18. LA LIÉBANA. SANTA MARÍA DE LEBEÑA – S. JUAN DE LA CASERÍA – SANTO TORIBIO DE LIÉBANA

Antis de dentrar en a comarca de la Liébana, s´aproxeman en primeras ta ro lucar asturián de Buelna (induropeyo OR-N-A ‘augua sobatida’: bal con augua de mondaña), á 27 kms., do yera estato M. Martín fa guanacosa d´añatas. Lastima de paisax !: como no dixa de i pleber, continarán camín.

6-llanes

Vista de Buelna. Ambiesta de Buelna.

En cuenta de tornar por a mesma carretera y dentrar dende Unquera enta Potes, alcorzan por carreteras comarcals, nabesando baletas dica plegar ta ra localidá asturiana de Panes (24 kms.). Astí la rota contina por a impresionán foz de 19 kms. feita por l´arriu Deva, enta lo polidismo y estreito congustro de La Hermida (lat. EREMITA ‘campasolo’, tiarra desabitata). Ista carreterota no estió ubiarta dica zaguers d´o sieglo XIX, por ixo no ye d´estraniar que ra comarca lebaniega ese tenito estoricamén más rilazión con Castiella-Leyón que no con Santander.

01

Desfiladero de La Hermida. Clusa.

L´escritor Benito Pérez Galdós fazió sopre iste parache ra siguién descrizión:

Llaman a esto garganta, debiera llamársele el esófago de La Hermida, porque al pasarlo se siente uno tragado por la tierra”.

02

Mapa de La Liébana.

La Liébana ( l´orichen toponimico poderba esdebenir d´o zelta LAB ‘piatra eslabata’: lenera, lapiza; de ro latín LAVINIA con o sinificato de ‘puasto blango’; u LENA, ‘lenera, puasto de lianas’; u de l´ebreyo, con o sendito de ‘blanga’), ye una comarca de cuasi 6.000 abitadors ta lo surgüeste de Cantabria, mugando con Asturies, Leyón y Palenzia, enclabata en os Picos d´Uropa con zemas de más de 2.500 mts. d´altaria y con o fundo de ra bal á 300 mts. sopre ro libel d´a mar y un trucadizo clima mediterranio.

Ye un payís montañoso prauticamén zarrato, con cuatro bals (Valdebaró, Cereceda, Piedrasluengas y Cillorigo) que se´n complegan en Potes, zentro y capetal d´a comarca. Os suyos prenzipals arrius son o Deva, o Quiviesa y o Buyón. La Liébana ha tres entradors: por o que son benitos (Desfiladero de la Hermida), por o puerto de Piedrasluengas (enta Palenzia), y por o que ixirán de la Liébana, por San Glorio (enta Leyón).

03

Mapa de la red de senderos del valle de Liébana. D´o rete de senders de ra bal de Liebana.

Amuestran bels toponimos de La Liébana:

Canal de las Arredondas, Cuetu el Infiernu, Picu la Junciana, Los Pardos, Monte Landragón, Peña Sestil, Segadíos, El Cubil de las Coronas, Somajía, Cabañas de Lon, Trambospando, Pica Malluengu, Collar los Xietos, El Chascu, Picu Silla Caballu, Morra Jonfría, Paso de Pandilla, Peña Sagra, Argomosu, Canal Ranchón, Coterecu Las Algas, Somanedi, Vesná, Paso Pradillo, Senderu el Gatu, Horcá el Pino Cimera, Escandalubia, Sangu, Sedo, Santolaja, Mañimoco, La Lomba Edes, El Robru, Puertu Mogrovejo, Peñón Sebey, Los Rasos de Lon, Sierro Castillín, Puerto Espigüel, Osmedián, El Redonducu, Mancorbu, Picu La Torca, Cuetu, Cotero, Collado, Otero, Vega, Llomba, Valcaba, Valmeo, Valdeprado, Carrascal, Llamas, Cabezón, Las Ilces, Salces, Acebal, Pesaguero, Argoma, Tollo, Jelechosa, Bullón, Cereceda, Prau, Riofrío, Dobre, Tudes, Pembes, La Calzada, Jou, Lastra, Socarrera, Estrada, Bao Puente Bárcena, Llosa, La Cortina, La Roza, Las Jazas, Cuérano de Pradiñana, Manzanedo, Pumareña, Serna, Quiviesa, Viñón, Mijares, Linares, Ejío, Cabañas, Bores, Bullón, Peña Sagra, Santa Olalla, Pando, Frecha, Cambarco, Tama, Bedoya, Baró, Bárago, Dobres, Deba, Lama, Cortina, Ejío, Tresviso, Tresabuela, Tremaya, Muda, Traspeña, Guardo, Valderodias, Valdeluriezo, Turieno, Fuente Dé, Varga, Caldas, Estrada, Llan, Sierra Cuerres.”

Fan una triga de ditos y mazadas conoxitos en La Liébana:

De padres gato, hijos michines”.

Honra y dinero no caben en el talegu”.

En agosto el pan y el niñu tienen fríu”.

Échame pan y llámame perru”.

De inviernu a inviernu, el dinero pal gobiernu”.

Vamos a amachambrar bien el trabaju del últimu día”.

El vinu de buena cuba no necesita bandera”.

Onde se saca y no se repón, prontu se llega al hondón”.

Melón y casamiento, es cosa de acertamientu”.

Quien con lobos se ajunta, pronto agulla”.

Ratón con un solo juriacu, pronto le coge el gatu”.

Liébana, una es, y llévala”.

El lebaniego ni por vecino ni por lindero”.

Por San Bartolo nos conocimos y por la Cruz ya éramos novios”.

Un costumbre que ha tenito firme importanzia en La Liébana, ye estau lo de “pinar el mayu”. Lo gosaban fer en cadagún d´istos 4 escaizimiens: prenida de posesión d´un mósen, cantamisas, fiasta u omenax á un indián y mayo d´un diya d´a fiasta.

A primer faina yera ir t´o mon ta eslexir lo fau más adecuau ta “mayo”, y si no bi´n eba n´ixe lucar, miraban un choplo luengo y de pocos nugos. Ta quedar bian la mozardalla, eban d´emologá-lo ros bizins.

Bels diyas antis d´a fiasta puyaban toz os mozos ta ro mon ta i tallar y en zurrastiar lo fau dica ro lucar.

04

Paisaje de Liébana. Paisax de Liebana.

O truque de cambanas u atambor abisaba á ros mozos d´o primer azto de ro diya de ra fiasta, que yera “pinar el mayu”.

S´espelurziaba la crosta ta dixá-la lisa, s´undaba con graxa, saín u xabón. D´antis i meteban un ramo u bandiera ta que lo pillase lo que consiguise i puyar y amostrar á toz qu´eba lograto plegar t´a punta d´o “mayu”. Ye chocán qu´en Liébana á puyar un árbol li digan “esquilar” y que l´esquirgüelo por astí l´anomenen “esquilo”.

En as localidaz de Bejes y Tresviso i mantienen encá ra tradizión de “pinar el mayu”. En Tresviso l´izen “la jobera” u “la obera” y en Bejes, “maya-árbol”, de fayo. En bels lucars de Liébana cantan, bailan y prosezionan un ramo en o que ban posatas roscas con as que i fan un releyo dimpués.

Á partir d´o 711 Liebana arreplegó güenfaxo de noples bisigotos, cleigos y chen de ro común. A resistenzia crestiana cubicó en a bitoria de l´exerzito de Pelayo en Covadonga, lo 718. Os mozlemes redotaus prebón d´escaputiar siguindo ra cursa de l´arriu Deva, os apresiguidors se´n acapizón sopre ros fuyitos, fendo-ne-ie gran mortalera; de risultas La Liebana esdebinió ra chema´l güego d´o raino d´Asturies:

Subiedes peña fragosa / que sobre los moros cayó / y a los cristianos salvó / ved cosa maravillosa”.

Iz que Pelayo y ro suyo fillo Favila –duque de Cantabria, ausidiu más tardi por un onso en Cosgaya- estión lebaniegos y siñors d´a bal, adedicando-sen á achuntar chens d´a bal de Valdeón en Santa Eulalia ta marchar cuantra os mozlemes. Mesmo Pelayo teneba unas tiarras en os “Llanos de Liébana”, que las bendió lo rai Alfonso VIII en 1167 á lo monesterio d´ Oña.

Liébana pertenexeba á lo bispato de Leyón (fundato entre 850 y 869) y os territorios entre l´arriu Deva y lo Nervión á la diozesis de Burgos (treslau de ra d´Oña lo 1075). Bandunguiarán puliticamén miantres os sieglos VIII ta X entre os rainos astur (739-910), leyonés (914-932) y nabarro (dica metá d´o sieglo XI). Liébana no pasará ta lo raino de Castiella dica ro sieglo XII, con un ripresientán d´o poder reyal, lo conte Fernando Rodríguez.

Á lo que remata ra clusa de La Hermida aturan por primer begata en la Liébana, en Santa María de Lebeña, en os arredols d´o lucar de Lebeña y chunto una ripa.

05

Iglesia mozárabe Santa María de Lebeña. – Ilesia mozarabe.

A polida ilesia mozarabe ye calendata en o 925 y establida por o conte Alfonso y a muller suya, Justa.

06

Torre de la iglesia de Lebeña. – Tor d´a ilesia de Lebeña.

As gualtas son deseparatas por cuatro pilars zentrals, os rafes son mozarabes y as arcadas de ferratura, pero como ye zarrata no puén biyer os aintros; a torre y o porchegau son adibitos de ro sieglo XIX.

07

Iglesia de Santa María de Lebeña. – Ilesia de Santa María de Lebeña.

08

Estela cántabra en Santa María de Lebeña. – Estela cantabra de Santa María de Lebeña.

De Santa María de Lebeña en diz una liyenda:

que este bello templo mozárabe fue construido en el año 925 por los condes de Liébana, Alfonso y Justa, para que albergara los restos de Santo Toribio. El santo prefería reposar en un monasterio y cegó los ojos de los condes y sus servidores hasta que éstos renunciaron a su idea original y se limitaron a construir la iglesia”.

09

Cementerio de Lebeña. – Fosal de Lebeña.

Ta rematar con Lebeña l´alcordanza d´una poyesía de Gerardo Diego:

Santa María de Lebeña / En su paisaje de milagro sueña.

Canta el azul agua del Deva ./ Sueños del último nevero lleva.

Qué majestad y qué ternura. / El alma aquí se me destoca, pura.

Santa María es grande y chica. / Es flor cerrada, es flor abierta, rica.

¿La llave? Nadie. Es flor cerrada. / Mozarabismo. No sabemos nada.”

10

Parte de la torre de la iglesia de Lebeña con un bonito paisaje. – Parti d´a tor de ra ilesia de Lebeña. con polito paisax.

Á lo qu´ixen de Lebeña deziden d´í-sen á chintar y, como agora ye de mal alparcar en Potes (8 kms.), calitran de chintar camín de Santo Toribio de Liébana (3 kms.).

11

Vista desde San Juan de la Casería. Ambiesta dende San Juan de la Casería.

Á 1 km. de Potes se´n esbarran ta la dreita, alparcando chus la guambra mosquera d´uns arbols y, casualmén, fruen ta una fazienda con cualques bibiandas; un de ros edefizios pertenexeba á l´antiga grancha d´o monesterio de Santo Toribio, l´armita anomenata de San Juan de la Casería.

12

San Juan de la Casería.

Ye una simpla construzión retangular, quizau d´orichen gotico, que paix seyer estata esbiellata en o sieglo XVI, con una puarta d´arcada de meyo punto.

Dend´astí tamián alufran en un lumo unatra armita, la de San Miguel, de ro sieglo XIII.

13

Ermita de San Miguel. – Armita de San Miguel.

Ban á chintar asabelo calmutos y de firme güen implaz.

OLYMPUS DIGITAL CAMERA

Mapa de la ruta de las ermitas. – Rota de ras armitas.

15

Monasterio de Santo Toribio desde San Juan de la Casería. Monesterio de Santo Toribio desde San Juan de la Casería.

En que rematan continan por a carretera, y en menos de 2 kms. plegan ta lo monesterio de Santo Toribio, plantificau en o zentro d´a bal de Liébana, en o mon “La Viorna”. Ye lo más antigo d´España que ha mantenito lo suyo culto sin d´ature, y estió cubilar de ros crestians cuan fuyiban de l´acupanzia mozleme.

16

Monasterio de Santo Toribio de Liébana. Monesterio de Santo Toribio de Liébana.

L´aztual edefizio esdebien d´o retrazie feito lo 1256, en estilo gotico. En o sieglo XVII se´n i adibió lo claustro y á primers d´o sieglo XVIII ra capiella d´o “Lignum Crucis”.

Enta lo sieglo IX bi eba bels zentros relichiosos en Liébana, en resaltando San Martín de Turieno (prerrom. Twr – altero, puesto altizo), más tardi esdebenito en Santo Toribio, antimás de Santa María de Lebeña y Santa María de Piasca.

17

Edificios del Monasterio de Santo Toribio de Liébana. – Edefizios d´o monesterio.

A fundazión d´o monesterio de Santo Toribio debió de fé-se en o s. VIII, anque ra tradizión lo fa remuntar dica lo s. VI y li´n acumula á un monche de Palenzia, dito Toribio, qui binió t´astí de retiro. Entre as suyas pertenexenzias trayeba os repuis de Santo Toribio, bispe d´Astorga. Iste bispe yera estato en Cherusalén y se´n eba trayito cualques relicas, entr´elas lo troz más gran conserbato de ra Cruz de Cristo, o “Lignum Crucis”.

18

Fachada con arcos de un edificio de Santo Toribio de Liébana. – Frontera con arcadas d´un edefizio.

En iste monesterio bibió durán lo sieglo VIII “el Beato de Liébana”, mosen y monche taute de ros  “Comentarios al apocalipsis”, qu´escrebió en 776, cunsidatos como una importán obra d´o miniaturismo meyebal con ilustrazions policromas plenas de esprisibidá y colorito. En os sieglos IX y X se´n fazión copias d´istos codizes en autros monesterios uropeyos, conoxitas agora como “los Beatos”.

Durán lo sieglo XI se i preduz lo cambeyo d´albocazión, asolando-se-ie en 1181 la de Santo Toribio, en aibar  á lo consagrato San Martín de Turieno (Tours).

O culto á Santo Toribio debió d´aparixer á zaguers d´o s. IX, anque n´a segunda metá d´o s. XII i decaye por a perduga d´a independenzia suya, en estar acorporato ta lo monesterio burgalés de  San Salvador de Oña.

De 1512 t´adebán crexen as pelegrinazions, dimpués de l´atorganza d´una bula papal por Chulio II, estatuezendo lo “chubileyo” lebaniego en os años en os que ra fiasta de Santo Toribio -16 de abril- cayese en dominche, constimezendo dende allora un importán foco de pelegrinazión crestiana, chunto á Cherusalén, Roma y Santiago. Dende 1961 ye almenistrau por a orden de los Franciscanos.

Besitan os arredols d´o Monesterio y ro claustro de Santo Toribio de Liébana,

19

Claustro de Santo Toribio de Liébana.

no pas ra ilesia, pos la i troban zarrata.

20

Portada de la iglesia de Santo Toribio de Liébana. – Portalada de ra ilesia.

Agora sí, ban á besitar Potes, la capetal de Liébana.

Anuncios