10. BRIONES

Briones (toponimo que promana posiblemén de ra tribu zelta de ros “Berones”, abitaders antis más por ista redolada, anque tamién podreba seyer rilazionato con l´Ebro, pos en o Fuer de Naxera l´anomenaban “Ebriones”) ye una billa de ra comunidá autonoma d´a Rioxa, plantificada ta lo norgüeste d´a probinzia en un pueyo de 80 mts. d´altaria, encosterau enta una recontragüelta -u zerrigualta- d´Ebro que ye muga d´as probinzias d´Araba y Rioxa, de 853 abitadors, á 502 mts. d´altaria y á 35 kms. de Logroño.

01

Mapa de la Rioja.- d´a Rioxa.

Lo casalar urbán ye declarato conchunto estorico-artistico, con carreras enrullatas, palazes y casals d´agüelorio.

02

Vista de Briones.- Ambiesta de Briones.

03

El río Ebro a su paso por Briones.- L´Ebro nabesando por Briones.

04

Museo del Vino de Briones. Museyo d´o Bin de Briones.

En Briones ye bistero que os bitaus y lo bin son la suya bita. Á man d´a billa han feito fer un Museyo d´a Cultura d´o Bin; y una serie telebisera, “Gran Reserva”, ye filmata aquí y en biñers proxemos.

De ditos chocans y bocables autoztonos referius á lo bin en Briones, ista contrimuestra:

“El vino moderado es salud para el cuerpo y alegría para el alma”.

“Con pan y con vino se anda el camino”.

Aniebleo: Vino turbio.

Corriuela: Mal sabor de vino.

http://www.culturaderioja.org/

Briones ye lucar de gran riqueza folclorica. La suya danza se´n arremunta dica lo 1561. Ye constimesa por bels “troqueados” (Contradanza, El rey que rabió, La paloma, La guerra de Cuba, La Zaragozana, Para atrás, Debajo pata, Las Pasadillas, La Enredada, El Muerto, Los Oficios, El Castillo, El Chino y el Junco) y bailotiada por güeito danzaires y un cachiburrio, que ye lo guida y marcador  d´as diferiens carreras y pasos d´o “troqueado”.

La xota de Briones la bailan as mesachas y la letra escomenzipia asinas:

Hasta por Madrid se sabe / que en Briones está lo bueno / desde la calle Mayor / a la Casa de Vaquero”.

As fiastas más importans se i zilebran lo dominche siguién á lo 3 de mayo (Cruz de Mayo) en onor á lo Cristo de los Remedios. A imachen ye tresladata en prosezión dende l´armita dica ra ilesia parroquial; y en as Fiastas Grans, que se i zilebran lo dominche siguién á lo 14 de setiambre (Cruz de Setiambre) se´n torna la imachen ta l´armita.

O terzer cabo semanata de chunio la colla “Briones Medieval”  atrapazia las chornadas meyebals. En ixas i fan rebiscolar as fayenas, ofizios y costumbres de ro debanpasau.

07

Ayuntamiento de Briones. – Casa La Billa de Briones.

Como ya ye mentato Briones esdebiene de ros antigos Berones, pueblos zeltas que posediban iste territorio á lo que os romans conquirión Hispania.

Durán la dominanzia arabe, Alfonso I d´Asturies chitó á ros mozlemes de Briones, aucasionalmén, enta lo 740.

Lo 923 toda ista redolada pasa ta mans crestianas con Ordoño II de Leyón y Sancho Garzés de Nabarra, como muga entre lo Condato de Castiella y lo Raino de Nabarra.

Á zaguers d´o sieglo X  apertenex á lo Condato de Castiella y ye repoblata con bascons.

Entre as añadas 1000 y 1076  apertenexió á Nabarra -lo “Raino de Naxera”- en tiampos de Sancho Lo Mayor.

Alfonso VI de Castiella y Leyón se´n emparó de tot lo territorio y Briones esdebinió de ro Siñorío de los Haro.

Lo primer Siñor de Briones, Diego López de Haro III,  ye decumentau en 1236; remanindo en o raino de Castiella, y poco dimpués la billa esdebinió de reyalengo.

Lo 1256 Alfonso X El Sabio atorga lo fuer de Briones, rendendo prebilechios y desimianzias por tal d´a repoblazión castellana fruen ta los nabarros.

08

Iglesia de Nuestra Señora de la Asunción.- Ilesia de Nuestra Señora de la Asunción.

Lo 1378 esclató ra guerra entre Castiella y Nabarra con enchaquia de l´aliganza entre Ricardo II d´Ingalaterra y Carlos II, dica que siñeron la paz lo 1379, l´anomenata “Paz de Briones”.

Lo 1412 cuan lo marito de doña Alionor, Ferrando D´Antequera, estió eslexito rai d´Aragón, Briones tenió por siñors á los rais d´Aragón.

De 1562 ta 1837 lo siñorío estió en mans de ros Duques d´Osuna, en seyendo lo zaguero Mariano Téllez-Girón y Beaufort, XI Duque d´Osuna, pasando allora Briones ta la corona.

Fa calor y dende do han dixato l´auto bi ha güena puyata, pero la besita merex la pena.

09

Florida y hermosa en Briones.- Florita y majiza en Briones.

Dende lo cabalto alufran l´antigo atrazau d´as murallas y que ra mayoría d´as edeficazions  i son bantatas en piatra sillar.

Dende ros arredols d´o Torreyón b´ha guanas ambiastas enta l´Ebro, la Sonsierra, la Rioxa arabesa y as siarras de Toloño y Peñacerrada.

Plegan ta la Plaza España de Briones, do ye lo más espeitacular d´a billa: la ilesia, la Casa la Billa y bels casalazes.

A ilesia de Ntra. Sra. de la Asunción ye costruyita en sillería con tres naus á ra mesma altaria, trestalladas en zingo trampos. Lo conchunto ye d´estilo gotico isabelino, fraducato en o s. XVI. La tor estió bantata lo 1756 por Martín de Beratúa y Martín de Arber.

11

Plaza e iglesia de Nuestra Señora de la Asunción.- Plaza e ilesia de Nuestra Señora de la Asunción.

12

Vista aérea de Briones.- Ambiesta airia de Briones.

13

Vista aérea de la plaza Mayor de Briones.- Ambiesta airia d´a plaza Mayor de Briones.

En l´autro costau d´a plaza ye l´impresionán edefizio barroco d´o palaz d´o Marqués de San Nicolás, aztual siede de ro Conzello de Briones. Costruyito por Ignacio de Elejalde y rematau lo 1755, la frontera ha tres cuarpos articulatos por  pilonas superposatas.

14

Ayuntamiento de Briones.- Casa La Billa.

Lo que no s´asperaban  yera trobar en iste edefizio una esposizión-museyo: La casa encantada, la casa tradicional de la Rioja”, como seizión d´etnoloxía d´o museyo de la Rioxa, lo cual qu´aprofeitan ta conoxé-la.

15

Desde el Ayuntamiento.- Dende Casa La Billa.

Ye atrapaziata en tres sulers. Astí s´amuestran oxetos y axobars domesticos de ra bita cutiana y costumbres de ros debanpasatos rioxans.

O sulero chusano fa d´entrador ta las diferiens cambras y d´introduzión á ra esposizión. S´endi amuestran as bodegas estrabiellas y corrals, con tellas, trucadors, zarrallas y ra benditera que simboliza la protezión que ra casa i ofrex á ros suyos abitadors.

16

Museo de la Rioja en Briones (tejas).- Museyo d´a Rioxa en Briones (tellas).

17

Museo de la Rioja (cántaros de agua).- Museo de la Rioja (cantaros d´augua).

18

Museo de la Rioja (Foto cántaros de leche).- Museyo d´a Rioxa (afoto de cantaros de leit).

19

Museo de la Rioja (objetos de higiene). – Museo de la Rioja(oxetos d´ichiene).

20

Museo de la Rioja (lavado natural). – Museo de la Rioja (labato natural).

Puyan ta lo primer sulero, do i son recreyatas as morfugas d´o minchador, a salagüena, cozina y reposte con lurs muebles y oxetos; dende l´espaz más publico do la familla i amostraba lur estamén, dica lo más famillar á canto lo fogaril do i cozinaban e i charrutiaban sopre os triballos de ro diya.

21

Museo de la Rioja (al calor del hogar). – Museo de la Rioja (á lo rustil d´o fogar).

22

Museo de la Rioja (utensilios queso y mantequilla).- Museo de la Rioja ( traste ta formache y mandequialla).

En o segundo sulero se´ndi recreya ra intimidá de ra casa. A ichiene domestica: frecotiar, labar y planchar , a ichiene presonal y as labors femininas, como cusitura, bordatos y encax. Una mazada que i beyen escrita lis ha feito goyo: “Poco a poco hila la vieja el copo”.

23

Museo de la Rioja (Foto Valle de Cárdenas en 1910).- Valle de Cárdenas (afoto Bal de Cárdenas en 1910).

24

Museo de la Rioja (lavar y colar).Museo de la Rioja (labar y enlixibar).

25

Museo de la Rioja (dormitorio). Museo de la Rioja (adormituero).

26

Museo de la Rioja (labores femeninas 1). Museo de la Rioja (fainas de fembras 1).

27

Museo de la Rioja (labores femeninas 2). Museo de la Rioja (fainas de fembras 2).

Lis ha cuacato muito la majisma esposizión tradizional de ra casa rioxana.

Enfruén de ro palaz beyen un casalaz que ye cunsidato como lo más antigo d´a Rioxa. Atrapaziato en dos sulers, lo chusano de sillars y lo susano de ladriello, quillato sopre biegas de fusta.

28

La casa más antigua de la Rioja. – O casal más antigo d´a Rioxa.

29

Antiguo edificio e Iglesia de la Asunción. – Edefizio biellizo e ilesia de l´Asunzión.

30

Una calle de Briones.- Una carrera de Briones.

31

Otra calle de Briones.- Unautra carrera de Briones.

Marchan á biyer la ilesia-armita de San Juan u “del Santo Cristo”.

32

Vista aérea de la ermita de San Juan.- Ambiesta airia de l´armita de San Juan.

Ta seyer d´o s. XVIII ye bian intresán, con planda güeitogonal y cupula zentral. No puén i dentrar pos bi ye zarrata, pero l´afotían dende difuara á trabiés d´un enrellato. Ne b´ha retaulos, penturas y entretallas de por aquelas engüeltas.

33

Interior de la iglesia-ermita de San Juan.- Aintros d´a ilesia-ermita de San Juan.

Continan la cursa dica lo palaz de “los Quincoces”. Estió costruyito á metá de ro sieglo XVI. Ha dos sulers asimetricos con cubos fenditos enta ros costatos.

De tornata enta l´auto pasan chunto ras cletas  d´un casal linachuto d´a familla  Saenz de Cenzano, conoxito por o nome de “El Torreón”, edeficazión situgada en una estrimera.

34

“El Torreón”.

Rematan la gambadica por Briones; continan ta Frías, aturando á chintar por o camín.

Anuncios