12. BARBOLES – BARDALLUR

Barboles ye una localidá d´a probinzia Zirigoza y d´a comarca Ribera Alta de l´Ebro, en a compleganza d´os arrius Xalón y Ebro. Ye á 40 kms. de Zirigoza capetal, á 259 mts. d´altaria y ha 333 abitadors. L´albala monezipal ye constimesa por a localidá de Barboles y os bicos d´Oitura y Peramán.

 

Mapa de la zona. Mapa d’a Redolada

Mapa de la zona. Mapa d’a Redolada

Barboles ye un toponimo antigo con sufixo prerromán atono d´orichen y sinificato esconoxitos. Una ipotesis sereba traduzí-lo como “suel de molín” y unautro parixer proposa l´orichen mozarable d´o bocable BARBOL. A primer menzión conoxita ye de 1156: Barboles. Como curiosidá, lo nome de Barboles aparix en os calelleros de Cartagena, Cadret, Pinsec, en o bezindato de La Joya de Marlofa y en Zirigoza, como Camino de Barboles.

A os de Barboles lis izen “Mosquiteros” , como aparix en istos ditos:

“De Bardallur son los zorros,

de Plasencia los raneros,

de Grisén son los lanudos

y en Bárboles mosquiteros”.

D´a rementata replega de (IDEAragón) en trigan bels toponimos intresans de Barboles:

“Arquillo, Acequia de la Almenara, La Badina, El Vadillo, La Barca, Bizcochea, Brazal de la Torre, Burdel, Dehesa de Lucas, Desguaz, Los Goyeros, Codarrasas, La Calera, Camino de Campablo, Carrera, Quiñones, La Corona, Las Costeras, Las Cuevas, Las Lagunas, Mediahuerta, Medio Cahiz, La Muga, Las Murallas, Noguera, Olbito, Hoyica, Partidero del Nogueral, Pontarrón, Pratidero de Aguillón, Royales, Sejoria, Sisallar, Socarrén, El Sotico, Soto del Marqués, Tamarigal”.

En primeras enfilan ta la Plaza Mayor de Barboles. Astí ye la Casa´l Lugar, a ilesia parroquial y un casalaz que debió estar “de los Marqueses”, u d´o Conte de Parzent y Contamina.

La coqueta plaza de Bárboles. La repolida plaza de Barboles

La coqueta plaza de Bárboles. La repolida plaza de Barboles

A ilesia de l´Asunzión de Nª Sª ye de metá d´o sieglo XVI y costruyida sopre os repuis d´a premetiba ilesia de ro sieglo XV, d´a que nomás endi remane que la torre campanal d´estilo mudéxar. Ista torre ye de zaguers d´o sieglo XV, prisenta emplandille cuadrau y estrutura d´alminar ispanomozleme; agún se´ndi alufran estrazios de zeramica en os suyos murs. L´edefizio estió quillato sopre planda retangular de nau unica de dos trampos. A capiella lateral ye de metá d´o sieglo XVII. Os aintros d´a ilesia son retangulars con nau de fin d´o XVI, de dos trampos y capitero cuadrau.

L´edefizio achunto á la ilesia, de ros sieglos XVII-XVIII, ha naya aragonesa con rafe, sobreportals, arcada-entrador, naya d´arquez y balconada de fusta.

A plaza ye sobrepolida y muito cusirada. En un de ros costaus se i troba l´arcada-entrador d´o castiello enta la carrera d´o mesmo nome. Ye un arco entradero de meyo punto, d´o sieglo XVIII, con escuto rezién de Barboles, en zeramica.

El arco del siglo XVII que da entrada a la calle del Castillo. L´arco d´o sieglo XVII entradero ta la carrera "del Castillo".

El arco del siglo XVII que da entrada a la calle del Castillo. L´arco d´o sieglo XVII entradero ta la carrera “del Castillo”.

Dende ra plaza marchan enta la casa famillar de José Luis Cervera, l´amiu y manimenos compañer de M. Pérez. Íste cunsida á José Luis como una presona asabelo importán en a suya bita. Güé no s´alcuentra pas en Barboles pero, lo menos como alcordanza, ferán un afoto de casa suya. Iste capetulo ye un omenax enta él y la suya familla.

La casa familiar en Bárboles del amigo José Luis Cervera. A casa famillar en Barboles de l´amiu José Luis Cervera

La casa familiar en Bárboles del amigo José Luis Cervera. A casa famillar en Barboles de l´amiu José Luis Cervera

Tresmudando enta custions estoricas, lo siñorío (marquesau) de Barboles estió estatueziu lo 1340 y constimeso por Barboles y Peramán.

Lo 1429 Ybrahi Abucach, moro de Barboles, s´afirma en basallax con o siñor de Barboles ta: “…abitar en aquel lugar durante el tiempo de mi vida…”.

Antonio Serrano Montalvo reculle en o libro “La población de Aragón según el fogaje de 1495” lo zenso d´Aragón feito casa por casa. Barboles i teneba 44 fuegos, en transcriben la rilazión nominal de toz els:

Mossen Pedro Ximenez de Embun, Señor del lugar. Alamín: Alii de Jofar. ”La casa del Castillo, Audalla Dechilla, Yuce Daranyon, Ybrahi el Gallego, Mahoma Bacat, Mahoma Gualit, Farax de Ferrali, Mahoma Dalborje, Alii Dalborge, Ybrahi Darzequa, Mahoma Çalema, Yuce Daranyon, Alii Gifar, Mahoma Morata, Yuce Samuel, El Alfaqui, Ylel de Lop, Alii Dalfaren, Audalla Nauarro, Alii de Yça, Yuce Muarte, Yuce el Nauarro, Mahoma de Gila, Mahoma de Vera, Alii Fresquet, Ybrahi el Fallaquo, Mahoma el Lancero, Alii el Lancero, Mahoma Cabayas, menor, Yuce Farax, Mahoma de Lop, Alii Alcortes, Yuce Nauarro, Alii Dalbarrazi, Mahoma Cabanyas, Ybrahi de Ca, Ybrahi Dalborge, Mahoma el Cantarero, El Vicario”.

Si cunsidamos que á cada fuego li pertocareban 5 presonas, Barboles tendreba lo 1495 cualques 220 abitadors.

Lo 1568 estieron alogaus Barboles, Oitura y Cascallo á lo mercader Miguel de Foncillas por 29.000 sueldos añals.

A poblazión de Barboles en 1609 yera de 43 fuegos. Lo 1646 de 30 fuegos, lo 1713 de 28 bizins, lo 1797 de 55 fuegos y lo 1857 de 430 abitadors.

Bárboles según Pascual Madoz en 1850. Barboles seguntes Pascual Madoz, lo 1850

Bárboles según Pascual Madoz en 1850. Barboles seguntes Pascual Madoz, lo 1850

De ro libro: “Bárboles en los siglos XVII y XVIII: una encrucijada en el Bajo Jalón”, de Pedro J. López Correas, entrequitan bels intresans espuntes estoricos:

Portada del libro de Pedro Correas de Bárboles. Portalada d´o libro de Pedro Correas de Barboles

Portada del libro de Pedro Correas de Bárboles. Portalada d´o libro de Pedro Correas de Barboles

“Los señores de Bárboles, del lugar de Oitura y de la “pardina” de Figueruelas, en el primer cuarto del siglo XVII, fueron Fernando Cerdán y Jerónima de Heredia. Tuvieron gran interés en repoblar Bárboles para que les trabajasen sus tierras desde la expulsión de los moriscos en 1610.

Uno de los privilegios era elegir alcalde; en 1613 nombraron a Jerónimo Asensio:

“Nos Jheronimo Asensio, alcaide del lugar de Barboles, por los muy ilustres señores don Fernando Cerdan y Doña Jheronima de Heredia…”.

En a segunda cuartalada de ro sieglo XVII lo siñorío de Barboles yera espleitau por Juan Ximénez Cerdán y Embún, Beatriz Sanz de Armora y María Sanz de Armora.

As parzelas logaderas de ros Siñors las cullen, más que más, parellas de casaus. En amuestran bels exemplos d´una d´elas, os López-Berges:

“A mitad de 1643: Martín López –labrador- y María Berges, esposos y vecinos de Bárboles, reconocen tener en préstamo de la casa de Bárboles, la cantidad de 32 cahices y 4 hanegas de trigo; 3 cahices de cebada; y 2 cahices de avena”.

Contrimuestra d´a zircunduzión d´una deuta, lo 1642:

“Una deuda de 24 cahices, 6 hanegas y 6 almudes de trigo; 5 cahices de cebada; y 2 cahices de avena, que Martín López y María Berges, esposos, vecinos de Bárboles, habían contraído con la Casa de Bárboles”.

A partir de setiambre de 1644 “la Casa de Bárboles otorga haber recibido de Martín López y María Berges, esposos, vecinos de Bárboles, la cantidad de 17 cahices de trigo, 3 cahices de cebada; y 2 cahices de avena.

8 cahices de trigo; 3 cahices de cebada; y 2 cahices de avena = por la simiente de 1643, y los otros 9 cahices de trigo = en parte de pago de una deuda mayor, contraída en 1643”.

Precioso rincón de Bárboles. Sobrepolida rinconada de Barboles

Precioso rincón de Bárboles. Sobrepolida rinconada de Barboles

De 1630 ta 1680 estioron numbrosos os mayordomes d´a conflairía de Nª Sª del Rosario, un d´els, Juan Berges, en será en os años 1666 y 1671.

A promananzia de 170 casorios (340 presonas) que s´acomodoron en a ilesia de Barboles dende 1616 dica 1799 yera de muitos lucars, bizins u de luen. De Barboles, 229 omes y 333 mullers, pero ne b´eba d´autros: de Bardallur, 8 omes y 13 mullers; de Franzia, 8 mes y 1 muller; y de Trasobars, 1 ome y 1 muller.

En as primeras decadas d´o sieglo XVIII, Barboles aparix asiñoriau por os marqueses Alonso Fernández de Heredia y María Martina de Castejón y Ciria.

Lo 1654, seguntes as aztas de besita de l´Arzebispe, en Barboles dentran os animals ta lo fosal y, lo 1660, las bolandrinas ta la ilesia.

Lo 1731 José Duarte, alcalde, Simón Fonz y Nicolás Berges, rechidors d´o lugar de Barboles, nombran como precurador d´o Conzello á Juan Arbex.

Lo 1754 l´almenistrador d´o marqués Diego Fernández de Heredia, aloga á José Berges, bizín de Barboles, os erenzios de tiarras, casa, pallar y bodega que lo suyo pai, José Berges en teneba en o lugar de Barboles.

Lo 1759 s´efetuó l´alberazión foral d´o testamén d´o bizín de Barboles José Arbex debán d´as puartas d´a ilesia:

“José Arbex estando muy enfermo y en posesión de todas sus facultades mentales realizó su testamento, el cual entregó al vicario Francisco Les por no haber en Bárboles notario real, en presencia de Domingo Vázquez y Félix Duarte.”

En un pueblo de Aragón la adveración de testamento ante párroco, delante de la iglesia. En un lugar d’Aragón l’alberazión de testamén ante mosen, debán d’a ilesia

En un pueblo de Aragón la adveración de testamento ante párroco, delante de la iglesia. En un lugar d’Aragón l’alberazión de testamén ante mosen, debán d’a ilesia

Ta que tó enantase acordis con lo estatueziu en os Fuers d´Aragón, se i fazió la incuesta establida á ixa fin.

O cabo dezeno d´o testamén iziba asinas: “Deja como heredera de todos sus bienes a su mujer María Berges, para que pueda disfrutar de ellos mientras viva. Y cuando ella muera, deja como heredero universal de todos sus bienes a su hijo mayor Agustín Arbex, siempre que acepte el presente testamento”.

A logadura d´a panadería aparix como un prebilexio más de ros siñors de Barboles. Lo 1769, “José Royan, administrador general de María Joaquina Fernández de Heredia, viuda de Antonio Lanuza y de Boxadors, condesa de Plasencia y marquesa de Bárboles, arrienda a José Lamuela y José Berges, labradores y vecinos de Bárboles, el horno de cocer pan y la panadería de Bárboles”.

En cadaguna de ras tres añadas d´a logadura os panaders podrán tallar leña y tamarizes ta lo forno d´a panadería en o termino d´Aguillo, chunto l´arriu Xalón.

Ista mesma Siñora, Mª Juaquina Fernández de Heredia, merca lo 1772 una casa en Barboles que confruenta con a carnezería y con casa d´os ereders de Gregorio Berges, por 160 libras chaquesas.

Dimpués de besitar Barboles marchan ta Bardallur, que ye á 4 kms.

Bardallur (toponimo de sustrato prerromán, rilazionato con o bascón UR “augua”, traduzible como “arriu d´o molín”) ye una localidá d´a probinzia Zirigoza y d´a comarca Baldexalón. Situgada á 44 kms. de Zirigoza capetal, á 276 mts. d´altaria y con 328 abitadors. A primer menzión ye de 1137, con o nome de Bardalur .

 

D´a mentata replega de (IDEAragón) en eslixen bels toponimos referens á Bardallur:

“Alberquilla, Algaba, El Almicén, Almodaina, Alfondiga, Barranco del Val de Campablo, Arroyo del Pilatón, Vadillo, Bayos, Boquerones, La Dehesica, El Esperadero, Garretas, La Coscolleta, Camino de Cantavieja, Camino de la Carrasca, Camino de los Ontinares, Campo del Ojo, Caseta de Francho, Caseta de Pascualico, Caseta de Roza de Solares, Castillo de Turbena, El Castilluelo, Los Clerigos, Condesa, Cuarto Medio, Las Panchias, Royo de la Val, Sementel, Cenaque, Los Cerados, El Sotico, Tablaza, Turbena, Chopar”.

A localidá de Bardallur ha de mote “el pueblo de la Zorra”, como aparix en istos ditos:

“En Bardallur está la zorra,

en Bárboles quien la mate,

en Pleitas quien se la coma

y en Oitura rabian de hambre”.

En iste intresán blog de Bardallur: http://turbena.blogspot.com/p/la-fabla-de-bardallur.html, bi ye incluso un amplo bocabulario y esprisions corriens en Bardallur, tó replegau por Pablo Medrano Lázaro y publicato en o libro “La Fabla de Bardallur”(o lesico corrién de ros bizins de Bardallur) lo 1997. Sobrixién triballo d´o qu´entrequitan bels bocables aragoneses, mazadas y ditos:

“Acotolar, Betello, Capuzar, Chemecar, Dorondón, Esmochar, Fagüeño, Gayata, Inte, Joriar, Lamín, Mallacán, Nublo, Ñudo, Orache, Picaraza, Querar, Reblar, Sarguentana, Tastar, Usillo y Zardacho”.

“Quedarse escachau, Llevar gayatazos, Llover carruchos”.

“Amanecieron templando, como los de Lumpiaque”.

“Si sale con barba, San Antón y si no, la Purísima Concepción”.

Casa-cueva de Bardallur. Casa-espelunga de Bardallur

Casa-cueva de Bardallur. Casa-espelunga de Bardallur

Os primers estrazios umans conoxitos d´o termino de Bardallur son d´a Edá de Bronz, en os chazimiens de Campablo.

En a puenda islamica la comarca yera anomenata “Salun” (Xalón) y culliba dende Ricla dica Cabañas d´Ebro.

En a puenda crestiana ra poblazión ye destruita, refeita y repoblata.

Lo 1227 lo rai Chaime I d´Aragón escambeyó Bardallur á D. Pietro de Luna, d´os Espitalaires de San Chuan de Cherusalén. Dimpués la entregó á D. Pietro Jordán de la Peña y estió fortificata por orden de Chaime I lo Conqueridor.

En o sieglo XIV Bardallur pasa t´Artal d´Orta, siñor d´Epila.

Lo 1409 Bardallur pasa á pertenexer á María de Luna y lo 1431 ye bendiu á Ferrer de Lanuza.

Respetibe á lo debanmentau zenso replegau por Antonio Serrano Montalvo en o libro “La población de Aragón según el fogaje de 1495”, en trascriben la rilazión nominal d´os 35 fuegos que teneba Bardallur por ixas engüeltas:

Alamín: Mahoma el Fallaquo. Jurado: Yuçe Taraçona, Alii Moferriz. “La Casa de Mahoma Nauarro, Alii de Trigo, Yuce el Cahen, Yuce Azeyt, Alii el Heni, El Alamin, Alii Mufferriz, Alii Dalbarrazin, La Viuda de Manran, pobre, Mahoma Matabuey, Yuce el Cuenti, Mahoma de Fallaquo, Mahoma Culeyma, Mahoma Elguien, Hamet Elguien, Alii Cabanyas, Ybrahi Leui, Mahoma Pinillo, El Alfaqui, Yuce Taraçona, Muca Çançala, El Danyon, Hamet de Joha, Xenci el Matabuey, Yuce de Trigo, Mahoma Paterna, pobre, Alii Paterno, pobre, Ybrahi Abengalia, Yuce el Heni, Mucot de Faralbien, Mahoma Nauarro, pobre, Mahoma Bengalin, El Molinero, El Castillo, El Alfaqui Villel”.

Si cunsidamos que á cada fuego li pertocareban cualques 5 presonas, Bardallur tendreba lo 1495 bels 175 abitadors.

Zinco Chustizias d´Aragón -Chuan de Lanuza- de 1478 ta 1591 estieron siñors de Plasenzia y Bardallur. Á empezallos d´o sieglo XVII, y dimpués de tallá-li ra capeza á un d´els -D. Chuan de Lanuza “lo Mozo”- en 1591, as posesions qu´íste en teneba en Bardallur y Plasenzia estieron agleradas por orden d´o rai Zelipe II, continando más adebán en propiedá de ros Lanuza, pos en 1616 lo Conte de Plasenzia y Siñor de Bardallur yera Pedro de la Nuça.

Lo 1610, año d´a forachitanzia de ros moriagos, Bardallur teneba 112 fuegos; d´els, 109 en yeran de moriagos. En tot, 544 presonas en i estieron esterradas y o lugar quedó prauticamén buedo. Zaga la repoblazión Bardallur alcanzará os 34 fuegos en 1650.

Seguntes as Aztas de besita de l´Arzebispe en Bardallur, lo 1614, la torre ye en periglo de cayé-se; o lucar muito amenistau y as suyas chens, muito probes.

D´o mentau libro “Bárboles en los siglos XVII y XVIII…” de Pedro J. López Correas, en trigan bels datos chocans e intresans sopre Bardallur:

Lo 1719, en a partida de Castilluelo -termino d´a billa d´Urreya de Xalón- s´achuntón as siguiens presonalidaz ta i recullir un ampre de 140 libras chaquesas de José Felices, bizín d´Epila:

“Juan Jaravo, alcalde, y Juan Correas, regidor, de la villa de Urrea de Jalón, Pedro Bustrán, alcalde, y José Escuer, regidor, de la villa de Plasencia. Juan Santuchos, alcalde, y Domingo Samitiel, regidor, del lugar de Bardallur y José Berges y José Duarte, regidores del lugar de Bárboles”.

Lo 1741 se´n aplegan dos d´istos conzellos por tal d´alogar un zirxuano:

“Gaspar González, alcalde, José Marren y Matías Arbex, regidores, y Calisto Escuer, síndico procurador, de la villa de Plasencia; Lorenzo Trigo, alcalde, Domingo Samitiel, Antonio Trigo y Francisco Samitiel, regidores, y Pedro Crespo, síndico procurador, del lugar de Bardallur.

La Hermandad de Plasencia y Bardallur contratan como cirujano a Francisco Casanoba, “maestro cirujano”, residente en Bardallur, por un tiempo de 3 años y por un precio anual de 25 cahices de trigo (12 cahices y 4 hanegas de trigo cada corporación), en tres pagas para el día de San Miguel de cada año”.

A “Hermandad” constimesa por Plasenzia y Bardallur s´esturrufiará lo 1765. Allora solamén Bardallur alogará ditos serbizios, menando-ie dos fainas de bez: zruxano y escribano.

En a Casa´l Lugar de Bardallur, lo 31 d´abiento de 1765 se´n aplegarán ta la logadura:

Francisco Samitiel, alcalde, Juan Dito e Ignacio Medrano, regidores, y Braulio Trigo, síndico procurador, del lugar de Bardallur.

Contratan como cirujano de Bardallur a Francisco Alcal, “maestro cirujano”, residente en Bardallur, por un tiempo de 3 años y por un precio anual de 17 cahices y 6 hanegas de trigo, en tres pagas para el día de San Miguel de cada año”.

Lo 1850, lo pulitico español Pascual Madoz en o suyo “Diccionario geográfico-estadístico-histórico de España” i rezenta bels datos intresantismos sopre Bardallur: chiograficos, economicos, d´o terreno, detalles d´auguas minerals y de clima que, por ziarto, ye sanismo.

Bardallur seguntes Pascual Madoz, lo 1850

Bardallur seguntes Pascual Madoz, lo 1850

D´aquí ye la familla mairal de l´amiu José Luis Cervera. Iste amiu l´aconselló á M. Pérez que no dixase de besitar en Bardallur lo bico de bibiandas de “Las Cuevas”, asinas qu´enfilan enta par d´astí.

As bibiandas i son escabonatas en un mon alchezero que, en contauto con l´aire, esdebiene rochal. En rechiran no más que por difuera, pero lis ie risulta trucadizo. Como lis diz un bizín d´una d´istas bibiandas: “en invierno se está caliente y en verano fresco”.

Bibianda en Las Cuevas de Bardallur

Bibianda en Las Cuevas de Bardallur

En os aintros b´ha un espaz zentral de ro qu´en naxen ta dreita y cucha ras cambras más importans: cozina y dormitorio, as dos con finiestra. Ta lo fundo, sin de luz natural, autras cambras secundarias.

Bardallur ye atrapaziau á l´arreyo d´una carrera paralela ta lo mon do i son as espelungas, asinas que dende lo bico de Las Cuevas alufran á los suyos piez a poblazión de Bardallur con sobrixiens ambiestas, os tellaus d´o casalar, a ilesia y ta lo fundo, la ribera d´o Xalón.

Ambiesta de Barboles dend´os arredols de Las Cuevas de Bardallur

Ambiesta de Barboles dend´os arredols de Las Cuevas de Bardallur

A ilesia de Nª Sª de los Angeles, d´o sieglo XVIII, ye d´estilo barroco y nomás ha que una nau. En os aintros risalta lo retaulo gotico policromau de San Bertolomé, que pertenexeba  á l´armita de Turbena. En as proxemedaz se i troban os repuis d´o castiello de Turbena, conoxitos como “El Santo”, un antigo poblau meyebal gubernau de 1134 ta 1156 por o nople Ruy Pérez (de los Ximénez de Urrea). En o mesmo mon bi ye l´armita romanica de San Bertolomé, d´o sieglo XII y retraziada lo XVIII.

Lis ha cuacau la besita á Bardallur, son estatas intresans as bibiandas en espelungas y espezialmén embelecador por estar o lucar mairal de l´amiu José Luis.

A zaguera besita d´a chornada será Urreya de Xalón, á 3 kms.

Anuncios