23. XARQUE DE MONCAYO. GOTOR

13-5-2011. En iste nuabo diya continan arrecorrindo lucars d´a comarca de l´Aranda.

 

Mapa de la Comarca de Aranda

Mapa de la Comarca de Aranda

En primeras ban ta Xarque,  4´ 2 kms. enta l´A-1503 y dimpués ta la cucha cuasi 5 kms., anque aturarán bel par de kms. antis ta i besitar la fuen de “Guayén” (d´o latín VADUM: rasal, u d´o nome latín GAYO, u d´o prerromán GOYÉN, u rilazionau con o basco GOIHEN: “lo más altero”). Como curiosidá izir qu´en Saúnc (Bal de Benás) ye lo Santugario de Guayén. Güena augua fresca de la siarra d´a Birchen con brendador arredoliau d´oliberas.

Fuente de Guayén en Jarque de Moncayo.-Fuen de Guayén en Xarque d´o Moncayo

Fuente de Guayén en Jarque de Moncayo.-Fuen de Guayén en Xarque d´o Moncayo

Xarque de Moncayo (“Xarque” d´orichen arabe, promanán de “sarq”, “xark” u “xarc” con o sinificau de “orién”, “ixida d´o sol”, autra radiz arabe más espardida sereba “xarque”, “exarik” u “exariko” como “basallo, colono moriago”; diferién parixer sereba lo de l´orichen prerromán con o sinificau de “altero”, “cabalto”) ye una billa d´a comarca de l´Aranda en a marguin dreita de l´Aranda, en o pedero d´a siarra la Birchen y en o semontano sur d´o Moncayo. Ha 550 abitadors, ye á 631 mts. d´altaria y á 93 kms. de Zirigoza capetal. En 1900 la poblazión de Xarque yera de 1.441 abitadors.

Vista de Jarque de Moncayo.- Ambiesta de Xarque d´o Moncayo

Vista de Jarque de Moncayo.- Ambiesta de Xarque d´o Moncayo

A los de Xarque lis izen “Chacos”, antimás os de Gotor lis izen tamién “los del Rigachuelo”.

Ye conoxiu iste dito:

“En Jarque, San Sebastián,

acoplado en su madero;

todas las mozas de Jarque

le piden buen casamiento”.

D´a replega feita por (IDEAragón), Portal en Internet de la Infraestructura de Datos Espaciales del Gobierno de Aragón, en trigan bels toponimos chocans de Xarque:

“Albaril, Ambetil, Las Acedillas, La Atalaya, La Valoira, Valdeoseja, Valdernés, Barranco de Oseja, Piedras Blancas, Barranco las Cenosas, Bordolique, Esbariza, Farraque, Frasnera, Galluto, El Guayén, El Cabo, Camedian, Camino Jarque Oseja, Camino Jarque Trasobares, Camino de Mondesaz, Camino Oseja a Gotor, Camino de Punticanas, Camino Trasobares Gotor, Caseta de Navillas, Caseta del Perricasca, Colderroyo, Corrales de Fane, Corrales de Ludón, Corral el Molar, Corral de Mondesal, Corrales de la Zama, Cueva de Ludón, Culebro, Los Moches, Mardanero, Miguelillas, Mondonero, Nome, El Pas, Peñarroya, Poliar, Puntixanas, Sanchimuza, La Ceña, Solana de Momé, La Tejera, Las Torcas, El Chorro.”

Xarque  garrapiña lo suyo casalar chus las enronas d´o suyo imposán castiello.

El antiguo castillo de Jarque de Moncayo.- L´antigo castiello de Xarque de Moncayo

El antiguo castillo de Jarque de Moncayo.- L´antigo castiello de Xarque de Moncayo

Gambadían por la poblazión, nabesan por portaladas arcadas, biscalamos, callizos retuertos que puyan ta lo castiello, beluns escaleronaus.

Entrada a la zona antigua de Jarque.- Entrador ta lo bico biello de Xarque

Entrada a la zona antigua de Jarque.- Entrador ta lo bico biello de Xarque

En pasar por la Casa la Billa M. Pérez aprofeita ta fablar con o Secretaire, qui l´atiende muito bien á lo que li pregunta por uns terrens d´o suyo pai.

Aquí en Xarque ye do la familla mercaba lo pan as zagueras añadas, y á begatas la carne, cuan puyaban ta Osella. Güé no ba á estar menos, lo pan d´o forno güenismo, como de perén (poco dimpués zarró lo zaguer forno que funzionaba en Xarque).

En a chusana d´a poblazión ye la ilesia parroquial d´a “Presentación de la Virgen”, un edefizio barroco d´o sieglo XVII con remarcable torre.

Iglesia de la Presentación de la Virgen de Jarque.- Ilesia d´a Presentazión d'a Birchen de Xarque

Iglesia de la Presentación de la Virgen de Jarque.- Ilesia d´a Presentazión d’a Birchen de Xarque

Seguntes Zurita lo 1147 Xarque esistiba con o nome de “Siarchum” (anque parix una latinizazión).

Os mozlemes yeran mayoritarios y la Reconquiesta crestiana no i suposó forachitanzia, sino chusmetimién, con rispeto á lurs costumbres e creyenzias baxo cusiranzia d´os Rais d´Aragón.

Lo 1285 lo lugar pendeba de Guillén d´Alcalá, qui s´endi aplegó á esfender la muga de Tarazona por orden de Pietro III.

Á zaguers d´o sieglo XIII la billa yera un d´os “Estaus” acorporatos á la familla d´os Ferrench de Luna.

Xarque estió aldeya d´Aranda dica lo sieglo XIV.

Calle en escaleras hacia la zona alta de Jarque.- Carrera escaleronata enta lo cabalto de Xarque

Calle en escaleras hacia la zona alta de Jarque.- Carrera escaleronata enta lo cabalto de Xarque

Dinantis d´o castiello aztual b´eba una fortaleza mozleme, encá esistén en 1273 cuan Chaime I atorgaba la billa de Xarque y lo suyo castiello á Férriz de Lizana. Ixa fortaleza estió aglerada durán la guerra de los dos Peiros d´Aragón y Castiella, en 1362. Siet añadas dimpués estió construito lo nuabo castiello crestián, ordinau por o rai Peiro IV d´Aragón. Ye de piatra manposata, con cuatro torreyons tronco-conicos y muresnos punchutos mudéxars. Apertenexió á ros Ferrández de Luna, esdebenindo allora lo castiello una siede palazial. Lo 1382 pasó ta los Urreya, contes d´Aranda.

Fachada frontal de la iglesia de Jarque.- Frontera d´a ilesia de Xarque

Fachada frontal de la iglesia de Jarque.- Frontera d´a ilesia de Xarque

Agora, con tó y con ixo d´estar feito un ronal, ye impresionán l´altaria d´os bigardos torreyons y os muraus coronaus por lurs punchutos muresnos.

En o libro “La población de Aragón según el fogaje de 1495”, de Antonio Serrano Montalvo, Xarque teneba 51 fuegos.   En mentan bels nomes:

J: Lope Felip. L.J.: Pedro Martinez AL: Diego de Vera. A: Yuce. TT: Pedro Palacio, Munyoz Navarro. Yuçe el morisco.

“Pedro Martinez, Johan Felip, Pedro Dagurreta, Johan Garcia, Remiro Sanchaez, Sancho Grant, Miguel Martinez, El Vicario, Diego de Vera, Alcayde, Pedro Guallar, Anthon Millan, Martin de Munebrega, Martin el Capatero, Johan Marquo, La Viuda de Anthon de Layta, Mahoma el Moço, Yuce el Morisco, Alii Ferriz, Alii Candeualles, Mahoma el Caluo, La de Ali Xalon, viuda, Ybrahin el Marquo, Ybrahin Cauayro, Mahoma Cauçeron, La de Ayça Ferriz, Yaye Ferriz, La de Ali el de Marien, Alii Tergan, Audalla Ouecar, Mahoma Donecar, Mahoma Zaen, Ybrahin Ferriz, Ybrahi Açan, La Fija de Mahoma Açan, Ybrai Xalon, Yuce el Alamin, Mahoma Tergano, Hamet del Alamin, Ybrahin Mesonero, Mahoma Gualit, La Fija de Ali el Meson, Ibrahin de Gualit, Mahoma Celi, Ybrahin Morisco, Alii Donecar, Yuce de Almoraui, Alii de Homar, Yuce Aguilira, Mahoma Marco, Mahoma el Bollo”.

Una plaza de Jarque.- Una plaza de Xarque

Una plaza de Jarque.- Una plaza de Xarque

Mientres lo rainau de Zelipe III -2º d´Aragón- se dezidió la forachitanzia d´os moriagos como soluzión ta rematar con una menoría que no consiguioron entegrar y d´os que temeban lur colaborazión con berberiscos y turcos. Ye esclatero que la forachitanzia yera afaborida y endizcada por la Enquisizión. Lo 1610 s´endi siñó iste edito.  Ramón Lastiesas, párroco de Aranda de Moncayo en 1878, en replegó y trascribió d´un libro biello ros siguiens datos:

Calle en escaleras hacia la zona alta de Jarque.- Carrera escaleronata enta lo cabalto de Xarque

Calle en escaleras hacia la zona alta de Jarque.- Carrera escaleronata enta lo cabalto de Xarque

El 2 de agosto de 1610, a las dos de la tarde, salieron… 577 personas. En el mismo día y hora salieron también los moriscos convertidos de Jarque (1.265 habitantes), en mayor número todavía que los de Aranda: unos y otros a la vez tomaron el camino de Trasobares, con dirección a las montañas de Jaca, a salir de España por el puerto de Canfranc. El virrey de Aragón, Gastón de Moncada, marqués de Aytona, en nombre del rey fue con los convertidos de los dos pueblos, hasta salir de la frontera un contador, comisario, aposentador, alguacil, alamín y cirujano que a todos los expresa con su nombre. Estos fueron a parar a la Turquía europea (Estambul).”

La repoblazión se i fazió ascape con chens de Castiella y Cantabria.

Cabeza del diablo.- Capeza d´o diaple

Cabeza del diablo.- Capeza d´o diaple

Una d´as bibliotecas de temas más importans d´Aragón estió en Xarque.

Creyata por Santiago Marquina, en ha más de quinze mil bolúmens. Agora son alzaus en o Centro de Documentación de Ibercaja en Zaragoza.

Callejón de Jarque.- Calellón de Xarque

Callejón de Jarque.- Calellón de Xarque

En Xarque tamién esiste lo Centro de Interpretación de la Naturaleza “El Guayén”.

Arquitectura tradicional. Fuente de Jarque.- Arquiteitura tradizional. Fuen de Xarque

Arquitectura tradicional. Fuente de Jarque.- Arquiteitura tradizional. Fuen de Xarque

As fiastas se i zilebran lo primer dominche d´agosto, en onor á Ntra. Sra. del Rosario.

Tamién, lo terzer dominche de Setiembre, la Sagrada Eucaristía; lo 20 de chinero,  San Sebastián y lo 29 d´ abril, San Pedro Mártir de Verona.

Sello de Jarque de Moncayo

Sello de Jarque de Moncayo

La mai de M. Pérez, Ángeles Gil, li rezenta la suya espedenzia en Xarque de Moncayo:

“Viviendo en Oseja, bajé una vez en las “bispras” de San Blas con caballerías desde Oseja al horno de Jarque, llevábamos todo sin masar para hacer panetes (la abuela Candida se quedó contigo). Una hija y la mujer de Trasobares del tió “Montano” que vivían allí, me decía: “Me voy a condenar y vas a tener la culpa tú”, se lo contaba a mi madre y se reía. (las conocía de Trasobares, la abuela le compró la parte del “Pedrejón”).

Tu padre conocía a todo el mundo y a él le conocían todos, pero no se llevaban muy bien los de Oseja con los de Jarque.”

La tía de M. Pérez, Victoria Pérez, rezenta la siguién falordia respetibe á la espelunga de “Ludón” (toponimo rilazionau con l´apelatibo latino-romanz “lutum”>”lodo”) en l´albala de Xarque pero chunto la muga con Osella:

Se mete a un gato en la cueva de Ludón y saldrá en Mesones”. Dentro de la cueva algunos dicen que se veía “esplendor”.

Cueva de Ludón.- Espelunga de Ludón

Cueva de Ludón.- Espelunga de Ludón

Os güelos de M. Pérez, teneban un terrén en Ludón. La suya tía Victoria li´n rezenta cualque pasata:

“Tenían una caseta de dos plantas y una fuente de agua buena. Me acuerdo que una vez de pequeña, subió un injertador de Jarque, si quitó una pulga que llevaba y la mató y yo y mi hermano Manuel, “encanadicos” de risa. Nos fuimos a dar una vuelta a la caseta hasta que se nos pasó porque ya se enfadaba mi padre”.

Tamién remera Victoria cuan iba de choben ta las fiastas de Xarque:

“Iba con mis amigas, Teófila, Ángeles la “Cucha” y el Valero, escondíamos las zapatillas que llevábamos debajo de unas piedras lisas, cerca del Molino y nos poníamos zapatos y luego a la vuelta las recogíamos. En Jarque no nos daba de comer nadie, aunque uno del pueblo me decía “Los moricos de Oseja son muy trabajadores”. Nosotros somos “Moricos” de mote.

Gran escudo en piedra de Jarque de Moncayo.- Escutaz en piatra de Xarque de Moncayo

Gran escudo en piedra de Jarque de Moncayo.- Escutaz en piatra de Xarque de Moncayo

A 2 km. de Xarque se i troba Gotor, siguién destín.

Gotor (d´o chenitibo plural latín de “gotus”: “gotorum”= “lugar de los godos”) ye una billa d´a comarca de l´Aranda, en a marguin cucha de l´Aranda, en o pedero d´a siarra la Birchen y en o semontano sur d´o Moncayo. Ha 399 abitadors, ye á 609 mts. d´altaria y á 91 kms. de Zirigoza capetal.

Vista del convento de los Dominicos de Gotor.- Ambiesta d´o combén d'os Dominicos de Gotor

Vista del convento de los Dominicos de Gotor.- Ambiesta d´o combén d’os Dominicos de Gotor

A os “Gotolinos” lis izen os d´Illueca “Justicieros”, y os de Xarque lis izen antimás “Entriporraus”. Els mesmos s´anomenan “los del Vaticano”, porque i fan misa á diyario.

Han un conoxiu dito controxau con os de Xarque:

“Con los sesos de un mosquito

merendaron siete sastres

y aún quedaron unos pocos

pa los de Gotor y Jarque”.

D´a replega feita por (IDEAragón), Portal en Internet de la Infraestructura de Datos Espaciales del Gobierno de Aragón, en trigan bels toponimos chocans de Gotor:

“Bacayón, Balan, Barsolo, Valdernes, Valdesmar, Barranco de Arquicón, Embides, Camino Oseja, Camino Trasobares, Carrascalillo, La Condesa, La Costera, Mamotre, Los Molares, Morral del Cheminero, El Paco, Peña de los Frailes, La Pitarra, La Reina, Solano del Royal, Zumaquera”.

En sobrixe la ilesia de Santa Ana, do s´alzan obras promanans de l´antigo combén.

Casas de Gotor.- Casalar de Gotor

Casas de Gotor.- Casalar de Gotor

As casas y o combén son feitas en sablón rodeno, d´astí lurs tons royencos.

Pueblo e iglesia de Gotor.- Lucar e ilesia de Gotor

Pueblo e iglesia de Gotor.- Lucar e ilesia de Gotor

A begatas, la familla tamién mercaba en Gotor la pizca, á lo que puyaban ta Osella.

Á 1 km. de Gotor ye l´aposamién zeltibero anomenau “las Tres Cruces”, en o parache clamau “El Calvario”, que dimpués esdebinió billa romana.

L´impresionán combén d´os Dominicos de la Consolación, d´o sieglo XVI, ye cuasi feito un ronal dende que s´albandonó en o sieglo XIX, anque en enanto de refeitura. As escabonazions arquioloxicas endi han trobatas bellas momias.

Ermita de Santa Barbara de Gotor.- Armita de Gotor

Ermita de Santa Barbara de Gotor.- Armita de Gotor

L´armita de Santa Barbara estió quillata por os bisigotos en onor á una mártir romana crestiana. Redificata en o sieglo XVII, lo lugar s´endi aplega en romería lo 4 d´abiento ta i zilebrar la suya patrona.

Iglesia y casas de Gotor.- Ilesia y casalar de Gotor

Iglesia y casas de Gotor.- Ilesia y casalar de Gotor

Iste mesmo diya se i fa una chera en a plaza de Santa Barbara, que continará ardién por bels diyas, e i cantarán “somerondones” con la charanga e i rustindo sardinas, trunfas y panzeta.

Iz qu´á l´amo de cada casa li cal i chitar un xarmiento leña ta en tener de salú, diners y güenas cullitas.

Torre del convento de Gotor.- Torre d´o combén de Gotor

Torre del convento de Gotor.- Torre d´o combén de Gotor

Gotor apertenexió á lo Monesterio de Piedra en as engüeltas d´Alifonso II y estió endonato por Chaime I lo 1250 á lo suyo fillato e fillo d´o rai moro de Mayorgas, Said Ben Alhakem, esdebeniu lo nople crestián Chaime de Gotor; en iste atorgamién son inclusos lo castiello de Gotor y la billa con toz os abitadors suyos, crestians e  sarrazins con toz lurs dreitos e propiedaz.

Iglesia de Santa Ana de Gotor

Iglesia de Santa Ana de Gotor

Lo suyo fillo Blasco de Gotor eredó lo siñorío de Gotor y lo d´o siñor d´o castiello y billa d´Illueca. Lo fillo d´íste, Migal Pérez de Gotor, continará con l´erenzio, y la filla d´él, María Pérez de Gotor, maridó con Chuan Martínez de Luna, fruito d´els naxió lur fillo Pietro Martínez de Luna y Gotor (1328), plegando á esdebenir Papa con o nome de Benedí XIII, más conoxiu como lo Papa Luna.

Gotor en medio de la iglesia y el convento.- Gotor entre meyo d´a ilesia y lo combén

Gotor en medio de la iglesia y el convento.- Gotor entre meyo d´a ilesia y lo combén

En o libro “La población de Aragón según el fogaje de 1495”, de Antonio Serrano Montalvo, Gotor teneba 21 fuegos.  En mentan bels nomes:

  1. Mahoma Molina. TT: Pedro Palacio, V. de Jarque. Hamet el Royo, h.

“El Quinyaret, Mahoma Molina, El Alfaqui, Mahoma Lazrach, El Mesonero, Hamet el Royo, Ali Lapuerta, Yuce Gualit, Los Fijos de Farax Flaylon, Braym Calema, Yaye Valtierra, Alii el Carnicero, Yaye el Ferrero, El Alamin, Alii Moragres, Mahoma el Corço, Hamet Dogal, Hamet Lazrach, Yuce Adomech, La del Molino, Alii Manrique”.

Sello de  Gotor

Sello de Gotor

As zilebrazions tipicas de Gotor escaizen entre lo 24 y 28 de chulio, i festellando Santiago y Santa Ana. La tardi de Chuebes Santo  se i canta lo Relox d´a Pasión, do se i rilatan os zaguers diyas d’a bita de Cristo.

Pedro Sebastián, de Gotor, con acordeón cromático. Foto  Luis Miguel Bajén (Músicas de la Tierra).- Pedro Sebastián, de Gotor, con curdión cromatico

Pedro Sebastián, de Gotor, con acordeón cromático. Foto Luis Miguel Bajén (Músicas de la Tierra).- Pedro Sebastián, de Gotor, con curdión cromatico

En Gotor son conoxitas as liyendas de “la Cueva la Mora” y “la Cueva los Frailes”, trascriben lo conteniu d´ista zaguera:

“La bruja iba a una reunión, se entretuvo por el camino, se le acabó el tiempo de la escoba, se cayó y se quedó colgada. Inicialmente era una cueva pero en la actualidad, tras un terremoto, quedó tapada la entrada y es ahora una peña. El canalón que se observa allí son los restos de la bruja. La escoba la encontraron allí rota”.

Vista general de Gotor.- Ambiesta cheneral de Gotor

Vista general de Gotor.- Ambiesta cheneral de Gotor

De Gotor en marchan ta Tierga que ye á 13 kms., pasando en primeras por Illueca (A-1503) y pillando dimpués l´A-1301, que lis dixa en Tierga.

Anuncios