14. PICO TRES MARES

27-VI-2012. Güé yeran dandaliando sopre si continar la cursa remuntadera d´Ebro, con rematadura en o suyo berdader orichen (Sierra Peña Labra-Pico Tres Mares) pero, á la fin, se´n son decantaus por marchar en primeras ta ixas mondañas y rematar en a naxenzia suya ofizial (Fontibre).

00

Mapa de la zona.- Mapa d´a redolada

Ixen á ro punto ro maitín dende Reinosa por a carretera CA-183, endrezatos enta lo miralgüen “El Chivo”, en a gara d´esquí d´Alto Campoo (lat. CAMPUM, ‘altero’, cambo en altero), do i remata la carretera engudronata (25 kms.).

 

CURSA TA LO PICO TRES MARES

BASE: Alparcamién en o “Mirador El Chivo” (2.040 mts.)

DESTÍN: Pico Tres Mares (2.175 mts.)

ESLIBEL: 135 mts.

DURATA: 35’ (ita)

DIFICULTÁ: chiqueta

PRECURAS: a guaira pué b´aparixer en cualsiquier puanda de l´añata, indizcando-ie la prebalidá de tresbatidura. L´airera d´o sur pué i esdebenir asabelo fuertaza en ista redolada, con empentadas superiors á ros 100 kms/ora.

A cursa escomenzipia en una pista de serbizio susana á lo telesiella de “El Chivo”, nabesadera en cantimplano enta par d´a tuca. No ne b´ha guaire de panta y ye fazil de siguí-la. Una catafila de zerrigüeltas menan dica ra casialla susana de ros zurrasties y, dend´astí, por una costerica zaguera bian plazentera, se i plega en poco más de meya oreta en o Pico Tres Mares, á 2.175 mts. d´altaria.

 Dend´iste puasto -antigo ziercol glaziar de  Brañavieja, en a Cordelera Cantabrica-  i alufran enta lo norte, á trabiés d´a zuña azulenca, ra panoramica d´a silueta de ros Picos d´Uropa y ras bals ozidentals de Cantabria. Enta l´este, lueñes, l´entibo de l´Ebro. Fantestico.

01

Vista del camino del Pico.- Ambiesta de ro camín d´o Pico.

En iste mesmo puasto ye grabato en piatra, dende 1964, un poyema composato por o poyeta Gerardo Diego, adedicato á lo Pico Tres Mares y publicato dimpués en  “Vuelta del Peregrino”.

02

Poema de Gerardo Diego.- Poyema de Gerardo Diego.

Empezipian l´andada enta la cucha, afotiando ros arredols, cuñestras qu´encá i remanen y caballos meyo libres.

03

Helero y caballos (1).- Cuñestra y caballos.

04

M. Pérez, helero y caballos (2).- M. Pérez, Cuñestra y caballos.

06

M. Martín, helero y caballos .- M. Martín, cuñestra y caballos.

Continan por la costera pasando por una peña conoxita como “La Tortuga”, enfilando ta ro puntal rocazer y plegando ta ra zema por una curta panta y sin mica d´escamallo.

05

M. Pérez camino del Pico. M. Martín camín d´o Pico.

08

M. Martín camino del Pico.- M. Martín camín d´o Pico.

07

M. Martín junto a un helero.-  Migalánchel Martín á canto d´una cuñestra.

09

Los Zerrigüeltaires camino del Pico Tres Mares.- Os Zerrigüeltaires camín de ro Pico Tres Mares.

Astí troban un molimented con trazas d´esquís y bastons, una cruz de fierro y un miralgüen de recholas con escaleretas y barandau ferrato; ye de sobras e i plandificato pordemás pero, con tó y con ixo, i puyan.

10

Hacia la estación de esquí de Alto Campoo.- Enta ra gara d´esquí d´Alto Campoo.

11

M. Martín descansando.- Migalánchel Martín discansando.

12

Monumento de hierro.- Molimén ferruto.

En iste Pico Tres Mares naxen tres arrius qu´enfilan enta tres mars diferiens. Cada chisla de plebida, de guaira umedenca u bolicón de nieu cayita, se´n decanta por a endreza “eslexita”: si marcha enta lo norgüeste, por l´arriu Nansa dica lo Cantabrico;

14

Hacia el Cantábrico (1).- Enta lo Cantabrico.

15

Hacia el Cantábrico (2).- Enta lo Cantabrico.

16

Hacia el Cantábrico (3).- Enta lo Cantabrico.

si se´n esliza ta lo surgüeste cruziará las montañas palentinas dica ro Pisuerga, dimpués o Duero y rematará en l´Atlantico;

17

Hacia el Atlántico (1).- Enta l´Adlantico.

18

M. Martín, detrás hacia Palencia.- Migalánchel Martín dezaga enta par de Palenzia.

19

Hacia el Atlántico (2).- Enta l´Adlantico.

20

Hacia el Atlántico (3).- Enta l´Adlantico.

21

Hacia el Atlántico (4).- Enta l´Adlantico.

y si baxa por do los Zerris son puyatos, u seiga la costera este d´o pico, marchará ta lo sureste por la bal de Campoo, furnindo á lo Híjar -esdebenidero Ebro en Fontibre- ta plegar dica lo Mediterranio.

22

Hacia el Mediterráneo (1).- Enta lo Mediterranio.

23

Hacia el Mediterráneo (2).- Enta lo Mediterranio.

24

Hacia el Mediterráneo (3).- Enta lo Mediterranio.

As ambiastas amuestran una ampla y eszeuzional panoramica en totas endrezas, con menutas mondañas peñazeras por Fuentes Carrionas en Palencia,

25

Hacia Palencia (1).- Enta Palenzia.

26

Hacia Palencia (2).- Enta Palenzia.

27

Hacia Palencia (3).- Enta Palenzia.

28

Hacia Palencia (4).- Enta Palenzia.

29

Peña Labra.

30

M. Pérez, detrás hacia el pantano del Ebro.- Migalánchel Pérez, dezaga enta l´Entibo d´Ebro.

31

Peña Labra al fondo.- Peña ta lo fundo.

32

M. Martín, detrás Peña Labra.- Migalánchel Martín dezaga Peña Labra.

33

Otra vista de Peña Labra.- Unautra ambiesta de Peña Labra.

34

M. Pérez y Peña Labra. Migalánchel Pérez y Peña Labra.

de berdas bals con bechetazión de mon baxo, de numbrosos  arrigachuelos enta Cantabria,

35

Hacia Cantabria. Enta Cantabria.

36

Hacia Cantabria (2). Enta Cantabria.

de ra gara d´esquí  con os remuntes suyos, de pretas selbas de caxicos y faus por a bal de Campoo y, ta lo fundo, l´entibo d´Ebro.

37

M. Martín detrás hacia el pantano del Ebro.- M. Martín dezaga enta l´entibo d´Ebro.

38

M. Pérez en el Mirador.- Migalánchel Pérez en o miralgüén.

39

M. Martín en el Mirador.- Migalánchel Martín en o miralgüén.

40

Vista del Pantano del Ebro (1).- Ambiesta de l´Entibo d´Ebro.

41

Vista del Pantano del Ebro (2).- Ambiesta de l´Entibo d´Ebro.

42

Vista del Pantano del Ebro (3).- Ambiesta de l´Entibo d´Ebro.

Ye conoxita de firme ista mazada que se diz por ista redolada á lo que i plebe, en a cuala l´auno li casca á l´autro: “En Reinosa ya escampó”, por lo chuego de parolas: “ya es Campoo”.

Impresionans as ambiastas, lastima de zuña que no lis dixa i biyer con claredá ni ros Picos d´Uropa, ni lo Cantabrico.

Alifratos por o paisax y emozionatos por aber puisto besitar lo parache de ro berdader naxedero d´Ebro,

43

De vuelta.- De tornata.

tornan ta l´auto ta continar por la cursa de l´arriu Híjar  dica lo naxedero “ofizial” de l´Ebro: Fontibre.

Anuncios