4.2. Monesterio de Santa Fe (Edá Muderna)

Muito más importans serán os cambeyos esdebenitos en Santa Fe, Cuart y Cadret lo 1.610, de risultas d´o forachite d´os moriagos d´a Peninsula; allora istos lucars -como muitos atros de ras zonas reconqueritas- quedan prauticamén espoblatos y lo monesterio amenistará nuabos pobladors que continen con as fainas agricolas cheneraderas d´as rendas que ro sustienen. L´enanto d´ista repoblazión cuallará en 1.616, con as escrituras, capetulazions y cartas de poblazión “pactadas y concordadas” entre lo monesterio y os nuabos bizins de ros dos lucars, en as que se reproduz l´esquema feudal meyebal con a entrega de casas y tiarras a ros nuabos abitadors “a treudo enfiteutico perpetuo” (u seiga: peitas añals ta perén); Santa Fe se reserbará lo dreito d´eslezión d´o Chustizia y Conzello de cada lucar, a churisdizión zebil y creminal , ra capazidá de creyazión e imposanzia d´atras peitas, nuabas u tradizionals (“diezmos”, “primizias”, “zena”….) y a propiedá y esclusibidá de ros monopolios de manifeituras rurals (molins d´olio y farina, forno de pan, mesón, ferrería….) qu´alogaba a sengulars u a lo Conzello de cada lucar.

A esboluzión d´istas rilazions feudals entre o siñorío de Santa Fe y os bizins de Cuarte y Cadrete en os sieglos XVII y XVIII ye estata almirablemén estudiata y descrita por Angela Atienza López (se beiga ra Bibliografía); en seyendo espezialmén remarcables as tensions esdebenitas en o sieglo XVIII entre lo monesterio, d´un costau, y ro lucar de Cadret y os poderosos tiarrateniens zirigozanos -enfrontinatos a l´angluzia recautadera de ros monches- de l´atro, con risultas bian diferiens en os consiguiens senglos pleitos bi emplantillatos: entre que os enfiteutas de Cadret perdeban lo suyo, biyendo reforzato ro suyo basallax y dependenzia de Santa Fe, os enfiteutas urbans -pertenexiens a ra elite pulitica y economica zirigozana- en surtiban bitoriosos, secutindo-sen prauticamén l´apoquiñe de cuasi totas as peitas que reclamaban os monches. Tan y mientres, Cuart en eba remaniu a la marguin d´ista chudizializazión: en estar allora una poblazión más chicorrona que Cadret, posiblemén no eban tenito fuarzas ni animos ta enfrontinar-sen a la presión fiscal siñorial.

Iglesia del Monasterio de Santa Fe. Ilesia d'o Monesterio de Santa Fe

Lo pogreso economico, fruito d´o recauto d´istas peitas y rendas siñorials, apremite la feitura d´un nuabo edifizio que se desembolicará en as zagueras decadas d´o sieglo XVIII. Por aquelas engüeltas Jordán de Asso escrebiba en a suya “Historia dela Economía Política de Aragón” (1.798):

“En Quarte y Cadrete, que son los últimos lugares de la Huerva, la cosecha mas considerable es la del aceite, que no baxa de 16 mil arrobas. Las ubas de colgar, y las duraznillas, que se crían en ellos, son mui afamadas por su delicadeza”.

Lo profesor Antonio Beltrán iziba en “De nuestras tierras y nuestras gentes” (1.972):

“La agricultura de Cadrete se configuró como hoy la conocemos por obra de la colonización de los monjes de Santa Fe y de sus vasallos moriscos; el olivo y la vid fueron sus principales objetivos y el regar las tierras casi el fin de todas sus actividades. Así nacieron la acequia del Molinar y el azud de los Frailes o de los Moros…. tantas inquietudes y trabajos tenían como contrapeso la intensa presión que los de Cadrete sufrían de los señores; Jordán de Asso, en el siglo XVIII, hablaba de los gravámenes que soportaban y los calificaba de infelicísimos…. El señorío de los frailes se ejercía sobre los habitantes de Cadrete y Cuarte obligándoles a pagar cada uno un quiñón de trigo por cada cahíz de tierra y de cuarenta a sesenta reales por casa, uno y otros anuales; nombraban además los alcaldes  y el Ayuntamiento, hasta 1.808; tenían además dos coches para el abad, con tres pares de mulas para el tiro y otro con silla, para ir y venir a Zaragoza o a donde les convenía. En 1.808 comenzaron las desventuras del monasterio; la caballería francesa saqueó a los frailes, matando al abad, al cillero y a otros más, a pesar de que les abrieron las puertas. Volvieron los frailes en 1.814 y comenzaron a reparar el abandono y los daños de la guerra; pero en 1.820 se vendieron las tierras en su mayor parte, como bienes nacionales, aunque se devolvieron a los monjes en 1.823, siendo nuevamente despojados en 1.835 al suprimirse las órdenes monacales. La desamortización supuso el principio de la ruina del edificio, que aún se conserva en pie, desafiando el abandono, las grietas y los embates del tiempo….”

En 1.998 Miguel Caballú Albiac escrebiba sopre Santa Fe:

“Del monasterio de “Bernardos” construido en el siglo XVIII sobre el primitivo, los franceses en la guerra de la Independencia con sus balas y, desde entonces, los aragoneses y las aragonesas con su indiferencia, no han dejado más que ruinas vergonzantes…. Ahora ocho familias viven en el interior del recinto amurallado que acaba de cumplir doscientos años, mire Vd. que ocasión para hacer algo.

 

Todo, incluso la gran iglesia, es de propiedad particular. Hasta hace treinta años aún se celebraba misa en la capilla de la Sacristía. Ahora sólo se celebra cada día el casi milagro de que no se caiga la “torre menuda” o se hunda la “torre gorda” como las llama la Sra. Rosa que vive enfrente…. Me dicen que en la cúpula se pusieron un par de millones inteligentemente empleados por el arquitecto Angel Peropadre en detener una ruina galopante…. Es frontera entre Zaragoza, Cuarte y Cadrete…. Lo cuento para excitar la visita al Monasterio, a ver si excitamos el celo de quien corresponda (Aragón todo), y se pone algún remedio a este desastre….”.

 

Torre e iglesia del Monasterio de Santa Fe. Torre e ilesia d'o Monesterio de Santa Fe

Y 10 añatas dimpuesas, lo 2.008, torna ta la mesma canta en dizindo:

“A pesar de haber comido bien en el restaurante La Muralla, me marcho cabreado de ver que lo histórico-artístico está igual que hace diez años. Sólo progresa lo histérico-urbanístico…. Ahora se celebra el bicentenario de Los Sitios. Pues este es un sitio pero que muy singular, que habrá que esconder de los visitantes de la EXPO….”. Tamién diz qu´en 2.008 encá biben aintro d´o rezingle “doce zaragozanos” (o Monesterio ye termino de Zirigoza y apertenex a lo suyo bico de Casablanca, pero de murallas ta difuera ye termino de Cuarte enta lo Norte y de Cadrete enta lo Sur).

Respetibe a ros dos lucars, izir qu´han corrito millor suarde que lo suyo antigo “siñor”: benefiziatos por a proxemedá d´a capetal, dende ra decada de ros 70 de ro pasato sieglo no ha dixato de crexer lur poblazión -de risultas d´a espeitacular plantificanzia d´endustrias e interpresas, a l´arreyo de ra marguin d´a carretera Balenzia, y a construzión d´urbanizazions de segundas residenzias ta ras chens d´a capetal-. Autualmén Cuart dela Güerbatien más de 9.000 abitadors y, antimás d´o lucar, os nuclios poblatos d´o “Parador del Ciclista”, “Urbanización Amelia” y “Urbanización Santa Fe”. Cadret cuasi plega ta ros 3.000 abitadors y amás d´o lucar bi son as urbanizazions: “Las Colinas”, “Murallas de Santa Fe”, “El Sisallete” (“El Sisalled” en os decumens d´os sieglos XVII-XVIII) y “Los Olivares”.

Os Zerrigüeltaires dentran ta lo rezingle por a portalera d´a muralla y -entre que comentan beluns de ros temas debanesposatos- ban alufrando lo grandaz monesterio. Paran cuenta de que n´a cocoroza d´a torre b´ha un niedo de zicuañas, güellan por as fendriallas d´una puarta enta ros desentos aintros d´a construzión y, dimpués de fer-li bel par d´afotos, se´n tornan ta l´auto. Antis de marchar, encá li fan un zaguer afoto a la trucadiza portalada d´a muralla.

Anuncios