9. TORRES DE BERRELLÉN. EL CASTELLAR

Torres de Berrellén (de ro latín TORRIS; “torre” ye aragonesismo equibalén á lo castellán “quinta”, “casa de campo”. “Berrellén” ye d´etimolochía arabe, deribato de l´antroponimo “Ibn -fillo de- Ranán” (Aben Renén)) ye una localidá d´a probinzia Zirigoza, pertenexién á la comarca Ribera Alta del Ebro, á 20 kms. ta lo norgüeste de Zirigoza capetal, con 1.500 abitadors, á 211 mts. d´altaria y chunto l´abocadero de lo Xalón en l´Ebro.

S´anomenó Torres dica lo 1646, y Torres de Berrellén dende 1713.

Vista de Torres de Berrellén. Ambiesta de Torres de Berrellén

Vista de Torres de Berrellén. Ambiesta de Torres de Berrellén

A ros de Torres de Berrellén lis izen “Franceses” y amás-amás, “Cagamontones” como l´amuestra iste dito:

“Los gatos son de Casetas,

En Alagón hay melones

Y en Torres de Berrellén

Todos cagan a montones”.

La barca para cruzar el Ebro. A barca ta cruziar Ebro

Plaza de Juan Pablo Bonet de Torres

D´a conoxita replega de (IDEAragón) en trigan bels toponimos intresans de Torres de Berrellén:

“Almenara, Altoraz, Antinares, Acequia de la Almazara, Centén, El Sisallar, Acerollo, La Atalaya, Valdemoro, Barranco de la Morlofa, Las Boqueras, Entremuel Mejana, Escarihuela, Escorredero de Cuadrina, Espeñadero, Esportilladas de Pola, Fornillos, Efresilla, Galacho del Molio, Jamblán, Campo del Judío, Pleidora, Rasa, Camino de la Chancra, Campo de Paúl, Cantal de Pola, Caseta Motón, El Castellar, Cachón Jarque, Soto de Candespina, Colada de la Barca de Pola, Colina de Azagaderos, Cueva de Doña Urraca, Manero Bota, Mejana del Tolmo, Meseta del Abrevadero, Las Monjas, Cementerio de los Moros, Las Norias, La Pedricadera, La Pulliguera, El Rabán, Regaño, Royesa, Ruchales, Sanchirri, Terrerazos”. (Pola yera lugar lo 1227).

As fiastas de Torres de Berrellén en onor á Nª Sª del Castellar se i zilebran os diyas 8 y 9 de mayo. O diya 7, a colla de danzans bailan y danzan á la Birchen. O diya 8 ye lo diya gran, de maitins se fa la romería ta l´armita d´a birchen, en os mons d´o Castellar. Güé ye 9 de mayo y se i zilebra ra festibidá de San Gregorio de Ostia, con misa solén y prosezión do se i baila ro Danze.

Os Zerrigüeltaires prebarán de i biyer o danze, pero antis s´amanan ta la marguin d´Ebro. Por o camín paran cuenta que güenacosa chen marchan ta la plaza toros, por tal de i biyer lo “Encierro chiqui”.

Preguntan por o camín ta l´Ebro y la barca monezipal que lo cruzia (á 1´5 kms.); lis rezentan que as chens d´o lugar no púdon aplegá-sen ayere ta la romería d´a Birchen d´o Castellar porque la nuei d´antis eban crebau la sirga que chuñe y mena la barca dende l´apiadero y no púdon cruziar l´arriu; o zaguer dominche de setiambre ye l´autra calendata que se i mete en marcha la barca. Güé por güé, nomás ne b´ha de barcas de paso en os lucars riberans de Boquiñeni-Pradiella y Sobradiel, ista zaguera de fierro.

Los restos del castillo del Castellar. Os repuis d´o castiello d´o Castellar

La barca, al fondo el Castellar. A barca, ta lo fundo lo Castellar

En plegar en l´arriu lis choca muito la barcaza de paso que no púdon emplegar ayere os bizins.

M. Pérez en la barca. M. Pérez en a barca

M. Pérez en la barca. M. Pérez en a barca

Tamién alufran l´autro costau de l´arriu: ta la cucha, en o cabalto d´un cortau, os repuis d´o “castiello d´o Castellar”

Los restos del castillo del Castellar. Os repuis d´o castiello d´o Castellar

Los restos del castillo del Castellar. Os repuis d´o castiello d´o Castellar

y enfruén, en a planeta d´un tozalico, l´Armita y lo sender encosterau que i puya.

La barca para cruzar el Ebro. A barca ta cruziar Ebro

La barca para cruzar el Ebro. A barca ta cruziar Ebro

Fan una majiza gambadica de 300 mts. enta la cucha, por tal de i plegar en l´abocadero de ro Xalón en Ebro.

Chopos junto al paseo que lleva a la desembocadura del Jalón. Choplos  chunto lo paseyo que mena ta l´abocadero de lo Xalón

Chopos junto al paseo que lleva a la desembocadura del Jalón. Choplos chunto lo paseyo que mena ta l´abocadero de lo Xalón

O Xalón ye lo suyo prenzipal afluyén d´a marguin dreita. Trucadizo y encantuchador paisax.

Desembocadura del Jalón en el Ebro. Abocadero  de lo Xalón en l´Ebro

Desembocadura del Jalón en el Ebro. Abocadero de lo Xalón en l´Ebro

Desembocadura del Jalón en el Ebro, enfrente el Castellar. Abocadero de lo Xalón en Ebro, enfruén lo Castellar

Desembocadura del Jalón en el Ebro, enfrente el Castellar. Abocadero de lo Xalón en Ebro, enfruén lo Castellar

Enmedio, el Ebro.  En meyas, l´Ebro

Enmedio, el Ebro. En meyas, l´Ebro

Afotían lo Castellar (Super-Superiore Caesaraugusta, la Zirigoza d´antis más, la Biella).

 El castillo del Castellar. O castiello d´o Castellar

El castillo del Castellar. O castiello d´o Castellar

O castiello d´o Castellar ye plantificau sopre lo paretón d´o cortau alchezero d´o mesmo nome, en a marguin cucha d´Ebro. Lo 1080 lo rai aragonés Sancho Remírez lo pobló y fortificó, por cunsidá-lo puesto aparén ta l´enfrontinamién cuentra os mozlemes aposaus en Saraqusta. Lo 1085 lo endonó á lo suyo fillo Pietro, qui estatuezió la billa de El Castellar, atorgando Sancho Remírez la Carta Puebla en 1091  y costruyendo-ie ra ilesia de San Pietro.

A Pietro I d´Aragón li suzedió lo suyo chirmán  Alifonso I lo Batallero. Seguntes la Coronica de San Chuan d´a Peña en lo 1110:

Desiguida pobló lo Castellar con bels omes ditos Almugabars por o común d´a chen; iste lucar ya yera estato poblato por o suyo pai. Ixe mesmo año asitió Zirigoza  con os suyos aragoneses e nabarros, e con Zentulo de Biarn e ros suyos gascons que i fizioron marabiellas, e con o conte d´Alperche que yera plegato de ra Franzia á lo suyo serbizio y á lo de Dios.

El Ebro guarda silencio. L´Ebro sin tartir pon

El Ebro guarda silencio. L´Ebro sin tartir pon

En o castiello d´El Castellar estió presa la muller d´Alifonso I, la raina doña Urraca de Leyón e Castiella. A enchaquia, que lo rai d´Aragón eba abito notorio de que Urraca quereba consiguir la nulidá matrimonial y, antiparti, manteneba romanz d´amors con o conte Candespina. Os contes Gómez González y Pero González logroron liberar á la raina. Lo Papa atorgó en 1114 ra nulidá d´o casorio.

A la muert d´Alifonso I en 1134 lo castiello pasó á lo suyo chirmán, Remiro II lo Monche.

En os decumens con os pautos ta lo casorio d´a esdebenidera raina aragonesa, doña Petronila, -filla de Remiro II- con o conte de Barzelona, en garra cabo lo rai no l´atorga á lo conte la dinidá de rai. Lo resumen ye lo siguién:

“En o nome de Dios yo, Remiro, por a grazia de Dios Rai de los Aragoneses, endono á tú, Remón Berenguer, Conte y Marqués, la mia filla como esposa, con tó lo raino de los aragoneses, entegro, como lo mio pai lo rai Sancho, u los mios chirmans Pietro y Alifonso millor en tenioron y poseyoron….. Isto t´endono y atorgo ta los fillos tuyos cheneratos en a mia filla, por os sieglos de ros sieglos….. Tamién sopre ditas cosas yo, Remiro, rai de los aragoneses, endono y firmamén estatuezco á dito Remón, conte barzelonés, ta qu´istas cosas que firmamén l´endono y todas as que teneba, las tienga de contino á lo mio serbizio y fidelidá en tó tiampo. Magueras te rienda lo Raino, manimenos, no delexo pas d´a mia dinidá”.

Lo qu´estió feito en o Castellar de Zirigoza lo 13 de nobiambre de 1137, en prisenzia de muitos noples d´o raino de los aragoneses.

Vista de las dos riberas del Ebro. Ambiesta d´as dos marguins d´Ebro

Vista de las dos riberas del Ebro. Ambiesta d´as dos marguins d´Ebro

A billa, que se´n yera ita composando arredol d´o castiello, espleitó de firme esbolliganzia economica, sozial y pulitica, adubindo dica ros 4.000 abitadors en os sieglos XII y XIII.

Os bizins d´o Castellar pretoron á edeficar torres en a marguin dreita d´Ebro, por tal d´emplegá-las en as fainas d´espleit agricola.

Lo dominio d´o Castellar recayerá -por benda- durán 110 añadas en os contes de Luna, pasando dende 1440  ta lo Siñorío de los Zerdán. Lo 1466 la Casa de los Zerdán s´enfrontinó á la zidá de Zirigoza en esfensa de ros suyos dreitos de leña en o mon d´o Castellar.

O Coronista d´Aragón Jeronimo Zurita en trascribió bels decumens á lo rispeutibe:

“Lenyar lenya sequa et verde et carboniar, pazentar, abeurar mallada, acolitar, fagoriçar, parizonar, caçar et otros qualesquiere amprios de qualquiere natura sean sin alguna exclusión en ditos montes del Castellar…”.

La plaitina causó graus esperchudizios materials y zebils, feitos por o “Prebilexio” zirigozano, más que más en Torres.

En o fogache de 1495 se cuaternan 17 fuegos en o Castellar: “El Vicario, Johan de Pola, Blasco Gil, Mossen Guallinero, Cathalan, Sant Martín, Castillon, El Justicia, Serrano, Johan Bonet, Los Companes, Johan Dayessa, Jayme Damies, Bertholomeu Vicent, Johan de Foncea, Johan Yus, mayor y menor”, y en Torres 18: “La casa de Mahoma Ceguer, Audalla de Moncinera, Johan de Cetina, Johan Dagreda, Johan Destarat, García Diez, Pedro de Montagut, La Viuda Sancha, El Molinero, El Vicario, Johan de Riquena, pobre, Johan de Lana, pobre, El Alcayde, Anton Marines, Alonso Deurona, Domingo Dara, Miguel Vaquero, La Viuda de Beltran”.

Amoniqued, la poblazión d´El Castellar se´n fueron baxando finitibamén ta l´autra marguin de l´arriu. Lo 1574, con o treslau d´a ilesia, bicaría y sagristía con toz os suyos dreitos y l´espital con as suyas rendas enta Torres, íste esdebiendrá l´unico aposamién permanén.

Un de ros zaguers alcaides d´El Castellar estió D. Juan Pablo Cerreta, pai de Juan-Martín Pablo Bonet, de qui en comentarán más adebán.

La casa de los Zerdán mantenió lo siñorío dica lo sieglo XVIII, eredando-lo ros zaguers siñors d´o Castellar, os duques de Villahermosa, dica 1812.

Güé en diya nomás i remanen que as enronas d´o castiello, que yera enredoliau de murallas. Se´n son feitas d´escabonazions por toda ixa zona y en autros torreyons bizins, en do asperan enterrecaus intresans escubrimiens, pero no se´n sape cuán i continarán as escabonazions.

El Ebro guarda silencio al pasar por el Castellar. L´Ebro sin de tartir en pasar lo Castellar

El Ebro guarda silencio al pasar por el Castellar. L´Ebro sin de tartir en pasar lo Castellar

En os aintros de ra billa d´o Castellar b´eba cuatro ilesias: San Pietro, San Migal, l´armita de Sta. Mª Madalena y l´armita de Nª Sª d´o Rosario, escatumbada lo 1840 y antezedén de l´aztual, anomenata d´El Castellar y costruyita en o sieglo XIX.

La ermita del Castellar. L´armita d´o Castellar

La ermita del Castellar. L´armita d´o Castellar

Dimpués de besitar as proxemedaz d´Ebro tornan enta Torres y, entre que fan tiampo dica la prosezión, se´n adintran por as carreras Aragón y Mayor ta conoxer la ilesia de San Andrés, de ro sieglo XVI.

Una torre de la iglesia de San Andrés. Una torre d´a ilesia de San Andrés

Una torre de la iglesia de San Andrés. Una torre d´a ilesia de San Andrés

L´orichen d´a torre ye mudéxar d´a segunda metá de ro sieglo XVI, de ra que nomás endi remane que lo suyo primer trampo, d´emplantille cuadrato y feguras de ronbos.

Las torres de Torres. As torres de Torres

Las torres de Torres. As torres de Torres

Ixen de ra ilesia y se´n amanan ta ra plaza de Chuan Pablo Bonet, do se i troba lo palaz d´a duquesa de Villahermosa (sieglos XVII-XIX) -aztual Casa´l Lugar- y l´edefizio achunto con decorazión nioclasica y que posiblemén feba parti de ro palaz.

Ayuntamiento engalanado. La Casa´l Lugar  enquirriliziata

Ayuntamiento engalanado. La Casa´l Lugar enquirriliziata

En ista plaza se i troba tamién la estatua de Juan Pablo Bonet, pedagogo y logopeda aragonés, naxito en El Castellar lo 1573; estió lo primer escrebidor sopre lo tema de ros xordomutos en a obra suya: “Reduction de las letras y Arte para enseñar á ablar los mudos”, cunsidau como un tratau muderno de fonetica y logopedia meyán l´emplego de siñals manguals como alfabeto de siñals. Pablo ye l´escubridor de toda una pedagoxía d´a luenga y un enfilador siñalero ta la educanzia de ros xordos, aconsiguindo que i leyesen e i faulasen con fazilidá.

Juan Pablo Bonet presidiendo su plaza en Torres de Berrellén. Juan Pablo Bonet asiñoriando la suya plaza en Torres de Berrellén

Juan Pablo Bonet presidiendo su plaza en Torres de Berrellén. Juan Pablo Bonet asiñoriando la suya plaza en Torres de Berrellén

Como curiosidá, izir que M. Martín naxió en a carrera Juan Pablo Bonet, 8, de Zirigoza y astí bibió dica ras 26 añatas d´edá. Enfruén de casa teneban “los autobuses de Tergüel” (interpresa Mariano Zuriaga) que comunicaban Pancrudo con Zirigoza; lo cual que, en a decada de 1960, b´eba á ormino en casa suya besitas de pancrudinos.

Empieza la procesión. Prenzipia la prosezión

Empieza la procesión. Prenzipia la prosezión

Consiguen biyer a prosezión d´a Birchen d´o Castellar, en a que se i baila lo danze. Lo suyo orichen parix retacular dica ra puenda de forachitanzia de ros zaguers moriagos, en 1610.

La Virgen del Castellar. A Birchen d´o Castellar

La Virgen del Castellar. A Birchen d´o Castellar

Bi ye entegrau lo Palotiau, que lo composan 4 bailes de palitroques y uno de castañetas.

El paloteo del Dance. O Palotiau d´o Danze

El paloteo del Dance. O Palotiau d´o Danze

Os mozez y mozetas danzan con palitroques ornamentaus, bestius con o trache tradizional, y os omes con bandas royas que cruzan lo peito como costumbre remanén de l´antigo danze.

Los paloteadores. Os palitroquers

Los paloteadores. Os palitroquers

Las paloteadoras.  As palitroqueras

Las paloteadoras. As palitroqueras

Iste “Dance de Moros y Cristianos” sigue l´esquema tipico de ro Danze Aragonés, ripresentazión artistica con Soldadesca y atros presonaches, qu´en o caso de Torres en son: “Mayoral”, “Ranchero”, “Rabadán”, “Espías”, “Cazador” y “Diablo”.

Llegando la procesión a la plaza de Juan Pablo Bonet. A prosezión plega ta la plaza Juan Pablo Bonet

Llegando la procesión a la plaza de Juan Pablo Bonet. A prosezión plega ta la plaza Juan Pablo Bonet

Vecinos de Torres llevando en la procesión a San Gregorio de Ostia. Bizins de Torres portiando en a prosezión á San Guergorio  d´Ostia

Vecinos de Torres llevando en la procesión a San Gregorio de Ostia. Bizins de Torres portiando en a prosezión á San Guergorio d´Ostia

Se i ripresienta cada 4 u 5 añadas, mantenendo un testo de ro 1917.

Los últimos de la procesión pasando por la plaza de Juan Pablo Bonet de Torres de Berrellén.  A  coda  de  ra  prosezión nabesando  la plaza Juan Pablo Bonet de  Torres  de  Berrellén

Los últimos de la procesión pasando por la plaza de Juan Pablo Bonet de Torres de Berrellén. A coda de ra prosezión nabesando la plaza Juan Pablo Bonet de Torres de Berrellén

De Torres de Berrellén dica Alagón b´ha 10 kms.

Anuncios