11. ARMITA DE NTRA. SRA. DE LA HOZ (TOBERA) – FRÍAS

Dimpués de fer más de 100 kms., en a probinzia Burgos, comarca de “las Merindades”, termino de Tobera -dende 1489 bico d´o monezipio de Frías (2,5 Kms.)- se´ndi alcuentran un parache fantestico.

00

Plano de la zona de Tobera y Frías.- Plan d´a redolada de Tobera y Fridas.

01

M. Pérez en el puente sobre el río Molinar.- M. Pérez en a puen sopre l´arriu Molinar

Baxo unas peñas cubillatas de berdura se i debanta l´armita de Ntra. Sra. de la Hoz, poquez metros más abaxo lo “Humilladero del Cristo de los Remedios” y, á lo canto,  lo  puen romano-meyebal sopre l´arriu  Molinar.

02

M. Martín en el puente sobre el río Molinar.- M. Martín en a puen sopre l´arriu Molinar.

En iste enclau prebilexiato deziden de i chintar, lo ferán en os porches de l´entrador de l´armita.

03

Porches de la entrada de la ermita de Ntra. Sra. de la Hoz (1).- Porches de l´entrador de l´armita de Ntra. Sra. de la Hoz (1).

04

Porches de la entrada de la ermita de Ntra. Sra. de la Hoz (2).- Porches de l´entrador de l´armita de Ntra. Sra. de la Hoz (2).

L´edefizio de l´armita de Ntra. Sra. de la Hoz, d´estilo romanico tardano, d´o sieglo XIII, ye costruyito con piatra “toba” (constimesa por matierals de carbonato calzino aposatos en l´augua). Istas peñas son rilazionatas con liyendas “que faulan de prinzesas que, en cuenta de seyer aforzatas por billans, eslixieron esdebenir piatras”.

En a Edá Meya ista ilesia abalconata fazió onra como gospedería ta ros pelegrins enta Santiago.

05

Vista desde los porches de la ermita.- Ambiesta de ros porches de l´armita.

06

Portada de la ermita.- Portalada de l´armita.

En o peirón d´o “Cristo de los Remedios (s. XVIII) ye la imachen d´o Santo Cristo ausiliador, bistable dende difuara á trabiés d´un arqued enrellato. La cruzeta d´aintro ha la fegura d´una cullebraza á ros piez. A liyenda diz que “por este camino romano pasaba un día un correo de la reina castellana, al que le salió una serpiente gigante al cruzar el puente de tobera. El caballo se encabritó y se desbocó con el jinete a lomos. Pero el mensajero se encomendó al Santo Cristo de los Remedios y milagrosamente salió ileso del fatal accidente. Por ese motivo mandó construir junto al puente una pequeña ermita.”

07

Curiosos detalles de la ermita.- Chocans detalles de l´armita.

La puen meyebal ye de prefil triangular (más altero en o bel meyo qu´en as estrimeras). Ista puen apremitiba  cruziar l´arriu Molinar á qui zerculaban  por a calzata romana que chuniba  La Bureba con Orduña y ros puartos de ro norte.

08

Puente medieval en la ermita de Ntra. Sra. de la Hoz.- Puen meyebal en l´armita de Ntra. Sra. de la Hoz.

09

Vista completa de la zona con el puente, el humilladero y la ermita.- Ambiesta plenera de ros arredols con a puen, o pairón y l´armita.

L´arriu Molinar replega ras auguas d´as zemas de ros mons Obarenes. Promanán de Ranera, ha modelato durán sieglos la feble rocha calzina en iste estreito y espeitacular  xerbicadero.

Ta salbar lo fuard eslibel, as auguas de ro Molinar  cayen por cualques begatas en grandizos saldazes.

Iste paseyo siñalizato de ros saldos d´augua ba á fé-lo M. Pérez en parti. Lo sender, fazil y plazenter,  baxa siguindo la cursa de l´arriu dica Tobera; atrapaziato con bels miralgüens, ye un poliu espeitaclo natural.

10

Cascada en el paseo del río Molinar.- Saldo d´augua en o paseyo de l´arriu Molinar.

Iste arriu bochaba ros molins e batans en o sieglo XVI, furnindo de paper á ras imprentas de Burgos.

Desiguida continan dica la “zidá” de Frías.

  

Frías (toponimo qu´esdebenirba de ro latín frigidus con sinificato de ‘frido’, “Auguas Fridas”) ye un monezipio situgau en a comunidá autonoma de Castiella y Leyón, ta lo norgüeste d´a probinzia Burgos, aintro de ra comarca Las Merindades y en a bal de Tobalina; ofizialmén se´n anomena  “Ilustrísima Ciudad de Frías” dende 1435 –la de menor poblazión d´España-, situgata en as peñas tobas sopre lo pueyo luengo de La Muela, y proxema ta l´Ebro, ha 283 abitadors, ye á 555 mts. d´altaria  y a 80 kms. de Burgos capetal.

11

Vista desde la carretera de Frías.- Ambiesta dend´a carretera de Fridas.

Frías aparix presidita por a silueta de l´orichinal y rocazero castiello de ros Velasco, constimezendo-ie una sinparellana frontera de casas pinchatas en as mesmas estrimeras d´a rocha, abocadas enta l´espaldadero -se´n retraye t´Albarrazín- construyitas con piatra toba y fusta.

12

Preciosa vista de Frías.- Polita ambiesta de Fridas.

Frías zilebra cada año en a bispra de San Chuan, lo 24 de chunio, una fiasta tradizional muito enradigata, la “Fiesta del Capitán”. Eslichen lo Capitán en o siestro d´armas de ro castiello,  lo mesache que troban más adreito bandiando la bandiera.

13

Otra vista de Frías.- Unautra ambiesta de Fridas.

De nueis arrecorre as carreras d´a localidá, bistiu con bestuaches d´epoca y manullando la bandiera, feita con retallos de ropaches de toz os bizins, ripresientando-ie  la chunión de ro pueblo cuentra l´enemigo. L´acomboya tota ra billa y una colla de danzaires bailotiando á lo son de ra donzaina y l´atamborín.

14

Zona de Frías.- Una parti de Fridas.

O pueblo i remera la rebellón de Frías cuentra lo poder feudal en a puanda de ros Condestables de Castiella, en o sieglo XV,  que i prebón de  posedir la localidá. A rispuasta de ro pueblo estió la regualtina, por tal de ras peitas sobrexidas y luitando por lur libertá. Asinas que  trigueron un Capitán ta que i establise la esfensa.

Puasto berdaderamén estratechico y de comunicazions, como en ye teste la cruzillata d´una antiga calzata romana entre la Sasera castellana y lo norte de ra peninsula con autra calzata que menaba ta la zona rioxana.

15

Frías desde la zona de abajo.- Fridas dende ra chusana.

En o sieglo XI lo conte Sancho García alquiere la zidá. Á ra suya muart Frías se´n entegra en o raino de Pamplona-Naxera (prezedén de lo raino de Nabarra) chus lo rainato de Sancho Garzés III lo Mayor.

Lo 1202 lo rai de Castiella Alfonso VIII l´atorgó lo Fuer de Logroño, afaborindo-ie lo desembolique economico de ra poblazión, plegando á abé-ie una chodiguería y abendo la suya propia bandiera nabal, seyendo ixas ras engualtas más prosperas de ra localidá.

16

Pequeña escultura en una fachada de una casa.- Escolturica en a frontera d´un casal.

Frías se´n trestallaba allora en dos bicos cuentraposatos: lo susano, mica plazenter, frido y garrapiñau, pero de bibiandas con muita requesta; lo chusano, asolanau y cubilar de foranos, entr´els os chodigos. Pasa á pender de Castiella y estendilla ra suya enfluyenzia por toda ra Bal de Tobalina.

17

Como Cuenca o Albarracín.- Como Cuenca u Albarrazín.

Lo 1435 lo rai Juan II atorga á Frías lo tetulo de zidá á l´oxeto de cambeyá-li-ne á Pero Fernández de Velasco, á trucas de Peñafiel.

Lo 1446 lo castiello y la zidá  pasan ta mans particulars por endonanzia d´o rai Juan II á lo suyo cambrero mayor, pasando á dominio de ra familla Fernández de Velasco. La zidá luitó en 1492 cuentra os Siñors por o cuentrafuer, pero Frías abió á rendé-se-ne. Iste mesmo año los Rais Catolicos creyan o Ducato de Frías, que atorgan á ros Velasco, y  continará seyendo de siñorío dica lo 1811.

18

Frías en lo alto. – Fridas en o cabalto.

Dixan l´auto chunto la carretera y baxo la mosquera d´un arbol. Ye meyodiya e i fa muitisma calor. Entre que M. Martín discansa en l´auto, M. Pérez se´n amana ta la zidá pero por tal d´a escalforaza no arriba en o castiello.

Frías mantién una tramizada urbana meyebal, coronata por a ilesia de San Vicente y ro castiello de ros Velasco:“Antes que Dios fuera Dios / y los peñascos, peñascos, / los Quirós eran Quirós / y los Velascos, Velascos”.

Os edefizios han un riedo costrutibo que los fa refirmá-sen os uns ta ros autros, composando as diferiens carreras á dos altarias. Han estrutura y tramizaus de fusta con murs de toba. En a susana b´ha un solanar.

19

Rótulo de una calle. – Retulo d´una carrera.

A primer mentata de ra fuertaleza esfensiba de Frías data de lo 867. La que agora se´ndi alufra ye de zaguers d´o s. XII y empezallos de ro XIII.

D´a premetiba costruzión romanica de San Vicente nomás en queda que bels repuis dimpués d´a cayita de ra torre en 1904; la suya portalada ye en o Museyo de ros Claustros de Nuaba York. En os sieglos XIV y XVI estieron adibitas dos capiellas ta la nau prenzipal. Á metá de cursa, güellando cara ta la poblazión, i alufra l´antigo combén de Vadillo, fundato lo 1219 por Diego Faro. L´acupó una comunaldá de “Canónicos de San Agustín”. Fazió onra como Espital y estió albandonato zaga la Ixamortizazión de Mendizábal en o sieglo XIX.

20

Castillo de los Velasco en Frías.- Castiello de ros Velasco en Fridas.

Conserba una ilesieta con parz costrutibas goticas y renaxentistas, con un campanal-paretaño que ranca de ro zentro de ro templo, lo que fa suposar que fuese estata en primeras una armita y más tardi l´aberban adibito lo troz d´ilesia dica ra puarta dentradera.

21

Ermita-iglesia de Frías.- Armita-ilesia de Fridas.

Os dos amius marchan ta las proxemedaz de l´arriu Molinar, do naxen unas agundosas fuans d´auguas fridas y transparens, anomenatas “Las Fuentecillas”.

22

“Las Fuentecillas” en el Molinar.- “Las Fuentecillas” en o Molinar.

23

Río Molinar debajo de Frías.- Arriu Molinar por baxo de Fridas.

Rematan la cursa en Frías amanando-sen ta ra puen sopre l´Ebro, d´orichen romanico y refeita bellas begatas en a Edá Meya; estió una costruzión importán ta Frías, en primeras por l´amenister de pasar l´Ebro y dimpués como nugo de comunicazións entre as tiarras cantabras y bascas con as castellanas de Burgos y como nuclio comerzial, fadrucando la tor en o s. XIV ta i cobrar portalache á marchans y ganaders con rabaños transugans, á fin d´otení-ne de posibles ta ros apaños de ra puen.

24

Río Ebro cercano a Frías.- Arriu Ebro á man de Fridas.

25

Puente medieval de Frías sobre el río Ebro.- Puen meyebal de Fridas sopre l´Ebro.

26

En el término de Frías el río Ebro.- L´Ebro en o termino de Fridas.

Se´n ban enta par d´ Oña (23 kms.), aturando por o camín en una tabiarna de Barcina de los Montes, do ban á trasquí-sen un chelato, ! qué güen que ye !!.

Anuncios