7. MONZALBARBA – ALFOCEYA

9- V – 2011. Ixen a´l punto  lo maitín de Zirigoza prenendo la carretera Logroño y por un esbarre ta la dreita enfilan enta Monzalbarba (d´o bereber MANZIL-BARBAR: “aposamién bereber”), bico rural de Zirigoza capetal de 1800 abitadors, situgau á 11 kms. ta lo norgüeste d´a zidá, en a marguin dreita d´Ebro y á 204 mts. d´altaria.

  

Monzalbarba ye redoliata de planeras y cambos agundosos. Dend´antis más la suya economía s´alazetaba en a guarta, pero á zaguers d´o sieglo XIX y empieze d´o XX la poblazión suya s´engrandó debiu á la plantificanzia d´interpresas.

Han un dito en Monzalbarba referiu á localidaz bizinas:

“En Monzalbarba, el melón,

en Juslibol, el pepino

y en Utebo está borrajas,

acelgas y letacinos”.

A ros de Monzalbarba lis izen “Cigüeños”.

A zicuaña ye lo simbolo y escuto d´o bico y, como se beye en l´afoto, ista au migradera acupa lo niedaz esistén en o campanal d´a mañifica tor mudéxar d´o sieglo XVI (de ladriello y con tres sulers) de l´antiga ilesia de San Miguel Arcángel, esmolida lo 1967.

La torre mudéjar de Monzalbarba con cigüeñas. La tor mudéxar de Monzalbarba con zicuañas

La torre mudéjar de Monzalbarba con cigüeñas. La tor mudéxar de Monzalbarba con zicuañas

Monzalbarba se troba plantificada, ize que, sopre una billa romana y chunto á una antiga calzata, en terrens arrigaus por l´arriu Xalón por meyazión d´a zaica de l´Almozara.

En o sieglo X tribus beribers fundan “Manzil-Barbar”, de do esdebiene lo nome d´a poblazión. A empezallos d´o sieglo XII estió reconquiesta por Alifonso I Lo Batallero y endonata á lo caballer alabés Ambrosio Casanante.

Lo 2.001 se cumplioron as 800 añadas dende que Peiro II d´Aragón estatuezió Monzalbarba como aldeya propia de Zirigoza, esdebenindo dend´allora bico d´a mesma, anque entre 1837 y 1885 adubió á estar monezipio independién.

 

Torre mudéjar del siglo XVI  de Monzalbarba. Torre mudéxar d´o sieglo XVI de Monzalbarba

Torre mudéjar del siglo XVI de Monzalbarba. Torre mudéxar d´o sieglo XVI de Monzalbarba

Antonio Serrano Montalvo reculle en o libro “La población de Aragón según el fogaje de 1495” lo zenso d´Aragón casa por casa, trestallau en doze sobrecullidas, u destritos. Respetibe á Monzalbarba, contaba con 37 fuegos que trascriben encontinén:

“La Casa de Johan de Leytago, Miguel Daguillon, Mingo Dullo, Domingo Crabero, El Corredor, Miguel Lopez, Pedro Sant Adrian, Pero de la Plaça, Pedro Xarch, El Vicario, Gil de Luecha, Martin de Grenyo, Martin de Narbona, Miguel Sancho, Eluira, pobre, La Sagrada, La Torre de Salabert, Johan de Miranda, Pero Doron, Domingo Darbinyes, Pedro Cathalan, Saluador Dalqueçar, Alonso Miranda, Pedro Moreno, García de Pedrazas, Martin Dagreda, Domingo Miranda, Pedro Darbinyes, Johan Destercuel, Blas de Xixena, Anton de Mur, Johan de Xixena, Miguel Sanz, Miguel de la Plaça, La Torre de Johan Lopez, La Torre de Domingo Aznar”.

Si cunsidan que á cada fuego li pertocareban cualques zinco presonas, Monzalbarba tendreba lo 1495 arredol de 185 abitadors.

Ta San Blas, 3 de febrer, se i zilebran as fiastas chiquetas y lo 8 de setiambre as  grans d´a Birchen de la Sagrada.

En o bico biello s´han conserbau bellas casas d´intrés arquiteitonico de ros sieglos XVI-XVII, en as carreras Enmedio, La Sagrada y pza. d´España.

Calle “Enmedio” enmedio de Monzalbarba. Carrera "Enmedio" enmeyo de Monzalbarba

Calle “Enmedio” enmedio de Monzalbarba. Carrera “Enmedio” enmeyo de Monzalbarba

Bellas antigas “torres” (bibianda tradizional de la guarta) se i mantienen en millor u piyor estau: las d´Aurora, Santa Catalina, Condesa, Arqué, “del Rey” y la de Marraco.

L´armita de la Birchen d´a Sagrada ye de 1601, pero ya b´esistiba unatra armita dend´o sieglo VII adedicata á la Birchen de “la Antigua”, que l´arrambló l´ Ebro en una crexida.

En Monzalbarba mesmamén bibe una d´as prenzipals “colonias” d´a diaspora pancrudina, inclusibe bels parians de M. Martín. Como lis pilla de paso, ban á saludar á la prima Maribel que ye triballando en a peluquería d´ela.

Ta Maribel ye una implazera sospresa la besita d´o suyo primo y, ta i zilebrar la trobada, o compañer Zerrigüeltaire M. Pérez lis fa bels afotos antis d´a dispidida.

Migalánchel Martín con su prima hermana, Maribel, en Monzalbarba. Migalánchel Martín con a suya prima-chirmana, Maribel, en Monzalbarba

Migalánchel Martín con su prima hermana, Maribel, en Monzalbarba. Migalánchel Martín con a suya prima-chirmana, Maribel, en Monzalbarba

Monzalbarba ha un puen sopre l´Ebro comunicadero con o bico rural d´Alfozeya, á 3´5 kms. de longaria, y ent´astí enfilan.

 

Alfozeya

Alfozeya, (de l´arabe AL-HAUZ:  “masada”, “discansadero”, “destrito” u “sembrau”) ye un bico rural de Zirigoza capetal situgau á 15 kms. ta lo güeste d´a zidá en a marguin cucha d´Ebro, de 180 abitadors y á 221 mts. d´altaria. En diz á lo rispeutibe ra Biquipedia :

“O topónimo “Alfoceya” tien orichen árabe y viene d’al-Hauz que significa “puesto de descanso”. A forma con epentesi antihiatica la podemos veyer escrita coexistindo con a forma sin epentesi en bell texto meyeval como uno de 1306 d’os “Cartularios de Sant Salvador de Zaragoza”:

“A todos sia manifiesto presentes e avenideros qu yo don Garcia Valles rector de las eglesias de Alfoceya e de Miranda puesto en enfermedat empero puesto en mi seso e memoria, fago mi postrero testament e ordinación de todos mis bienes…”

A ros d´Alfozeya lis izen “Cucos“.

Ye muito sonata ista mazada: “Más bruto qu´el señor d´Alfocea“, y Benito Coll y Altabás, en o suyo triballo “Colección de refranes, modismos y frases usados en el Alto Aragón….” (1902), replega y esplicotia Iste apaixito dito: “Más focín qu´el siñor d´Alfocea”.  Frase que se aplica a algún sujeto de maneras adocenadas.

Tamién ye remerata bella canta de cuan plegó la letrezidá t´Alfozeya:

“Ya viene el cojo Alfocea/ corriendo y desenfrenado/a dar parte a Monzalbarba/

que Alfocea está alumbrado”.

O lugar ye plantificau en o pedero d´o mon d´El Castellar.

Vista de Alfocea. Ambiesta d´Alfozeya

Vista de Alfocea. Ambiesta d´Alfozeya

O terreno ye buralenco con rochas alchezeras, anque lis chocan os berdals d´as proxemedaz. Dende la ilesia ye sobrixién lo miralgüén enta lo paisache d´a bal de l´Ebro. Debán d´istas ambiestas tan amplizas lo susiego se i puede alentar.

Mirador del valle del Ebro desde Alfocea. Miralgüén d´a Ribera l´Ebro dende Alfozeya

Mirador del valle del Ebro desde Alfocea. Miralgüén d´a Ribera l´Ebro dende Alfozeya

A ilesia adedicata á la Inmaculata Conzezión ye costruyita lo 1683.

Puerta de la iglesia de Alfocea. Puarta d´a ilesia d´Alfozeya

Puerta de la iglesia de Alfocea. Puarta d´a ilesia d´Alfozeya

Apegau enta ela i remane un troz d´auside de l´antigo templo romanico de San Cristobal, escatumbau lo 1974.

Restos del ábside del primitivo templo románico de Alfocea. Repuis de l´auside d´o premitibo templo romanico d´Alfozeya

Restos del ábside del primitivo templo románico de Alfocea. Repuis de l´auside d´o premitibo templo romanico d´Alfozeya

Os estrazios más biellos son d´un poblato ibero. Lo sieglo I los romans se´n i aposoron y dimpuesas os mozlemes cautiboron y abitoron istas tiarras, de ros qu´esdebiene lo nome d´Alfozeya.

Muito á man, en un sarratico d´a marguin cucha d´o barranco de Lecheros, i remanen os repuis d´o castiello d´o sieglo X  conoxius agora como “ermita de Santa Ana”.

Iste castiello sereba l´aguaitadero enta la Saraqusta mozleme en tiampos de lo rai Pietro I d´Aragón. Dimpués se i costruyó la ilesia d´os Templaires, zaga la conquiesta de Zirigoza por Alifonso lo Barallador en 1118.

Alfozeya apertenexió á os Templaires dica 1131, dimpués pasó enta la nopleza dica la fin d´a Edá Meya, con gran autibidá agricola y ganadera.

Lo 1495 teneba 26 “fuegos” y lo 1646, 30 famillas. Lo 1677  la poblazión estió aglerata de raso por un garonazo, posiblemén en autro puesto amanau. De 1327 ta 1785 Alfozeya estió billa, anque n´ista zaguera calendata nomás que con 2 bizins. Lo 1834 esdebinió lugar. Lo 1840 i bibiban 68 presonas y lo 1887 esdebinió bico rural.

Antigua casa de Alfocea. Antiga casa d´Alfozeya

Antigua casa de Alfocea. Antiga casa d´Alfozeya

Se i zilebran as fiastas grans ta San Blas, á primers de febrer, y as chiquetas ta la Birchen d´o Rosario, lo primer cabosemana d´otubre.

Dimpués de quedá-lis güen taste d´Alfozeya y os suyos paisaches, marchan á besitar un rated lo lugar d´Utebo, que ye á 8 kms.

Anuncios