24. LACOS D’ENOL Y ERCINA. CUADONGA

00

Mapa de la zona. — D´a redolada.

30-6-2012. Como paix que güé poderba pleber, deziden d´aproxemá-sen en primeras ta ros Lagos de Enol y Ercina (22 kms.) y dimpués, á lo que tornarán, ta Cuadonga (11 kms.).

O “Parque Nacional de la Montaña de Cuadonga”, creyato lo 1918, estió lo primer de ros parques españols, con 16.900 eztarias. Acupa lo mondañal ozidental de ro “Parque Nacional de los Picos de Europa”, con tucas que soprixen de ros 2.400 mts. Iste paisax monderizo ye chapurniato d´arrius, fuans e ibons como ros d´Enol (1.070 mts. d´altaria) y Ercina (1.108 mts.). Con a suya enampladura ta ros demás Picos d´Uropa, en 1995, pasó á anomená-se “Parque Nacional de los Picos de Europa”, con 64.000 eztarias.

Dimpués de nabesar por Cuadonga con l´auto y puyando por una estreita y cullebrián carretera chunto á caxicars y fraxinals arrigatos por l´arriu Reinazo, plegan ta lo primer y mayor laco, lo d´Enol (de ro prerromán EN-N-, ON-N-: “augua”, parache d´augua), más adebán ye ro laco Ercina (de ro latín HERICINA: “nome de Venus”, laco de Venus, u ILICINA: “lezinera”, laco redoliato de lezinars). Seguntes a liyenda, en l´ibón Ercina yera plandificata una aldeya -mesmo iz que si yera una zidá- qu´estió arranata de risultas d´una engaronata debina.

01

Cartel indicador. — Retulo endicatuer.

Os lacos, de conchunta con paduls y tremedals d´as begas de Comeya y Bricial, i farchan una intresán redolada umedenca de mondaña, alportadera ta ros Picos d´Uropa d´una importán dibersidá paisachistica y ecoloxica.

“La Fiesta del Pastor” de Cangas de Onís se zilebra en a “Vega del lago de Enol” lo 25 de chulio, con a entrebenzión de ros pastors d´a mondaña de Cuadonga. Dimpués de ra misa, desibizions folcloricas, corridas de caballos amontatos á forro, estirazera de baga y esposizión d´artisanía.

A contumanzia ye que no puén fé-ie ra escorsa redoliadera de ros lacos, por tal de ra guaira preta y ra plebita, asinas que no ixirán pas de l´auto y se´n ritornarán enta ra Basílica de Cuadonga. M. Pérez por terzer begata bi ye plegato, pero nuabamén no ha puisto biyer ixos ibons.

02

Javier Cebollada y M. Pérez en el Lago de Enol en 1985. — Chabier Cebollada y Migalánchel Pérez en o laco d´Enol, lo 1985.

Cuadonga (de ro latín COVA: “cuaba”, y prerromán ONK: “mondaña”, a cuaba de ra mondaña; autro parixer refirma qu´esdebien d´a esprisión latina “COVA DOMINICA”: “cuaba d´a Siñora”) ye o puasto de pelegrinax más importán d´Asturies. O santugario y a basilica son en a bal d´o Reinazo, á cualques 240 mts. d´aldaria y pertenexen á lo conzello de Cangues d´Onís.

03

Basíllica de Covadonga. — Basilica de Cuadonga.

A estoria d´a Edá Meya asturiana escomenzipia en Cuadonga, puasto de cultos anzestrals, do moros y crestians luitoron lo 22 de mayo de ro 722. Una espetregatera chitata sopre ros mozlemes, seguntes en rezendan as coronicas, rendió la bitoria á don Pelayo, nople bisigoto qu´enguerará lo Raino d´Asturies.

04

Interior de la Basílica de Covadonga (1). — Aintros d´a Basilica de Cuadonga.

Seguntes os coronistas, en os orichens de ro culto en Cuadonga i feban referenzia á ra “Virgen de la Santa Cueva”, pos una de ras liyendas iz que ra Birchen aduyó á lo rai Pelayo á redotar á ros moros. Zelipe II prenzipió ros cambeyos en iste “Sitio”, por meyazión de ros diferiens abates, enantando as feituras en a “Cueva”, dica qu´en una sucarrata se´n malmetión alfayas e imachens. Carlos III ferá enantar retrazies y proyeztos como ra fadruca d´un nuabo temple, milloras d´as comunicazions y empentando lo comerzio de ro conzello.

05

Interior de la Basílica de Covadonga (2). — Aintros d´a Basilica de Cuadonga.

06

Interior de la Basílica de Covadonga (3). — Aintros d´a Basilica de Cuadonga.

07

Desde la Basílica de Covadonga. — Dende ra Basilica de Cuadonga.

Han más suarde qu´en os “Lagos” y, entre que plebe, besitan a Basilica costruyita de 1877 ta 1901. Iste nuabo edefizio promana de ra besita de ro prelato D. Alejandro Sanz y Forés, qui encargó la obra á l´arquiteito Roberto Frassinelli. A basilica ye plandificata sopre lo tozal de “El Cueto”, de piatra roya, d´estilo niorromanico y con planda de cruz latina, triple nau y tres ausides. En a frontera b´ha dos torres altizas coronatas por punchigutos chapistels d´agulla.

09

Una torre para cada Michelangelo. — Una tor ta cada Micaelo.

En os aintros i son remarcables obras como ra “proclamación del rey Pelayo”, de Madrazo, “la Anunciación” de Carducho, una imachen d´a “Virgen de Sansó” y ra puarta d´o Sagrario con “la Cruz de la Victoria”.

10

Opiniones sobre Covadonga. — Parixers sopre Cuadonga.

O Papa Leyón XIII abantó l´edefizio ta basilica. En a plaza d´a basilica b´ha una estatua adedicata á Don Pelayo, feitura de  Gerardo Zaragoza.

08

Estatua dedicada a Don Pelayo. — Adedicata á Don Pelayo.

Á lo que i espaza pro, besitan a “Santa Cueva” -foratata en un zillo calzino- do s´acubilla ra imachen d´a Birchen de Cuadonga, “la Santina”, patrona d´Asturies.

11

Iniciando la visita a la Santa Cueva. — Prenzipiando ra besita.

12

La Basílica de Covadonga desde la Santa Cueva. — Dende ra “Santa Cueva”.

13

En la Santa Cueva de Covadonga. — En a Santa Cuaba d´Onga.

14

La Virgen de Covadonga en la Santa Cueva. — A Birchen en a Cuadonga.

15

Primer plano de la Virgen de Covadonga. — Primer plan d´a Birchen d´a Cuadonga.

16

La Basílica de Covadonga. — A Basilica d´a Cuadonga.

De ro biello santugario, achunto ta ra Espelunga y mentau ya en o s. X, nomás se´n mantién o claustro de ro s. XVIII, d´arcadas de meyo pundo, y os dos sepulcres d´os rais Pelayo y Alfonso I, lo de demás ye de dimpués d´a sucarrata de 1777, cuan se´n cremó l´antiga armita y ra Birchen.

Xuan María Acebal y Gutiérrez, poyeta d´o s. XIX, diz en una d´as suyas poyesías:

“…Faciendo á Covadonga centinela,

y allargando la sombra hasta mirase

en el llagu d’Enol vía l’Auseba

al que fuera d’Orandi á so la Virgen…”.

Lo 8 de setiambre se i zilebra lo diya d´Asturies u d´a Virxen de Cuadonga, con misa y prosezión en o santugario y gran compleganza de pelegrins. Iz quún güen asturián be de pelegrinar ta iste puasto lo menos una begata en a suya bita y que, si beben de tos os caños de ra fuande, as mozas se´n maridan en una añata.

18

M. Martín en plena devoción hacia la “Santina”. — Adebotato ta ra Santina.

19

La ermita en la Santa Cueva. — L´armita de ra Santa Cua d´Onga.

De ro desinforme rochal, dimpués de nabesar por os aintros de ras espeitaculars silbiachas de ro mon Auseva, chusto debaxo de ra grota en do ye ra Birchen, en surte un altizo saldaz i farchando un gorgón anomenato “el pozón”.

17

“El Pozón” y la Basílica de Covadonga. — “El Pozón” y a Basilica d´a Cuadonga.

Una liyenda popular iz que: “Aquí en el monte Auseva, morada inmemorial de la Virgen, renació la España de Cristo con la gran victoria de Pelayo y de sus fieles sobre los enemigos de la Cruz”. Y unatra liyenda sopre ra fuan “de los Siete Caños”, tamién chus la espelunga: “La Virxen de Covadonga, tien una fuente muy clara, la neña que de ella bebe, dentro del añu se casa…”

20

Himno a la Santina. — Inno ta ra Santina.

M. Martín ye la primer begata que l´ha besitato y l´ha cuacato muito.

Anuncios