5. Monesterio de Tuluebras

Dixan l´auto en a zaguera d´o Monesterio de Tuluebras,  chunto l´antiga gara d´o fierrocarril que chuñiba Tarazona y Tudela, agora esdebenida bibianda particular. Ista linia -anomenata popularmén “el tarazonica” u “l´escachamatas”- plegó de raso en mayo de 1972. O trazau acupau por a biya ye estau recuperau ta lo güenbagar d´as chens como “Vía Verde del Tarazonica”

Antigua estación de tren de Tulebras (Navarra). Antiga gara de fierrocarril de Tuluebras (Nabarra)

Antigua estación de tren de Tulebras (Navarra). Antiga gara de fierrocarril de Tuluebras (Nabarra)

En la merindá de Tudela, lo lugar riberano nabarro de Tuluebras (anomenazión meyebal) podreba esdebenir de Turobriga, u estar rilazionau con Tullo (forau); ye cuasi en a muga con Aragón, á metá camín entre Tarazona y Tudela.

Mapa de la zona y de los pueblos cercanos al Moncayo. Mapa d´a redolada y lucars proxemos ta lo Moncayo

Mapa de la zona y de los pueblos cercanos al Moncayo. Mapa d´a redolada y lucars proxemos ta lo Moncayo

L´arriu Queiles cruzia la localidá -como en Tarazona- i creyando un berchel en o disierto y asinasmesmo, un restaño espritual, lo cual qu´endi retantó á las monchicas zistelzienses en lo 1157.  A poblazión suya ye de 124 abitadors e ye situgau á 371 mts. d´altaria.

M. Pérez en el Monasterio de Tulebras (Navarra). ....en lo monesterio de Tuluebras

M. Pérez en el Monasterio de Tulebras (Navarra). ….en lo monesterio de Tuluebras

Lo Monesterio Zistelziense de clausura Santa María de la Caridá de Tuluebras ye constimeso por a ilesia, lo claustro, lo palaz abazial y lo museyo d´arte sacre. Ye un rezingle molimental, grañazo y antigo que agora i planta como nuabo.

M. Pérez en el Monasterio de Tulebras (Navarra). ....en lo monesterio de Tuluebras

M. Pérez en el Monasterio de Tulebras (Navarra). ….en lo monesterio de Tuluebras

A ilesia d´o sieglo XII, feita á pur de piatra, contien una portalada romanica en o mur norte.

Portada románica en el muro norte de la Iglesia. Portalada romanica en lo mur norte d´a ilesia

Portada románica en el muro norte de la Iglesia. Portalada romanica en lo mur norte d´a ilesia

Lo mur de difuera i prisienta güelta y dople alzau d´o sieglo XVI.

Postal. Interior de la Iglesia (S.XII-XVI) Monasterio de Tulebras. Postal d´os aintros d´a ilesia

Postal. Interior de la Iglesia (S.XII-XVI) Monasterio de Tulebras. Postal d´os aintros d´a ilesia

Os aintros d´a ilesia son d´os sieglos XII-XVI.

Postal. Retablo mayor (Jerónimo Cosida. 1570) Monasterio de Tulebras.....Retaulo mayor

Postal. Retablo mayor (Jerónimo Cosida. 1570) Monasterio de Tulebras…..Retaulo mayor

L´antigo retaulo mayor (1570) ye esposau en o museyo, gran obra d´o pintaire aragonés Jeronimo Cosida, consellero de l´arzebispe de Zirigoza Hernando d´Aragón.

Lo claustro, puéstar que d´empezallos romanicos, estió continau en ladriello y as arcadas foranas con toques mudéxars.

Postal. Claustro del Monasterio de Tulebras. Postal. Claustro de lo monesterio de Tuluebras

Postal. Claustro del Monasterio de Tulebras. Postal. Claustro de lo monesterio de Tuluebras

Lo palaz abazial estió costruyiu en o retrazie d´o sieglo XVI.

Palacio Abacial en el Monasterio de Tulebras. Palaz Abazial en lo monesterio de Tuluebras

Palacio Abacial en el Monasterio de Tulebras. Palaz Abazial en lo monesterio de Tuluebras

O museyo i alza penturas, escolturas, alfayería y libros de coro.

En o monesterio i fan y en benden de lamins, miel y produtos de cosmetica natural, asinas como artesanías y encuaternazions; ne b´ha tamién una gospederica.

No ye posible besitar la ilesia, pos en ixas ye acupata por as 26 monchas zistelzienses (de La Trapa) que i son pregando, pero sí que dentran en a bienfarchada capiella d´á canto, la de San Bernardo.

Bóveda de la capilla de San Bernardo del monasterio de Tulebras (Navarra). Güeltas d´a capiella de San Bernardo de lo monesterio de Tuluebras (Nabarra)

Bóveda de la capilla de San Bernardo del monasterio de Tulebras (Navarra). Güeltas d´a capiella de San Bernardo de lo monesterio de Tuluebras (Nabarra)

Seguntes lo fuelleto alquiriu en o monesterio, Santa María d´a Caridá, u de Tuluebras, ye un monesterio zistelziense de fundazión reyal, d´o sieglo XII. Lo rai nabarro Garzía Remírez ofrex á las monchas o monesterio gascón de Lumen-Dei, en Favars, diozesis de Cominche, una almunia. A primer fundazión en estió en Tudela u arredols, lo 1147.

Tuluebras ye lo primer monesterio zistelziense feminín en España e ye tamién berzuel d´autras fundazions d´o Zistel en autros rainos peninsulars (Perales, hoy Santa Ana de Valladolid; Gradefes, en el reino de León; Cañas, en la Rioja; Vallbona de las Monjas, en Lérida; Santa María de las Huelgas, en Burgos); y Trasobars, en Zirigoza (lucar de Angeles Gil, mai de Migalánchel Pérez), entre autras.

El Monasterio de Tulebras y sus afiliaciones. Lo monesterio de Tuluebras e las suyas afillanzias

El Monasterio de Tulebras y sus afiliaciones. Lo monesterio de Tuluebras e las suyas afillanzias

Ista comunaldá zistelziense replegó endonanzias y prebilexios de prenzipes, rais y papas. A comunaldá de monchas de Santa Marís d´a Caridá se´n tresladó ta Tuluebras d´antis de lo 1157, cuan se´n i edeficó l´autual zenobio que, en estar güegatizo, enduró los escaizimiens de por ixas engüeltas.

Monasterios de la Orden Cisterciense de la Corona de Aragón y Navarra. Monesterios d´a Orden Zistelziense d´a  Corona d´Aragón  e  Nabarra

Monasterios de la Orden Cisterciense de la Corona de Aragón y Navarra. Monesterios d´a Orden Zistelziense d´a Corona d´Aragón e Nabarra

D´o “Libro Chantre” de 1382, ya debanmentau en o trestallo de Tarazona, en amuestran lo capetulo XLIII, rilazionato con Tuluebras-Sorban:

“Item en Tuluebras non recibe decima el Sennyor Vispe porque es de las duenyyas ceptado de ciertas heredades que se claman Sorban et aquesta Sorban es un termino de Tuluebras. Et culle un hombre esta diezma de Sorban que es de pan por el capitol de Tudela et por el Sennyor Vispe de Taraçona, el qual jura assi como los otros collidores de la dita diezma, recibe el Sennyor Vispe el cuarto et la iglesia de Tudela las III partes.”

Lo monesterio florexió tamién en a Edá Muderna, materialmén, artisticamén e inteletual.

Lo mayor encantuch de Tuluebras ye la bita monastica i desembolicada sin d´ature dende lo sieglo XII dica los nuesos diyas.

Vida monástica en Tulebras. Bita  monchil en Tuluebras

Vida monástica en Tulebras. Bita monchil en Tuluebras

Respetibe á bibenzias d´o monesterio y los suyo binclamién con o monesterio de Trasobars, en trigan cualques retalles estoricos de l´intresantismo libro “Monasterio de Tulebras”, de M.B. García M. Colombas, 1987.

Sopre la fundazión d´o Monesterio de Trasobars lo 1168 por l´abatesa de Tuluebras:

La tercera abadesa de Tulebras fue Doña Toda Remírez, ésta se halla como reparadora y fundadora del Real Monasterio de Trasovares, pues habiéndose retirado del mundo Doña Toda, tía del emperador Don Alonso de Aragón, con otras señoras a Trasovares y hecho forma de convento, se debió relajar la observancia pues según parece por memorias, lo reparó Don Alonso II llevando a Doña Toda Remírez, abadesa de Tulebras para que pusiera en su primitivo estado aquel convento y lo dotó con la Villa de Trasovares y otros heredamientos”.

Postal. Santa María de la Caridad (S.XII-XIII) del Monasterio de Tulebras....de lo monesterio de Tuluebras

Postal. Santa María de la Caridad (S.XII-XIII) del Monasterio de Tulebras….de lo monesterio de Tuluebras

Lo Churamén de l´abatesa esleuta d´o monesterio de Tuluebras lo 1559, Isabel de Aragüés, natural de Tauste, seguntes lo riedo de San Benedí:

“Yo, doña Isabel de Aragüés, abadesa elegida y nombrada del convento de Santa María de la Caridad de Tulebras, de la Orden de Cistelis, de la diócesis de Taraçona, me someto a los santos padres instituídos según la Regla de San Benito en general, y en especial al reverendísimo señor don Carlos Cerdán, abad de Beruela, y el abad y abades de Cistelis, y sus sucesores dél según regla canónica y les presto la obediencia según los prebilegios de la dicha Orden, y prometo de no los ofender, sino obedecer en todo”.

Respetibe á lo binclamién con o Monesterio de Bergüela: lo 1633 Tuluebras, como Trasobars y Santa Luzía de Zirigoza -dinantis Cambrón-, os tres monesterios zistelzienses mesos chus la churisdizión de Bergüela, estieron mientres luengas añadas oxeto de plaitinas entre l´abate y combén d´o monesterio d´o Moncayo y os bicarios chenerals, capetulos probinzials y  definitorios d´a “Congregación cisterciense de la Corona de Aragón y Navarra”. Seguntes o costumbre d´a Orden Zistelziense, antis de confitar finitibamén un monesterio de monchas á l´abate d´unautro de monches, ta qu´en estase lur “pai abate” u “pai sinmeyau”, se´n i feba una preba de diez añadas.

“Primeramente, que reconoce y confiesa lisamente y sin condición ni contradicción alguna dicho convento de Nuestra Señora de Beruela que las visitas de los dichos monasterios de Trasobares, Tulebras y Santa Lucía (…) y demás cosas de jurisdicción tocan y perteneçen y es el gobierno soberano y toda jurisdicción absoluta del dicho reverendísimo vicario general (…) como a legítima y canónica cabeça de toda la provincia en nombre del generalísimo de Cistel, cuya persona representa en estos reynos como vicario general suyo, (…) a cuya obediencia el abad y convento de Nuestra Señora de Beruela están sujetos.”

Escudo en forma de T en el monasterio de Tulebras. Escuto en farcha de T en lo monesterio de Tuluebras

Escudo en forma de T en el monasterio de Tulebras. Escuto en farcha de T en lo monesterio de Tuluebras

Lo prelau de Bergüela nombrará libremén os de Santa Luzía y Tuluebras, pero no pas lo de Trasobars, qui eslexirá á cualsiquier monche d´a congregazión. D´istos tres monesterios chusmesos á la churisdizión de Bergüela, en estió lo de Trasobars lo primer en i ficar, talmén dende muito dinantis, lo costumbre de que cada moncha en tenese una de cambra, en a que tamién i adormiba. En Tuluebras y Santa Luzía no bi´n eba de cambras particulars, sino “dormitorio y sala común”.

Recinto monumental del monasterio de Tulebras (Navarra). Rezingle molimental d´o monesterio de Tuluebras

Recinto monumental del monasterio de Tulebras (Navarra). Rezingle molimental d´o monesterio de Tuluebras

Ta rematá-ne, bels datos estoricos de chunio de 1686; flay Benito Sanz de Villaragut, abate de Piedra y bicario cheneral i enforma sopre os contos chenerals d´a comunidá de Tuluebras:

“- Al padre vicario general: 24 libras. Al padre secretario “por su propina”: 5 libras. – A tres criados: 4 reales a cada uno. – 25 libras y media de carnero: 4 libras, 5 sueldos. – 20 libras de cordero: 2 libras, 3 sueldos, 4 dineros. – 5 capones: 2 libras. – 20 pollas: 2 libras. – 9 conejos: 1 libra, 2 sueldos, 6 dineros. – 5 libras de gragea: 1 libra. – 4 carniceras de angulas: 2 libras. – Atún: 8 sueldos. – Truchas: 12 sueldos. – 2 carniceras de tencas: 10 sueldos. – 3 carniceras de barbos: 18 sueldos. – Diferentes frutas: 1 libra. – “Bisaltos del tierno”: 11 sueldos. –Alubias verdes: 2 reales. – 4 libras de chocolate: 1 libra, 4 sueldos. – 2 libras de almidón: 4 sueldos. – Huevos: 1 libra, 12 sueldos. – Dulces: 2 libras. – 12 libras de azúcar: 1 libra, 4 sueldos. – Orejones: 10 sueldos. – Nieve: 2 libras, 4 sueldos.”

 Monasterio de Tulebras. Monesterio de Tuluebras

Monasterio de Tulebras. Monesterio de Tuluebras

Dimpués d´a besita relichioso-estorica á lo Monesterio de Tuluebras, tornan ent´Aragón, puntosamén ta lo lucar de Torrellas, situgau á 14 kms, pasau Tarazona.

Anuncios