8. UTEBO – CASETAS

Utebo (de ro latín OCTAVUS: “güeiteno”. Güeitena milla entre Utebo y Zirigoza de ra calzata romana Caesaraugusta-Cascantum) ye la terzera localidá d´a probinzia Zirigoza en poblazión: 18.000 abitadors. Ye á 12 kms. de Zirigoza capetal, ta lo norgüeste d´a zidá, en a marguin dreita de l´Ebro y á 207 mts. d´altaria.

 

Lo 1350 la poblazión yera -altubaxo- de 115 abitadors; lo 1646 de 255; lo 1775, 180 bizins. Lo 1808 -guerra d´a Independenzia- l´albandono ye total. Lo 1850 ya puyan ta 585 abitadors, merzé á la millora d´os reganos por o Canal Imperial d´Aragón.

En o sieglo XX, enzertando con a creyazión d´o monezipio independién, Utebo despega: 1.400 bizins en 1900; 2.600 en 1950; en 1975 se´n dopla, con 5.000 abitadors; dica l´autualidá, cuan ha plegato ta los 18.000 debiu á lo motor d´a endustria, con zinco poligonos.

Utebo ye composau por 3 nuclios: “el Casco Antiguo”, “el Monte” y “el barrio de Malpica”.

Mapa de la zona.  Mapa d'a redolada.

Mapa de la zona. Mapa d’a redolada.

Situgau en a importantisma calzata romana que comunicaba ras colonias romanas de Narbona y Leyón, l´orichen román d´Utebo ba chuñiu á la fundazión de Caesaraugusta, entre lo 24 y lo 13 a. de C.

Utebo yera parti de l´anomenata Dominicatura de Zirigoza, constimesa por quinze lucars chusmesos á la zidá en lo pulitico, chudizial y riedo interno.

Lo Chustizia Lanuza y autros noples s´acubilloron en Utebo mientres os rebolizios (“alteraciones”) de 1591, dica estar apresaus por as tropas de Zelipe II.

Una plaza de Utebo. Una plaza d'Utebo

Una plaza de Utebo. Una plaza d’Utebo

As fiastas tradizionals d´Utebo se i zilebran lo 19 de chunio en onor á San Lamberto y lo 26 de chulio, Santa Ana.

A los Zerris lo que más lis intresa ye marchar por o bico biello, á la usma d´una d´as torres mudexars más polidas d´Aragón.

Torre mudéjar de la iglesia de Ntra. Sra. de la Asunción de Utebo. Torre mudéxar d´a ilesia  de Nª Sª de l´Asunzión d´Utebo.

Torre mudéjar de la iglesia de Ntra. Sra. de la Asunción de Utebo. Torre mudéxar d´a ilesia de Nª Sª de l´Asunzión d´Utebo.

A ilesia parroquial de Nª Sª de l´Asunzión se costruyó en dos tongadas, a primera d´o sieglo XVI ye gotico-mudéxar y a segunda d´o sieglo XVIII, barroca.

Adornos de cerámica de la torre de la iglesia de Utebo.  Atoques de zeramica d´a torre d´a ilesia d´Utebo.

Adornos de cerámica de la torre de la iglesia de Utebo. Atoques de zeramica d´a torre d´a ilesia d´Utebo.

A suya torre mudéxar -anomenata “Torre de los Espejos”- con os suyos enzerringlaus arabescos y 4.600 recholas (en plegó á abé-ie 8.700) ye reproduzita á chiqueta grandaria en o “Pueblo Español” de Barzelona.

Otra vista de la torre mudéjar de la iglesia de Utebo.  Atra  bista d´a torre mudéxar de ra ilesia  d´Utebo.

Otra vista de la torre mudéjar de la iglesia de Utebo. Atra bista d´a torre mudéxar de ra ilesia d´Utebo.

Ye un molimén rematau lo 1544 por Alonso de Leznes, d´emplandillata mista, muito cuallau esteticamén y modelo ta posteriors edefizios zebils y relichiosos d´Aragón.

Azulejos de la torre de la iglesia de Ntra. Sra. de la Asunción de Utebo.  Recholas d´a torre de ra ilesia  de Nª Sª de l´Asunzión d´Utebo.

Azulejos de la torre de la iglesia de Ntra. Sra. de la Asunción de Utebo. Recholas d´a torre de ra ilesia de Nª Sª de l´Asunzión d´Utebo.

A berdá ye qu´impresiona por a suya iluminazión, color y diferiens diseños zeramicos.

Lo´n emologa iste dito:

“Gallarda torre de Utebo,

mocica de buen donaire,

tú eres Aragón en pie

que ni rebla ni se abate”.

Puerta de la iglesia y torre de Ntra. Sra. de la Asunción de Utebo.  Puarta de ra ilesia y torre de Nª Sª de l´Asunzión d´Utebo.

Puerta de la iglesia y torre de Ntra. Sra. de la Asunción de Utebo. Puarta de ra ilesia y torre de Nª Sª de l´Asunzión d´Utebo.

D´a replega de (IDEAragón) en trigan bels toponimos intresans d´Utebo:

“Almacenis, Almozara, Arquilla, Aranales, Acequia de la Esquerra, Acequia de la Casaza, Rasa del Ontinar, El Tiemblo, Balsa Ojo de Fraile, Biruete, Bracico, El Budelico, Escorredero de Barrana, Frasnal, El Guadán, Camino de las Corralizas, Los Noguerales, Tamarigal, Los Castellazos, Colada del Soto a la Barca, Contracequia del Carrizal, Mejana de Esponera, Las Motas, Hondo Gota, El Recuenco, Setabia, Tajadera de la Pinosa”.

Cerámica mudéjar de la iglesia de Utebo.  Zeramica mudéxar de ra ilesia d´Utebo.

Cerámica mudéjar de la iglesia de Utebo. Zeramica mudéxar de ra ilesia d´Utebo.

A “leyenda del barbo” d´Utebo la replegó Romualdo Nogués lo 1882. Amuestran solamén la canta en do los de Zirigoza se´n fan la mofla de ros d´Utebo y Monzalbarba:

“Los mozos de Monzalbarba

y los valientes de Utebo,

fueron a pescar un barbo

y pescaron un madero”.

Zona alta de la torre mudéjar de Ntra. Sra. de la Asunción de Utebo.  Susana  d´a torre mudéxar  de Nª Sª de l´Asunzión d ´Utebo.

Zona alta de la torre mudéjar de Ntra. Sra. de la Asunción de Utebo. Susana d´a torre mudéxar de Nª Sª de l´Asunzión d ´Utebo.

Y la rispuasta entufada de ros d´ixos dos lucars:

“Y los tontos de Zaragoza

venían en coche a verlo”.

Escultura con el fondo de la torre de la iglesia de Utebo. Escoltura con a torre d´a ilesia d´Utebo de fundo.

Escultura con el fondo de la torre de la iglesia de Utebo. Escoltura con a torre d´a ilesia d´Utebo de fundo.

Quizau lis binió d´astí á ros d´Utebo lo mote de “Barbos”, pero tamién lis izen “Sebosos”.

Lo bico de Malpica de ro lucar d´Utebo güega con Casetas, bico d´a capetal, pero como la ideya ye marchar dica la zona de l´antiga zucrera de Casetas, la cursa se´n i aluengará bels kms. más.

Casetas (d´o latín: CASA) ye lo bico rural más gran de Zirigoza capetal con 7.600 abitadors; situgau á 215 mts. d´altaria, á 14 kms. ta lo norgüeste de Zirigoza y en a marguin dreita d´Ebro.

 

A ros de Casetas lis izen “Gatos”.

Lo 1773 la poblazión de Caseta yera de 68 abitadors; lo 1877 en teneba 361. Lo 1879, l´allora monezipio de Las Casetas pasó á entegrá-se en o de Zirigoza. En o sieglo XX, dimpués d´a plegata d´o fierrocarril, o triballo temporal en a zucrera y la migrazión en as añadas 50 con a industrializazión i causoron un gran creximién. Lo 1900 ya yeran 1400 abitadors; 3500 en 1950 y plegando dica ros 6000 en a decada de ros 80.

Lo 1861 plega lo fierrocarril ta Las Casetas y lo 1875 se i constimez en a suya gara un nugo fierrobiyaire, ligamen d´as linias Madril ta Barzelona y Zirigoza ta Bilbau. As compañías d´allora estieron tautes -en quitar “Las” d´o retulo d´a gara de Las Casetas- de ro nome aztual de Casetas.

Dimpués d´a perduga de Cuba, lo desembolique d´a teunolochía alemana ta la bistrazión de zucre d´a remolacha ferá que s´emplantillen as endustrias zucreras en España.

Chimenea de la antigua azucarera de Casetas. Chaminera de l´antiga zucrera de Casetas

Chimenea de la antigua azucarera de Casetas. Chaminera de l´antiga zucrera de Casetas

A endustrializazión d´o cambo aragonés ye a risulta direuta de ro desembolique d´o nuabo cautibo: a remolacha zucrera. “La Azucarera ibérica”, en o bico de Casetas, estió ubierta lo 1899 y zarrata lo 1963.

Antigua azucarera de Casetas (1899).  Antiga zucrera de Casetas (1899)

Antigua azucarera de Casetas (1899). Antiga zucrera de Casetas (1899)

Voladura de la chimenea de la azucarera de Casetas.  Esclato d´a chaminera de ra zucrera  de Casetas.

Voladura de la chimenea de la azucarera de Casetas. Esclato d´a chaminera de ra zucrera de Casetas.

A prenzipal enchaquia d´a besita á Casetas ye poder biyer bel estrazio d´ixa antiga zucrera do triballó Manuel -lo ya feneziu pai de Migalánchel Pérez- á zaguers d´as añadas 50 y en 1960.

L´unico qu´en alufran d´a biella Zucrera, como alcordanza d´a fabrica, ye un detalle de ro paretón -agora esbiellata- chunto l´aztual parque “la Azucarera”.

Antigua entrada de la azucarera de Casetas, hoy es Parque La Azucarera. Antigo entrador ta la zucrera de Casetas, güé ye lo Parque l´Azucarera

Antigua entrada de la azucarera de Casetas, hoy es Parque La Azucarera. Antigo entrador ta la zucrera de Casetas, güé ye lo Parque l´Azucarera

15  Otra vista de la antigua entrada de la azucarera de Casetas, hoy Parque La Azucarera.

Otra vista de la antigua entrada de la azucarera de Casetas, hoy Parque La Azucarera.

Manuel Pérez triballó en la zucrera de Casetas os ibiernos de 1957 y 1959, aprofeitando que yeran astí os tíos d´él, Higinio que triballaba de pastor y Vitoriana que lebaba una tabierna chunto á la gara; á begatas l´alcompañaban dende Osella o suyo tío Vitorián y o suyo primo Antonio.

En primer término tío Higinio y tía Victoriana; detrás tíos Nicerato y Victoria.

En primer término tío Higinio y tía Victoriana; detrás tíos Nicerato y Victoria.

Angeles se´n alcuerda de que l´iziba Manuel que i feba tanto frido que cuan se lababan en un terrizo, l´augua qu´abentaban t´a carrera, se i quedaba chelata de camín. Remera la suya muller, Angeles Gil -mai de Migalánchel Pérez- que á primers de 1960, benindo de Zirigoza de ro (biache de bodas), paseron la cuartena y zaguera nuei en casa d´os suyos tíos.

Manuel Pérez y Ángeles Gil con su hijo Miguel Ángel en la calle S. Luis Gonzaga de Torrero en 1963.

Manuel Pérez y Ángeles Gil con su hijo Miguel Ángel en la calle S. Luis Gonzaga de Torrero en 1963.

Seguntes o triballo feito por l´estoriador José Carlos Abadía en a publicazión tetulata “Algunos comentarios sobre el abastecimiento de agua a Cesaraugusta”, referén á lo bronze de Contrebia Belaisca (Botorrita), se i menta una sentenzia que lo senato de Contrebia estatuezió en o pleito entre la zidá bascona de Alaún (Alagón) y la ibera de Salduie (Zirigoza) rispeutibe á una nuaba zaica. L´estoriador en deduz que poderba tratá-se-ie de ra zaica de L´Almozara, que pasa por Casetas.

En diz lo dito popular:

“El que venga a Casetas y beba de la acequia Almozara nunca se olvidará ni de sus gentes, ni de sus tierras, y querrá volver”.

Curiosamén, á zaguers d´o sieglo XII, á Casetas l´iziban Mezalzamori -nome arabe- y pertenexeba á un Siñor clamato Aznar Aznárez. Lo poblato disparix en o sieglo XV en estar en zona orchegable por l´Ebro. Poco dimpués la familla de los Torrellas funda Las Casetas en un terrén amanau, menos padulenco y chunto lo Camín Reyal.

Casa-torre en el centro urbano de Casetas. Casa-torraza en  o  cocollo  de  Casetas.

Casa-torre en el centro urbano de Casetas. Casa-torraza en o cocollo de Casetas.

Decumentalmén se conox a esistenzia de Casetas dende ra puenda d´a reconquiesta de Zirigoza por Alifonso I lo Barallador, en o sieglo XII, estando tradizionalmén de siñoríos e baronías, con poblazión agricola i chusmesa. lo primer Siñor en estió D. Peiro I d´Aragón y Ximénez Cerdán. Lo seteno y zaguer siñor de Las Casetas en estió, lo 1812, D. Miguel de Moncayo Zapata y Aragón.

A parroquial de Casetas, de zaguers d´o sieglo XVIII, ha como patrons la “Virgen de la Rosa” y “San Miguel” y estió capiella d´a Casa de ros Duques de Solferino.

As fiastas de Casetas son o primer dominche de mayo en onor á la Virgen de la Rosa, en as que se i fa ofrenda de flors á la birchen y prosezión. As fiastas chiquetas, San Miguel, se i zilebran lo 29 de setiambre.

Autras fiastas á risaltar son San Antón, San Valero, La Candelaria, San Blas, con o refrán d´iste diya: “Para San Blas la cigüeña verás y si no la vieres más invierno hiciere”, y Santa Agueda, en a que fan postres como farinetas u “torrijas”.

S´amanan tamién á biyer lo que se i pueda de l´antiga fabrica “La Harinera del Ebro”. Ye un edefizio guallardo, parzialmén esmoliu, qu´acupa una “manzana” entegra. A costruzión aztual ye una redificazión de ras primeras añadas d´o sieglo XX.

Vista de la antigua Harinera del Ebro de Casetas.  Ambiesta de l´antiga  "Harinera del Ebro" de Casetas

Vista de la antigua Harinera del Ebro de Casetas. Ambiesta de l´antiga “Harinera del Ebro” de Casetas

Marchan d´o bico de Casetas enfilaus ta lo lucar de Torres de Berrellén (7 kms.).

Anuncios