por o norde con Somiedo (Asturies), por o sur con a comarca d´Omaña, ta l´este con Luna y ta ro güeste con a bal de Laciana. Ye “Reserva de la Biosfera” dende lo 2004. A bal de Babia ye enredoliata de zemas que pasan de ros 2.000mts. d´aldaria, en sobrixindo lo mondañal d´Ubiña, con Peña Ubiña (2.414 mts.).

03 Mapa de Babia 2

Otro mapa de la zona de Babia. Atro mapa d’a redolata de Babia.

Dende ra Edá Meya ra Comarca de Babia teneba dos conzellos: Babia de Arriba u de Suso y Babia de Abajo u de Yuso, agora achuntamién de San Emiliano, ta lo que pertenex Villafeliz.

04

¿Dónde estoy? que no me entero.– Do i só?: embabiacato.

Autro parixer ta lo nome de Babia sereba lo de l´orichen en as grans pelegrinazions meyebals enta San Chacobo. Cuan os pelegrins pregundaban á ros lucarins:“¿Va vía Santiago?”, ístos i respondeban: “¡Va vía, va vía!”.

B´ha más d´una bersión ta esplicotiar l´orichen d´o tradizional dito:“estar en Babia”: seyer ausén, espiguardato, “estar en la luna”.

05

Debo estar entre Pinto y Valdemoro.– Entremetá d´entremeyo.

En a Edá Meya, os rais de Leyón eslixiban Babia ta discansadero, seguntes a tradizión d´astí en naxió lo dito “estar en Babia”, pos cuan belún en a cort reclamaba á lo rai, os menistros l´iziban: “el Rey está en Babia”.

Y á lo qu´en tornaba lo rai, lo biyeban “ausén” de cuan en cuan, lo cualo que lis indizcaba á pensar que ro suyo esmo agún “yera en Babia”.

Unautro parixer iz que ros pastors babians yeran estachers por más de meya añata en Estremadura, luen de lurs famillas, por ixo lo cariñar y as asmanzas yeran de contino en Babia, asinas dica que unatro compañer lis ne quitaba os ensueños con ista frase: “despierta, que estás en Babia”.

Ista bersión ha un romanz: “Ay, pastor que estás en Babia, / ay noche qué mal abrigas / los decires sin palabras, / las añoranzas no escritas, / del pastor que está en su chozo, / como un puño en su pellica, / siempre clavado en su Babia, / tan bien llevada y traída”.

De l´intresán blog de l´Asoziazión “Estás en Babia”: http://www.estasenbabia.org/) en trigan bels datos sopre fabla, fiastas y tradizions de Babia:

Babia teneba ra suya propia fabla estorica, chunto con a bizina comarca de Laviana: o “Pachuezo” u “Patsuezu”, como ye anomenata popularmén. Ye una bariedá de ro leyonés ozidental. A suya carauteristica prenzipal ye ra mantenienzia de muitas trazas antigas, cuaternatas ya en decumens de ros sieglos X ta XIII, encá bibas y prenunziatas igualico qu´en tiampos d´o romanz meyebal. Con ista fabla se´n identifica Villafeliz de Babia. Amuestran una bistreta de ro libro de Guzmán Alvarez “El habla de Babia y Laciana”.

06

El Habla de…– A fabla de ….

“Ya duminandu la veiga, el pueblu, a la derecha, recostáu cuntra unos saderones grises chenus de arroyus sin agua. Entre las casas ya lus praus, na misma viega, pero fuera del dominio del ríu, están las tierras, llanas , unas grises, outras culuradas. Después están las de la ventina onde hubu una venta antiguamente, hoy un grupo de casas nuevas, barrio industrial del pueblo; así están también las kampas de la dwerna ya un poucu más allá las de el mouru y de lus trabesales”.

En patsuezu, l´izen Baitse á lo baile más antigo de Leyón, tamién l´izen Baile Chano, Llano, Garrucha u “Baile del País”. Ye un danze de fiastas, romerías, casorios, “filandones”, á ridmo de panderetas y castañetas, adibindo-ie la curdión en o s. XIX. En bels lucars de Babia se i tocó tamián con gaita de boto.

Autros bailotes tipicos de Babia son os “pochus”, o “careau” y ra xota. Danzas montañesas con o baile ritual d´acachá-sen y blincar, parellanas á ras de Somiedo.

Amuestran unas cantas en a fabla d´aquí:

“Prencipiu purque prencipiu / Prencipiu pur prencipiar /

Prencipiu purqueprencipien / Lus señores a baisar.

Salgan mozus a baisar / A lus furesteirus digu / Que lus mozus de este pueblu / Gastan muitu siñuriu.

Sal a baisar buena moza / menéyate resalada / que la sal del mundo tienes / ya nun te meneyas nada.

Vale más una babiana / cuna falda rumendada / que miles de señuritas / cuna cara empulveirada.

La que va pula pedrera / cumu meneya la saya, / si nun fora pur nusoutrus / muitu más la meneyara.

Arriméime a un pinu verde / pur ver si me cunsulaba, / ya el pinu cumu era verde / de verme churar, churaba.”

07

Las Babias.– As Babias.

Un de ros costumbres de Babia ye lo de Calecho y Filandón, que son as beilatas nueiturnas de bizins que se´n achuntan en una casa, chunto ras cozinas de carbón y arredol d´una mesa, ta i referir as nobedaz de ra chornata. O Calecho ye la reyunión -durán toda l´añata- d´omes antis d´a zena, entre que ras mullers la son parando. O Filandón se i zilebra tó l´ibierno dimpués d´a zena; ye reyunión de mullers que filaban, escorpinaban y tixiban, entre que ros omes charrutiaban y ascuitaban á ros más biellos rezentando falordias y pasatas.

Autro costumbre son as facenderas que yeran os triballos á comunal d´un ripresientán de cada casa, t´apañar camins, carreras u marguins de l´arriu.

A tradizión d´a zilebrazión de ro casorio en a que todas as casas de ro lucar reculliban l´axobar ta ra festella. En ixir d´a ilesia minchaban “la recha” (pan con mandequialla) entre que la patrina apocaba “la rosca”. Remataban a fiasta con o “baile chano”.

Lo “Concejo de la Mesta de Pastores”, creyato lo 1273 por Alfonso X “el Sabio”, complegaba toz os pastors de Leyón y Castiella. En tenió pro d´emportanzia ta ros lucars de Babia, pos teneban guanacosa de puarz monderizos (Amarillos, Arrajados, Congosto, La Solana, El Chao, El Arca, Morronegro, Solarco, Sousas, Traspando, La Cueta, La Majua, Torre de Babia),  ta do tresladaban d´estibata los rabaños de güellas, antiparti d´abantallas y prebilechios, adempribios de pasata y paxentar. Astí b´ha cualques mallatas de ra  “Sociedad de Villafeliz” (El Melcherón u Los Hurrios y Las Murias), as cualas estión puasto d´ixita de rotas transugans que remataban en Estremadura.

L´obellamen d´o “Conde la Oliva” encá continan fendo ra transuganzia enta ros puarz de Babia.

08

Curiosas rocas.– Chocans rochals.

Bels ditos y coplas, beluns respetibes á pastors:

“Marzu marzón, déxame unu pa mansu ya outru pa marón”.

Los de la tierra de Babia, que siegan el trigo con escaleras.”

Encarnáu pa Babia, / más pa sol que pa agua; / encarnáu pa León, / más pa agua que pa sol: / encarnáu pa Omaña, / buen día mañana”.

Déjame subir al carro, / carretero de Laciana / déjame subir al carro / que tengo la novia en Babia.”

Ya se van los pastores / cañada arriba, / ya ponen las babianas / la ropa fina..

Ya se van los pastores / cañada abajo, / ya ponen las babianas / los zarandajos”.

Cuando los pastores suben / de la Ribera a los Puertos, sacan las mozas de Luna / toda la sal de sus cuerpos”.

Río Luna, río Luna / por embajo de los Barrios. / con chobos por el yvierno / y truchas por el verano”.

Ohh. El río Luna en Babia.-- Masiau!: lo Luna en Babia.

Ohh. El río Luna en Babia.– Masiau!: lo Luna en Babia.

Seguntes o triballo feito por Ángel Manuel García Álvarez en a trascrizión de ro “Catastro de la Ensenada de 1752”, Villafeliz pertenexió a Luna de Suso dica metá d´o sieglo XIX. O lucar de Villafeliz teneba una partida en lo Rabanal, que ye d´a comarca de Luna.

Seguntes Pascual Madoz en 1845, iste lucar, pertenexeba á lo Marqués de Castel Moncayo, qui nombraba churato gran y chúdez ordinario.

En Villafeliz de Babia y a redolada suya, situgata en o bel meyo d´a Cordelera Cantabrica y paralela ta l´arriu Luna -sonato por as suyas truitas- ye remarcable la rocha calzina, con formazions de sulsidas y foribiacas como en a “Sierra de los Grajos”.

Trucadizo lucar de ra comarca Babia, con nome chocán, Villafeliz, cuasi igual que ro lucar zirigozano de Billafeliche. Ye de risaltar l´acotau de pesquera de l´arriu Luna en Villafeliz, un de ros millors de Leyón. Antimás de ros casals tradizionals, Villafeliz ha ra ilesia de Santa Eulalia y os intresans puzos d´augua y nieu.

10

La iglesia de Villafeliz de Babia.– A ilesia .

As fiastas de Villafeliz de Babia se i zilebran lo 8 d´abiento, diya d´a Inmaculata.

11

Ohh. de nuevo, el río Luna a su paso por Babia.– Masiau!: de nuabas lo Luna por Babia.

Se´n promenan á plazeretas chunto l´arriu, antis de marchar enta Leyón (67 kms.).

12

Adióoos.– Dica más biyeeer.

Anuncios