16. CANTABRIA (TOPONIMA – FABLA) – MUSEYO DE ALTAMIRA. SANTILLANA DEL MAR

O toponimo Cantabria promana d´a radiz zeltico-induropeya ‘cant’, rilazionato con bocables cantabros como canta (roca), cantu (zillo), cantil (zinglo), chunto con o sufixo ‘abr’, con o sinificato de “os que abitan en as peñas”; u de ro zelta ‘briga’: zimbrera, alterón fuertificato’.

01

Mapa de una zona de Cantabria. – D´una redolada de Cantabria.

O Ducato de Cantabria estió creyato mientres lo rainato d´Ervigio (680-687) y debeba d´abracar os territorios de l´antiga Cantabria prerromana y romana ta lo norte de ra zona cantabrica, dende l´arriu Sella dica ra muga oriental bascona. Os bisigotos atrapaziaban o territorio en ducatos y os duques en yeran lurs mainates.

Dica lo norde d´a Peninsula no i plegó ra embasión arabe prenzipiata lo 711; en o territorio astur-cantabro constimezión un foco común de resistenzia dimpués d´o casorio d´Alfonso (fillo de Pedro, duque de ros cantabros) con Hermenegilda, la filla de Pelayo.

D´allora enta debán lo destín de ros cantabros quedó binclato en primeras con o desembolique d´o raino d´Asturies, y dimpués se´n espartión, remanindo ra zona ozidental pendién d´o Raino de Leyón y ra oriental de ro Condato de Castiella y lo Raino de Nabarra, t´acorporá-se-ne en o sieglo XII ta lo Raino de Castiella.

De ro sieglo VIII ta lo XV Cantabria disparixió como nome corrién, estando anomenata “La Montaña”. De risultas, “La Montaña” prenerá con o tiampo lo matiz de “biella Cantabria”, la d´antis más. O termino “montañés” equibaldrá á “cántabro” pero con matizes folcloricos, más tradizionals.

O nome con o que se conox Cantabria difuera d´a Comunidá, La Montaña, ye emplegato por os abitadors d´as suyas bals interiors ta referí-sen á redoladas menos montañosas, as bizinas á lo mar.

02

Monumento histórico de Cantabria. – Molimén estorico de Cantabria.

Magueras aber pasato la Cantabria meyebal muito lugo de l´espaz asturleyonés enta lo raino de Castiella, en Cantabria ha remanito un sentimién de chuntura etnografica y chiografica con Asturies; encá lo 1.916-17 la selezión de chugadors de zumbol d´istas dos comunaldaz yera conoxita como “Selección Cantábrica”.

Fa unas añatas yera asabelo corrién izir: “Del Sella al Nervión, Cantabria es nación”.

(Beluns d´istos zaguers datos son estaus bistrayius d´un triballo de rematadura de “máster” de Diego San Gabriel López, de la Facultá de Filosofía y Letras d´a Unibersidá de Cantabria, con o tetulo “El corónimo Cantabria y el gentilicio cántabro en la contemporaneidad desde un enfoque de historia conceptual”).

En Cantabria l´idioma fablato en a Edá Meya y dica fa cualques 200 añatas yera “l´asturleyonés”. Anque, mesmamén, a redolada en a que plegan d´estar de ra comarca Campoo-Los Valles ye d´idioma castellán de tota ra bita, pos a suya poblazión  ye d´etnia castellana y pertenexeban á Palencia dica 1.833.

En 1906, o filologo y estoriador Ramón Menéndez Pidal ascribió lo patrimonio lingüistico cantabro ta ro leyonés en a suya barián oriental, (agora conoxito como asturleyonés). L´ozidental ye fablato dende l´arriu Purón -en Asturies- dica la muga de bersans entre os arrius Besaya y Pas.

L´oriental dend´astí dica l´arriu Asón.

03

Un caballo cantabrón.

Á begatas á ista luenga, lo cantabro, l´anomenan tamién “montañés”,  igual que l´izen “bable” á l´asturiano u “fabla” á l´aragonés. Isto gosa escaizir porque dinantis á istas luengas minoritarias las teneban por bastizas.

En amuestran una güena triga de bocables cantabros de ro libro “Primer Diccionario Castellano-Cántabro”, de Marco A. Robles Bárcena.

“Estaciones: Primovera y Primovel, Branu, Tardíu, Tardiegu o Toñá, Iviernu o Hibiernu.

Meses: Heneru, Jebreru, Cebreru o Correnderu, Marzu, Abril, Mayu, Juniu, San Juan o Mes de Praos, Juliu o Santiagu, Agostu, Sitiembri o Jitiembri, Utubri, Nuviembri, Diciembri.

Días de la semana: Lunis, Martis, Miérculis, Jueves, Viernis o Vienrris, Sábadu, Dumingu.

El Día: Hui, o Güi, Ier, Antier o Entardayer, Anochi o Anuechi, Antanochi o Anterdanochi, Pasaú.

Partes del Día: L’albiar, El Pardiar, Enclarar, L’Escurecer, De Nochi Ciegu.

Momentos del Día: La Madrugá, La Mañanuca, La Miudía o Meyudía, La Tardi, La Tarduca, La Noche.

La Hora: Hora, Minutu, Sigundu.”

04

Diccionario cantabrón. – Dizionario cantabrón.

Autros bocables eslechius de ro Diccionario Castellano-Cántabro:

Abuela: Güela. Acordarse: Alcordasi. Acordeón: Curdión. Adentro: Drentu. Agujero: Juracu. Ahora: Agora. Alguno: Dalgunu. Ardilla: Esquilu. Asombrado: Apasmáu. Bochorno: Caluriza. Caballo: Catrupeu. Caminar: Cambalar. Cascada: Churrota, Saltu. Chaparrón: Plubión. Charlar: Parlar. Chorizo: Churizu. Columpiarse: Isculumpibiasi. Comenzar: Escomenzar. Derrumbar: Esborrebar. Después: Dimpués. Día: Diya. Diccionario: Parabreru. Enfermedad: Malera. Escurrir: Acullar. Flaco: Esgandiáu. Fuente: Juenti. Goloso: Lambiana. Guadaña: Dalle. Indiscreto: Lengüeteru. Jersey: Gambitu. Lago pequeño: Lláu. Leche: Lechi. Llorar: Glarimear. Luna nueva: Luna muerta. Maestro: Mastru. Maizal: Panizal. Médico: Fisicu. Mote: Llamatu. Mozo: Chicu. Niebla que viene del mar: Cierzu. Nogal: Cucunal. Nuez: Cuca. Ojo: Güeju. Orinar: Churrar. Oso: Josu, Osu. Pajar: Payu. Quién: Quin. Redondo: Ruondu. Respirar: Alendar. Riachuelo: Regatu. Río: Riyu. Rodear: Arrudiar. Rojo: Ruyu. Santander: Jantande. Silbar: Chiflar. Tejón: Tasugu. Tijera: Estijera. Tiza: Clearón. Torcer: Zambear. Urraca: Picaza. Vaca: Brisca. Vuelta: Arronda. Vueltas en camino en pendiente: Retuercas. Zurdo: Escardañu.

Trascriben bels ditos en Cantabro:

“Niebla en Peña Sagra, a las 24 horas agua.

Cuandu el sol se recata, güen día cata.

Niebla nel cerezu, agua jasta’l piscuezu.

Cierzu en raya, sol mañana.

Cuandu la Peña Cabarga se pon el sombreru, lluevi n’Astilleru.

Cuando la niebla toca la Toja, toa Liébana se moja.

Febrerucu es cortu, pero tien más de locu.

Engordar el chon la víspera del matacíu.”

Por l´autobiya Cantabria-Meseta (A-67) plegan ta ros arredols de Torrelavega, do aturan á chintar chunto á una retonda amanata; por ziarto, á ros de Torlavega lis izen “Portugueses”.

En rematar de chintar marchan enta lo Museyo d´Altamira, por a carretera CA-133.

La Cueva y el Museo de Altamira s´alcuentran á 2 kms. de Santillana del Mar.

Declarata Patrimonio d´a Umanidá por a UNESCO lo 1985, a espelunga d´Altamira se zarró finitibamén á lo publico l´año 2002.

05

El descubridor de Altamira. L´escubridor d´Altamira.

Estió trobata por un cazataire lo 1868 y más tardi estudiata y escabonata por Marcelino Sanz de Suntuosa y por os prenzipals prestoriadors d´o Paliolitico, consiguindo ros suyos contenius lo reconoximián mundial como autenticas piazas eszeuzionals.

06

El mismo descubridor de Altamira. -O mesmo escubridor.

Altamira (del latín “ALTA MIRA”: talaya, bistero) ye un forato natural en a peña en o que se i son mantenitos, á l´arreyo de cuasi 300 mts., 150 penturas y grabatos d´arte rocazer de ro Paliolitico Susano. Estió abitata dende fa bellas 35.000 añatas dica cualques 13.000; en ixas, l´entrador prenzipal se´n esmolingó. Ixo apremitió d´allora enta debán la mantenenzia en fresquera de lurs pizmens.

07

Pintura de Altamira. -Pentura d´Altamira.

Contién en as salas suyas grabatos y penturas policromas, negras, royas y amarillencas que ripresientan animals como bisons, caballos y pardos; feguras y debuxos feguratibos de mans y siñals.

08

Bisonte de Altamira. – Auroch d´Altamira.

Con a precura d´apreserbar la Espelunga en o millor estau, la zarrón á lo publico y pretón á fer o Museyo d´Altamira. Íste ubrió l´año 2001 á poquez metros de ra grota, i contenindo una copia esazta á grandaria natural d´a sala d´o Gran Teito Policromo d´Altamira, u sala de ros bisons, con as suyas penturas prestoricas,  y una esposizión permanén sopre l´arte rocazer de Cantabria y quiénto yera la rechión en aquels tiampos prestoricos.

09

Los Zerrigüeltaires en la puerta del museo de Altamira. – Os Zerris en a puarta d´o museyo Altamira.

Han suarde de poder biyer ascape lo Museyo, con besita guidata de ra copia d´a Espelunga d´Altamira; lis n´han esplicotiau muito bian y en cunsidan que ye estata asabelo d´intresán.

Encontinén beyen a esposizión permanén en a que son amostratas as colezions arquioloxicas (420 oxetos) promanans de diferiens chazimiens y espelungas de Cantabria (El Castillo, Las Monedas, Morín, Rascaño, Salitre, Chufín, El Juyo, La Pila) y, más que más, as de ra mesma espelunga d´Altamira, dende 1878 dica 2010.

Á lo qu´en ixen, garimbolían bel poqued por os arredols d´a espelunga d´Altamira.

Marchan ta ra poblazión de Santillana (2 kms.).

 

Santillana del Mar, (toponimo debenito de l´antigo monesterio de ‘Santa Juliana’) ye una localidá situgata en a comunidá autonoma de Cantabria, en a comarca Costa Occidental, en una fueba que no l´apremite tener bisual con a mar, ha cualques 1.000 abitadors -4.215 yencluyindo ros 10 lucars que constimezen lo suyo monezipio-, ye á 82 mts. d´altaria y á 31 kms. d´a capetal de ra Comunidá, Santander.

Ye tasau como un de ros lucars más polius d´España.

10

Una calle de Santillana. -Una carrera de Santillana.

O nome orichinal de Santillana yera Sancta Iuliana, Sancta Illana la mentaban ya en o 1228.

Iz que Santa Chuliana yera una crestiana qu´enduró martirio en Asia Menor, por as engualtas de l´imperatuer Dioclezián. Os suyos güesicallos plegón ta istas tiarras, dimpués de luengo pelegrinax, ta rematar en una armita quillata por uns monches en o sieglo XI, que más tardi esdebinió monesterio con o refirme de prebilechios reyals, como lo de Fernando I en 1045 cuan l´atorgó lo primer fuer, y endonanzias de noples, consiguindo un amplismo dominio siñorial y esdebenindo l´abadía más importán d´a Cantabria meyebal.

11

Un balcón de trastes.

O puesto qu´agora acupa Santillana del Mar yera anomenato Planes, seguntes decumén latín de l´año 980: “baseleca Sancta Luliana locum qui dicitur Planes”. Poderba promanar d´o latín ‘planum’, como planera esbrozata (anque allora lo monesterio no yera á canto lo lucar. Ixe toponimo en castellán sereba esdebenito: “Llanes”.

12

Balcón y tienda en Santillana. -Balcón y botiga.

Alfonso VII atorga lo 1209 un nuabo Fuer á Santillana y la estatuez como billa. O Merino yera lo ripresientán d´o rai en a billa, como capetal d´a “Merindad de las Asturias de Santillana”, una d´as 13 que constimezeban o raino de Castiella.

Lo 1445, lo rai castellán Juan II atorga á ros Duques del Infantado lo siñorío de ra billa. Durán la Edá Muderna as “Asturias de Santillana” se´n acorporan ta ra churisdizión d´o “Corregimiento de las Cuatro Villas”, encapezato por Laredo.

13

Otra calle de Santillana. – Unatra carrera.

Fa tal caloraza que ro que más lis peta, antis de besitar a poblazión, ye remanir en a fosquera d´una esposizión en o palaz Peredo-Barreda, mesmamén güé end´i han enguerato una d´afotos, tetulata “Ouka Leele. Inédita”, con 64 obras de la fotera Ouka Leele, “Premio Nacional de Fotografía” en l´año 2005.

Lis ha cuacato muito, pero más que más lo fresquez y bian que bi yeran aintro.

14

Balcón del ayuntamiento de Santillana. – Balcón de Casa La Billa de Santillana.

Fan una galbanuta gambadica por a chiqueta y polita Santillana, que ha manteniu l´atrazau tipico meyebal, con casals de piatra con rafe bolau y balcons de fusta, edefizios barrocos con escutos adibius, torrazas esfensibas y carreras de tantonicos. As dos carreras prenzipals desenfilan en a Colegiata.

15

Colegiata de Santa Juliana. -Colechiata.

16

Los Zerris delante de la Colegiata de Santillana. – Debán d´a Colechiata.

En o sieglo XII edeficón la ilesia romanica, qu´esdebiendrá Colechiata.

17

Colegiata de Santa Juliana del siglo XII con fachada de piedra dorada. -D´o sieglo XII con frontera de piatra dorata.

En o sieglo XIII i construyón o claustro romanico con motibos d´animals enzerringlaus, temas alegoricos y ebanchelicos, lazerías y bechetals chiometricos.

18

Claustro de los siglos XII-XIII con bellos capiteles de la Colegiata de Santillana del Mar. – Claustro de ros sieglos XII-XIII con polius chapistels d´a Colechiata de Santillana del Mar.

En o sieglo XIII á la carrera prenzipal li´n iziban: “la rúa del Rey”, agora trestallata en tres: Carrera, Cantón y del Río; ixindo de ra colechiata y á l´arreyo de dita carrera, iban fadrucando torres, casals, plazas, corrals y carreras como as de Santo Domingo y Juan Infante. En Santillana no bi´n abió de murallas, pero sí casals linachutos con torrazas ta repusar posibles remetidas, como la de don Borja de zaguers d´o XIV,

19

Torre Don Borja, del siglo XV. Posteriormente se adhiere una casona con soportal y balcón corrido. – Torre Don Borja de ro s. XV. Dimpuesas l´apegón un casal con porchegato y balconata luanga.

la torre de Velarde costruyita á metá d´o sieglo XVI y la tor gotica d´o Merino, que la fazión un poqued más retirata, en l´aztual plaza de Ramón Pelayo.

20

Torre del Merino, construcción militar del siglo XIV, del representante del rey en la villa. – Torre del Merino, costruzión melitar d´o s. XIV, d´o ripresientán reyal en a billa.

Entre remates d´o XVI y empezallos d´o XVII i edeficón a mayor parti d´as casas conserbatas güé.

En o sieglo XVII estión quillatos os dos combens de Dominicos en os arredols de ra billa.

En cuasi todas as botigas, que ne b´ha muitas, i benden sobaus, pasiegos, quesadas, binadas, anchobas y una güena rafollada de subenirs.

Bian zerqueta d´a Colechiata, mercan en a baxera de “Casa Quevedo” un beire de leit asabelo frescacha con un troz de quesada ta cadagún y las minchan por a carrera, pero nomás rematá-las, en segundían.

21

Casas de los Cossio y Quevedo, en cuyos bajos tomaron los Zerris leche fresca y un poco de quesada. – Casas de los Cossio y Quevedo en lurs baxeras prenión os Zerris leit frida y una mialla quesada.

Martín rezenta que á begatas la suya mai diz a esprisión: “esto es media vida”, a berdá ye que ros dos consienten en ixas en lo mesmo: a primer begata la chuntura de leit y quesada lis dentra de pistón….. y ra segunda, tamián.

Ye sonau iste dito que M. Pérez conox de ra primer begata qu´estió por aquí, lo 1986, cuan li contón que yera o lucar d´as tres mensoñas: “Santillana del Mar, ni es santa, ni es llana, ni tiene mar”.Como diz la liyenda: “que una doncella muy católica, casada a la fuerza por su familia, se escapó de su casa porque quería mantenerse pura y se escondió en los montes donde hoy está Santillana del Mar, porque la doncella ni era tan santa, ni la población es llana ni tampoco tiene mar.

A berdá seiga dita, una partida de ro termino monezipal sí que pega ta lo mar.

Iñigo López de Mendoza (1398-1458), primer marqués de Santillana -tetulo atorgato por o rai castellán Juan II- estió un melitar y poyeta d´a prerrenaxenzia. Se´n farchó literariamén en a cort aragonesa, adubindo á conoxer os clasicos de l´umanismo y a poyesía trobadorenca. Astí fazió amistanza con os Infans d´Aragón.

En “Lo Moncayo-2009”, capetulo 2, ya i mentan una de ras “Serranillas” de ro Marqués:

https://oszerrigueltaires.wordpress.com/2008/05/07/2-lo-moncayo-fuen-de-creyazion-literaria/

22

Poesías del Marqués. – Poyesías d´o Marqués.

De ro libro “Poesías” d´o Marqués de Santillana, Edit. Fama, Barcelona, 1953, en trigan lo soneto lumero 13, referito á lo rai d´Aragón Alifonso V:

Calla la pluma e luze la espada / en vuestra mano, rey muy virtuoso;

vuestra excelencia non es memorada / e Caliope fuelga e ha reposo.

Yo plango e lloro non ser comendada / vuestra eminencia e nombre tan famoso, / e redarguyo la mente pesada / de los vivientes, non poco enojosos; / por que non cantan los vuestros loores / e fortaleza de memoria digna, / a quien se omillan los grandes señores, / a quien la Italia soberbia se inclina.

Dexen el carro los emperadores / a la vuestra virtud quasi divina”.

O filosofo y escrebidor José Ortega y Gasset comentaba sopre Santillana:

Santillana del Mar, con su aspecto de antigua decoración de teatro, hecha para delante se reciten décimas sin parar, nos mueve a buscar una compensación en la cueva de Altamira”.

Dimpués de besitar Santillana del Mar, enfilan á adormir enta Comillas por la CA-131 (16 Kms.). Por o camín lis pilla una chuflina, de seguras que orichinata por  a escalforaza, y á lo que plegan en Comillas ya i preta á esplebinzoniar.

Anuncios