27. AGUARÓN

Billa d´o Cambo Cariñena con más de 800 abitadors, á 650 mts. d´altaria y  á 50 kms. de Zirigoza. Con 1.300 eztarias de biñaus d´a D.O. “Cariñena” en o termino monezipal.

Ye pro conoxito iste dito:  “Los de Aguarón aparentan, pero no son”.

Ista xotica la replegó mosén Rafel Andolz (en “Más Humor Aragonés”): “Para ser buen figonero/ hay que correr la vendema/ hay que entrar por Aguarón/ y salir por Cariñena”.

Entre as tradizions conserbatas son remarcables a fiasta de “los Quintos”, ta San Blas, y la gran afizión á la Barra Aragonesa en a localidá.

Aguarón estió chusmesa á la churisdizión de l´Abatesa d´o Monesterio de monchas bernatas de Trasobars, qui mantenioron a suya soberanía plenera dende lo sieglo XII dica empezallos d´o sieglo XIX, con a zircunduzión d´os siñoríos, anque lo talle total d´as rilazions feudals suyas con Aguarón no arribó qu´en lo 1835, cuan fueron zircundutas as Ordens relichiosas en tó lo payís  y lurs biens emparaus por l´Estato.

07 Torres y cúpula de la iglesia de Aguarón. Torres y cupula d´a ilesia d´Aguarón

07 Torres y cúpula de la iglesia de Aguarón. Torres y cupula d´a ilesia d´Aguarón

As fillas d´as prenzipals y más fortals famillas d´o Raino d´Aragón i dentraban como nobalizias, y desiguida lo combén zistelziense de Trasobars ye adotau por os rais con rendas muito siñaleras, entre as que se trobaban os terminos y lugars d´Aguarón, Trasobars y Tagüenca.

Lo  1357, mientres l´anomenata Guerra de los Peiros, son destruitos Trasobars e Calzena, qu´estieron esbaganalaus. L´alcaide de Tierga disposó que os bizins de Trasobars y Calzena estasen acullius en Tierga, entre que as relichiosas d´o monesterio de Trasobars s´acubilleron en o castiello d´Aguarón.

Lo 1398 lo rai Martín I atorgó la churisdizión y autros dreitos sopre Aguarón á l´abatesa.

A l´empieze d´o sieglo XV tanto Aguarón como Trasobars e Tagüenca estieron tocaus por os rebolizios escaizius en Aragón con a enchaquia d´a suzesión de Martín l´Umán. As monchas d´o Monesterio en estieron forachitatas por o Papa Benedí XIII -papa Luna-, lo cual que torneron á fer casamuda ta lo castiello d´Aguarón.  

Lo nuebo Papa Martín V lis atorgó lo suyo perdón y a facultá de tornar á residir en Trasobars lo 1419.

A partir de 1835 la billa d´Aguarón dixó d´apocar os diezmos y demás dreitos siñorials á las monchas d´o monesterio de Trasobars, qui dic´allora eban poseyiu as millors bodegas d´a localidá.

Dica lo sieglo XVIII la billa d´Aguarón estió un lugar rilatibamén chicorrón, pero d´allora enta debán empezipió á pogresar. Ganó en poblazión y riqueza, que la suya fuen prenzipal ye l´espleit d´os suyos ricos biñals, cautibaus dende fa sieglos por os bizins  con tal ficazio y afaño qu´en son asabelo sonatos como de ros millors de lo Cambo Cariñena.

De lo Castiello d´Aguarón -dispaixito autualmén- nomás en remane que l´alcordanza en os blasons de l´Escuto d´a localidá, do se i mantiene la T de Trasobares, localidá d´a que promana tota la familla mairal d´o zerrigüeltaire Migalánchel Pérez.

01 Escudo de Aguarón con las dos T que podrían aludir al Monasterio de Trasobares. Escuto d´Aguarón con as dos T que se´n poderban referir á lo monesterio de Trasobars

01 Escudo de Aguarón con las dos T que podrían aludir al Monasterio de Trasobares. Escuto d´Aguarón con as dos T que se´n poderban referir á lo monesterio de Trasobars

Respetibe á la rilazión Trasobars–Aguarón, y seguntes la fuen: www.mortsdanslescamps.com  (d´a pachina d´o Ligallo d´Aguarón de Ch.A.: aguaron.org)- informan d´una de tantas feitas tristas  escaizidas en o sieglo XX, en a que dos bizins d´Aguarón s´amortoron en o cambo de conzentrazión de Gusen (Austria) durán o riedo nazi. Un d´els, Juan Meléndez Marcos, morió lo 11 de setiambre de 1941 á las 40 añadas; l´autro fenexió astí tamién lo 1941, á las 35 añadas d´edá; se clamaba Ambrosio Trasovares Gómez.

Os Zerris ban con as miras de besitar a “Casa del Gaitero”, museyo d´estrumentos de mosica popular, pero ye zarrato á istas oras. S´apuntan os telefonos que bi ha en o retulo d´a puarta, por si alcaso, y marchan á fer una zerrigüeltadica por o lugar. Afotían la frontera y o lateral d´a ilesia barroca de San Miguel Arcángel, rematada lo 1.770,

Fachada de la iglesia de San Miguel Arcángel de Aguarón. Frontera d´a ilesia de San Miguel Arcángel d´Aguarón

Fachada de la iglesia de San Miguel Arcángel de Aguarón. Frontera d´a ilesia de San Miguel Arcángel d´Aguarón

Lateral de la iglesia de Aguarón. Lateral d´a ilesia d´Aguarón

Lateral de la iglesia de Aguarón. Lateral d´a ilesia d´Aguarón

y en os aintros lo retaulo de l´altar mayor

04 Retablo y altar mayor de la iglesia barroca de San Miguel Arcángel de Aguarón. Retaulo y altar mayor d´a ilesia barroca de San Migal d´Aguarón

Retablo y altar mayor de la iglesia barroca de San Miguel Arcángel de Aguarón. Retaulo y altar mayor d´a ilesia barroca de San Migal d´Aguarón

y un mañifico güergano.

03 Órgano de la iglesia barroca de Aguarón. Güergano d´a ilesia barroca  d´Aguarón

Órgano de la iglesia barroca de Aguarón. Güergano d´a ilesia barroca d´Aguarón

Continan la gambada, parando cuenta en bels detalles d´arquiteitura popular en parez y finiestras

Casas tradicionales e iglesia de Aguarón. Casalar tradicional e ilesia d´Aguarón

Casas tradicionales e iglesia de Aguarón. Casalar tradicional e ilesia d´Aguarón

08 Casa tradicional con forma de torreón en Aguarón. Casal tradizional con farchas de torreyón en Aguarón

08 Casa tradicional con forma de torreón en Aguarón. Casal tradizional con farchas de torreyón en Aguarón

y, en ixas, plegan ta la Casa de Cultura  y “Museo Marín Bosqued”, adedicato á lo pintaire d´a localidá Luis Marín Bosqued, naxiu en Aguarón lo 1909 y fenexiu en Zirigoza lo 1987, pero esiliato dimpués d´a guerra ta Mexico, do bibió y desembolicó la suya autibidá como pintaire prestichioso y dozén de Bellas Artes dica la decada de 1970, que se´n tornó t´Aragón. Aprofeitan que ye ubierto ta besitá-lo, risultando de gran intrés todas as salas d´o mesmo.

Foto de Luis Marín Bosque de hace unos años. Afoto de Luis Marín Bosqued, ya pro añato

Foto de Luis Marín Bosque, ya entrado en años. Afoto de Luis Marín Bosqued, ya pro añato

A produzión de  Marín Bosqued se trestalla en “Retratos”,

09 Retratos hechos por Marín Bosqued en una sala de su museo de Aguarón. Ritratos feitos por Marín Bosqued, en una sala d´o suyo museyo d´Aguarón

Retratos hechos por Marín Bosqued en una sala de su museo de Aguarón. Ritratos feitos por Marín Bosqued, en una sala d´o suyo museyo d´Aguarón

“Composiciones y Figuras” y “Bodegones”

10 Cuadros de Marín Bosqued en su museo de Aguarón. Cuadros de Marín Bosqued, en o suyo museyo d'Aguarón

Cuadros de Marín Bosqued en su museo de Aguarón. Cuadros de Marín Bosqued, en o suyo museyo d’Aguarón

y lo suyo estilo ye reyalista, con estendenzias metafisicas y surreyalistas, seguntes compreban en o catalogo que la encargata d´o museyo lis entrega aimablemén. En iste catalogo tamién s´esplica menuzeleramén l´orichen d´iste museyo -y d´atro “Hispano-Mejicano” en a localidá de Alagón- por o deseyo de Marín Bosqued de legar una selezión d´a suya obra y colezión de penturas á lo suyo lugar natal. Y que á la suya muerte, la familla consiguió materializar ixe deseyo y, antiparti, creyar unatro museyo con parti d´as suyas colezions pitoricas en Alagón, ta lo que risultó dezisiba la entrebenzión d´o fillo suyo, lo tamién pintaire y arquiteito mexicano José Luis Marín de L´Hotellerie, qui ha sobrixiu más que más como pintaire surreyalista.

El Pilar y el Ebro por Marín de l'Hotellerie, hijo de Marín Bosque. Lo Pilar y l´Ebro, por Marín de l´Hotellerie, fillo de Marín Bosqued

El Pilar y el Ebro por Marín de l’Hotellerie, hijo de Marín Bosque. Lo Pilar y l´Ebro, por Marín de l´Hotellerie, fillo de Marín Bosqued

12 M. Pérez en un espejo del museo Marín Bosqued de Aguarón. M. Pérez en un espiello d´o museyo Marín Bosqued d´Aguarón

M. Pérez en un espejo del museo Marín Bosqued de Aguarón. M. Pérez en un espiello d´o museyo Marín Bosqued d´Aguarón

Poema "A mis primeros albores" de Marín Bosqued. Poyema "A mis primeros albores" de Marín  Bosqued

Poema “A mis primeros albores” de Marín Bosqued. Poyema “A mis primeros albores” de Marín Bosqued

Rematada la intresantisma besita, la mesma encargata d´o museyo lis endica cómo contautar con a presona que lis amostrará la “Casa del Gaitero”; ye una bizina con la que s´achuntarán desiguida en a puarta d´iste orichinal museyo-sala d´esposizions y conziertos y molimén etnografico local, que la suya esistenzia se debe á la faina cutia, terne y contina á l´arreyo de muitas añadas d´Eugenio Arnau, aimador d´a cultura popular y mosico de collas tals que la Orquestina del Fabirol u La Banda del Canal, entre autras.

L´edefizio d´a “Casa del Gaitero” ye l´antiga “Casa´l Cura”, albandonata mientres muitas añadas (paix estar que yera l´antigo almadazén d´os “Diezmos y Primizias” replegatos en a localidá ta lo monesterio de Trasobars).

Portada de la Casa del Gatiero de Aguarón. Portalada d'a Casa del Gaitero d'Aguarón

Portada de la Casa del Gatiero de Aguarón. Portalada d’a Casa del Gaitero d’Aguarón

Eugenio la mercó y retrazió á puro de grans triballos y adedicanzia total. As risultas i son aparens, a recuperazión d´os muraus suyos lis dixa enarcaus, sulers, fustes y parez han repreniu l´aspeuto orichinal rispetando l´arquiteitura tradizional; mesmo, istas fainas de recuperazión menoron á Eugenio á rechirar, escabonar y enamplar la biella bodega, escubrindo astí baxo un puzo d’augua

Antiguo pozo aljibe trujal en la bodea de la Casa del Gaitero de Aguarón. Antigo puzo alchibe truxal en a bodega d´a Casa d´o Gaitero d´Aguarón

Antiguo pozo aljibe trujal en la bodea de la Casa del Gaitero de Aguarón. Antigo puzo alchibe truxal en a bodega d´a Casa d´o Gaitero d´Aguarón

y grandizos tonels de bin,

Los Zerrigüeltaires entre dos antiguas y grandes cubas de vino en la bodega de la Casa del Gaitero. Os Zerrigüeltaires entre dos antigas y grandizas cubas de bin, en a bodega d´a Casa d´o Gaitero

Los Zerrigüeltaires entre dos antiguas y grandes cubas de vino en la bodega de la Casa del Gaitero. Os Zerrigüeltaires entre dos antigas y grandizas cubas de bin, en a bodega d´a Casa d´o Gaitero

comunicatos posiblemén -por conisions sotarrañas enrunadas- con l´antigo castiello do s´acubilleron antis más as monchas d´o Monesterio de Trasobars.

O nome d´a colezión mosical -seguntes s´amuestra en l´entrador d´a Casa´l Gaitero- ye “Exposición permanente de instrumentos de música popular”, de tó lo mundo en reyalidá.  O conteniu prenzipal d´a esposizión son os estrumentos mosicals y oxetos sonoros esoticos u cutianos qu´emplenan as parez y beiretas. Espardius por cualques salas, ordinatos por famillas y con afotos de mosicos emplegando-los, a impresionán colezión mosical adube á la milenta d´estrumentos de todas menas y promananzias, en una replega d´añadas, de biaches y d´amius.

Salterio u chicotén y rótulo sobre instrumentos populares aragoneses. Salterio, u chicotén, y retulo sopre estrumentos populars aragoneses

Salterio u chicotén y rótulo sobre instrumentos populares aragoneses. Salterio, u chicotén, y retulo sopre estrumentos populars aragoneses

Instrumentos populares en Aragón. Estrumentos populars en Aragón

Instrumentos populares en Aragón. Estrumentos populars en Aragón

Kora de Senegal

Kora de Senegal

Otro salterio u chicotén. Atro salterio u chicotén

Otro salterio u chicotén. Atro salterio u chicotén

Instrumentos de cuerdas de diferentes países. Estrumens de cuarda de diferiens payises

Instrumentos de cuerdas de diferentes países. Estrumens de cuarda de diferiens payises

Exótico instrumento de cuerda. Esotico estrumento de cuarda

Exótico instrumento de cuerda. Esotico estrumento de cuarda

Instrumentos de cuerda africanos. Estrumentos de cuarda africans

Instrumentos de cuerda africanos. Estrumentos de cuarda africans

Carapacho de Guatemala

Carapacho de Guatemala

Tamián ne b´ha biblioteca, fonoteca, bidioteca, obrador d´apaño y feitura d´estrumentos ta collas escolars; a sala d´arte “Tam Tam” ye  una sala d´esposizions ta colezions artisticas en a falsa; y en o corral, un anfiteyatred a´l bentistate, t´autuazions mosicals u teyatrals.

Instrumentos fricativos y percusivos de Latinoamérica, Aragón y País Vasco. Estrumentos frecatibos y percusibos  de Latinamerica, Aragón y Payís Basco

Instrumentos fricativos y percusivos de Latinoamérica, Aragón y País Vasco. Estrumentos frecatibos y percusibos de Latinamerica, Aragón y Payís Basco

Orejas de burro de El Salvador

Orejas de burro de El Salvador

Carracla de Calatayud. Carracla de Calatayú

Carracla de Calatayud. Carracla de Calatayú

Fotos de los cineastas aragoneses Luis Buñuel y Carlos Saura, y otros famosos con los tambores de Calanda. Afotos de ros aragoneses Luis Buñuel y Carlos Saura, y autros famosos con os atambors de Calanda

Fotos de los cineastas aragoneses Luis Buñuel y Carlos Saura, y otros famosos con los tambores de Calanda. Afotos de ros aragoneses Luis Buñuel y Carlos Saura, y autros famosos con os atambors de Calanda

Instrumentos de percusión exóticos. Estrumentos de percusión esoticos

Instrumentos de percusión exóticos. Estrumentos de percusión esoticos

Fotos de dulzainas aragonesas (y una de Guadalajara)  Afotos de Donzainas aragonesas (y una de Guadalaxara)

Fotos de dulzainas aragonesas (y una de Guadalajara) Afotos de Donzainas aragonesas (y una de Guadalaxara)

Gaita de botico aragonesa con su falda y pieles de culebra. Gaita de botico aragonesa con a suya falda y pelletas de cullebra

Gaita de botico aragonesa con su falda y pieles de culebra. Gaita de botico aragonesa con a suya falda y pelletas de cullebra

Pitos, flautas, sonajeros, tamboricos en la Casa del Gaitero de Aguarón. Pitos, chuflainas, sonallas, tamboricos.....en a Casa d´o Gaitero d'Aguarón

Pitos, flautas, sonajeros, tamboricos en la Casa del Gaitero de Aguarón. Pitos, chuflainas, sonallas, tamboricos…..en a Casa d´o Gaitero d’Aguarón

Se i quedan como unos alufres,  d´a besita y as pistonudas esplicazions d´ista endelerata bizina -lastima que no remeren lo suyo nome-;  a “Casa del Gaitero” d´Eugenio Arnau ye un exemplo de proyeuto dinno, serioso y sustenible, en a que tan importán ye lo continén como lo conteniu. Dinno d´almirazión, se´n merex lo mayor d´os omenaxes.

Escrito de los Zerris en el libro de visitas d'a Casa d'o Gaitero de Aguarón. Escrito de ros Zerris en o Libro de Besitas d´a Casa d´o Gaitero d´Aguarón

Escrito de los Zerris en el libro de visitas d’a Casa d’o Gaitero de Aguarón. Escrito de ros Zerris en o Libro de Besitas d´a Casa d´o Gaitero d´Aguarón

Antis de marchar d´Aguarón fan una zaguera promenadeta dica los arredols d´o lugar, por tal d´afotiar lo “Peirón del Santísmo Cristo”, que ya lo eban guipau dinantis dende luen. Lis chocan la escalereta y o chardined achuntos ta lo pairón.

M. Martín en el Pairón de Santísimo de Aguarón. Migalánchel Martín en o Pairón del Santísmo d´Aguarón

M. Martín en el Pairón de Santísimo de Aguarón. Migalánchel Martín en o Pairón del Santísmo d´Aguarón

Continan lo biache meya uzena de kms. por una chiqueta carretera local, dica Lezinacorba.