26. CODOS – TOBED

30-V-2010.  Codos ye o monezipio más oriental d´a Comunidá de Calatayú y güegatizo con os Cambos de Cariñena y Daroca. Abitau por bels 240 codinos y á 68 kms. de Zirigoza capetal, as espezialidaz agricolas d´a localidá son as ziresas y os malacatons. En o suyo termino naxe l´arriu Grío, afluyén d´o Xalón.

De güen maitín M. Martín se´n ba ta ra tabierna d´o lugar, por tal de i prener un café con leit. Por o camín beye 2 retulos de carreras que li chocan y los apunta en una serbilleta de papel; como la cambrera ye forana y no bi ha más chen en o bar á istas oras, no li´n sape dar razón. Tornando ta l´alox s´escunzará con un siñor, qui no sape lo sinificau d´ixos nomes, pero li diz que s´han clamau asinas “de toda la vida”. Ixas dos carreras se claman: C/  Mijoler  y  C/  Iserillas.

Replegan os bartulos y, dimpués de dispidí-sen de ra dueña de l´alox, s´aprestan á marchar cuan aguaitan que s´aproxema ta els un biello con un burricallo; os dos afarchan una eszena simpatica, lo cual que os Zerris li demandan á iste labrador si lo pueden afotiar, qui lis contesta muito aimable que sí.

Agricultor de Codos con su burrico.  Labrador de Codos con o suyo burricallo

Agricultor de Codos con su burrico. Labrador de Codos con o suyo burricallo

Lis ese feito goyo de continar charrando con él, de seguras que ye un “puzo de zenzia local”, pero á iste siñor no li´n baga de requedá-se-ne….lastima!.

El mismo agricultor con el burrico observados por M. Martín en Codos. O mesmo labrador con o somero, alufraus por Migalánchel Martín, en Codos

El mismo agricultor con el burrico observados por M. Martín en Codos. O mesmo labrador con o somero, alufraus por Migalánchel Martín, en Codos

Marchan por l´A-1505 meya uzena de kms. ta chitá-li una güellada á Tobed, lugar d´a Comunidá de Calatayú tan “oriental” en a comarca como Codos, de bels 230 abitadors y en o pedero d´a Sierra Bicor. I fan cualques afotos,

Escudo del pueblo de Tobed. Escuto d´o lugar de Tobed

Escudo del pueblo de Tobed. Escuto d´o lugar de Tobed

más que más á la ilesia gotico-mudéxar de Santa María (s. XIV)

Iglesia y Ayuntamiento de Tobed. Ilesia y Achuntamién de Tobed

Iglesia y Ayuntamiento de Tobed. Ilesia y Achuntamién de Tobed

Interior de la iglesia de Tobed.  Aintros de ra ilesia de Tobed

Interior de la iglesia de Tobed. Aintros de ra ilesia de Tobed

y lo “Palaz d´o Comendador” (zaguers d´o s. XVIII y autual Casa´l Lugar).  

Fachada del Ayuntamiento de Tobed. Frontera de l'Achuntamién de Tobed

Fachada del Ayuntamiento de Tobed. Frontera de l’Achuntamién de Tobed

Lateral del palacio del Comendador, actual Ayuntamiento de Tobed. Lateral de lo Palaz d´o Comendador, autual Achuntamién de Tobed

Lateral del palacio del Comendador, actual Ayuntamiento de Tobed. Lateral de lo Palaz d´o Comendador, autual Achuntamién de Tobed

Se´n ritornan ta Codos y reprenen a carretera A-1504; nabesando la Sierra d´Algairén, dentran en o Cambo Cariñena y enfilan  enta lo primer destín d´o diya: Aguarón.

Anuncios