11. ALCALÁ D’EBRO – PEDROLA

Alcalá d´Ebro (toponimo arabe QALA´T: “castiello”, “fuert”, “fortaleza”) ye una localidá de ra probinzia Zirigoza y d´a comarca Ribera Alta de l´Ebro. Se troba á 41 kms. de Zirigoza capetal, á 296 mts. d´altaria y con 3.700 abitadors.

 

A Alcalá d´Ebro l´izen “Tres Torres” y á los bizins “Engañapobres” y “Arguellos” en iste dito: “En Cabañas malas mañas, en Alcalá los arguellos”.

D´a conoxita replega de (IDEAragón) en trigan bels toponimos intresans d´Alcalá d´Ebro:

“Los Angostios, Acequia Real, Acerollera, Ebro Viejo, Escarihuela, Escorredero de la Pulliguera, La Faguera, Fendoces, Foguera, Cagainero, Guarche, Guitones, Hijuela de los Cahices, Cabecicos, Caineros, Camatimón, Camino Tella, Camino de la Torna, Campo de Layunque, Los Campos de Motapán, Campo Pencas, Callizo, Cospilares, Landas, Piaretes, La Ramera, El Raso, Tello, Huarche, Tamarizal”.

Vista desde el aire de Alcalá del Ebro.  Ambiesta dende l´aire d´Alcalá  d´Ebro

Vista desde el aire de Alcalá del Ebro. Ambiesta dende l´aire d´Alcalá d´Ebro

O 9 de mayo se i zilebra lo diya San Guergorio.

As fiastas grans d´Alcalá se festellan o primer cabosemana d´agosto con os danzans y o Palotiau, costumbre manteniu dende 1929 en as trazas aztuals.

Lo 4 d´abiento se i zilebra Santa Barbara.

Seguntes a tradizión, la fundazión d´o monesterio de monchas Bernaldas de Trasobars, lo 1.152, estió feita  orichinalmén entre Luzeni y Alcalá d´Ebro, pero lo tresladón ta Trasobars ta librá-sen d´as remetidas arabes.

Lis preguntan á uns bizins en o terrau d´una tabierna d´Alcalá, si por bel casual conoxeban ista estoria. La rispuasta ye que no pas.

En o bico Alto bi son os repuis d´o Castiello d´Alcalá, d´orichen mozleme, que yera parti d´o rete esfensibo d´a zidá de Saraqusta.

Lo 1.118, dimpués d´a conquiesta de Zirigoza, lo castiello será acorporau á los primers siñoríos d´a Ribera Alta de l´Ebro.

A propiedá d´Alcalá pertocó ta la casa d´os Luna y dimpués ta Peiro de Quesada. Con o tiampo y por una catafila de casorios, remató binclato ta la casa d´os Duques de Villahermosa de Pedrola. Chunto los repuis d´o castiello ye una antiga casa de ros debanmentaus duques.

De camín ta la marguin d´Ebro, pa biyer la escoltura de Sancho Panza “Gobernador de la Ínsula Barataria”, pasan por debán d´a ilesia barroca d´a Santisma Trinidá, d´o sieglo XVII. De ros aintros de ra ilesia en ye remarcable lo retaulo de San Antonio de Padua, de zaguers d´o sieglo XVI.

Iglesia de la Santísima Trinidad de Alcalá de Ebro. Ilesia d´a Santisma Trenidá d´Alcalá d´Ebro

Iglesia de la Santísima Trinidad de Alcalá de Ebro. Ilesia d´a Santisma Trenidá d´Alcalá d´Ebro

Plegan ta la marguin d´Ebro, con repolida ambiesta enta l´aparén insula,

La Ínsula Barataria de Alcalá de Ebro descrita por Cervantes. A  Insula  Barataria  d´Alcalá d´Ebro, descrita por Cervantes

La Ínsula Barataria de Alcalá de Ebro descrita por Cervantes. A Insula Barataria d´Alcalá d´Ebro, descrita por Cervantes

o Parque de la Barca

El Parque de la Barca en Alcalá de Ebro. Lo  Parque de la Barca, en  Alcalá d´Ebro

El Parque de la Barca en Alcalá de Ebro. Lo Parque de la Barca, en Alcalá d´Ebro

y la chocante escoltura á Sancho Panza.

La escultura de Sancho Panza.  A escoltura de Sancho  Panza

La escultura de Sancho Panza. A escoltura de Sancho Panza

Lo “Gobernador” se i troba en a famosa “pose” descrita por Cervantes:

“…inclinó la cabeza sobre el pecho, y poniéndose el dedo índice de la mano derecha sobre las cejas y las narices, estuvo como pensativo un pequeño espacio, y luego alzó la cabeza y mandó…” (Capítulo XLV)

Seguntes a mayoría d´espertos en a obra zerbantina, Alcalá d´Ebro ye la “Ínsula Barataria” que describió Miguel de Cervantes y Saavedra en o libro “El  Quijote de la Mancha”. Lo zelebre presonache, Don Quijote, zedió lo protagonismo en ixe cabo d´o libro á lo suyo escudero Sancho Panza, ta qu´exerzese d´insinne gubernador de dita insula:

“…lo que puedo dar os doy, que es una Ínsula hecha y derecha, redonda y bien proporcionada, y sobremanera fértil y abundosa, donde si vos os sabéis dar maña, podéis con las riquezas de la tierra granjear las del cielo.” (capetulo XLII)

En o capetulo XLV d´o Quixote , Sancho plega en Alcalá:

“Digo, pues, que con todo su acompañamiento llegó Sancho a un lugar de hasta mil vecinos, que era de los mejores que el duque tenía. Diéronle a entender que se llamaba “la ínsula Barataria”, o ya porque el lugar se llamaba “Baratario” o ya por el barato con que se le había dado el gobierno. Al llegar a las puertas de la villa, que era cercada, salió el regimiento del pueblo a recebirle, tocaron las campanas y todos los vecinos dieron muestras de general alegría y con mucha pompa le llevaron a la iglesia mayor a dar gracias a Dios, y luego con algunas ridículas ceremonias le entregaron las llaves del pueblo y le admitieron por perpetuo gobernador de la ínsula Barataria”.

Don Quijote y Sancho Panza.  Don  Quixot  y  Sancho Panza

Don Quijote y Sancho Panza. Don Quixot y Sancho Panza

Más que una insula, Alcalá d´Ebro yera una peninsula que l´arriu acarrazaba en cuentrazerrigüelta.   En autros capetulos Cervantes rezenta la polideza d´Ebro:

“…al salir el alba siguieron Don Quijote y Sancho su camino buscando las riberas del famoso río Ebro.” (capetulo XXVIII) “…y el verle fue de gran gusto a Don Quijote, porque contempló y miró en él la amenidad de sus riberas, la claridad de sus aguas y el sosiego de su curso y la abundancia de sus líquidos cristales, cuya alegre vista renovó en su memoria mil amorosos pensamientos…” (capetulo XXIX)

Dimpués de besitar Alcalá d´Ebro marchan ta lo surgüeste 3 kms., do se i troba la billa de Pedrola.

Pedrola (d´o sustantibo latín PETRA más l´achiquidor -OLA: “piatra chiqueta”, u PETRAOLA : “altero”, “tozalé”) ye una localidá d´a probinzia Zirigoza y d´a comarca Ribera Alta de l´Ebro. Se troba á 40 kms. ta lo norgüeste de Zirigoza capetal, á 223 mts. d´altaria y con 275 abitadors.

  

A os de Pedrola lis izen “Apatuscos”.

D´a mentata replega de (IDEAragón) en trigan bels toponimos intresans de Pedrola:

“Aval, Agostinos del Molino, Alcadín, Alpazara, Altos de las Reclizas, Antigua Pursal, Arbolico, Los Argadiles, Acequia de Lafuén, Acequia de Regatiel, Atalaya, Babaquel, Badina, Barranco de Bielsa, Barranco de Los Candés, Barranco del Lobo, Barranco del Salto, Vereda Malas Bragas al Collado de Tipte, Villahermosa, Boquera, Eras Riolafuén, Escalda, Esparteta, La Figuera, Filas Cortas Carboné, Forano, La Fuenpudia, Gallipuén, Jaloncillo, Juncare, Cabecicos, Cacaruelo, Camino de Alman, Camino de la Paridera de Chelico, Canteras de Alzaparán, Los Cados, Carrera Borja, Carrialampero, Codada de la Cueva, Cuarto la Carne, El Cubilar, Cuca, Cucurilla, El Papo, Paridera del Putete, Puyamaro, La Sardeta”.

A billa ha teniu de perén una guallarda produzión agricola, merzé a l´augua d´o Xalón y d´o Canal Imperial. Lo cual que li se´n ye atorgata á Pedrola l´anomenazión de “granero de la comarca”.

A ilesia parroquial de Nª Sª de los Angeles de Pedrola ye la risulta d´as enampladuras de ros sieglos XVI ta XVIII d´un templo premetibo d´o sieglo XIV, d´o qu´endi remane nomás que lo zaguer trampo de ra nau y parti de ra puarta.

Como curiosidá, en o sieglo XVI doña Luisa de Borja y Aragón ordinó fer un biscalamo dende lo Palaz de Villahermosa dica la ilesia, por tal de poder i dentrar dreitureramén.

Rispeutibe á la debanmentata anomenazión de Pedrola, cal i adibir qu´ixa piatra, rochica en o tozal, fazió onra ta i establir un premetibo aposamién do plantificoron un castiello meyebal d´o que no´ndi remane pon. Sí que bi´n ha d´estrazios d´un torreyón meyebal d´o sieglo XV, pertenexién á un castiello que os siñors de Pedrola i edeficoron en a Baxa Edá Meya.

Escudo heráldico en bajo el balcón de una casa de Pedrola. Escuto  eraldico  chus lo balcón d´un casal de Pedrola

Escudo heráldico en bajo el balcón de una casa de Pedrola. Escuto eraldico chus lo balcón d´un casal de Pedrola

Lo 1119 Pedrola estió conquiesta por Alifonso I lo Batallero, pero i combibioron dica zaguers d´o sieglo XV mozlemes, chodigos e crestians.

Pedrola estió gubernata por siñors bitalers en nome d´o rai; dende lo primer, Lope Ferranch de Luna en 1289, dica lo benteno y zaguero, José Antonio de Aragón en 1812, pos as Corz de Cádiz i fan zircunduzir por lai os siñoríos.

Dende lo XIII duque de Villahermosa, y deszendiens, han manteniu la suya bara alta sozial en a billa. D. Alvaro Urzaiz Azlor de Aragón ye l´aztual Duque.

Os Zerrigüeltaires nomás besitan en Pedrola que os arredols d´o Palaz de ros Duques de Villahermosa. Dentran por a carrera Velasco y pasan por una arcada que fa d´entrador ta la Plaza España, do se i troba la Casa La Billa y un costau de dito palaz. Por l´achunta carrera Duquesa de Villahermosa se plega ta l´autro costau d´o desinforme palaz.

Palacio de los Duques de Villahermosa del siglo XVI en Pedrola.  Palaz  d´os Duques de Villahermosa, d´o sieglo XVI, en Pedrola

Palacio de los Duques de Villahermosa del siglo XVI en Pedrola. Palaz d´os Duques de Villahermosa, d´o sieglo XVI, en Pedrola

Lo palaz d´os Duques de Villahermosa ye un mañifico edefizio particular d´o sieglo XVI, feito fer por D. Alfonso Felipe de Gurrea y Aragón y por o suyo fillo Martín. Ye d´estilo renaxentista con adibianzias barrocas y nioclasicas, mantenendo en os suyos aintros importans cuadros de Tiepolo, Bayeu, Goya y Sorolla. Un chardín arredola lo palaz y la resta d´a localidá.

Paix estar qu´en 1569, Miguel de Cervantes preneba parti n´una catafila enfilata enta Roma -como sirbién de Mosiñor Julio Aguaviva y Aragón- que fazió estacha por bels diyas en o palaz de Pedrola, por tal de i besitar á lo suyo parién, lo Duque de Villahermosa D. Martín de Gurrea y Aragón.

Muitos letrudos emplantillan l´atorgamién á Sancho Panza d´a gubernanzia d´a “Insula Barataria” en o palaz d´os Duques de Villahermosa, y n´iste mesmo puesto se poderba situgar o capetulo XL, en o que Don Quixot y Sancho amontan sopre la lomera de Clavileño.

Sin de más requedanzia s´endrezan ta Barboles, á 15 kms.

Anuncios