4.2. Tarazona. Espuntes Estoricos – Fabla, Costumbres – Prezedens Famillars

Os estrazios más antigos de Tarazona se´n remuntan enta la fin d´o sieglo I. a. C.

Ye fuertaleza d´os zeltibers Lusons en o bico d´o “Cinto”.

Zaga la conquiesta romana la zidá se´n estendilla enta l´arriu Queiles, ye anomenata Turiaso y os suyos abitadors han lo pleno dreito de zidadanía romana, plegando dica cudir moneta apropia.

En o sieglo VI aparix como una d´as fuertalezas bisigotas más importans fruén ta los bascons.

Conquerita por os mozlemes en l´año 714, a zidá crex remarcablemén, estando lo bico d´o Cinto la medina. Os chodigos yeran establius en l´anomenata Chudería Biella.

Mapa de la zona y de los pueblos cercanos al Moncayo. ....d´a redolada y lucars proxemos ta lo Moncayo

Mapa de la zona y de los pueblos cercanos al Moncayo. ….d´a redolada y lucars proxemos ta lo Moncayo

Reconquerita Tarazona lo 1.119 por Alifonso I d´Aragón, la zidá esdebiene siede bispal y en bi aculle de numbrosos repoblaires. Os mozlemes en son aibaus ta lo bico de Tortoles y os chodigos se´n barrachinan con os crestians en l´anomenata Chudería Nuaba.

Rincón histórico con la Casa y la Iglesia de Santa María Magdalena. Rinconada estorica con casa e ilesia de Santa María Madalena

Rincón histórico con la Casa y la Iglesia de Santa María Magdalena. Rinconada estorica con casa e ilesia de Santa María Madalena

Lo cargo de Chustizia en Tarazona yera muito importán. A primer mentada decumental sopre la eslezión d´o Chustizia ye un prebilexio atorgau por Chaime II d´Aragón lo 1233, por o que premetiba á lo conzello desinnar 4 candidatos á exerzer lo cargo de Chustizia de Tarazona.

Mapa de las diócesis aragonesas en la Edad Media..... d´as diozesis en a Edá Meya

Mapa de las diócesis aragonesas en la Edad Media….. d´as diozesis en a Edá Meya

D´iste mesmo rai la zidá en rezibe d´atorgues como la emologanzia ta i zilebrar dos ferias á l´año -l´auna en chulio y l´autra en abiento-, l´espleit d´o Moncayo por os zidadans y lo prebilexio de “franqueza” ta os bizins d´ela.

Arriba, detalle del artesonado, en el que pueden verse escudos y animales mitológicos pintados. Alto, detalle de l´artisonau, i son alufrables os escutos y animals mitolochicos pintaus

Arriba, detalle del artesonado, en el que pueden verse escudos y animales mitológicos pintados. Alto, detalle de l´artisonau, i son alufrables os escutos y animals mitolochicos pintaus

Lo 1283 as Corz d´Aragón que se zilebran en Tarazona farchan a Unión d´os noples cuentra lo rai Pietro III.

Salón de la casa de Márgara Garza. En el techo, el artesonado de Tarazona. Salagüena d´a casa de Margara Garza. En o teito, l´artisonau de Tarazona

Salón de la casa de Márgara Garza. En el techo, el artesonado de Tarazona. Salagüena d´a casa de Margara Garza. En o teito, l´artisonau de Tarazona

Como ya s´esplicotió en as Coronicas 2009, Puyada ta lo Moncayo, capetulo 1. Lo Moncayo. Introduzión: “Como redolada güeguiza, a prisenzia de lumeroso castiellos fa consolidar o sentimién aragonés fren a Castiella y Nabarra. Sopre a istoria d’a Güega d’os Tres Rais se rezenta ro siguién: “En el campo Susano de Tarazona los reyes de Aragón, Navarra y Castilla pudieron comer en una misma mesa sin salir de su territorio”.”

Lo 1356 -en l´anomenata Guerra de los dos Peiros, 1º de Castiella y 4º d´Aragón- la zidá ye acupata por as tropas castellanas durán nueu añadas; á la fin os aragoneses, con l´aduya de franchuz, recuperón la zidá.

Antigua y bonita foto de la plaza de toros de Tarazona. Biello y poliu afoto d´a plaza toros de Tarazona

Antigua y bonita foto de la plaza de toros de Tarazona. Biello y poliu afoto d´a plaza toros de Tarazona

Mientres ista guerra os castellans esfizioron l´archibo d´a Catedral de Tarazona, qu´alportaba referenzias de grandismo intrés respetibe á escaizimiens estoricos d´o sieglo XIV. Por mandau d´o Bispe, s´encargó de fer una repleganza de biens y prebilexios pertocans á lo Bispato -estendillau por os rainos d´Aragón, Nabarra y Castiella-. Lo 1382, lo chantre Chuan Pérez Mugueta, con o tetulo de “Libro Chantre”, en i daba treslau por menuzels d´a rilazión de diezmos , rendas, dreitos, premizias e posesions; tot ixo en romanz aragonés: “…por que el dicho señor (vispe) et los sucesores suiyos que por tiempo seran vispes de Taraçona, sepan et puedan saber los dereytos et rentas que an et les pertenece aver en todos los loguares que son en el obispado de Taraçona, asyn en el regno de Aragon como de Castiella et de Navarra, en los quales Regnos el vispado de Taraçona fue antiguamente et es fundado”.

Mapa de la fijación de los límites Episcopales en 1136. Mapa de l´agüegamién d´as mugas bispals, lo 1136

Mapa de la fijación de los límites Episcopales en 1136. Mapa de l´agüegamién d´as mugas bispals, lo 1136

Lo bispato de Tarazona estendilló los territorios suyos por os tres rainos de Castiella, Aragón e Nabarra. Lo bispe yera l´almenistrador de toz os diezmos ilesiasticos que s´apocaban á lo bispau, exerzeba d´autentico siñor feudal, con poder churisdizional e territorial en bels lucars. A zaguers d´o sieglo XIV, apertenexeban ta lo siñorío d´o bispe: Osella, Calzena, El Buste (abitaus por crestians), Tortoles (por mudéxars) y Samanés (por mudexars y bels poquez crestians).

Antimás, lo bispe teneba propiedaz asabelo d´esparditas por numbrosas poblazions d´a churisdizión ilesiastica suya.

Os bispes contineron nombrando Churatos Grans ta Calzena y Osella dica la fin d´o sieglo XVII.

Mapa de los límites del Obispado de Tarazona (1119-1136). Mapa d´as mugas de lo bispau de Tarazona (1119-1136)

Mapa de los límites del Obispado de Tarazona (1119-1136). Mapa d´as mugas de lo bispau de Tarazona (1119-1136)

Durán cuasi zinco sieglos i combibirán mudéxars -dimpués moriagos- crestians e chodigos. A forachitanzia d´istos zaguers lo 1492 y la d´os moriagos -os mudéxars tornaus á la fuarza ta lo crestianismo- lo 1610, i fraducó graus risultas economicas y tasaus abitadors, lixeramén chuslebadas merzé á l´arribada de montañeses d´Aragón, Nabarra, biarneses y gascons.

Mapa de la Organización eclesiástica de la diócesis de Tarazona. Mapa de l´atrapazio eglesiastico d´a diozesis de Tarazona

Mapa de la Organización eclesiástica de la diócesis de Tarazona. Mapa de l´atrapazio eglesiastico d´a diozesis de Tarazona

En as Corz de Tarazona de 1495 se´n i alcuerda d´establir y fer conto d´a poblazión aragonesa, rilazionando lo primer Zenso plenero de Fuegos.

Mapa de configuración geográfica y centros urbanos. Mapa de farchamién chiografico y zentros urbans

Mapa de configuración geográfica y centros urbanos. Mapa de farchamién chiografico y zentros urbans

A la fin d´o sieglo XVII Tarazona ye la segunda zidá d´Aragón, dezaga de Zirigoza. A l´empieze d´o sieglo XXI, con 11.000 abitadors, la zidá se´n ye embasonada.

Vista de Tarazona. Tarazona (1955) Estudio Coyne. A.H.P.Z. Ambiesta de Tarazona

Vista de Tarazona. Tarazona (1955) Estudio Coyne. A.H.P.Z. Ambiesta de Tarazona

En a situgazión lingüistica de Tarazona á la fin d´o sieglo XIV ye alufrable la bitaleza d´o romanz aragonés meyebal y, como contrimuestra, lo “Libro Chantre”.

Mapa de los Señoríos del Obispo de Tarazona. Mapa d´os siñoríos de lo bispe de Tarazona

Mapa de los Señoríos del Obispo de Tarazona. Mapa d´os siñoríos de lo bispe de Tarazona

Transcriben encontinén dos capetulos d´o Libro Chantre -ya comentau en o capetulo anterior-. Amuestran en primeras o capetulo XVII, rispeutibe á la situgazión d´una d´as bibiandas de Tarazona pertenexiens á lo bispe y desiguida, lo tetulo 3, referén á las ugas e lo bin:

“Item en en la dicta vezindat de San Jayme otras casas clamadas del Pueyo que afruentan con la carrera publica et con el muro de la ciudad et dos guertos contiguos a las casas, afruenta el uno con las dictas casas et con el muro el con la cal que dizen cal de Lohea, et el otro guerto con un corraler, afruenta con las dictas casas et con el muro et con el barrio que se clama de Sancta Xrispina, son derrocadas las dictas casas por razón de la guerra”.

 

Item en la cullyda de las uvas de la diezma que vienen a la çiella et lacos mete el Sennyor Virspe un hombre et el Capitol otro para aiudar a escargar et adobar en los lacos las uvas que aduzen a la çiella, es a saber aquellos que cullyeron la diezma del pan o otros siquierran, et paguanlos de monton ante de la quartacion del vino; et estos hombres han de salario aquello que bien visto sera a los ministros puestos por el Capitol pero debe ser clamado el mayordomo o procurador del Sennyor Vispe a la caxa del salario. Et el Sennyor Vispe pagua el quarto de las missiones del vino,, a saber es, del lavar de los lacos et pisar et carrear augua et de escobones et candelas et del enbasar del vino quando lo dan del laco al quarto del Sennyor Vispe et a las raciones del Capitol; et assi como ha el quarto del Sennyor Vispe et a las raciones del Capitol; et assi como ha el quarto del vino de la dicta çiella de Taraçona, asi mesmo ha el quarto del malluelo siquiera vinadi sisendi faze”.

Mapa de las diócesis limítrofes a Tarazona de finales del siglo XV. Mapa d´as diozesis mugatizas con Tarazona á zaguers d´o sieglo XV

Mapa de las diócesis limítrofes a Tarazona de finales del siglo XV. Mapa d´as diozesis mugatizas con Tarazona á zaguers d´o sieglo XV

En 1985 Manuel Gargallo reyaliza un mañifico estudio lingüistico de rechira, publicato con o tetulo de “Notas léxicas sobre el Habla de Tarazona y su comarca”, en AFA, XXXVI-XXXVII, 1985, pp. 417-571. Iste gran triballo, en o que ye de risaltar lo bocabulario tematico, ye estato un referén ta estudios posteriors, como lo que fazió M. Pérez en o suyo libro “El Habla, Historia y Costumbres de Oseja y Trasobares” en 1995.

Cartel en aragonés. Retulo n´aragonés

Cartel en aragonés. Retulo n´aragonés

Otro cartel en aragonés. Atro retulo n'aragonés

Otro cartel en aragonés. Atro retulo n’aragonés

A modalidá lingüistica de Tarazona y su comarca ye entegrata en l´anomenata “habla popular aragonesa”, u “español de Aragón”, estendillato por o sur de Güesca y probinzias de Zirigoza y Tergüel (en o tema de l´aragonés repuyal ye triballando lo debanmentau Dabí Lahiguera).

Se i mantienen rasgos d´a luenga aragonesa: foneticos, morfoloxicos, sintauticos, prefixos, sufixos y una caterbada de bocables, reflexo de l´aragonés que se i fablaba -enfluyenziato por o castellán antigo- dica lo sieglo XVI.

Dabi Lahiguera presentando en Tarazona el grupo local Ziesma en defensa del aragonés. Dabí Lahiguera prisentando en Tarazona la colla local Ziesma en esfensa de l´aragonés.

Dabi Lahiguera presentando en Tarazona el grupo local Ziesma en defensa del aragonés. Dabí Lahiguera prisentando en Tarazona la colla local Ziesma en esfensa de l´aragonés.

Lo Cipotegato ye a tradizión más ripresientatiba de Tarazona, que ye estau declarau d´intrés toristenco nazional. Se i ripresienta en as fiastas grans en onor á San Atilano, entre lo 27 d´agosto y lo 1 de setiambre, escomenzipiando con a ixida en a meyodiada d´o Cipotegato dende la Casa la Zidá. Lo Cipotegato ye un choben, trigau añalmén en un sorteyo d´entre os chobens d´a zidá, atrapaziau como presonax encarrapuchetau y disbrazau d´arlequín -de colors roya, amariella y berda- que, á lo que nabesa la plaza, ye encorrido por a chen que li chitan güenacosa de tomates. Si consigue superar la preba (cruziar la plaza), lo puyarán ta la escoltura debantada en a suya onor.

Cartel de fiestas de Tarazona con el Cipotegato en el centro. Retulo de fiastas de Tarazona con lo Cipotegato en meyo

Cartel de fiestas de Tarazona con el Cipotegato en el centro. Retulo de fiastas de Tarazona con lo Cipotegato en meyo

Os orichens d´iste comeyán en promanan lo menos d´o sieglo XVII. Por aquelas engüeltas bi eba tamién unautra tradizión apaixita, en a cuala un presonax que l´iziban “Pellexo de Gato” encorreba en a fiasta d´o Corpus á os mozez. A empezallos d´o sieglo XX lo Cipotegato i aparixeba achuchando y esparricando la moltetú que prisenziaba lo “palotiau” d´os Danzans. Dica la guerra zebil encorreba á los criallos cascando-lis con una bichiga de cochín. Dimpués d´a guerra ye cuan esdebinió la tradizión con as trazas autuals.

Vista de Tarazona con el Seminario al fondo. Ambiesta de Tarazona con lo seminario enta lo fundo

Vista de Tarazona con el Seminario al fondo. Ambiesta de Tarazona con lo seminario enta lo fundo

Sopre iste costumbre ne b´ha lo siguién dito:

“Te pareces al Cipotegato de Tarazona,

siempre das en la cabeza”.

Lo primer dominche de chulio se i zilebra la Romería d´o Quililay. Se puya en prosezión ta lo Santugario d´a Birchen d´o Moncayo con o tradizional truque d´atambor, misa aragonesa y dimpués, troxada de chodigas.

Manuel Pérez Pérez -padre de M.Pérez- a finales de los años 50 cuando vivía enTarazona. Manuel Pérez Pérez -pai de M. Pérez- á la fin d´a decada d´os 50, cuan bibiba en Tarazona

Manuel Pérez Pérez -padre de M.Pérez- a finales de los años 50 cuando vivía enTarazona. Manuel Pérez Pérez -pai de M. Pérez- á la fin d´a decada d´os 50, cuan bibiba en Tarazona

Tarazona tien zinco parroquias: la Virgen de la Huerta, San Andrés, Magdalena, San Miguel y Santa María. Cada parroquia pertenex á un bico y como tal se i zilebra la suya fiasta.

A parroquia de “San Miguel” pertenex á lo bico d´o mesmo nome y ha dos fiastas por año:

Lo 8 de mayo: “San Miguel el tramposo”; iz que os omes en demandaban d´amprens entre qu´aguardaban la esdebenidera cullita. Dimpués d´a misa d´as 12 i posaban una tineta de bin que bendeziba lo mosen y controxaban os labradors. Agora se i combida á os presens á un socalze.

Lo 29 de setiambre: “San Miguel el mal pagador”, porque os labradors eban d´apoquinar as deutas d´os amprens de l´autro San Migal y belún en diziba: “ya lo pagaré” y dimpués no´n apocaba. En rematar a misa d´as 12, en ixiban os mozos con os “esportizos” y os “abríos” bien atalaxiaus pa replegar as tartas. Yiban tres mozos, dos p´asochetar os abríos y dimpués se´n minchaban lo replegau en chunta cheneral. En l´autualidá bi´n ha muitas d´autuazions y festellos taurins.

Portada de la Iglesia de San Miguel de Tarazona (1949) Estudio Coyne. A.H.P.Z. Portalada d´a ilesia de San Miguel de Tarazona

Portada de la Iglesia de San Miguel de Tarazona (1949) Estudio Coyne. A.H.P.Z. Portalada d´a ilesia de San Miguel de Tarazona

En a parroquia de San Miguel de Tarazona naxió en nobiambre de 1800 Francisco Vega, antipasau direuto de M. Pérez Gil de la par d´o güelo mairal de Trasobars, Angel Gil Vega.

Vista posterior de la Iglesia de San Miguel de Tarazona (1949). Estudio Coyne. A.H.P.Z. Ambiesta de la zaguera d´a ilesia de San Migal de Tarazona

Vista posterior de la Iglesia de San Miguel de Tarazona (1949). Estudio Coyne. A.H.P.Z. Ambiesta de la zaguera d´a ilesia de San Migal de Tarazona

Francisco s´acomodó con Gertrudis Laborda, de Trasobars -filla d´Antonio Laborda y María Chueca- y se´n fueron á bebir enta Trasobars.

Gervasia Vega Chueca, bisabuela de M. Pérez y el antecedente más cercano con foto de Francisco Vega. Gervasia Vega Chueca, bisgüela (bisyaya) de M. Pérez y l´antipasau afotiau más proxemo ta Francisco Vega

Gervasia Vega Chueca, bisabuela de M. Pérez y el antecedente más cercano con foto de Francisco Vega. Gervasia Vega Chueca, bisgüela (bisyaya) de M. Pérez y l´antipasau afotiau más proxemo ta Francisco Vega

Respetibe á la familla de M. Pérez de Osella, lo suyo tío Ramón Pérez rezenta la suya espedenzia:

Virgenes Pérez Aznar, Joaquina Aznar Jaime, Manuel Pérez Diestre (tio Manuel el tendero), Ramón Pérez, Teresa Pérez, Victoria Pérez, Milagros Pérez, Manuel Pérez.

Virgenes Pérez Aznar, Joaquina Aznar Jaime, Manuel Pérez Diestre (tio Manuel el tendero), Ramón Pérez, Teresa Pérez, Victoria Pérez, Milagros Pérez, Manuel Pérez.

A los 8 años me acompañaron mis padres (Ramón y Vírgenes, abuelos de M. Pérez) a Calatayud a un centro diocesano relacionado con el Seminario para hacer unas pruebas y valorarme. Las hice bien y me avisaron para que fuese a estudiar al Seminario de Tarazona. Fuimos juntos mi primo Enrique, uno de Purroy y dos de Morés.

Lo que hacíamos un día normalmente era: madrugar, desayunar, hacer la cama y a las clases. Se daba de todo, aunque la religión era la asignatura más completa. Todos los profesores eran religiosos a excepción del maestro de Matemáticas y Álgebra que a veces venía de fuera.

Vista de la entrada al Seminario de Tarazona. Ambiesta de l´entrador ta lo seminario de Tarazona

Vista de la entrada al Seminario de Tarazona. Ambiesta de l´entrador ta lo seminario de Tarazona

Con 12 años y al estar con hepatitis, mis padres y hermanos Victoria, Manuel y Milagros fueron a vivir a Tarazona a una casa de alquiler. Mi padre puso una tienda en la que vendía de Oseja vino y hortalizas, pero no podía llevar también las tierras de Oseja y al acabar el curso nos volvimos. Estuve 2 años con medicación.

A los 15 años volví poco tiempo al Seminario de Tarazona porque ya no quería ser sacerdote”.     

Ramón Pérez Pérez, tío de M. Pérez

Ramón Pérez Pérez, tío de M. Pérez

L´alcordanza qu´en ha de Tarazona Victoria Pérez, de Osella, tía de M. Pérez,  ye la siguién:

Manuel Pérez Pérez y su hermana Victoria Pérez Pérez. Manuel Pérez y la chirmana suya.

Manuel Pérez Pérez y su hermana Victoria Pérez Pérez. Manuel Pérez y la chirmana suya.

“En Tarazona viví 2 años junto a mis padres y hermanos en un piso alquilado a los “Carcavilla” por la parte alta de la ciudad. Mi padre Ramón traía vino en botos por “trasmonte” desde Oseja. Tenía una tienda  en la que vendía vino y judías de Oseja, una clase de judía era “la Virgen del Pilar”. Mi hermano Manuel (padre de M. Pérez) ayudaba en el Seminario al canónigo Félix Escribano”.

Manuel Pérez Pérez en los años 50, padre de M. Pérez. Manuel Pérez en a decada d´os 50, pai de M. Pérez

Manuel Pérez Pérez en los años 50, padre de M. Pérez. Manuel Pérez en a decada d´os 50, pai de M. Pérez

Dende Tarazona marchan ta Nabarra, á conoxer lo monesterio de Tuluebras (9 Kms).

Anuncios