8. Fuenferrada

Iz que diz qu´han dito que l´arriu Martín “escomenzipia” en Bibel, u que no pas, que si lo fa en Martín…. Atros gosan considerar que lo Martín tien 4 naxeders: 2 en Bibel y 2 en Martín. Ixo sin contar arrigachuelos, galochos y barranquizos. Os Zerris ban comentando istas cosicas a lo que plegan en Bibel d´o Río, que ye do s´achuntan os arrius Bibel y Segura con o Fuenferrada; y mesmamén enta Fuenferrada qu´enfilan, dixando lo tema de l´arriu Martín ta una esdebenidera “zerrigüeltada monografica” qu´han calitrau adedicá-li.

Asinas que dende Bibel prenen la N-211, endrezatos enta Puerto Mínguez, pero antis de plegá-ie se´n esbarran ent´a dreita y en atros 2 kms. ya son plegatos ta Fuenferrada.

Características del agua de Fuenferrada. Carauteristicas de l’augua d’a Fuen Ferrada

Alparcan y marchan en dreitura ta la fuen d´o lucar, de ra que -ya de lueñes- alufran la suya orichinal morfolochía (lo charaiz u abrebador arredolía la cheta d´a fuen)

El grifo de la fuente de Fuenferrada. A cheta d’a Fuen… Ferrada

y qu´efeutibamén fa onor a lo nome d´a localidá, pos bi ye ferrada con caramullo tanto en l´abrebador como en a fuen y ro suyo pilón zentral, coronato por repolida forcha ornamental en a que ye endicata ra calendata de feitura: 1.924.