2.1. Tagüenca. Costumbres. Entrebiesta. Datos Estoricos

Tagüenca (d´o toponimo prerromán TABOLCA “chunto lo molín de l´arrigazo” u TABUCA -anomenazión d´as antigas minas de fierro espleitadas por os romans-) ye una billa d´o Cambo Borxa, de 420 abitadors, á 778 mts. d´altaria y á 84 kms. de Zirigoza capetal.

01 Mapa de la zona cercana al Moncayo. Mapa d´a redolada proxema ta lo Moncayo

01 Mapa de la zona cercana al Moncayo. Mapa d´a redolada proxema ta lo Moncayo

A os de Tagüenca lis izen “Tauros” y os tagüencanos a os de Trasobars lis iziban “Pinochos”.

Respetibe á Tagüenca y tamién Ainzón, suena muito ista canta:

“La servidumbre, Tabuenca

le paga al pueblo de Ainzón

y ya en los tiempos que corren

la servidumbre pasó”.

Ist´autra ye rilazionata con más lucars:

“No te cases, niña, en Cortes,

ni en Frescano, ni en Mallén;

cásate, niña, en Tabuenca,

que es lugar de mucha miel”.

Tamién s´alcuerdan d´iste dito: “…en Tabuenca los garbanzos, donde se cuecen en frío…”.

(Lo 1781 Tagüenca yera, con Osella, la mayor cullitadera de garbanches d´a redolada, con 100 cafizes á l´añada- 14.000 kgs.)

Mapa del dominio del Monasterio de Veruela en la Comarca del Campo de Borja. Mapa d´o dominio d´o Monesterio de Bergüela en a comarca d´o Cambo Borxa

Mapa del dominio del Monasterio de Veruela en la Comarca del Campo de Borja. Mapa d´o dominio d´o Monesterio de Bergüela en a comarca d´o Cambo Borxa

Lo 20 de chinero son as fiastas en a onor de San Sebastián, a lo son de gaita y atamborín.

A metá d´o sieglo XIX os gaiters de Tagüenca -qu´alcompañaban o danze d´a localidá, dispaixito en 1926- soneron muito arrecorrindo lo güeste d´a probinzia Zirigoza, Nabarra y Rioxa.

En marzo de 1642 la “danza” de Tagüenca estió una d´as sais danzas qu´entrebinieron ixe año en esgreuche á lo santismo Sacramén, que yera estau altroxau por uns malfeitors un mes antis en a ilesia d´Alberit de San Chuan.

Pa Carnabals se gosa sentir por la redolada ista mazada: “pa San Antón Carastolendas son” y os mozos bestius de “mazorrios”, tapaus con un zacuto, encorreban a las mozas demandando-lis-ne de roscón. As mesachas lis ie rispostiaban:

“¡Mazorrio pelau, pelau socarrau,

en tu boca me echo un pedo y en la mía un caramelo!

Y els i respuliaban: “¡Roscón, roscón! ¡roscón, roscón!

Lo 8 de setiambre se zilebran as fiastas grans de Tagüenca en a onor de “Nª Sª del Niño Perdido”.

Mientres as mesmas son de remarcar: o releyo de “Palos”, “Hachas” y a prosezión con os Estandartes d´a Birchen.

A romería d´a Birchen d´o Nino de Tagüenca, conoxida como “la del Domingo de los Pasteles”, ixe d´a ilesia de San Chuan Baltista carriando la Virgen de Rodanas y dimpués d´a misa en l´armita de San Migal i minchan lo tipico “Pastel de los Santos” feito con masa y rempliu de churizo, luenganiza, lumo y güego dur. En rematando, i cantan la “lendrina” u “lindrina” que toz entonan á ridmo normal, dica que preta á beber bin d´a bota u porrón a presona que li pertoca entre que lo ridmo d´a canta se´n ba requedando:

“La Purisma Conceción es más bella que ninguna,

que en los pies llevas el sol y en las espaldas la luna.

San Grabiel, San Grabiel, San Grabiel, tú que sabes donde está mi amante el infante,

tráimelo al instante que lo quiero ver.

Ahí tiene usté al niño, y qué le diremos, le diremos que beba y que beba,

que beba y que beba, que beba y afuera;

le diremos lendrina, lendrina, lendrina, lendrina lendrina y afuera.”

Naturaleza en Tabuenca. Natura en Tagüenca

Naturaleza en Tabuenca. Natura en Tagüenca

Lo 30 de nobiambre, diya de San Andrés, se i zilebra una feria de ganau y as risultas suyas: lana y pelletas. Se conox que bi´n abió lo menos dende 1.661 dica la fin d´o sieglo XIX.

En o libro + CD “La tradición oral en el Moncayo aragonés” s´encluye lo “Cuento del Lobo de Tagüenca” rezentau por a bizina Manuela Chueca Román. Lo trascriben encontinén:

 

“…el último lobo que quedó pues se ve que les estaba creando problemas y entonces salieron Tabuenca, Trasobares y Tierga a cazarlo. Y lo cazaron. Y como el lobo no se lo podían llevar todos pues dijeron, pues el que mejor dicho le diga aquel pueblo se llevará el lobo. Entonces lo colgaron en una sabina y va Trasobares y dice:

 

-Lobo lobato que en el sabinato estás colgau,

Habrás comido más veces crudo que asau.

 

Luego va Tierga, y dice:

– Lobo lobato que en el sabinato estás colgau,

Habrás dormido más veces al raso que debajo de tejau.

 

Pues muy bien también. Y luego va Tabuenca y dice:

– Lobo lobato que en el sabinato estás colgau,

No has pasado peor día que el que te han matau.

-¡De Tabuenca es el lobo, de Tabuenca es el lobo!

Y de Tabuenca fue el lobo.”

L´Asoziazión Cultural “Villardajos” naxe lo 2001 con as miras de recuperar tradizions, mantener o patrimonio y empentar l´ambiesta cultural de Tagüenca. Editan la sobrixién rebiesta añal “La Puerta la Villa” y cuentan con bels 300 sozios.

D´o lumero 2 d´a debanmentada rebiesta en amuestran istas chocantes mazadas d´un articlo siñau por Miguel Ángel Chueca Gracia:

“Cuando el cielo está “empedrau” a los tres días mojau.”

“Aire regañón, ni lluvia ni sol, ni se está bien en ningún rincón”.

 Los pastores dicen que: cuando anda “fagüeño”, las cabras no dan leche porque no encuentran abrigo.

Ermita de la Virgen del Niño Perdido. Armita d´a "Virgen del Niño Perdido"

Ermita de la Virgen del Niño Perdido. Armita d´a “Virgen del Niño Perdido”

A lo que plegan en Tagüenca alparcan l´auto chunto l´armita de “la Virgen del Niño Perdido”, d´o sieglo XIX. Dend´aquí marchan por as carreras dica la ilesia de San Chuan Baltista y la suya bigarda torre gotico-mudéxar.

Iglesia de San Juan Bautista. Ilesia de San Juan Bautista

Iglesia de San Juan Bautista. Ilesia de San Juan Bautista

En ixas, que beyen chen a´l canto la ilesia pero a lo que s´endi amanan paran cuenta que ya ye zarrata y lo mosen se´n ba.

Torre de la iglesia de San Juan Bautista. Torre d´a ilesia de San Juan Bautista

Torre de la iglesia de San Juan Bautista. Torre d´a ilesia de San Juan Bautista

Continan la cursa pasando por o casal d´o Conzello, un tipico palaz aragonés d´o sieglo XVI;

Ayuntamiento de Tabuenca. Casa la Billa de Tagüenca

Ayuntamiento de Tabuenca. Casa la Billa de Tagüenca

china-chan arriban ta l´edefizio d´o sieglo XVII qu´estió l´antigo Espital y que remunta lo menos á lo 1554. En a besita pastoral d´ixe año se ordinaba: “que se repase el hospital y se nombre un spitalero, que se encargue de recoger a los pobres, así como que se dispongan dos cámaras, a fin de que las mujeres duerman aparte.”

O Chustizia y Churatos eban lo deber de bisurar diyariamén l´espital y la suya mantenenzia pendeba en gran mida d´as almosnas qu´alportaban os mesmos bizins.

Parte de la fachada del antiguo Hospital. Parti d´a frontera de l´antigo Espital

Parte de la fachada del antiguo Hospital. Parti d´a frontera de l´antigo Espital

En 1647 l´encargau de cusirar la salú d´os tagüencanos yera lo “Doctor de Trasobares”, que cobraba güeito escutos y güeito diners como “fin de pago lo que se le debe por su soldada” (sueldo).

Desiguida plegan ta la Puerta la Billa, do se´n fan alcordanza d´una canta popular que diz:

“Que entrada tiene Tabuenca por la Puerta de la Villa,

la fuente nueva que han hecho la llaman la maravilla,

…Tabuenca con cuatro fuentes dos hermosos lavaderos,

un cura y un sacristán, un médico y dos barberos,…”

Cuasi á man de dita Puarta i beyen uns biellos posaus en uns bancos fendo-ie firme charradera. Como diz un d´els: “El que se sienta llega a viejo”. Os Tocayos se´n deziden á entrebenir y dentran en a charrada.

Charrada con vecinos de Tabuenca. Pillando capazo con tagüenquinos

Charrada con vecinos de Tabuenca. Pillando capazo con tagüenquinos

En preguntá-lis si conoxeban chen de Trasobars, o bizín Sabino Cuartero Sancho en comenta: “mi padre conoció “al Cucala” que “majentando” de pastor en el “Pozo de la Zarza” le vendió a mi padre 12 u 14 ovejas.”; qué casolidá!!, iste pastor yera un bisgüelo d´o zerrigüeltaire M. Pérez Gil, Ángel Gil Millán, tamién conoxiu por un segundo mote: Quizabe.

Ángel Gil Millán el “Cucala” y “Quizabe” de Trasobares, bisabuelo de M. Pérez. Ángel Gil Millán o “Cucala” y “Quizabe” de Trasobars, bisgüelo u bisyayo de M. Pérez

Ángel Gil Millán el “Cucala” y “Quizabe” de Trasobares, bisabuelo de M. Pérez. Ángel Gil Millán o “Cucala” y “Quizabe” de Trasobars, bisgüelo u bisyayo de M. Pérez

Como lo lugar apertenexió á lo monesterio feminín de Trasobars, en rezentan lo siguién: “había un edificio que pertenecía a las monjas de Trasobares, pero como no vivía nadie, se han caído las paredes.” De ahí el dicho: “Tabuenca: el granero de las monjas”, pues todos años cogían cereales.”

Remeran ista biella frase: “Camino de Trasobares se perdieron en “el Muerto” cuatro desgraciaus que iban a hacer el hoyo y no supieron el sendero”. (“Camino el Muerto” de Trasobars, posiblemén porque astí en troberon uno en o sieglo XVIII).

Istos bizins lis nombran bels toponimos de Tagüenca “Peña las Almas, (antes las Armas) Cabezo del Galiano y Galiana, Cabezo de Orchil en la muga de Épila, Pedroso Bajo, El Bollón, El Palancal, Montalvo, Cebollero, Almadenes, Arcos de Baldarcos, Taleguera, Pigordo, Calderuela, Pasaderas. Peñarroya, Caligordo, (al ir anotando M. Pérez, uno le dice “eres astuto pa escribir”), Cañada la Cueva. Cabezo las Bodegas, Calvario, Ermita de los Santos, La Cañada de la Cueva, Collar las Tablas, La Sierra, Villardajos, Peña Carrañé, Satamol o Satafol (comentan que en tiempos hubo un castillo como frontera entre Aragón y Castilla), Morrales, Hoyo Colau, Agudillo. Barrancos: Cantera, Molino, Rané, Barrancondo, Valdeperillo, Chorro, Charlé.

Fuentes: Farinetas, Tia Urbana, Cerezo (añaden que es la mejor agua del pueblo), Calderuela, Baldejunquera, Cebollero, Tio Granuja, La Risca, Mateocona, El Bollón, Lalanda, Quila, Güitre, Juncal, Aguadero de los Pozos, Tio Mingocha, El Cura.”

En dizen bels poquez de motes:

“Mateocona, Mingocha, El Gordo, Batajo, Malabota, Rebuscador, Cuchilla, Angelmiro, Agüelicos, Reinos.”

Comenta uno d´els “esto es un cuento de los viejos”:

“Si no sé, me aguardo y oigo,

si juego, gano, pierdo y vuelvo,

tengo, espero, pienso, olvido,

canto, lloro, vivo y muero”.

Dimpués d´aber charrato con istos bizins de Tagüenca s´aproxeman os tres ta un parque do se troba una rocha con medusa fosilizata de fa 375 millons d´añadas. Como no´n entianden guaire d´ista custión, cuan la beyen se i quedan una miaja chafaus.

Roca con medusa fosilizada. Peña con medusa fosilizata

Roca con medusa fosilizada. Peña con medusa fosilizata

Beluns de ros siguiens datos estoricos en son estaus trigaus d´o bogal libro “Historia de Tabuenca” de Pedro Pablo Aparicio, escrebiu lo 1963 y publicau lo 2003, disgraziatamén dos añadas dimpués d´aber feneziu lo suyo autor.

O primer aposamién umán en Tagüenca estió un poblau zeltibero en o pueyo d´El Calvario. Como autras aldeyas d´a comarca bibiba d´as minas de fierro de “Tabuca”, que más adebán sereban espleitatas tamién por os romans.

O fierro sereba menau ubrindo camins á trabiés de selbas pretas, por os paraches de “Valdecorrales”, “Valdeloshornos” y, ya en termino de Trasobars, por “Las Simas”, “Caña Hermosa” y redentrando en terrens de Tagüenca en “las Pasaderas” do bi eba una fautoría en do cargaban o fierro en carros con destín ta unautra fadruca situgata en “El Tremedal” de Trasobars, astí -aprofeitando la proxemedá de la Isuela- fereban o temple d´as armas. Cal remarcar que os camins de Tierga y Trasobars yeran o camín natural de nabesada entre as tiarras de Borxa y Calatayú.

Escudo de la villa de Tabuenca. Escuto d´a billa de Tagüenca

Escudo de la villa de Tabuenca. Escuto d´a billa de Tagüenca

Tamién ye intresán l´espoblau de “Villardajos” (nome d´a debanmentada asoziazión cultural local), situgau enta l´este de Tagüenca; poderba tratá-se d´una billa romana esistén -puéstar- dica dimpués d´a Reconquiesta.

A zaguers d´o sieglo XI lo papa Urbano II emologó as merzez e prebilexios endonaus á os rais d´Aragón y ricos omes d´a billa respetibe a dreitos primizials de lucars arrapaus a os mozlemes. Tagüenca dentra en o raino d´Aragón dimpués d´a rendizión de Tarazona, lo 1119, y será repoblato entegramén por famillas crestianas y esfendito por un castiello arredoliau de cualques casas, situgau en a parti más ozidental de l´autual poblazión.

Mientres la Edá Meya y empieze d´a Muderna á Tagüenca l´izen “Tagüenga” u “Tagüenca”, “Latagüenga” u “Latagüenca”. En os sieglos siguiens s´anomena “Tahuenca” y se queda ofizialmén como “Tabuenca” en o sieglo XIX.

De lo sieglo XII ta lo XIX Tagüenca será socheta á l´autoridá y churisdizión d´as Abatesas d´o Monesterio de Trasobars. Lo prebilexio de fundazión d´o monesterio femenín zistelziense de Santa María de Trasobars l´atorga lo rai Alifonso II d´Aragón lo 1188; iste prebilexio encluye lo siñorío d´a billa de Trasobars. Dos añadas dimpués, lo 1190, se´n i adibirán os terminos d´Aguarón y Tagüenca, esdebenindo basallos d´o Monesterio los suyos abitadors. D´allora enta debán, a billa y bizins penderán d´as abatesas de Trasobars -salbo una añada entre 1415 y 1416 qu´estió presa en primeras por o papa d´Abiñón, l´aragonés Benedí XIII, y dimpués por a Corona- dica lo 1837, cuan estioron zircundutas as propiedaz d´as ordens relichiosas en tó lo payís.

Documento que corrobora que el monasterio de Trasobares cobra en Tabuenca los derechos del maravedí (1626). AHNM. Decumén qu´emologa que lo monesterio de Trasobars cobra en Tagüenca os dreitos d´o morabetín (1626). AHNM

Documento que corrobora que el monasterio de Trasobares cobra en Tabuenca los derechos del maravedí (1626). AHNM. Decumén qu´emologa que lo monesterio de Trasobars cobra en Tagüenca os dreitos d´o morabetín (1626). AHNM

Durán toz ixos tiampos qui manda en Tagüenca ye l´abatesa de Trasobars, a qui cal trebutar, obedir e rispetar por tal d´o poder feudal suyo, almenistratibo, zebil e chudizial.

As obligazions d´os tagüencanos con a suya siñora yeran:

1.- l´apoca de trebutos y contrebuzions, de dos menas: os que li cal apoquiñar a lo lucar de conchunta (zien sueldos añals, diez pars de pirinas, dreitos d´o morabetín, coronazions y maridaches) y os qu´en satisfá cada bizín (a dezena parti -o diezmo- de toda la produzión agricola y ganadera: trigo, mestura y ordio, ugas, olibas, cañimo, ganaus, queso, pirins y tres cuartals de trigo y tres d´ordio, á sais almuz por cuartal).

2.- O churamén de leyaltá á la nuaba abatesa.

3.- Chusmeter á la suya autorizazión y aprebazión as lais penals y almenistratibas, por tal de qu´aigan fuarza legal.

4.- Cualques onors en a besita d´a billa, como fé-li l´omenax de basallax (achenullaus) y dá-li “la zena” (carner, pirinas, tozino, pan y bin).

Tres menas de gubierno s´achuntan en Tagüenca: monarquía, democrazia y aristocrazia: l´abatesa ripresenta la monarquía, o “Conzello” l´estamén democratico u popular y o “Consejo”, l´aristocrazia.

O conchunto d´a poblazión ye trestallau en dos napas sozials: o pueblo plano y a chiqueta nopleza de fidalgos e infanzons. Ístos espleitan de bels prebilexios referens á la trebutazión, seyendo desentos de contrebuyir á la Fazienda Reyal y á la de la siñora temporal, l´abatesa de Trasobars. Uno d´os linaches de fidalgos yeran os “Aznar”, promanans de Ballibroto, que yeran en Tagúenca dende 1415, lo menos, calendata d´a prenida de posesión d´a billa por Benedí XIII, nombrando-ie Chustizia á Martín Aznar. Paix estar qu´istos Aznar esdebienen d´os Contes d´Aragón, promanans de bez d´os noples d´a monarquía d´os francos.

Lo 1788 se´n sape d´unautro fidalgo en Trasobars: “Laborda”.

Cal siñalar a partizipazión de Tagüenca en tres guerras á l´arreyo d´a suya estoria.

A primera la guerra de los dos Peiros, Peiro I de Castiella y Peiro IV d´Aragón, en o preto d´o sieglo XIV. L´alcaide de Tierga, Peiro Sánchez de Luna, s´abinió á acullir lo 1357, en os murs d´o castiello de Tierga, á las chens de Tagüenca y Trasobars por estar istos lucars sin d´esfensa.

A segunda partizipazión estió n´a guerra “de Sucesión” española, á l´empieze d´o sieglo XVIII. Os tagüencanos se i decantoron por o candidato Borbón ta lo trono español, Zelipe d´Anchú, fruén ta lo pretendién ustriaco Carlons d´Ausburgo. A bitoria d´o primer suposó ta España l´establimién d´una nuaba dinastía, la borbonica, y pa Tagüenca lo tetulo de “Muy Fidelísima Villa” lo 18 de marzo de 1709; antimás de l´atorgamién, en un segundo Prebilexio, de l´emplego d´a flor de lis borbonica en o suyo Escuto d´Armas, agradexindo asinas lo nuabo rai o refirme d´ista localidá.

A terzera pasata gosó escaizir en a guerra d´a Independenzia, lo 13-XII-1808; estando un estacamén franchut en Borxa, un abanto de sisantasiet soldaus gabachos s´aproxemó á Tagüenca ta empará-sen de bituallas y astimentos ta lo suyo exerzito. Os tagüencanos lis enristen, matando-ne á benticuatro. Tres diyas dimpués 3.000 franchuz embaden o lugar, cremando cuarantasiet casas e i morindo trentanueu presonas que no lis ne bagó de fuyir.

A esboluzión d´a poblazión de Tagüenca ye estata la siguién:

L´año 1495, 295 abitadors. Lo 1688, 840 abit. Lo 1711, 940 abit. Lo 1776, 1.060 abit. Lo 1826, 1.295 abit. Lo 1857, 1.232 abit. Lo 1.900, 1.326 abit. Lo 1960, 988 abit. Lo 2000, 460 abit. Lo 2008, 414 abitadors.

Anuncios