12. OÑA

Oña (promanareba d´a forma zeltica recostruyita “ONNA”, que sinifica “fraxin”, u deribau d´o prerromán con esprisión de “arriu” u “corrién d´augua”, u mesmo: “poblato costruyiu en o pedero d´un mon”, entre autros parixers) ye una billa situgata en a comunaldá de Castiella-Leyón, ta ro norte d´a probinzia Burgos, aintro d´a comarca La Bureba y enclabata en o pedero de ros mons Obarenes; sulcata por l´arriu Oca, afluyén d´Ebro, ha 1.124 abitadors, ye á 598 mts. d´altaria y á 64 kms. de Burgos capetal.

01

Mapa de Oña y alrededores.- Mapa d´oña y arredols.

02

Monasterio de San Salvador de Oña.- Monesterio de San Salvador de Oña.

A propia fundazión d´a billa ye ligata á cualques liyendas como ra de San Iñigo y ros naufragos d´Oña. Lo 1209 lo siñorío d´Oña pasa ta Sancho lo Mayor de Nabarra y ye en bita d´iste monarca cuan aparix la fegura de l´abate San Iñigo, que las suyas relicas son beneratas en o monesterio local de San Salvador, costodiatas en una urna de plata.

San Iñigo nax en Calatayú, en o sino d´una familla de mozarabes bilbilitans. Ye decumentato que lo 1034 San Iñigo yera á lo fruen d´a comunidá de San Salvador d´Oña. Á partir d´isto, pretón á aparixer rilatos y liyendas arredol de l´abate bilbilitán.

De ro libro “Mitos, leyendas y tradiciones” de José Ramón Marcuello Calvín,  en amuestran una triga de ros miraglos acumulatos á San Iñigo, un resumen de ra Liyenda de “San Iñigo y los náufragos de Oña”, rilazionata con l´Ebro y l´episodio de ros naufragos:

Como corriese la fama por toda España de lo milagroso que era San Iñigo, algunos habitantes del Ebro de Oña hacia arriba, determinaron venir a Oña en peregrinación. Traían sus ofrendas para el Santo y especialmente cirios que ardiesen delante de su Sepulcro.

Llegaron a las riberas del Ebro, los peregrinos se determinaron a pasar, en la barca se llenó toda de gente, más de lo que debía entrar. En la mitad del río, la barca zozobró y se hundió. Los náufragos clamaban: “Señor Dios de San Iñigo, socórrenos”. Todos sobre las aguas, llegaron a la orilla. Los que restaban de pasar al otro lado, confiados en el favor antecedente y con el deseo de visitar al Santo Abad, porfiaron con los barqueros y, por segunda vez, zozobró la barca y se sumergió. La gente volvió a clamar: “Señor Dios de San Iñigo, socórrenos”.

Este mismo tiempo, apareció en la ribera un venerable anciano con vestido blanco y en la mano un báculo pastoral, en señal de abad, el cual levantando la mano, les echó la bendición y, luego, todos salieron a la orilla.”

A relica d´o cuarpo de ro santo San Iñigo, estió endonata por Oña á Calatayú en 1599.

Ist´autro costumbre se i ripresienta todas as añatas en o mes d´agosto.  Os abitadors d´Oña partizipan en un sengular  espeitaclo teyatral de luz y son en o qu´eszenifican güenfaxo d´o talpiu debanpasau meyebal de ra billa. El Cronicón de Oña s´entrepeta por as carreras de ra localidá y en os aintros de ra ilesia d´o monesterio de San Salvador.

Ye una tradizión popular bian afamata ras xotas d´Oña. O cantaire más conoxito en Oña ye Félix Sáenz, de “los Molineros”. Amuestran la letra d´una d´elas:

Son las que hacen patria al Ebro

las aguas del río Oca

dentro de sus venas llevan

cantos de los molineros”.

03

Vecinos de Oña en un espectáculo teatral en el Monasterio de San Salvador.- Bizins d´Oña en un espeitaclo teyatral en o monesterio de San Salvador.

Á metá d´o sieglo VIII  Oña  aparix como fuertificato rezingle en un pasadero estratechico enta lo norte, do ya yeran acubillatos os crestians enfrontinaus ta ros mozlemes d´o sur.

En a coronica de l´estoriador arabe Ibn Hayyan, se i menta qu´en Oña b´ha un castiello; astí rezentan a espediata d´Abderramán III en 934, en siñalando en a rilazión d´a bitoria que i emburzoron cuentra “…la fuertaleza de ‘Unya’ y o monesterio d´o suyo nome”.

Lo 950 lo primer conte independién de Castiella, Fernán González,  l´atorga  os primers prebilechios, manimenos  Oña no aparix decumentalmén dica lo 967,  á lo que i mentoron  la suya albala, lo cual que suposa ra esistenzia d´un castiello u fuertaleza.

Lo monesterio de San Salvador, estió creyato lo 1011 por o nieto de Fernán González, lo conte de Castiella Sancho García. Dica lo 1033 estió composau por una comunaldá mista de monches y monchas,  ta más adebán seyer enfilato por una comunaldá beneditina en a que ros abates desibirán lo tetulo de Siñors d´Oña.

A fuga d´o monesterio esdebiendrá chus lo rainato de Sancho III lo Mayor,  qui ficará  lo retrazie cluniazense  y nombrará Abate á lo debanmentau bilbilitán, San Iñigo, qui b´estió prior dica ra muarde, en o 1068. Cuasi tota ra Edá Meya  durán, l´abatía d´Oña ye una de ras más prenzipals de Castiella. Os prebilechios suyos estioron tals que, mesmo, estió estatuezita como autonoma de ro poder reyal.

04

Exteriores del monasterio de San Salvador.- Difueras d´o monesterio de San Salvador.

En a segunda metá d´o sieglo XV, a “Congregación Benedictina de Valladolid”, aduyata por o Condestable de Castiella y lo bispe de Burgos, consiguió engafetá-se la baralta d´o combén oñense con l´aduya de ras armas.

Roma i alberó á fabor d´Oña por seyer combén desento de churisdizión y socheto en lo espritual nomás que ta lo Papa.

Lo poder de l´abate d´Oña yera desinforme y  lo dominio d´él se´n estendilló mesmo dica lo Cantabrico. A billa d´Oña y ras suyas chens bibión de contino á la guambra de ro monesterio dica lo momén d´a disparixión d´íste en a esclaustranzia d´o 1835.

A zilebrazión d´o milenario de ra creyazión de ro monesterio ha indizcato que ra fundazión “Las Edades del Hombre”, como siede de ra dezenosetena edizión d´arte sacro con o tema “Monacatus -la vida monástica en la iglesia católica-” aiga trigato ta ista grañaza esposizión (138 obras) ra ilesia abazial de ro Monesterio de San Salvador d´Oña.

Os Zerris aprofeitan la mingala de biyer ista intresán contrimuestra en o prenzipal molimén d´Oña, ra ilesia d´o monesterio.

Dentran t´aintro de dita ilesia á trabiés d´una puarta gotico-mudéxar de flay Pedro de Valladolid. A nau gotica ye rebutién d´intresans retaulos y penturas entre as qu´endi sopreix lo fresco de Santa María Egipciaca. O cruzero aculle un güergano barroco de 1786.

A capiella mayor ye presidita por un retaulaz barroco con trazas d´arco trunfal  y a capiella de San Iñigo. En ísta se i alzan os repuis d´o Santo Abate en una caxa de 1597, acubillata por un altar d´o sieglo XVIII.

05

Capilla mayor del monasterio.- Capiella mayor d´o monesterio.

06

La tumba del abad San Iñigo.- A tomba de l´abate San Iñigo.

Ista capialla ha una intresán gualta gotica en a que i son remarcables os Panteyons Reyal y Contal, constimesos por dos rechios baldaquins en fusta de noguera y buxo que i alzan, entre autros, as gosarallas d´o rai de Castiella don Sancho II el Fuerte, de los rais de Pamplona Sancho III lo Mayor, muerto lo 1035, y la suya muller, fenezida lo 1086, y os contes de Castiella D. Sancho García –fundador d´o monesterio y muerto lo 1017- y ra suya muller  Dª Urraca Gómez,  fenezida lo 1025. A feitura ye gotico-mudéxar e i son decoratos con penturas ispano-flamencas.

07

Antiguo libro de la vida del aragonés Abad San Iñigo.- Antigo libro d´a bita de l´aragonés Abate San Iñigo.

08

Órgano del monasterio.- Güergano de ro monesterio.

09

Antiguo pergamino.- Antigo bergamín.

10

San Vitores con la cabeza en la mano.- … con a capeza en a man, como San Lamberto.

11

Conjunto sepulcral (1).- Conchunto sepulcral

12

Conjunto sepulcral (2).- Conchunto sepulcral

13

Conjunto sepulcral (3).- Conchunto sepulcral

14

Conjunto sepulcral (4).- Conchunto sepulcral

15

Conjunto sepulcral (5).- Conchunto sepulcral

Autra obra intresán d´a esposizión ye ra lapida fundazional de ro monesterio de Santa María de Benevívere, relox y calandario liturchico de 1176. Sereba plantificada en a frontera d´a ilesia de ro monesterio. En reyalidá como relox marcareba os orarios de ros diyas y meses y como calandario ros tiampos liturchicos y lo rezo d´as oras.

16

Reloj litúrgico del siglo XII.- Relox liturchico de ro sieglo XII.

17

Escudo escultural en columna.- Escuto escoltural en colunna.

Á la fin dentran en o intresán claustro gotico-flamichero, feitura de Simón de Colonia, costruyito entre 1503 y 1508.

18

Claustro del monasterio (1).- Claustro d´o monesterio.

19

Claustro del monasterio (2).- Claustro d´o monesterio.

Ixen d´a esposizión y en a plaza de l´achuntamién i alufran en a ilesia de San Juan Bautista lo mañifico conchunto escultorico de ra suya portalada romanica de ro sieglo XIII.

20

Portada románica de la iglesia de San Juan Bautista.- Portalada romanica de ra ilesia de San Juan Bautista.

Lo casalar d´Oña mantién una antiga puarta dentradera en a Billa, lo palaz de ro bispe González Manso, cualques casals linachutos de ras famillas Alonso de Prado y Díaz del Castillo, la carrera  Baruso y remanenzias d´arquiteitura popular en o labador y l´abrebador.

Dimpués de besitar la molimental billa d´Oña, marchan ta ra localidá de Pesquera d´Ebro (44 kms.).

Anuncios