6. Torrellas – Los Fayos – Trasmoz

Torrellas (d´o latín TURRIS -torre- y lo remate -ella: “torre esfensiba, casa de cambo”, u con remate -icula: TURRICULA>torrella) ye una localidá situgata entre a bega de l´arriu Queiles y lo barranco “El Vado”, en a comarca “Tarazona y el Moncayo”; ha 300 abitadors, e ye á 570 mts. d´altaria e 91 kms. de Zirigoza capetal.

Mapa de la zona y de los pueblos cercanos al Moncayo. Mapa d´a redolada y lucars proxemos ta lo Moncayo

Mapa de la zona y de los pueblos cercanos al Moncayo. Mapa d´a redolada y lucars proxemos ta lo Moncayo

A os de Torrellas lis izen “los de la Filajona”.

D´a debanmentada replega de (IDEAragón), en han trigau bels toponimos intresans de Torrellas:

“Vago Matarrocines, Acequia Magallón Fiel, Barranco de Valdarracos, Filaturas, Calderuelas, Cambacos, Los Lombacos, La Poya, Cerrainas, El Tozo, Charre”.

As fiastas grans se i zilebran la segunda semanada de setiambre en onor á lo Santo Cristo. Lo diya 14 festellan un d´os aztos más tradizionals, as “mulillas”, la replega de tortas y pastas por as carreras. Lo nome promana de cuan as tortas yeran replegadas por os mozos alcompañaus d´una mula.

Lo 11 de nobiambre se i zilebra San Martín y lo 4 d´abiento Santa Barbara.

Torrellas, con Santa Cruz de Moncayo y Los Fayos composaba la baronía de Torrellas, binclata á la nopleza aragonesa d´os Contes de Ribagorza y os Duques de Villahermosa. Mesmamén, remane un dito respetibe á ixas tres poblazions:

“En Los Fayos, mucho culo,

en Torrellas mucha teta

y en llegando a Santa Cruz

todo son ladrillo y tejas”.

 

Autra sonata mazada:

“Entre Torrellas y el Fayo

pasaremos el febrero”.

Casa típica de Torrellas. Casa tradizional de Torrellas

Casa típica de Torrellas. Casa tradizional de Torrellas

En o sieglo XVI, la poblazión yera más que más morisca, con artisans que triballaban la fusta y marquetería, y labradors  muito bien alixenziaus, que i consiguiban 2 cullitas á l´añada.

Bi ha un dito morisco que diz:  “La casa del moro, por fuera de barro y por dentro de oro“.

Se i mantién o cuerpo interno de l´antiga mezquita retraziada en o sieglo XVII como ilesia crestiana de San Martín de Tors, en sobrexindo la suya tor mudéxar güeitogonal.

Torre mudéjar de la iglesia de Torrellas. Torre mudéxar d´a ilesia de Torrellas

Torre mudéjar de la iglesia de Torrellas. Torre mudéxar d´a ilesia de Torrellas

En os aintros se i troba lo “Centro de Interpretación de la cultura musulmana: Torrellas-La huella del Islam”.

Otra vista de la torre mudéjar de la iglesia de Torrellas. Unautra ambiesta d´a torre mudéxar d´a ilesia de Torrellas

Otra vista de la torre mudéjar de la iglesia de Torrellas. Unautra ambiesta d´a torre mudéxar d´a ilesia de Torrellas

D´o castiello mozleme en i queda nomás qu´estrazios d´a tor de l´Omenax.

Torrellas. restos del antiguo castillo. Torrellas, repuis de l´antigo castiello

Torrellas. restos del antiguo castillo. Torrellas, repuis de l´antigo castiello

Zerrigüeltiando por a localidá, i paran cuenta en que agún endi remanen bels nomes de carreras remeraderas d´o suyo debanpasau, como: Zocotroca, Granero, Plaza del Cinto y la Botiga de los Alcanillo.

Nombre de una calle de Torrellas. Nome d´una carrera de Torrellas

Nombre de una calle de Torrellas. Nome d´una carrera de Torrellas

Arriban en a Plaza Mayor, do antis más se i zilebraba lo Mercau.

Plaza Mayor de Torrellas

Plaza Mayor de Torrellas

Ye un amplo espaz aporchegau, con casalons petrusos y porches abordilaus. Ye intresán la frontera d´a Casa la Billa, en sablón, y lo suyo relox, y la qu´estió residenzia d´os Duques de Villahermosa, d´o sieglo XVII, güé esdebenita Casa Rural.

Antigua casa de los Villahermosa, hoy casa rural en Torrellas. Antigo casal d´os Villahermosa, güei alox rural de Torrellas

Antigua casa de los Villahermosa, hoy casa rural en Torrellas. Antigo casal d´os Villahermosa, güei alox rural de Torrellas

El Pilar de los aragoneses. O Pilar d'os aragoneses

El Pilar de los aragoneses. O Pilar d’os aragoneses

Pepe Benaúl y  Ángel Trigo en Torrellas en 2014

Pepe Benaúl y Ángel Trigo en Torrellas en 2014

08c La Plaza Mayor de Torrellas. A Plaza Mayor de Torrellas

08c La Plaza Mayor de Torrellas. A Plaza Mayor de Torrellas

Una de las entradas a la Plaza Mayor de Torrellas. Una d'as entratas á ra Plaza Mayor de Torrellas

Una de las entradas a la Plaza Mayor de Torrellas. Una d’as entratas á ra Plaza Mayor de Torrellas

Pepe Benaul y Ángel Trigo en Torrellas de Venecia 2014

Pepe Benaul y Ángel Trigo en Torrellas de Venecia 2014

Ocas en Torrellas. Aucas en Torrellas

Ocas en Torrellas. Aucas en Torrellas

Las mismas ocas de Torrellas. As mesmas aucas de Torrellas

Las mismas ocas de Torrellas. As mesmas aucas de Torrellas

 Iglesia de Torrellas. Ilesia de Torrellas

Iglesia de Torrellas. Ilesia de Torrellas

Edificio morisco de unos 400 años. Edifizio morisco de unas 400 añadas

Edificio morisco de unos 400 años. Edifizio morisco de unas 400 añadas

En Torrellas naxió Fulgencio Herrero Garza, qui yera tío de M. Pérez y mariu d´a suya tía Dora de Trasobars. Feneziu en 1988, pero M. Pérez lo quier remerar como ome modoso y amoroso que yera. Cuasi toda la suya bida la pasó en Arandiga y Zirigoza, pero no se´n cayó ya lo mote con o que li conoxeban: “el Torrellas”.

El primero a la derecha es Fulgencio Herrero Garza junto a tres abuelos de M. Pérez (23-5-1968) Lo primer d´a dreita ye Fulgencio Herrero Garza chunto á tres güelos de M. Pérez (23-V-1968

El primero a la derecha es Fulgencio Herrero Garza junto a tres abuelos de M. Pérez (23-5-1968) Lo primer d´a dreita ye Fulgencio Herrero Garza chunto á tres güelos de M. Pérez (23-V-1968

O fillo de Migalánchel Pérez, Francho, estió en fa cualques d´estibadas en o zentro de formazión chobenil “La Nave” de Torrellas, fendo-ie lo curso de “Monitor de Tiempo Libre” y lo i pasó de pistón.

Torrellas. Valle de Los Fayos y Moncayo. Torrellas. Bal de Los Fayos y Moncayo

Torrellas. Valle de Los Fayos y Moncayo. Torrellas. Bal de Los Fayos y Moncayo

A 2,5 kms. solamén ye la localidá de Los Fayos, y ent´alí enfilan.

Los Fayos paix estar que promana d´o latín FAGUS: “fayo”, anque diz que pué esdebenir tamién d´o prerromán, con o sinificato de “arriu frido”, u de FALLO, “fenomeno teztonico orichinau en as parez rocheras d´os arredols d´o lucar”.

Ye una localidá d´a comarca de Tarazona y El Moncayo, de 150 abitadors, á 569 mts. d´altaria y á 95 kms. de Zirigoza capetal.

Vista de los mallos de Los Fayos. Ambiesta de los mallos de Los Fayos

Vista de los mallos de Los Fayos. Ambiesta de los mallos de Los Fayos

A os de Los Fayos lis izen “Cacos”.

Continando con a replega de (IDEAragón), en trigan bels toponimos chocantes de Los Fayos:

“Vadillo, Gallopar, Las Carracinas, La Carrera, Contamín, Coso, Landas, Recuenco, Sorra, Torre Muna”.

 

L´ambiesta á lo que plegan en o lugar ye de gran politeza, situgau baxo grans paretons berticals como mallos.

Vista de Los Fayos. Ambiesta de Los Fayos

Vista de Los Fayos. Ambiesta de Los Fayos

L´orichen de Los Fayos podreba estar un antigo monesterio beneditín, do residiba San Atilano.

Alifonso I fa endonanzia de Los Fayos á un tal D. Pelayo en 1128:

«Dono et concedo uobis in illos Faios illas casas que fuerunt de Alfarneit».

D´o “Libro Chantre” de 1382, ya debanmentau, en transcriben lo capetulo XI, rilazionato con Los Fayos:

“Primerament en Los Fayos presienta vicario el chantre de Taraçona al Sennyor Vispe confirmalo et comiendale la cura de las animas. Et el dito Sennyor Vispe visita las iglesias et por razon de la visitation pagale el dito chantre la procuration. Et los parrochianos de Los Fayos pagan diezma de corderos, favas, armellas, pan, vino, millo, alcaçer, cannyamo, lino, uvas, et la diezma de los dineros, assi venden uvas, olivas, et el Sennyor Rey paga diezma de los cuartos que recibe. Et assi mismo Don Garcia de Loriz por razon de la iglesia de Torrellas que es anexa a la de Los Fayos et assi mismo Beltran de Ribas pagan diezma de los cuartos que reciben de los vasallos de Torrellas. Et pora collar las ditas specialment del pan mete collidor el  dito chantre, el qual collidor, si sufficient sea, jura en poder del Sennyor Vispe et del capitol de Taraçona et del chantre et vicario o de los procuradores de ellos bien et leyalment faze la dita collida et la provision et salario del dito collidor et la mision del dia de la quartacion o quartaciones pagase de monton assi mismo los III quartaladas de trigo et III quartaladas del ordio del arcipestre. Et después fazese la quartacion de esta manera de lo que finca en monton. Primerament el Señor Vispe et capitol de Taraçona han el quarto de todas las diezmas sobreditas del qual quarto el archidiagno de Taraçona recibe el redecimo et de lo que finca parten el dito Sennyor Vispe et capitol cada sendos medios cuartos. Et el vicario recibe el otro cuarto et non paga redecimo assi que finca el chantre de Tarazona la meytat de la diezma de todas las cosas que se diezman por la iglesia es del dito chantre”.

L´armita de San Benito estió costruyita en o sieglo XII en un forau d´a rocha y t´astí se´n aplegan os bizins en romería lo 21 de marzo, i entonando una aurora á lo santo.

As fiastas grans i son lo terzeno miercols d´agosto, en onor á Santa Barbara.

La ermita de San Benito dentro de la roca y Los Fayos. L´armita de San Benito aintro d´o rochal y Los Fayos

La ermita de San Benito dentro de la roca y Los Fayos. L´armita de San Benito aintro d´o rochal y Los Fayos

Teneban un costumbre trucán en Los Fayos: “en a nuei de San Chuan se culliba un ramico de flors y se meteba chus lo leito la resta de l´año, dimpués en a nuei de Nadal, en a taula d´a zena con toda la familla, se i posaba lo charrón con as flors y florixeba tan terned como yera estau lo diya que se´n replegó.”

D´a localidá en sobrixe la ilesia de Santa María Madalena, d´o sieglo XVI, manimenos la torre en ye d´o XVIII.

Torre de la Iglesia de Los Fayos. Torre d’a ilesia de Los Fayos

Torre de la Iglesia de Los Fayos. Torre d’a ilesia de Los Fayos

Dende lo lugar, se i beye lo mur de fornigón de 100 mts. d´altaria, por d´ensomo d´o cualo se i costruyó lo 1997 lo polemico entibo “del Val”, que s´enfurne con augua d´os arrius Val y Queiles. Ye una feitura desinforme de sobresoma, sin d´abé-ne de chustificazión ta semellán libel d´emplidura, grandiza menaza ta Los Fayos y localidaz chusanas d´a bal d´o Queiles, por posible crebadura d´o barrache y, antiparti, lo lugar leba asperando dende as feituras de l´entibo os apoquiñes ta os bizins.

Río de la Casa o Val y por encima el muro de la presa del Embalse del Val. Arriu de la Casa u Val y, entalto, lo mur d´o barrache de l´entibo “del Val”

Río de la Casa o Val y por encima el muro de la presa del Embalse del Val. Arriu de la Casa u Val y, entalto, lo mur d´o barrache de l´entibo “del Val”

Pepe Benaul y Ángel Trigo en Los Fayos en 2014

Pepe Benaul y Ángel Trigo en Los Fayos en 2014

El gatico de Los Fayos.  O mixín de Los Fayos

El gatico de Los Fayos. O mixín de Los Fayos

La Torre mudéjar de Los Fayos. A Torre mudéxar de Los Fayos

La Torre mudéjar de Los Fayos. A Torre mudéxar de Los Fayos

15d Ayuntamiento y antiguo Palacio en Los Fayos. Concello y antigo palazio en Los Fayos

15d Ayuntamiento y antiguo Palacio en Los Fayos. Concello y antigo palazio en Los Fayos

Cartel en aragonés. Retulo n'aragonés

Cartel en aragonés. Retulo n’aragonés

Las rochas junto a Los Fayos. As rochas amán d'as casas en Los Fayos

Las rochas junto a Los Fayos. As rochas amán d’as casas en Los Fayos

Vista de Los Fayos. Ambiesta de Los Fayos

Vista de Los Fayos. Ambiesta de Los Fayos

Dende Los Fayos se´n amanan á besitar o zaguer lugar d´a chornada, Trasmoz, á 10 Kms.

Trasmoz (d´o toponimo romanz TRANS MONTES u TRASMONTE: “tras mons”; autra bersión más fosquiza iz que promana d´o prerromán TERA-MOL: “molín de l´arrigazo”) ye una localidá d´a comarca Tarazona y El Moncayo de 58 abitadors, á 765 mts. d´altaria y 88 kms. de Zirigoza capetal. A lo lugar l´izen “la Casca”.

Mapa de la zona y de los pueblos cercanos al Moncayo. Mapa .d´a redolada y lucars proxemos a ro Moncayo

Mapa de la zona y de los pueblos cercanos al Moncayo. Mapa .d´a redolada y lucars proxemos a ro Moncayo

Aturan cuasi en l´entrador d´o lugar,  do i fan uns afotos de Trasmoz corunau por o castiello meyebal, plantificau sopre un sarratón qu´aboca enta una ampla bal.

17 Vista de Trasmoz. Ambiesta de Trasmoz

Vista de Trasmoz. Ambiesta de Trasmoz

Por a suya situgazión, se i troba “tras os mons”, en o pedero d´o Moncayo; bétemé lo dito:

“Cuatro pueblecicos al pie del Moncayo,

Vera, Veruela, Trasmoz y Litago”.

Vista del Moncayo desde Trasmoz. Ambiesta de lo Moncayo dende Trasmoz

Vista del Moncayo desde Trasmoz. Ambiesta de lo Moncayo dende Trasmoz

Autras coplicas trucadizas, conoxitas en Trasmoz:

“Fue Becquer el gran poeta

con luz de su inspiración

quien hizo grande su nombre

ya para siempre, Trasmoz”.

“Cuando querrá el Dios del Cielo

que la tortilla se vuelva

que los pobres coman pan

y los ricos coman mierda”.

D´a debanmentada replega de (IDEAragón) en han trigau bels toponimos intresans de Trasmoz:

“Albollones, Alfara, Alpujarras, Arbales, Barcolé, Barrancho de la Huecha, Barranco de la Yasa, La Valluenga, La Diezma, Las Embecas, Espardinas, Gruñer, Camino Cuadrimón, Cantoncillos, Caratayos, Los Cortichuelos, Lumbaco, el Opete, Pardinas, La Sapera, Sardón, La Yasa”.

Vista de parte de Trasmoz y del Moncayo. Ambiesta d´un troz de Trasmoz y lo Moncayo

Vista de parte de Trasmoz y del Moncayo. Ambiesta d´un troz de Trasmoz y lo Moncayo

O diya de San Chorche esistiba lo costumbre de “Roldar el güebo”. Os ninos en ixir d´a escuela enfilaban cara ta las eras portiando un güego cueto ta i fé-lo roldar. O chuego pendeba en dixá-lo en o suel chunto con lo d´os demás mozez e yir empentando-los á fin de que i redoliasen. Cuan ya i eban chirato pro como ta que la casca se´ndi espelurziase, se´n escoscaba y os mozez se i posaban ta minchá-los-se ensemble.

Lo 29 d´abril se i festella lo Santo Cristo de la Piedá.

As fiastas grans en onor á la Birchen y San Roque se i zilebran lo 15 d´agosto.

Lo 9 de setiambre zilebran as fiastas d´a Birchen d´a Güerta.

Lo poyeta romantico sebillano d´o sieglo XIX, Gustavo Adolfo Bécquer, escubilló Trasmoz sinprexinablemén, pero l´encantuchó por a suya trucadiza situgazión:

“Hace dos o tres días, andando a la casualidad por entre estos montes, y habiéndome alejado más de lo que acostumbro en mis paseos matinales, acerté a descubrir, casi oculto entre las quiebras del terreno y fuera de todo camino, un pueblecillo cuya situación, por extremo pintoresca, me agradó tanto que no pude por menos de aproximarme a él para examinarle a mis anchas…”

Trasmoz, por a plantificanzia suya, estió clau en a esfensa d´a muga con Castiella y Nabarra, por ixo se i costruyó un castiellaz en o sieglo XII. Ent´astí s´endrezan.

https://oszerrigueltaires.wordpress.com/wp-admin/post-new.php?post_type=post

Muralla exterior del castillo de Trasmoz. Muraus foranos de lo castiello de Trasmoz.

La tor de l´Omenax y lo primer rezingle en datan d´o sieglo XII; dimpués d´a enampladura d´o sieglo siguién i esdebinió siestro d´armas d´o castiello.

Almenas interiores del castillo de Trasmoz, al fondo, el Moncayo. Muresnos d´aintro de lo castiello de Trasmoz; ta lo fundo, lo Moncayo

Almenas interiores del castillo de Trasmoz, al fondo, el Moncayo. Muresnos d´aintro de lo castiello de Trasmoz; ta lo fundo, lo Moncayo

En os sieglos XIV y XV en fa güena d´onra á os siñors de Luna y Gurreya, pero en o sieglo XVI  ye albandonato en perder a importanzia güegatiza.

Patio de armas y torre interior del castillo de Trasmoz, al fondo, el Moncayo. Siestro armero y torre d´aintro de lo castiello de Trasmoz; ta lo fundo, lo Moncayo

Patio de armas y torre interior del castillo de Trasmoz, al fondo, el Moncayo. Siestro armero y torre d´aintro de lo castiello de Trasmoz; ta lo fundo, lo Moncayo

Lo castiello yera feito en piatra manposata de planda poligonal, con sais torres que i protexeban la debanmentada tor de l´Omenax, agora recuperata.

M. Pérez junto a la torre del Homenaje del castillo de Trasmoz. M. Pérez chunto la torre de l´Omenax de lo castiello de Trasmoz

M. Pérez junto a la torre del Homenaje del castillo de Trasmoz. M. Pérez chunto la torre de l´Omenax de lo castiello de Trasmoz

Astí ye la esposizión permanén d´as troballas arquioloxicas de l´axobar d´o zaguer siñor d´o castiello, Pedro Ximénez d´Urreya,

M. Martín  junto a la torre del Homenaje del castillo de Trasmoz. M. Martín chunto la torre de l´Omenax de lo castiello de Trasmoz

M. Martín junto a la torre del Homenaje del castillo de Trasmoz. M. Martín chunto la torre de l´Omenax de lo castiello de Trasmoz

escubillatas durán as escabonazions i desembolicatas. La fundazión de “Amigos del Castillo de Trasmoz” quié esbiellar la resta d´o rezingle, agún sin d´escabonar, ta fé-lo esdebenir Museyo de Mitos e Liyendas.

Almenas interiores del castillo de Trasmoz. Muresnos d´aintro de lo castiello de Trasmoz

Almenas interiores del castillo de Trasmoz. Muresnos d´aintro de lo castiello de Trasmoz

De cutio lo castiello de Trasmoz ye estau puesto preferén ta la bruxería, l´endreit do as broxas i feban las suyas chuntas.

Muralla y torre exterior del castillo de Trasmoz, al fondo, el Moncayo. Muraus y torre forana de lo castiello de Trasmoz; ta lo fundo, lo Moncayo

Muralla y torre exterior del castillo de Trasmoz, al fondo, el Moncayo. Muraus y torre forana de lo castiello de Trasmoz; ta lo fundo, lo Moncayo

Ángel Trigo y Chusé Benaul junto al castillo de Trasmoz en 2014. Ángel Trigo y Pepe Benaul chunto á ro castiello de Trasmoz en 2014

Ángel Trigo y Chusé Benaul junto al castillo de Trasmoz en 2014. Ángel Trigo y Pepe Benaul chunto á ro castiello de Trasmoz en 2014

Una vista de los exteriores del Castillo de Trasmoz. Una ambiesta d'os esteriors d'o castiello de Trasmoz

Una vista de los exteriores del Castillo de Trasmoz. Una ambiesta d’os esteriors d’o castiello de Trasmoz

Otra vista del castillo de Trasmoz. Atra ambiesta d'o castiello de Trasmoz

Otra vista del castillo de Trasmoz. Atra ambiesta d’o castiello de Trasmoz

Muralla exterior del Castillo. Muralla esterior d'o castiello

Muralla exterior del Castillo. Muralla esterior d’o castiello

Lo 1267 abitó lo castiello Blasco Pérez, sagristán de Tarazona, i cudindo falsa monetalla y endizcando los alizazes d´as liyendas qu´en son plegatas dica güé.

Bécquer rezentó sopre ixa machia en belunas d´as sonatas liyendas suyas. Una d´ixas falordias ye a liyenda de “la tía Casca” de Trasmoz, a broxa que feba más medrana en toda la redolada.

Escultura de Bécquer. Escoltura de Bécquer

Escultura de Bécquer. Escoltura de Bécquer

Bécquer recuenta qu´en una d´as suyas gambadas por la comarca se´n escunzó un pastor que l´aprebinió de no pillar bel camín anomenau “la senda de la tía Casca”.

Iste ome li´n dizió lo siguién:

“En esta senda fue despeñada la señora, y al ser rechazada por Dios y por el Diablo, su alma vaga por ese camino, y mediante engañosos sonidos, unas veces con lloros de niño otras con gruñidos de lobo, atrae a los ingenuos caminantes para, con su seca mano, despeñarlos por el barranco”.

A liyenda diz que la tía Casca yera muitismo conoxita en Trasmoz. Estió acusata por os bizins de i dar mals de güello y toda mena de feitiellos.  Os abitadors la encorrioron dica un xerbigadero do, magueras as aclamanzias d´a biella, i estió empentada ta l´arrigazo, do espiritó.

Reyalmén esistió ista pobra muller, y estió xerbicad por un espaldadero lo 1850, pos l´acusoron d´estar prauticanta  d´artes de broxería. En iste causo, liyenda y reyalidá bi yeran enzerringlatas.

Chestionau por o Conzello de Trasmoz bi ye lo Museyo d´a Broxería.

Museo de la Brujería de Trasmoz. Museyo de la Broxería de Trasmoz

Museo de la Brujería de Trasmoz. Museyo de la Broxería de Trasmoz

Dend´aquí alto alufran lo lugar y la ilesia d´a Birchen d´a Güerta, que agún mantién la nau y la portalada d´os sieglos XII-XIII, entre que la resta d´o templo ye gotico-renaxentista.

Iglesia de la Virgen de la Huerta de Trasmoz. Ilesia de “la Virgen de la Huerta” de Trasmoz

Iglesia de la Virgen de la Huerta de Trasmoz. Ilesia de “la Virgen de la Huerta” de Trasmoz

Rematan la cursa d´o diya tornando-sen ta Zirigoza.

Anuncios