3. Ritorno enta Zirigoza (Xaulín – Botorrita – Mariya de la Güerba)

Iste primer diya ban a tornar a fer nuei en Zirigoza. O ritorno lo fan por a Bal de la Güerbapasando en primeras por Xaulín, do aturan un momén t´afotiar a Estanca d´o lugar, que antis yera un fumaral de ra poblazión y agora ye un parque acuatico muito amenau por as aus que ro pueblan, grazias a l´acotrazio feito por a chen d´o lucar y que lis merexió lo “Premio Nacional de Medio Ambiente” (1.984) y o premio “Medio Ambiente de Aragón” (2.007).

La Estanca de Jaulín. A Estanca d'o Lugar

Continan biache y en pasar por Botorrita se´n esbarran ta lo chazimién zeltibero de Contrebia Belaisca,

Mapa celtiberia en el que está incluido Contrebia Belaisca. Mapa d'a Zeltibera en o que ye encluyiu Contrebia Belaisca

a bels zentenals de mts. d´a poblazión solamén pero,curiosamén, situgato ya en o termino de Mariya dela Güerba.

Yacimiento de Contrebia Belaisca. Chazimién de Contrebia Belaisca

Iste chazimién ye muito importán ta lo conoximién d´a estoria de ros zeltibers, más que más por o trobo de bels “bronzes” con testos en luengas prerromanas d´a Bal de l´Ebro, en alfabeto iberico nordoriental, y en latín, qu´han furnito remarcables datos filolochicos y estoricos sopre os pueblos zeltibers a ros estudiosos. Espezialmén importán ye o clamato “Bronze II de Botorrita”, que reculle lo pleito churidico más antigo decumentato en a Peninsula Iberica, y en o que lo senato de Contrebia Belaisca albitria y retalinia la desputa sopre dreitos de canalizazión d´auguas entre as zidaz de Salduie (Zirigoza), Alaun (Alagón) y Sosinesta (situgazión esconoxita).

Bronce encontrado en Botorrita, el texto más largo hallado en escritura ibérica. Bronze trobato en Botorrita, o testo más luengo

Os Zerris fan un afoto de conchunto de ro chazimién y continan biache.

 

Plegan en Mariya de la Güerba (de l´arabe HISN AL-MARIYA: tor de guaita, atalaya), localidá de cuasi 4.500 abitadors a bels 15 kms. de Zirigoza capetal; enfilan en dreitura ta lo Castiello y Lucar Biello de Mariya, Bien d´Intrés Cultural, cruziando ta la marguin dreita dela Güerba y dixando l´auto a la guambra d´una barella, ta lo norte d´o coronal do remanen os estrazios y repuis arquiteutonicos de ditas construzions.

 

Restos del castillo de María de Huerva. Estrazios d'o castiello de Mariya de la Güerba

Mariya estió un puesto importán ta la conquiesta de Zirigoza por as tropas d´Alifonso I lo Barallador, pos os refuerzes nimbiatos por Cordoba t´aduyar a Saraqusta cuentra las tropas aragonesas, nabarras y biarnesas que l´asitiaban, achuntatos en Mariya, se´n fuyoron sin de planteyar baralla a ros crestians -debito a ra esclatera superioridá lumerica d´istos- dixando ra capetal de l´Ebro a merzé de ros cruzatos d´o “Deus li vol”.

 

Lo rai Alifonso I l´atorga Carta Puebla lo 1.124, con tot y con ixo la poblazión continará estando mayoritariamén moriaga durán zinco sieglos, dica lo forachite d´istos a primers d´o sieglo XVII, cuan arredol de 200 familias moriagas de Mariya estioron forachitatas y albandonoron lo payís por o Somport, estando lo suyo nuabo destín -paix estar- Túnez. Dimpués de pasar por muitas tenenzias y posesions feudals,la Onorde Mariya pasa lo 1.428  ta lo linache de ros Fernández d´Eredia -qui más adebán seyerán Contes de Fuens- a ros que continará pertenexendo lo Siñorío de Mariya dica ra fin de l´Antigo Riedo.

 

M. Martín bajo los restos del castillo de María de Huerva. M. Martín baxo os estrazios d'o castiello de Mariya de la Güerba

L´autual Mariya ye situgau en a marguin cucha dela Güerba; se trata d´una refundazión d´a localidá por crestians “biellos”, de risultas d´o forachite d´os moriagos lo 1.610; o nuabo lucar ye diseñato por un arquiteito d´o Conte de Fuens, plantificato a lo canto d´o Camín Reyal ta Madrí, costruyito con trazas barrocas y anomenato “Maríala Nueva”.

 

De la puenda contemporania lo más remarcable n´ista localidá yela Batallade María, escaizita lo 15 de chunio de 1.809 entre l´exerzito napolionico de Suchet y l´español d´Aragón y Lebán, de risultas empardatas pero con perdugas muito más grans por o costau español, que suposoron  a imposibilidá de continar a ofensiba reconqueridera de Zirigoza yla Balde l´Ebro, que continoron en mans de ros franchuz dica lo 1.813. Lo 2.009 se zilebró en Mariya dela Güerbalo 200 cabodaño d´iste enfrontinamién, con importans chornadas de recreyazions y zilebrazions estoricas.

Cartel de la celebración de la Batalla de Maria de Huerva. Retulo d'a zilebrazión d'a Baralla de Mariya de la Güerba

Enguán, en chunio de lo 2.010, s´ha zilebrato lo 400 cabodaño d´o forachite de ros moriagos de Mariya, con intresantismas chornadas de remeranza y recreyazions estoricas.

 

Cartel de la conmemoración de la expulsión de los moriscos en María de Huerva. Retulo de l'alcordanza d'a forachite d'os moriagos

Os Zerris puyan a costera norte d´o coronal de ro Castiello, enfilando dreitos enta la Torde Guaita; entre que la ban afotiando, M. Martín li comenta a lo suyo tocayo as escorsas que i feba de zagal con os “escaus” (scouts) os cabos de semanata, cuan yiban a ormino ta Cuarte, Mariya, Mezalocha… y, mesmo una begata enta Fuendetozos y Azuara, -perén petenando- y que istas “andadas” lis parixeban lo más normal d´o mundo: “chobentú, debino tresoro”….

 

M. Martín en un subterrráneo del castillo de María de Huerva. M. Martín en un soterraño d'o castiello de Mariya de la Güerba

Ya en l´Atalaya, dondían por  l´arredol  y  os suyos aintros, dentrando-ie -con apuros- por bels sotarraños que comunican diferiens posientos y zonas d´a construzión. As ambiestas dend´aquí de ra Bega de Mariya y Bal dela Güerba, por un costato, y d´a resequida Bal y Plana de Mariya por l´atro, son impresionans e sinxuplidables.

M. Martín, al fondo el pueblo de María de Huerva. M. Martín, enta lo fundo o lugar de Mariya de la Güerba

Se´n i requedan bels menutez más a l´aguait y tornan a baxar enta l´auto, pos encá lis ne queda  bel par de cosicas que biyer indo ta Zirigoza.

Anuncios