28. ILLUECA. BREYA D’ARAGÓN

14-V-2011. Ixen por zaguer begata d´Osella enta lo primer destín, Illueca, á 14 kms.

 

 Mapa de la Comarca de Aranda

Mapa de la Comarca de Aranda

Illueca (d´o prerromán “In-oca”: “tuca frida”, “Illoca”, “Illicata” u de l´arabe “Al-Awqa” rispetibe á la familla mozleme de los Awqa), ye la capetal d´a comarca de l´Aranda, en a marguin cucha de l´arriu d´ixe nome. Ha 3.348 abitadors, ye á 599 mts. d´altaria y á 89 kms. de Zirigoza capetal. En 1900 eba 1.738 abitadors.

Vista general de Illueca.- Ambiesta plenera d´Illueca

Vista general de Illueca.- Ambiesta plenera d´Illueca

Illueca ye una billa qu´aposa la suya economía en a endustria d´o calzero.

Á los d´Illueca lis izen “Peluchonas” y “Morretes”.

Ya lo diz ista canta:

“Los chacos están en Jarque,

Los morretes en Illueca,

En Gotor los justicieros

Y los rusos son de Tierga”.

Autras cantas respetibe á San Babil:

En Illueca San Babil,

que es patrón de los laneros”.

“A la Virgen de la Sierra

le tenemos que pedir

que se case con quien quiera

y nos deje a San Babil”.

D´a replega feita por (IDEAragón), Portal en Internet de la Infraestructura de Datos Espaciales del Gobierno de Aragón, en trigan bels toponimos chocans d´Illueca:

“La Alacena, La Aleta, Arroyo de Valdejuen, Los Azarollos, El Bacayón, La Valengua, Valentín, Solana Valitre, Valdejuez, Valcañiz, Valdecongosto, Valdelobos, Valunga, Barranco de Monroy, Viña del Señor, Boqueros, Camino de los Ermitaños, Escolana, Fuente Lanuza, Cabecillo del Lugar, Cabezo de la Noguera, Calmuela, Camino de Zaragoza, Camino de Trasobares, Caseta de Valdemoros, El Castán, La Lezna, La Lofra, Losal, Nabuchos, Peña Roya, El Picuelo, Pontalvar, Portier, El Recuenco, Chaparral, Umbría Trasobares”.

Vista más cercana de Illueca.- Ambiesta más proxema d´Illueca

Vista más cercana de Illueca.- Ambiesta más proxema d´Illueca

Ta Illueca ban asprés con as miras de besitar lo Castiello d´o Papa Luna y lo´n ferán con guida. Han la gran suarde d´endi seyer nomás qu´els dos; ta M. Pérez ya en ye la segunda begata y, mesmo, poco dimpués i tornará de terzeras con la suya mai.

Entrada al Castillo del Papa Luna.- Entrador ta lo Castiello d´o Papa Luna

Entrada al Castillo del Papa Luna.- Entrador ta lo Castiello d´o Papa Luna

Á la fin d´o sieglo XI Illueca remaniba en mans d´os mozlemes; zaga la reconquiesta crestiana la poblazión de “Illicata” u “Illoca” estió  de tenens, un d´els yera Pietro Taresa, siñor de Borxa. Lo 1250 Chaime I lo Conqueridor atorga á lo suyo fillato, Chaime de Mayorgas, la baronía de Gotor. Lo 1263 lo fillo d´íste, clamau Blasco, otendreba d´o rai Chaime I lo siñorío d´Illueca. Lo 1286 Migal Pérez de Gotor recupera la billa d´Illueca. Un d´os fillos suyos estió lo Papa aragonés Peiro Martínez de Luna y Pérez de Gotor, lo “Papa Luna”, que naxió en o castiello d´Illueca lo 1328 y fenexió á ras 95 añatas en Peñiscola. La baronía pasó ta los Martínez de Luna lo 1343, rechindo ixe linache istas tiarras dica 1665.

Suelo cerámico del castillo.- Sulero zeramico d´o castiello

Suelo cerámico del castillo.- Sulero zeramico d´o castiello

Dimpués de dotorá-se-ne en Dreito Canonico en a Unibersidá de Monpelier, lo rai aragonés Peiro IV lo Zerimonioso refirma la nomazión de don Peiro de Luna como cardenal d´a Santa Mai Ilesia (1375) debán d´o papa Guergorio XI, seyendo conoxiu como lo Cardenal d´Aragón. Contrebuyó á la eslezión d´o papa Urbán VI, cambeyando dimpués enta lo costau d´os cardenals franchuz, lo 1378, con a enchaquia d´a eslezión de Roberto de Chinebra como antipapa, con o nome de Climén VII, endi esclatando lo Gran Zisma d´Ozidén: la Crestiandá teneba dos papas; l´auno, Urbán VI, mantendreba la siede apostolica en Roma. L´autro, Climén VII, no tardará guaire á ritornar enta Abiñón con toz os cardenals que libremén l´eban eslexiu papa. En refirmando á Climén VII, Peiro Martínez de Luna tenió más poder que no dengún d´os legaus pontifizios d´aquelas engüeltas.

Á lo que fenezió Climén VII en 1394, Benedí XIII estió eslexito ta suzedé-li como sumo pontifize de conchunta por toz os cardenals d´Abiñón -territorio independién y siede pontifizia dende lo 1309- magueras la cuentra de Franzia. Estió ordinato sazerdot, consagrato bispe de Roma y coronato con a triple corona de Sumo Pontifize lo 11 d´otubre de 1394.

Escudo de Avignon.- Escuto d´Abiñón

Escudo de Avignon.- Escuto d´Abiñón

En seyer deposau en o Conzilio de Pisa, lo 1409, zaga la eslezión d´un terzeno papa fruén á los dos plaitiadors, lo Papa Luna s´entutó en a  fortaleza de Peñiscola, do fenezió sin d´aber reblau en as suyas reclamanzias, dimpués de seyer estau deposato de nuabas lo 1417, en o Conzilio de Costanza.

Escudo del Papa Luna en un báculo episcopal del siglo XV perteneciente al Obispo Barrientos. Se conserva en el Museo de las Ferias de Medina del Campo

Escudo del Papa Luna en un báculo episcopal del siglo XV perteneciente al Obispo Barrientos. Se conserva en el Museo de las Ferias de Medina del Campo

Lo Papa Benedí XIII se´ndi aclamaba de qu´él yera l´unico cardenal bibién que yera estau desinnato por Guergorio XI, dinantis d´escayezer lo zisma. D´astí en promana lo dito “siguir en os suyos treze”.

Mapa del Cisma de Occidente.- Mapa d´a Zismiada d´Ozidén

Mapa del Cisma de Occidente.- Mapa d´a Zismiada d´Ozidén

Benedí XIII -lo Papa Luna- estió protagonista y bitima d´o Zisma d´Ozidén, que tenió entrincaus á os fidels d´a Ilesia Catolica mientres decadas, barallaus por a lechitimidá de lur maisimo ripresientán. Antis, durán y dimpués d´a puyada suya ta la cadiera de San Pietro, Benedí XIII seyerá un gran aimador y bienfeitor d´as Artes y as Letras, amagazenando una biblioteca presonal cunsidata como de ras millors d´a Edá Meya. Empentó lo mudéxar aragonés y, con bogals endonanzias, en fazió fer güenacosa de costruzions y esbiellaturas en l´Aseo de Zirigoza, la ilesia parroquial d´Illueca, lo castiello-palaz d´o Papa Luna y autros molimens.

Busto relicario de San Valero en la Seo de Zaragoza regalo de Benedicto XIII y posible retrato de él mismo. -Busto relicario de San Balero en l´Aseu de Zirigoza, presén de Benedí XIII y posible ritrato d´él mesmo

Busto relicario de San Valero en la Seo de Zaragoza regalo de Benedicto XIII y posible retrato de él mismo. -Busto relicario de San Balero en l´Aseu de Zirigoza, presén de Benedí XIII y posible ritrato d´él mesmo

Arrepinchau sopre lo pueyo que domina Illueca, l´aspeuto aztual d´o castiello ye la risulta de feituras, enampladuras y retraziaduras feitas en tres tongadas: la gotico-mudéxar lo farchó como castiello-palaz siñorial en o sieglo XIV, á lo qu´Illueca se´n abantaba como capeza d´a baronía que portiaba lo suyo nome; la renaxentista, en 1550, cambeyó la suya fesomía, endonando-li uns ixes zebils en a puanda que lo suyo siñor yera Pedro Martínez de Luna y Urrea, birrai d´Aragón y primer conte de Morata;

Castillo del Papa Luna en el siglo XIV-XV.- Castiello d´o Papa Luna en o sieglo XIV-XV

Castillo del Papa Luna en el siglo XIV-XV.- Castiello d´o Papa Luna en o sieglo XIV-XV

Castillo del Papa Luna en el siglo XVI.- Castiello d´o Papa Luna en o sieglo   XVI

Castillo del Papa Luna en el siglo XVI.- Castiello d´o Papa Luna en o sieglo XVI

y la barroca, cuan l´infanzón Francisco Sanz de Cortes, primer marqués de Villaverde, crompó lo condato de Morata, en 1665, endi ordinando d´importans feituras ta reprener la debanpasada brilantor de l´edefizio.

En primeras lo castiello apertenexió á la baronía de Gotor, dimpués á ros Luna, en o s. XVII á lo marquisau de Villaverde, de do pasó ta los contes d´Argillo y más adebán ta los Bordiu Nava, qui lo rendieron á lo Conzello á trucas de qu´estase esbiellau. Lo 1981 lo Conzello d´Illueca adempribia la propiedá d´o Castiello y á l´año siguién i empezipia lo suyo esbielle y refeitura.

Castillo del Papa Luna en el siglo XVII.-  Castiello d´o Papa Luna en o sieglo   XVII

Castillo del Papa Luna en el siglo XVII.- Castiello d´o Papa Luna en o sieglo XVII

Castillo del Papa Luna en el siglo XX-XXI.- Castiello d´o Papa Luna en o sieglo   XX-XXI

Castillo del Papa Luna en el siglo XX-XXI.- Castiello d´o Papa Luna en o sieglo XX-XXI

Güé ye besitable la parti molimental d´o palaz. Dentran por a portalada prenzipal ubierta en o sieglo XVII,

M. Martín y M. Pérez en la entrada al castillo del Papa Luna de Illueca.- M. Martín y M. Pérez en l´entrador d´o castiello d´o Papa Luna

M. Martín y M. Pérez en la entrada al castillo del Papa Luna de Illueca.- M. Martín y M. Pérez en l´entrador d´o castiello d´o Papa Luna

puyando por os escalerons escabonaus en a peña y plegando ta lo siestro gran, situgau ta la cucha, do ye la gran escalera claustral que lis mena,

Patio del castillo.- Siestro d´o Castiello

Patio del castillo.- Siestro d´o Castiello

por una naya susana con tres enrufaus arquez de meyo punto sopre colunnas, enta las salas más siñaleras. ista escalera ye d´o sieglo XVII, en o sieglo XIV yera una luna á mena de claustro qu’endi binclaba todas as cambras d´o castiello.

Arcos de medio punto sobre columnas.- Arcadas de meyo pun sopre colunnas

Arcos de medio punto sobre columnas.- Arcadas de meyo pun sopre colunnas

Lis esplicotian quiénta yera la comarca l´Aranda en o  sieglo XV y la estoria de ros Luna.

La rama de la familia de los Luna.- A branca de ro linache de ros Luna

La rama de la familia de los Luna.- A branca de ro linache de ros Luna

As salasguanas prenzipals desiben l´escuto d´iste linache.

Escudo de los Luna.- Escuto de ros Luna

Escudo de los Luna.- Escuto de ros Luna

Peiro de Luna adubió á la dinnidá cardinalera lo 1375. Estió eslexito papa en Abiñón lo 1394, lo cual que -á l´arreyo d´os tiampos- en cunsidoron l´amenister d´enriquir lo puesto do yera estau librato.

Dentran en la mañifica Sala Dorada d´o sieglo XIV, con o suyo remajizo teitumen de fusta pintata, mudéxar,

Techo mudéjar de la Sala Dorada.- Güeltas mudéxars d´a Sala Dorada

Techo mudéjar de la Sala Dorada.- Güeltas mudéxars d´a Sala Dorada

y as decorazions d´alchez que li fan de refirme;

Decoración en el techo con el escudo de los Luna.- Ornamens en o teito con l´escuto de ros Luna

Decoración en el techo con el escudo de los Luna.- Ornamens en o teito con l´escuto de ros Luna

yera una salaguana de protocolo d´o Castiello Palaz, astí beyen un montax audiobisual arredol d´a bita de Benedí XIII y lo Zisma d´Ozidén.

Recreación de la coronación de Benedicto XIII,

Recreación de la coronación de Benedicto XIII, “el Papa Luna”.- Recreyanzia d´a coronazión de Benedí XIII, “lo Papa Luna”

Á M. Martín l´ha risultau emozionán. D´ista sala pasan ent´autra más chicotona, la d´a naxenzia d´o Papa Luna y que gosaba emplegar como alcoba u pregadero, rebutida  asinasmesmo d´arte mudexar con tarabidau de fusta y cheserías debuxaderas d´arquez  y rosetons calaus, do ban á conoxer quiénta yera la biblioteca de biache d´o Papa Luna y que lis ie dixa como uns alufres, en parar cuenta d´as trazas en qu´eban de trasportiar toz ixos libros chigans.

La biblioteca andante de Benedicto XIII.- A biblioteca portiadera de Benedí XIII

La biblioteca andante de Benedicto XIII.- A biblioteca portiadera de Benedí XIII

Pasan ta la Sala d´a Corona d´Aragón, d´o sieglo XVII, do ye de risaltar l´arrimatiello de fusta  con adornos entretallaus de fuellas, güebas y daus, y colunnicas torniadas. Lo teito ye feito á pur de regoltons y biegas de fusta rebozadas.

Preciosa decoración de yeserías de la sala de la Corona.- Majiza decorazión d´alchezerías d´a sala de la Corona

Preciosa decoración de yeserías de la sala de la Corona.- Majiza decorazión d´alchezerías d´a sala de la Corona

Decoración con madera en la sala de la Corona.- Ornamens en fusta en a sala d´a Corona

Decoración con madera en la sala de la Corona.- Ornamens en fusta en a sala d´a Corona

Lis ie aduzen encontinén ta la sala d´o Mausoleyo d´o Papa Luna, de ros sieglos XVI y XVII, puesto do reposoron os gosarallos de Benedí Trezeno.

Copia del cráneo del Papa Luna.- Copia d´o crapazín de ro Papa Luna

Copia del cráneo del Papa Luna.- Copia d´o crapazín de ro Papa Luna

Ye una cambreta de plantialla retona cubilata con cupula interna, asinasmesmo pleniza de cheserías. O portal d´estilo barroco clasizista ye d´o sieglo XVI, y d´arcada de meyo punto amparada por dos colunnas con rodils y decorata con guirnaldas, grifos y cornucopias.

La sala del Mausoleo del Papa Luna.- A sala d´o Mausoleyo de ro Papa Luna

La sala del Mausoleo del Papa Luna.- A sala d´o Mausoleyo de ro Papa Luna

Lo Mausoleyo s´edeficó en alchez policromato en o sieglo XVII, con ripresentazión d´a eraldica d´o Papa Luna en o fruén y lo pontifical de Benedí XIII.

Os repuis de Benedí XIII yeran estaus trayius dende Peñiscola lo 1430, ta que i discansasen en o mesmo puesto que lo eba bisto naxer, y aquí estioron dica metá d´o sieglo  XVI. Agora nomás ne b´ha que una reproduzión d´o crapazín, pos la tomba b´estió altroxada á empezallos d´o sieglo XVIII, durán la Guerra de Suzesión entre austrias y borbons, por as tropas franchutas que atacoron Illueca por seyer plaza partidaria d´o bando ustriaco, como cuasi toz os noples aragoneses.

Os gosifarrios de Benedí XIII estieron estronchinaus y chitaus ta l´arriu Aranda  y d´els en podieron recuperar lo crapazín nomás, que lo conserbó la familla d´os Luna en o palaz d´Argillo en Sabiñán, dica qu´end´estió furtau l´año 2000 por uns furtaires que prebaban de consiguí-ne -á trucas- un rescate. Zaga la recuperazión lo crapazín se troba agora aloxato en a Unibersidá de Zirigoza, sin conoxé-se agún do reposará á la finitiba, anque os Zerris se´n piensan que lo millor puesto sereba lo castiello-palaz d´Illueca.

El cráneo del Papa Luna.- Lo crapazín d´o Papa Luna

El cráneo del Papa Luna.- Lo crapazín d´o Papa Luna

L´autro costau d´o palaz ye estau retraziau como gospedería, la suya rezeuzión tamién se´n pué besitar, ixo lis ha premitiu alufrar la polida portalada renaxentista y lo chiqued mausoleyo d´o Papa Luna.

En ixir fan uns afotos dende lo cabalto d´o casalar urbán enta las estreitas calelluelas, estrazios d’a suya construzión mozleme, d´o bico chodigo y ta la ilesia.

Vista de Illueca desde el castillo.- Ambiesta d´Illueca dende lo castiello

Vista de Illueca desde el castillo.- Ambiesta d´Illueca dende lo castiello

A ilesia de San Chuan Baltista ye acumulada á lo maistre d´obras d´o Papa Luna, Mahoma Ramí. I remanen estrazios d´a premetiba feitura mudéxar, entr´autros la torre, lo que se´ndi beye güé ye la retraziadura d´o sieglo XVII.

Iglesia de San Juan Bautista de Illueca.- Ilesia de San Chuan Baltista d´Illueca

Iglesia de San Juan Bautista de Illueca.- Ilesia de San Chuan Baltista d´Illueca

D´allora en data una d´as alfayas d´o templo, as cheserías de tradizión mudéxar que cubren las suyas güeltas y arcadas.

Torre de la iglesia de Illueca.- Tor d´a ilesia d´Illueca

Torre de la iglesia de Illueca.- Tor d´a ilesia d´Illueca

Interior iglesia de san juan de illueca

Interior iglesia de san juan de illueca

En a  plaza d´a ilesia bi ha dos intresans casals, un d´els popular y l´autro más palazín, lo de ros Saldaña,

Palacio de los Saldaña de Illueca

Palacio de los Saldaña de Illueca

con intresán rellería y portalada barrocas.

Zona trasera del castillo del Papa Luna.- Zaguera d´o castiello d´o Papa Luna

Zona trasera del castillo del Papa Luna.- Zaguera d´o castiello d´o Papa Luna

Parte de atrás del castillo.- A culera d´o castiello

Parte de atrás del castillo.- A culera d´o castiello

Vista por detrás del castillo, hacia Oseja.- Ambiesta por dezaga d´o castiello, enta par d´Osella.

Vista por detrás del castillo, hacia Oseja.- Ambiesta por dezaga d´o castiello, enta par d´Osella.

El castillo del Papa Luna desde una zona del término de Oseja.- Miral d´o castiello d'o Papa Luna dend´una partida d´Osella

El castillo del Papa Luna desde una zona del término de Oseja.- Miral d´o castiello d’o Papa Luna dend´una partida d´Osella

En o libro “La población de Aragón según el fogaje de 1495”, de Antonio Serrano Montalvo, la billa d´Illueca teneba 57 fuegos.  En trascriben toda la rilazión nominal: Asensio Ynes. J.D: Miguel Falvet, Johan Asensio. TT: Miguel Calvet, Johan, moço del Comisario.

“Martin Ynes, Asensio Ynes, Ferrant Cabeça, Pero Ciria, Miguel Caluet, Martin Crespo, Johan Burbano, Pedro de Benya, Johan Asensio, Anton Montero, Johan Sanz, Pedro Cuarez, jouen, Gaspar, El Vicario, Lorenzo, Gonzalo de Saldanya, Vicent de Vera, Galceran de Vera, Mahoma Pastor, Cale, Audalla Capatero, Brahin el Hebi, El Alfaqui, Yaye el otro Alfaqui, Brahin de Gay, Hamet Arandino, Mahoma el Lorio, Mahoma Moracho, Brahin Requen, Mahoma Tecedor, Alii de Guessa, El Alamin, Mançot, Alii de Alfaqui, Alii el Moracho, Alii Catanyero, Mahoma Caranyero, Mahoma Texedor, Mahoma fijo del Alamin, Audalla de Guessa, Alii el Arandino, Hamet el Rey, Alii el Rey, Ybrahi Almaleca, Alii de Yarquino, Mançot, Alii el Ferrero, Mahoma, çerrallero, Homar, Audalla de Gali, Alii Xarquino, Brahin Morisco, Yuce el Arandino, Yuce Xarquino, Albunca”.

El imponente castillo del Papa Luna de Illueca.- L´imposán castiello d´o Papa Luna d´Illueca

El imponente castillo del Papa Luna de Illueca.- L´imposán castiello d´o Papa Luna d´Illueca

En Illueca os bizins se´n aplegan ta l´armita de San Babil y, seguntes la tradizión, os chobens han á pisar  una  rechola de l´armita ta que  as mesachas endi troben de festello. O poblema yera enzertar con a rechola á consonán que caleba i  pisar.

A tradizión iz que de perén ha funzionau cuan han enzertau á pisar la rechola, pos de perén s´endi ha dito:

“Después de Dios,

San Babilico es Dios”.

Autra bersión popular iz qu´eschorrunta toz os malos prenosticos.

Ta San Chuan i esistiba la tradizión d´enramar á las festellas con ramas de zerezera.

Lo 24 d´otubre Illueca benera á San Crispín. Iste santo ye importantismo ta Illueca, por estar localidá debotada á lo calzero.

Sello de Illueca con el Papa Luna.- Siello d´Illueca con a efichie d´o Papa Luna

Sello de Illueca con el Papa Luna.- Siello d´Illueca con a efichie d´o Papa Luna

En onor á San Babil (24 de chinero) se i zilebra tamién una d´as contrimuestras tradizionals más sinificatibas d´a comarca, os somerondons. Son bailes de corrinche y cantas tradizionals con diferiens letras y espuntes ta lo santo y as chens d´o lugar.

El Somerondón

“San Babil está en Illueca

Santa Bárbara en Gotor

Y la Virgen del Rosario

Está en Brea de Aragón.

Somerondón, don dero

Somerondón, don, don

Bieeeeeeeeeeeeeen

Las lamineras de Illueca

Cuando van a San Blas

Llevan la chocolatera

Debajo del delantal,

Somerondon, don dero

Somerondón, don, don

Bieeeeeeeeeeeeeen…”

E i continan.

Marchan d´Illueca y pasan por Breya d´Aragón (3 kms.).

Breya d´Aragón (d´orichen zelta, de “Briga”: “fortaleza”, “poblau” u d´o  latín “Vereda” u “Verrea”: “camín”,”endrezera”, y autra ozión latina en ye “Vera”: “beral” y, seguntes la tradizión popular,  ye un toponimo d´orichen chodigo que promana d´o bocable “ebreya”) ye una localidá d´a comarca de l´Aranda en o beral cucho de dito arriu. Ha 1.854 abitadors, ye á 553 mts. d´altaria y á 86 kms. de Zirigoza capetal. En 1.900 Breya teneba  1.437 abitadors.

Vista de Brea de Aragón.- Ambiesta de Breya d´Aragón

Vista de Brea de Aragón.- Ambiesta de Breya d´Aragón

Á los de Breya lis izen “los del Piquete” y han  istos conoxitos ditos y xotas:

“Tama; arrea, que vas pa Brea”.

“Cuando vayas a Brea pon la capa donde la veas, y aunque la veas no lo creas”.

“En Brea de Aragón, no te acerques al mojón”.

“Mocicas del Barrio Bajo

levantaros a barrer,

que las del Barrio Mesones

lo tienen como un pincel”.

“La calle de la Botica,

siempre la veo mojada:

o es agua de medecina

o se mea la criada”.

“Cuando yo salgo a rondar

le canto a la Joaquinica

por ser del barrio Mesones

la mujer más chiquitica”.

“Gracias a Dios qui llegado

a la fuente del Piquete

quien tenga valor que salga

a pegarme dos moquetes”.

D´o mañifico libro: “La Tierra y la Palabra. Toponimia y Habla de Brea de Aragón”, de la autora Consuelo Trasobares Serrano, en ban á trigar lo más chocán de Breya:

Antiguos autobuses

Antiguos autobuses “río Aranda” con sede en Brea de Aragón.- Antigos autolinias “Río Aranda”, con siede en Breya d´Aragón

BOCABULARIO: “Abocinar, Abotijonarse, Acantalear, Acorzar, Acotolar, Aguachinar, Aguada, Aguatón, Alicatazo, Alquezón, Amprar, Anchos, Ancón, Ardacho, Arrodiar, Arruchal, Ascla, Astral, Atrapachar, Azacán, Babatel, Barrichurri, Bergante, Borraz, Brabán, Branca, Bú, Cado, Calazón, Cantón, Capita, Carambullo, Cascársela, Cegalloso, Chache, Chambergo, Chanclo, Chaparrazo, Chaperudo, Cheira, Chincharrada, Chorroalbiés, Ciazo, Ciemo, Cobanos, Corca, Cosque, Cucha, Cuscurro, Cutio, Embión, Empavonar, Empentar, Encarnadura, Endiscar, Enzaborrar, Esbarizaculos, Esbezar, Escorcar, Escullar, Escurruntar, Esquinazo, Esrayar, Estomagar, Estomizar, Faltriquera, Fieldre, Forcacha, Forcada, Fosal, Fumarro, Garba, Gosar, Gramar, Gravetera, Güina, Gurgurilla, Gurriato, Indindiaer, Languarina, Lezna, Lodón, Lucero, Mangrana, Mariíca, Medolla, Melsa, Merguizos, Minín, Ñafas, Orache, Paniquesa, Pichín, Probatina, Puntarracada, Radigón, Ralda, Ramullar, Rebulitiar, Rechumar, Regachera, Regacho, Rejineta, Relampanguinguear, Remangapollinos, Rehenchíos, Rete, Roncha, Ruchal, Ruejo, Samarugo, Santos, Sasco, Sentón, Taén, Tafú, Tarantantán, Tato, Telada, Tendral, Terratemble, Testaví, Tiquilitera, Tite, Totollo, Zampía, Zancarriana, Zanorio, Zarrabusca, Zarrapita, Zolongo”.

EXPRESIONES: “A Garramanchas, ¡A Sabelo!, Tama, A Trancatalega, A Zurrumburrún, Al Punto de la Mañana, Allá Ribota, Antes con Antes, China Chana, De Contino, En Culititis, Malínmaleando, Trompín Trompeando”.

Parte de Brea con su iglesia.- Parti d´o casalar de Breya con a suya ilesia

Parte de Brea con su iglesia.- Parti d´o casalar de Breya con a suya ilesia

DICHOS: ¡“Y’has caido, Chaquetón!”.

“Si me busca mi mujer le dices qu’estoy simultáneamente en la barbería y en el café”.

“¡Fotunaaa, fenemé que me matan!

“¡Tama, rediós y eso, pues!

“Hace una calol folastera”.

“M’ha mandau ascurruntar”.

“Me d’ansia vete”.

“Mi antráu un terratiemble”.

“Maña, este chico me lleva al retortero”.

“Anda, anda qui h’arramplau con todo parejo”.

“Va l’aire como Pelaire”.

“¡Ta, ¿qué me sé ó?”.

“Si ha ido de güida”.

“Mi ofende el sol”.

“Me llevas a trancatalega”.

“Qui hay ropa tendida”.

“Se las llevan como algarias”.

“¡Taun y eso pues!”.

“Estoy tronzadica, maña, no vale pa mí tanto trajín”.

“Maño, comes más qu’el chiquillo el esquiladol”.

“Nos himos reido a espuertas”.

“Tienes el morro com’una güina”

Rincón de Brea de Aragón.- Rinconada de Breya d´Aragón

Rincón de Brea de Aragón.- Rinconada de Breya d´Aragón

REFRANES: “Cuando marzo mayea, mayo marcea”.

“Al esvirar saldrá”.

“¡A tu tierra, grulla, aunque sea con una pata!”.

“Justo le viene l’albarda al pollino”.

TOPÓNIMOS: “Alto de Bellota, Alto del tio Chaparrito, Alto de Nabuchos, Cerro Garroso, El Boto, El Cabezo del tio Negrillo, El Plano, El Quiñón, La Cabeza del Moro, La Hiniesta, La Lezna, La Peña Martijoven, La peña Roya, Las Esbarizas, Las Peñas del Batán, Los Tres Picotes, Monte de Yus, Peña del Cuco, El Estrecho del Azul, El Pozo del Calderero, El río Mancebo, Fuente de Gollade, Fuente de la Pedorra, Acequia de Lucán, Acequia del Cabo de Allá, Acequia de la Portalada, Fuente del Gollizno, Fuente de Perales, La Alberca, La Cicuelilla, Ahí de Cara, Arrinclín, El Chaparral, El Moral, La Borda, La Noria, Las Alqueceras, Las Silas, Las Solanas, Las Zumaqueras, Los Cancanes, Los Inebrales, Marchamalo, Putana, Meser de Tello, Huerta de Carreras, El Ruejo.

Una zona de Brea de Aragón.- Parti d´o casalar de Breya d´Aragón

Una zona de Brea de Aragón.- Parti d´o casalar de Breya d´Aragón

Breya d´Aragón aparix por primer begata en a decumentazión lo 1128, chus dominio de “Capoz”, tenén y ripresientán reyal. Mientres la puanda mozleme la prenzipal autibidá yera la tanería de pelletas.

A zaguers d´o sieglo XIII Breya pertenexió á los Chil de Bidaure; poco dimpués lo Capetulo d´o Pilar teneba los dreitos sopre Breya, pero sin la churisdizión d´o “mero y mixto imperio”.

En os sieglos XV y XVI en Breya bi eba un 85 por zien de mozlemes y la prenzipal fuen de gananzias continaban seyendo las tenerías.

Ayuntamiento de Brea de Aragón.- Casa´l Lugar de Breya d´Aragón

Ayuntamiento de Brea de Aragón.- Casa´l Lugar de Breya d´Aragón

En o libro “La población de Aragón según el fogaje de 1495”, de Antonio Serrano Montalvo, la billa de Breya teneba 30 fuegos. En trascriben toda la rilazión nominal.

JD: Mahoma el Alfaqui, Mahoma Capatero, Haziz de Ricla. TT: D. Martin, vicario de Illuequa, Audalla Ruuio, moro.

“Mahoma el Alfaqui, Alii Nauarro, Mahoma el Capatero, Haziz de Ricla, Mahoma de Ali, Audalla el Ruvio, Mahoma Alguarraz, Mahoma de Rich, Haziz de Rich, Braym de Ceni, Yuce de Rich, Yace el Ruuio, Farax de las Eras, Audalla Dolaziz, Yuce Hages, Yuce de Rich, alfaqui, Mahoma la Roya, Brahin Dabocach, Alii Dalguarraz, Mahoma de Muça, Yuce el Nauarro, Hamet el Bello, Ali Calima, Mahoma el Vello, Yuce la Tienda, Anur de Muça, Ali de Ricla, Ali Douecar, Mahoma Abocach, Ouecar”.

Curioso escudo en Brea.- Chocán escuto en Breya

Curioso escudo en Brea.- Chocán escuto en Breya

A forachitanzia d´os moriagos lo 1610 -2.165 abitadors- estió mortal ta lo desembolique de Breya. Á l´añada siguién, un d´os nuabos pobladors en promanaba d´Osella, Pedro López.  Lo 1650 Breya continaba repoblando-se-ne y ya plegaba ta los 129 fuegos.

As primeras notizias de produzión de calzero son d´o sieglo XVII; os primers, las albarcas, d´o 1.606. En o sieglo XIX en disparixen as tenerías y toda la endustria se´n renfila enta lo calzero.

En Breya b´ha  “Museo del Calzado”, un museyo de dos sulers adedicau á la cultura, tradizión y estoria de Breya y a Comarca de l´Aranda, dende la bisual de l´artisanía y la endustria d´o calzero. M. Martín aprofeita ta dentrar en un magazén de benda de calzero y mercá-se-ie uns maripís.

M. Martín mirando calzado en Brea de Aragón.- M. Martín refitoliando calzero en Breya d'Aragón

M. Martín mirando calzado en Brea de Aragón.- M. Martín refitoliando calzero en Breya d’Aragón

Aztualmén lo bico biello de Breya mantien las farchas moriagas y con nomes de carreras como: Tenerías, Carnecería, Cester, Tripería y Mezquita.

Arco morisco de Brea de Aragón

Arco morisco de Brea de Aragón

Cadaguna d´elas anomenaba lo mestier d´a chen que l´abitaba. As carreras curtas y estreitas i atrazan un labirinto zercular con dos portals, agora arcos ditos d´a Carretera y d´a Plaza.

Arco de entrada a una calle de Brea de Aragón. Foto de F. Javier García Marco.- Arcada-dentrador ta una carrera de Breya d´Aragón

Arco de entrada a una calle de Brea de Aragón. Foto de F. Javier García Marco.- Arcada-dentrador ta una carrera de Breya d´Aragón

La ilesia parroquial de Santa Ana d´o sieglo XVI ye de nau unica, trestallada en tres trampos. Lo 1571 i fazioron un retrazie mudéxar en recholas.

Interior de la iglesia de Brea

Interior de la iglesia de Brea

Lo 1676 refarchoron la ilesia, en seyendo lo taute d´o diseño d´a balguosa chesería de tradizión mudéxar Juan de la Marca.

Iglesia parroquial de Santa Ana de Brea de Aragón.- Ilesia parroquial de Santa Ana de Breya d´Aragón

Iglesia parroquial de Santa Ana de Brea de Aragón.- Ilesia parroquial de Santa Ana de Breya d´Aragón

As fiastas en onor á la Birchen d´o Rosario se i zilebran lo primer dominche d´otubre.

En Breya, lo diya de San Blas, toda  la mozardalla baxan de l´armita  “bailando y blincando en corrinche” y “echando chilindrones”. Ista armita mantién la suya fesomía rural en o suyo teitumen orichinal de fusta á dos bersans.

En autros tiampos bi eba bels  mosicaires en Breya, José y Arturín, alcompañaus á begatas por José Luis Horno, d´Osella, á lo bigulín.

Ángel Pérez Gracia de Oseja y antiguo conductor de los autobuses

Ángel Pérez Gracia de Oseja y antiguo conductor de los autobuses “Río Aranda”, Angelines Gil (madre de M. Pérez) de Trasobares, Ángeles López Lezcano de Oseja y su marido Antonio Barcelona Larriba de Brea de Aragón. – Angel Pérez Gracia, d´Osella y antigo condutor d´os autolinias “Río Aranda”, Angelines Gil (mai de M. Pérez) de Trasobars, Angeles Lopez Lezcano, d´Osella, y lo mariu d´ella, Antonio Barcelona Larriba, de Breya d´Aragón

Pa remate Antonio Barcelona Larriba, de Brea de Aragón, mariu de Ángeles López Lezcano, d´Osella, muito amiga de la mai de M. Pérez, Ángelines Gil, li´n diz de motes de Breya:

Angelines Gil (madre de M. Pérez) de Trasobares con su amiga Ángeles López Lezcano de Oseja, en Brea de Aragón.- Angelines Gil (mai de M. Pérez) de Trasobars con l´amiga suya, Angeles López Lezcano, d´Osella, en Breya d´Aragón

Angelines Gil (madre de M. Pérez) de Trasobares con su amiga Ángeles López Lezcano de Oseja, en Brea de Aragón.- Angelines Gil (mai de M. Pérez) de Trasobars con l´amiga suya, Angeles López Lezcano, d´Osella, en Breya d´Aragón

“Perdiganos, Cardelino, Tafé, Pelocorto, Santicos u Torenas, Cagurris, Piratas, Lobos, Pintaus, Altares, Tapacalles, Morcillas, Barbas, Periquines, Los de la Huerta, Roros, Pecas, Frascuelos, Pinines, Melchoras, Garibaldis, Ruizeso, Castellanos, Sejis, Puertas, Tamanines, Aguaziles, Carquiñones, Perequines, Pajes, Esparteros, Madalenas o Jineses, Culotiesos, Los Coches, Cabezillas, Pocorrón, Burachos, Zapateros, Berdejicos, Recorcodos, Pedrotes, Rinrrines, Zamoras, Chinitas, Rucos, Garrones, Periguilla, Peras, Cagurres, Moraus, Ronchas, Royos, Garrasanchas, Boby, Chesman, Conejo, el del Molino, Aniñonero, Barriga, Cancanes, Barcelona, Cascarillas, Pancherras, Manolé, Lechuguero, Fajardo, Tatero, Chulos, Benitín, Fideo, Maleta, Faraón”.

Sello de Brea de Aragón.- Siello de Breya d´Aragón

Sello de Brea de Aragón.- Siello de Breya d´Aragón

En Breya i rematan finitibamén la Comarca de l´Aranda con toz os lucars suyos; agora continan por la Comunidá de Calatayú, enfilando ta la suya capetal, pero antis pasan y aturan en Paracuellos de la Ribera (á 16 kms.)

Anuncios