1. INTRODUZIÓN. L’EBRO

Iste año ros Zerrigüeltaires cumplen 30 añatas y 31 estius de Zerrigüeltadas. Ta zilebrá-lo han pensato d’arremuntar l’arriu Ebro dende Zirigoza dica os suyos naxeders, nabesando por lucars, paraches, redoladas y zidaz rilazionatos con Aragón y/u con els mesmos, y besitando tamián bels puastos que lis risultan espezialmén quiastos u intresans.

L´arriu Ebro ye lo más caudaloso d´España, anque de carauter sinestable, y lo segundo d´a Peninsula, dimpués d´o Duero; antimás, ye lo segundo más luango -con 930 kms., por dezaga d´o Tallo- y ra suya cuanga, ra más ampliza d´España.

01

Mapa de la cuenca del Ebro. Mapa d’a cuanga de l’Ebro.

Lo suyo nome promana d´un idronimo prerromán, debenito en a forma latina “Hiber” (Hiberus Flumen), que baltiza tamián á ra Peninsula Iberica y á ros pueblos ibers, escambeyo latín d´o termino grieco “Iber”: “marguin d´arriu”. Por ixo ra boz Iberia esdebien en dreitura d´o mesmo nome de l´arriu Ebro.

02

El río Ebro a su paso por Zaragoza con el Pilar y la Seo al fondo. L´Ebro en pasar por Zirigoza con o Pilar y l´Aseo enta lo fundo.

 

Os primers nabataires qu´arremuntoron l´Ebro iz qu´estioron os griecos de Marsella, “os massaliotas”. Seguntes lo poyema “Ora Marítimo” d´o román Rufo Festo Avieno, en l´año 550 antis de Cristo se i menta lo trafico de naus cargatas de bin, olio y arreses por l´ Oleum Flumen, arriu identificau como l´Ebro.

Rilazionato con l´Ebro, José Ramón Marcuello en o libro “Mitos, leyendas y tradiciones del Ebro”, trascribe lo que Julio César escrebió  l´año 49 antis de Cristo, replegato dimpuesas en o sieglo XIII  por Alfonso X el Sabio:

“El río Ebro, que estaba una vez yelado et un niño, que habíe nombre Trabas, andaba trebajando por somo el yelo, et foradóse el yelo en un logar e fuese el niño al fondón. Pero travósele la cabeza en aquel forado e volviéronle las aguas el cuerpo tanto a cada parte que se le cortó la cabeza. E a cabo de muchos días, vino su madre a coger agua en una orza muy grand et cogió y envuelta del agua la cabeza de su fijo et conoscióla et dixo:”Esto sólo parí pora las llamas, et lo al todo pora las aguas”. Et esto dicie ella porque lo al (atro) se perdió en las aguas et aquello que falló quemólo et alzó los polvos muy bien, segund que era costumbre de los gentiles de quemar los muertos et condensar los polvos”.

 

Dende lo suyo naxedero en l´antigo ziercol glaziar de Peña Labra en Alto Campoo, en Cantabria, l´Ebro arrecorre la endreza norgüeste-sureste dica abocar ta lo Mediterranio en a probinzia Tarragona, en o Delta l´Ebro. A suya poblazión más remarcable ye Zirigoza, capetal d´Aragón y d´a bal de l´Ebro, do la prisenzia romana ye manifiesta ya en o sieglo II a.C. Dende Zirigoza (CaesarAugusta) continoron por l´Ebro enta lo norgüeste; as cuangas de la Güerba y lo Xalón lis menaban ta la Zeltiberia, entre que por lo Galligo enfilaban ta las Galias.

Ta ros aragoneses, l´Ebro ye l´esquinazo d´Aragón.

03

El río Ebro en Fontibre, con la imagen de la Virgen del Pilar. L´Ebro en Fontibre, con a imachen d´a Pilarica.

 

A tradizión rezenta que l´Ebro nax en os manaders de Fontibre. Manimenos os conoximians idroloxicos aztuals, más ziantificos, alberan lo berdader orichen de l´Ebro bels kms. más entalto, en Alto Campoo, en os arrigazes d´a costera oriental d´a montaña de ro Pico Tresmares, que i fan naxer l´arriu Híjar, anomenato asinas porque as auguas suyas enfilan camín enta diferiens endrezas, dica abocar en tres mars diferiens: ta lo Mediterranio por l´Ebro, ta l´Atlantico por o Pisuerga y lo Duero y ta lo Cantabrico por o Nansa.

04

El río Hijar, nacimiento real del Ebro. L´arriu Hijar, naxedero reyal de l´Ebro.

L´arriu Híjar arrecorre 20 kms. y s´achunta con o Guares -naxito en o bizín pico Cordel- en o parache d´Entrambasaguas; poco dimpués se tresminan por baxo de ro suel calzino y, dimpués d´una breu cursa de 800 mts., resurten en o poliu naxedero de Fontibre (“fuen d´Ebro”) dende do ya s´anomena “Ebro”.

05

El río Ebro saliendo de Fontibre. L´Ebro ixindo de Fontibre.

 

En iste biache ban con as miras d´arrecorrir en auto, dende Zirigoza dica lo naxedero en o Pico Tresmares, bels puestos y lucars intresans amanaus ta l´Ebro, empezipiando en Aragón y siguindo por Nabarra, La Rioxa, Basconia, Castiella y Leyón y Cantabria; aprofeitando la escorsa continarán dimpués enta ros Picos d´Uropa y Asturies.

06

Otro mapa de la cuenca del Ebro. Atra mapa de ra cuanga d´Ebro.

Han la delera de completar más adebán lo más intresán de toda ra cursa de l´Ebro, en quedando ta un proxemo biache lo pertocán á lo Baxo Ebro aragonés y catalán.

07

El Ebro en la desembocadura del Delta. L´Ebro en l´abocadero de ro Delta.

Anuncios