19. ABANTO – PARDOS. BESITA. ENTREBIESTA A CELESTINO TORNOS

ABANTO

En o que ba de chornada os Zerris ya son pasaus por 3 comarcas: Comunidá de Tergüel, Xiloca y Cambo Daroca; agora dentran en a cuartena, la Comunidá de Calatayú.

01 M. M. Pardos en Pardos

M. M. Pardos en Pardos

A lo que ban a plegar t´Abanto aturan un inte en a carretera t´afotiá-ie lo lugar, de bels 120 abitadors y situgau a 922 mts. d´altaria chunto a l´arriu Ortiz -afluyén d´o Piedra-;

02 El río Ortiz en 2005. L'arriu Ortiz en 2005

El río Ortiz en 2005. L’arriu Ortiz en 2005

ya en 1.131 se rechiba por o Fuer de Calatayú y en a Edá Meya gosaba bandiar a suya pertenexenzia u propiedá entre lo Monesterio de Piedra y la churisdizión reyal.

03 Torre del espaldato castiello de Abanto. Torre del derruido castillo de Abanto

Torre del espaldato castiello de Abanto. Torre del derruido castillo de Abanto

O nome d´Abanto poderba promanar de l´aragonés “abantar” (“avanzar”, “alabar”, “alardear”, “elevarse”) u de l´anomenazión española d´una espezie de güeitre blanquiñoso ibiernán en Africa y frecuén en Aragón en as suyas pasadas estibals.

04 Pardos y su sierra desde las Carrascas de Abanto. Pardos y la suya Siarra dende Las Carrascas d´Abanto

Pardos y su sierra desde las Carrascas de Abanto. Pardos y la suya Siarra dende Las Carrascas d´Abanto

Os Tocayos dentran en Abanto con as miras de trobar enformazión y -si puéstar- antigos abitadors d´a bizina aldeya albandonata de Pardos (segundo apellito de M. Martín).

05 Vista general de Abiento. Ambiesta cheneral d'Abanto

Vista general de Abanto. Ambiesta cheneral d’Abanto

S´alcuentran con una siñora por as carreras que lis diz que astí zerquica bibe Adelina, una biella pardeña de cuasi 100 añadas d´edá. Enfilan os tres ta casa d´ixa muller do lis rezibe la filla d´Adelina, qui lis partizipa que a mai ye dolenta, en o leito. Se´n dispiden , deseyando-li una rapeda milloría y se´n ban con l´aimable siñora que lis alcompaña t´autra casa do -por bel casual- bi ha güena chunta de bizins; os Zerris i pillan güen capazo con els, pos lis rezentan bellas cosicas de Pardos, lis esplicotian o camín ta yir y un d´istos siñors, Abundio Pardos Martínez, lis recomienda que contauten con Celestino y Policarpo, dos de ros zaguers abitadors de Pardos (cosa que prebarán de fer bel tiampo dimpués, pos no biben en Abanto).

Rematan a charradera replegando-lis bels TOPONIMOS d´o termino d´ABANTO -en o que ye incluyiu Pardos- albertindo-lis que o termino “está dividido en varios quiñones”: LA VEGA PARDOS, LAS HOYUELAS DE PARDOS, EL RÍO SALAU, LA HOYA JUANA, LAS CERRADILLAS DE PARDOS, CARRALASIERRA, LOS BODEGONES(“otro quiñón”), EL OJO DE PARDOS (“como si s´ubiá fundido el terreno”), CARRABANTO, LAS SARGAS, HOYAS SARGAS, LOS QUIÑONES, CARRAMOLINO, LA NEBERUELA, LOS ALLAGARES, EL PANTANO, LOS RUBIALES, SAN ESTEBAN, LAS CENCEBRAS, LA CASTELLANICA, CAÑAHERMOSA (“anzia Cubel”).

PARDOS. BESITA

Se´n dispiden d´istos “Abanteros” muito agradixius por os datos que lis han alportau, siguindo en auto ta lo norte por o camín que lis han endicau.

06 Peirón de la Virgen del Pilar (Abanto). Peirón d´a Birchen d´o Pilar (Abanto)

Peirón de la Virgen del Pilar (Abanto). Peirón d´a Birchen d´o Pilar (Abanto)

A lo qu´han arrecorriu bels zentenals de mts. plegan ta lo “Peirón de la Virgen del Pilar” (bi´n ha unautro d´o mesmo nome en Pardos).

07 Peirón de la Virgen del Pilar (Pardos). Pairón d'a Birchen d'o Pilar (Pardos)

Peirón de la Virgen del Pilar (Pardos). Pairón d’a Birchen d’o Pilar (Pardos)

Continan lo camín, dixan a la dreita l´esbarre ta´l “Ojo de Pardos” (lo beyerán a la tornata), pasan por o puen que salba o “Barranco de la Veguilla” y continan enta l´este bel par de Kms.

08 Pardos llegando a la ermita de San Antón. Pardos plegando ta l'armita de San Antón

Pardos llegando a la ermita de San Antón. Pardos plegando ta l’armita de San Antón

A lo que son plegando en l´armita de San Antón

09 La ermita de San Antón. L'armita de San Antón

La ermita de San Antón. L’armita de San Antón

10 San Antón de Pardos

San Antón de Pardos

ya i beyen abaxo, enta lo sur, lo casalar de Pardos

11 Empieza la bajada a Pardos. Prenzipia a baxata ta Pardos.jpg

Empieza la bajada a Pardos. Prenzipia a baxata ta Pardos.jpg

arredoliau de parduscos rochals (posible orichen d´o suyo nome).

12. M. M. Pardos por el barranco de San Antón. M. M. Pardos por o barrranquico de San Antón

M. M. Pardos por el barranco de San Antón. M. M. Pardos por o barrranquico de San Antón

Ye situgato en a Sierra de Pardos, a la que baltiza, a 1.030 mts d´altaria y estió abitau dica la decada de 1.970, cuan os bizins tenioron de marchar por causa de l´isolamién en que se trobaban.

13 Se van acercando. S'en ban amanando

Se van acercando. S’en ban amanando

Fan bels afotos de l´armita -esbiellata lo 1994- con o “Cerro Redondo” dezaga -lo mon más altizo d´o lugar y fita en o Camín d´o Zí- dixan astí l´auto y se´n baxan a piet por o sender d´o barranquico San Antón; conforme s´endi aproxeman ta Pardos ban parando cuenta en a estroza y albandono d´o casalar, con toz os edefizios menazando enruna y plenos de broza y boscarral.

Plegando ta l´entradero d´o lugar i leyen un retulo enformatibo que lis “sape a poco”.

14 Cartel en la entrada. Retulo de l'entrador.jpg

Cartel en la entrada. Retulo de l’entrador.jpg

En os meses siguiens M. Martín prebará de replegar más datos sopre “o suyo lucar tocayo”, asinas como contautar con os pardeños que lis han recomendato en Abanto. Ya feba güen faxo d´añadas que quereba besitar Pardos y dica d´agora no lo eba puisto fer; solamén sapeba que yera espoblau pero en os años 90 tornó a abitá-lo un chocante presonax, un autonomenau “Archiduque de Austria” d´o que rezentaban en os papels que yera campasolo, bechetarián y naturalista, y en Pardos prebaba d´estudiar as plandas y as sirpiens, con as miras d´escrebí-ne senglos libros….; mesmo, M. Martín remera qu´en un articlo de l´Heraldo que retalló y alzó -anque disgraziatamén l´ha tresbatiu- i aparixeba un afoto d´a casa qu´abitaba “l´archiduque” en Pardos, con un retulo en a puarta qu´iziba en alemán: “Nur Gott ist willkommen” (solamén Dios ye bienbeniu)

15 El Archiduque. L'Archiduque

El Archiduque. L’Archiduque

O parache do ye plantificau Pardos ye estau abitau y estratechico dende la PRESTORIA; en o sarrau calzino que domina o lugar esisten estrazios esclaters d´un Fueso y Muralla calificata como “ziclopia” por os estudiosos (se beiga la Bibliografía), con sillars de más de 2 toneladas.

16 Muralla de Pardos

Muralla de Pardos

En a zona aparixioron agundans repoyos de zeramica zeltibera, estando a istas trebus prerromanas (Titos, Belos….) a qui cal acumular a costruzión, que será remplegata por os mozlemes, quedando-ie como remanenzia lo torreyón que dimpués esdebiendrá Palomar, encá esistén.

17 El torreón-palomar del castillo. Lo torreyón- palomar d'o Castiello

El torreón-palomar del castillo. Lo torreyón- palomar d’o Castiello

A lo suyo canto edeficón en a Edá Meya l´armita de Santa Catalina, agora espaldata.

18 La aldea despoblada de Pardos desde el Castillo. L'aldea espoblata de Pardos dende o Castiello

La aldea despoblada de Pardos desde el Castillo. L’aldea espoblata de Pardos dende o Castiello

Respetibe a DATOS ESTORICOS, ya en epoca romana s´oteneba en a cantera d’o Cerro Redondo la “piedra negra” emplegata en a costruzión de Bilbilis, mesmamén por ixe camín pasó lo Zí Campiador cuan nabesó la Sierra de Pardos de Monebrega ta Cubel, camín d´o Xiloca;

19 Pardos en el Camino del Cid. Pardos en o Camín d´o Zí

Pardos en el Camino del Cid. Pardos en o Camín d´o Zí

dende la Reconquiesta será ligau ta Calatayú y a suya Comunidá, anque más adebán pasará por puendas d´ascrizión almenistratiba y/u chudizial ta Daroca; mesmo tenió bella dependenzia eclesial de lo Bispau de Tarazona. Economicamén tenió muita dependenzia, igual que os lucars bizins, d´o Monesterio de Piedra. Asinas, en o sieglo XIII, las Minas de Sal de Pardos, como las d´Abanto y Monterde,

20 La Casa de las Salinas de Abanto en 2004. La Casa d´as Salinas d´Abanto en 2004

La Casa de las Salinas de Abanto en 2004. La Casa d´as Salinas d´Abanto en 2004

yeran propiedá d´o Monesterio por conzesión d´os Rais aragoneses, os lucars pendiens d´o Monesterio de Piedra yeran obligaus a consumir la sal d´ iste y lo monesterio apocaba lo diezmo d´ista sal ta Santa María de Calatayú. Istas salinas estieron espleitadas dica lo sieglo XVIII y agún en sobrebiben cualques costruzions.

A primers de 1.363, durán la famosa “Guerra de los dos Peiros” y debán d´o periglo d´embasión castellana, se refuerzan con chens y astimentos  os castiellos de Cubel, Abanto, Monterde, Pardos y Nuebalos; pero en o mes de marzo d´ixe mesmo año cayen en poder d´os castellans Abanto, Monterde y Pardos, que no tornarán ta lo rai d´Aragón dica 1.366.

21 Pardos y su castillo. Pardos y lo suyo castiello.jpg

Pardos y su castillo. Pardos y lo suyo castiello.jpg

Seguntes o Fogache (zenso) de 1.495 Pardos teneba 8 “fuegos” (entre 30 y 40 abitadors), y o bizín Abanto 65 “fuegos” (cuasi 300 abitadors, en do -por zierto- bi aparixen os dos segundos apellius de ros Zerris cominaus en o nome d´un abantero d´ixa epoca: Gil de Pardos).

Rafel Andolz, en “Más Humor Aragonés” replega una jotica: “En Pardos hay mucha leña/ aficionaus al carbón/ salen muchos jornaleros/ pero millonarios no.”

Y un dito: “Pardos, cortos y largos, pagan bien y no saben a quién”. Os Zerris conoxen unautra bersión d´iste dito: “Los de Pardos fueron tardos, pagaron bien y no supieron a quién” (replegata a bel abitador de Purroy y trascrita por Lois Chabier Tejada, en o suyo libro “Contribución al estudio del léxico aragonés y de la cultura popular en Morata de Jalón y otras localidades cercanas”.

A metá d´o sieglo XIX Madoz -en o suyo archiconoxito Diccionario- diz que tien 30 casas, Achuntamién y Garchola, Escuela con 40 escolanos, Ilesia y 2 armitas, “un cerro redondo hacia el N. con chaparros, romeros y aliagas”,

22 La iglesia de Pardos en su paisaje. A ilesia de Pardos en o suyo paisax

La iglesia de Pardos en su paisaje. A ilesia de Pardos en o suyo paisax

minas de plata zarradas, “canteras de cal y yeso y un notable lago situado á ¼ leguas S. del pueblo, llamado el Ojo de Pardos, en donde existió antes una heredad perteneciente a la noble casa de los Cunchillos….”.

23 El Ojo de Pardos. O Güello de Pardos

El Ojo de Pardos. O Güello de Pardos

Produzions: “trigo, cebada, centeno y avena; mantiene ganado lanar y cabrío y caza de conejos, liebres y perdices….“ Da una poblazión de “24 vecinos, 116 almas”. Lo resto d´o sieglo XIX Pardos siguirá roldando lo zentenal y meyo d´abitadors y en 1.887 perderá l´achuntamién, estando achuntau ta lo d´Abanto.

Ta consiguir datos d´o sieglo XX lis cal recurrir a os pardeños que lis han recomendau en Abanto, trucando-lis ta os lumers de telefono que lis ie han fazilitau. M. Martín no consiguirá contautar con siñó Policarpo (anque tien casa en Abanto, gosa residir a ormino difuera) pero, curiosamén, trobará en o Rete as enformazions que Policarpo, as suyas muller y filla y autra pardeña abitadera en Abanto li partiziporon a Faustino Calderón, y que íste capuzó en o suyo blog sopre lucars espoblaus de toda España: http://lospueblosdeshabitados.blogspot.com.es/, con datos y afotos muitismo intresans de Pardos, que i define asinas: “Otro de los pueblos míticos de la despoblación en España, por su ubicación, envergadura, belleza y por ser noticia en varios medios de comunicación…. por un singular personaje que vivió varios años en el pueblo después de que se hubiera quedado vacío…..

Respetibe á demografía solamén end´i endica: “Cuarenta viviendas componían este pueblo, pedanía de Abanto, situado en la embocadura de un barranco que forma el arroyo Trescastillo entre medias de un farallón rocoso en su salida hacia el Arroyo de la Veguilla”.

Remitimos a iste intresantismo blog, asinas como a los d´Abanto (http://lawebdeabanto.wordpress.com/) y de lo Conzello d´Abanto (http://www.abanto.es/) -os dos tienen espazes espezificos adedicaus á Pardos- ta conoxer más aspeutos d´a estoria rezién de Pardos, meyos de bida, fiastas y tradizions, mesmo sopre “l´Archiduque” y cómo plegó a pegar en Pardos, u as causas d´a espoblazión d´o lucar ( á lo rispeutibe en dizen Policarpo y á muller suya, Carmen: “La falta de una carretera que nunca llegó…..una carretera a tiempo no habría hecho desanimarse a la gente y más de uno habríamos seguido en el pueblo…..”).

24 Ahora sí que llegan los coches. Agora si que plegan os autos

Ahora sí que llegan los coches. Agora si que plegan os autos

Aquí mos zentraremos en as enformazions replegadas a l´autro informador de Pardos, Celestino Tornos, que bibe en Zirigoza y con qui M. Martín Pardos sí que consiguió contautar ixe estiu de lo 2.010, en dos luengas charradas telefonicas.

PARDOS. CELESTINO TORNOS (1ª PARTI)

Dimpués d´as prisentazions y esplicazions prebias, siñó Celestino comenta sopre os abitadors d´o suyo lucar (se rispetan esautamén as suyas trazas de fablar): “Hi conocido 47 u 48 casas en Pardos, todas habitadas; había algunos que lo pasaban mal, pero con la leña, el cereal, la caza, el ganau y el queso de las cabras se defendían, no nos tocaba d´ir a pedir como en otros pueblos.  Antiguamente –de sentí-lo nombrar- tamién hacían muchas carboneras por la Sierra”.

25 Pardos delante de Pardos. Pardos debán de Pardos.jpg

Pardos delante de Pardos. Pardos debán de Pardos.jpg

Sopre besitas a Pardos: “Hace 4 años que no hi subido, ya tengo 75 años y agora ya no m´apetece d´ir”.

M. Martín li pregunta si remera la Toponimia d´o lugar y, dimpués de bels momens de dandalo silenzioso, siñó Celestino “se´n suelta”, inserindo bels comentarios entre meyas d´a rilazión toponimica: “Le voy a icir el termíno de Pardos, del mojón de Cubel hasta el Ojo Pardos”.

26 El Monte de Pardos. Lo Mon de Pardos.jpg

El Monte de Pardos. Lo Mon de Pardos.jpg

CARRACUBEL, LA HOYA, LAS SERNAS, LAS MARCOLIENTAS, CARRALASFUENTES, LA SABINA, EL BIERCO, LAS CERRADILLAS, LA CERRADA´L  CASCAJAR, LA VEGA PARDOS, EL POLVORÍN, EL HOYO, L´AGUA SALADA, EL OJO PARDOS, LA HOYA TERRENA, LANTANILLA, LAS HOYUELAS, CARRAMOLINO, TRASCASTILLO, LA FUENTECILLA,  LA GÜITRERA, EL CERRO LITÓN, LA HOYA OLMIGARES, LA OMBRÍA LOS CERRAUS (“pinar”), LA HOYA LAS CABRAS (“solana”), EL COLLAU (“cementerio”), EL GUIJAR, LA HOYA BANDÓRIA, LA YEDRA, EL CERRO L´AZEDERAL, LA HOYA L´AGUÍLA, LA HOYA PEQUEÑA, LA HOYA GRANDE, LA HOYA BAL DE RAMÓN, LA SOLANA CARRADAROCA, EL PLANO AZERÉ, LA BARRAQUILLA, EL COLÓN (“hay una mina, de siempre llena d´agua”), EL HORCAJO (“otra mina que s´ha cegau con las tronadas”), LAS HOYAS, EL COLLAU EL CEPO, EL CERRO REDONDO, EL CERRAU (“como un prau”), EL FRONTÓN, EL MAROÑAL, LA LOMA EL FRONTÓN, BALLARCÓN, EL PUERTO (“de lo más alto se ve Calatayú”), LOS BALSONES (“hay un balsón con un regaderillo”= regadío pequeño), LA FUENTECILLA DE LA SIERRA, LA HOYA BALDEBELA (“la hoya del plantau nuestro”), L´AGUADERO, LA HOYA CATORCE, LA HOYA LA ZARZA, EL PICAZO, SANTA CATALINA (“ermita en la MONTAÑA DEL CASTILLO DE LOS MOROS, tamién le decimos EL PALOMAR, subiamos a la ermita pa las fiestas de Santa Catalina, el 24 de noviembre”),

27 M. Pérez, detrás Pardos. M. Pérez dezaga Pardos

M. Pérez, detrás Pardos. M. Pérez dezaga Pardos

EL CALANIZO, SAN ANTÓN(“la ermita de las otras fiestas del pueblo, el 17 d´enero”), LA SOLANA LOS OLMOS, BARRANCO SAN ANTÓN, LAS ERAS, BARRANCO TRACASTILLO, LAS CANTERAS DE LA YEDRA (“allí están LAS DOCE CARRASCAS, en la fuente del pueblo, junto a la iglesia”), LAS PARIDERAS DE PEDROJUÁN, LA SOLANA CARRACUBEL, LA SOLOBREJA….

Respetibe a L´Ojo Pardos comenta: “lo imos conocido de siempre, de toda vida, como si fuese un ojo de mar, el agua es salada; cuando ibas pastor por allí, a veces pasabas sé, pero no la pude beber nunca, es peligroso beber y nadar; pocos s´habrán bañau allí”.

28 Pensando en el Ojo de Pardos. Pensando en o Güello Pardos

Pensando en el Ojo de Pardos. Pensando en o Güello Pardos

Remera bels toponimos más: LA OMBRÍA´L POZO, LA MINA LAS CONCHETAS (“debajo´l Cerro Redondo, está escondida entre las matas, siempre llena d´agua, con junqueras”), LAS PIEDRAS BLANCAS…. “agora no me vienen más….”

M. Martín li pregunta por o famoso “Archiduque” y Celestino li diz que no lo plegó a tratar, pos ya iba mui poco por Pardos: “Policarpo sí que ha tratau mucho a l´ustriaco, ice que amaneció pu´allí una maistra con dos críos y se marchó con ella; l´ustriaco vivió allí 2 u 3 años nomás, sólo comía yerbas, las carnes no le gustaban; hace mucho que se fué”.

Respetibe a si li feba goyo bibir en Pardos: “Sí, claro. A mí lo que m´ha gustau ha sido el ganau, pero lo tuve que dejar por la mujer, qu´estaba flojica”.

O Zerrigüeltaire -pardeño d´apelliu- li pregunta por os motes tradizionals d´os pardeños y siñó Celestino li diz cualcosa muito trucadiza: “por Pardos y aquellos pueblos no se usaban motes; si acaso, si había dos Angéles, a uno le diciamos “Divino” y a l´otro “Costodio”, pa distinguí-los”.

29 Patio y escalera en una casa. Siestro y escalera en una casa

Patio y escalera en una casa. Siestro y escalera en una casa

Li diz que bi ha más partidas, más nomes d´o terreno, pero que agora no li bienen; asinas que quedan en que tornarán a charrar por telefono bels diyas dimpués, a biyer si entremistanto se´n alcuerda de más.

PARDOS. CELESTINO TORNOS (2ª PARTI)

Dos u tres semanatas dimpués M. Martín torna á trucar a siñó Celestino. Entremistanto, l´eba comentau a l´autro Zerri lo sucosa que yera estada la charrada con iste pardeño, lo apegau que li se notaba ta las alcordanzas d´o lugar y d´as fainas suyas como ganader, y qu´eban quedato en charrá-ne más unautro diya; en saper ixo, M. Pérez li pasará un chiqué custionario sopre ganadería que gosa emplegar en entrebistas con biellos d´a suya redolada d´orichen -en a comarca de l´Aranda- y que li ferá güena onra en ista segunda aucasión.

Celestino li diz que sí, que s´ha alcordau de cualques partidas que no li beniban l´autro diya:

LA PIEZA´L MARIDO, LAS LOMAS, LA HOYA ESTEBAN, EL CERRO L´HORNO, LOS VALLEJOS, EL BARRANCO TEJERO, LOS HORCAJOS, LA SOLANA MARTA, LA HOYA LOS FRAILES, LA LOMA EL TEJAR, LA OMBRÍA L´OJO, BAL DE PARDOS (“en el mojón d´Azeré”), EL COLLAU DE LA VIRGEN (“pegau a LOS CABEZOS D´AZERÉ”), LA OMBRÍA´L COLLAU, EL REPECHO (“agora m´ha venido” -feba muito rato que prebaba d´alcordá-se-ne), LAS ALLAGAS BLANCAS, LAS CALDERETAS, LA MINA SAN JOSÉ, LA MINA SAN ANTÓN y, de nomes de bicos d´o lugar, en remera EL BARRIALTO.

Siguidamén, y con l´aduya dezisiba d´o custionario de M. Pérez, siñó Celestino l´irá rezentando las alcordanzas d´a bida suya de pastor y ganader: “Fuí pastor desde pequeñico, trabajando siempre pa mí, con mi propio ganau. Pa que las ovejas vayan bien es muy importante REBOTÁ-LAS, cortá-les la cola, porque si no, mucho mal; cuando van ESCAGAZADAS es porque les sienta mal lo que comen y van llenas de CASCARRIAS, sobre todo si no se rebotan, que se les hace cuando las vas a “echar al ganau”. Se les deja 4 dedos de cola y antes se hacía con la mano, retorciendo, pero a ultíma hora con tijeras porque así no se les agüeca la piel. Sin rebotar, mucho mal; dígales a los pastores modernos que les hagan una raya -igual que cuando nos painaban de chicos-, separen la lana y cuerten por ahí”.

Diferiens anomenazions d´as obellas, seguntes a edá: “CORDERA, hasta 5 u 6 meses -primera vez que s´esquila-; BORREGA, hasta 1 año; PRIMALA, hasta 2 años; ANDOSCA, hasta 3 años; TRESANDOSCA, hasta 4 años; CERRADA, hasta unos 8 años, éstas ya se llaman así porque han “cerrau” las mudas de dientes, porque las ovejas mudan 2 dientes cada año; pa remate ya están las VIEJAS, que son las que ya s´han quedau esdentadas. A los machos, MARDANOS u MURECOS”.

“En cabras: al macho jovencico, CEAJO u CHOTO; luego ya, MACHO u PRIMAL; y al viejo, CERRAU. En hembras: la jovencica, la CHOTA y las demás, igual que pa las ovejas”.

“Un momento delicau era cuando parían, porque algunas ovejas no “querían” al cordero, u se les había muerto la madre y había qu´encontrá-les otra, pa que tetasen; entonces teniamos que poner algunas ovejas en los CATEBUCHES -unas chocicas u compartimentos separaus dentro del corral- , ponías a la oveja atada de los pechos a una estaca hasta que “quería” al cordero y le daba la teta. A veces tenías que “engañá-las”: como siempre nacía algún cordero muerto, S´ESPELEJABA y le ponías la piel al otro qu´estaba sin madre, entonces le daba de tetar creyendo qu´era el d´ella. Porque las ovejas tienen mala vista, conocen por EL FATO, por LA ULOR.”

30 Carreras de Pardos. Cuántos ganaus pasoron por astí!.JPG

Carreras de Pardos. Cuántos ganaus pasoron por astí!.JPG

Respetibe á bestimenta: “Los viejos pastores llevaban ZAGONES que tapaban el pecho y las piernas, MORRAL de piel, la MANTA pa la espalda, PEDUGOS de lana y ALBARCAS de goma pa los pies, el GARROTE y pa la cabeza GUAINA y, de verano, yo llevaba SOMBRERO porque si no, “me se cagaba la mosca” y cogía un REFRIAU mucho gordo”.

“Un día, estaba el ganau amorrau en una noguera en la Vega Pardos -ande está l´Ojo- y yo me vía mucho apurau; conque m´hice un cigarro de noguera, porque me vía mucho apurau de picores de garganta y, con ese cigarro, allí mismo maté el refriau”. (Referén a lo bocable GARGANCHÓN diz qu´en Pardos ye “la garganta de las ovejas, pero no de las personas”.)

Referén a la midizión d´o tiampo: “Nos guiabamos por el sol, según ande pegaba; cuando nos pisabamos la sombra con el pié, mediodía”.

De lo can d´o pastor: “El perro S´ESCOLMILLABA con unos alicates pa que no le hiciese mal al ganau; porque a las más rebeldes o lentas, a veces les mordía.”

Espleit carnico d´o ganau: “Los SOMARROS se hacían de los costillares de las ovejas, se colgaban salaus en los graneros hasta que se veía qu´estaban joriaus. La CECINA, lo mismo pero en carne de vaca”.

“Haciamos QUESO cuando “quitabamos” los corderos pa los carniceros. Como las ovejas llevaban mucha leche, se les pretaban mucho “los ubres” y había que MUÍ-LAS, y aprovechábamos para hacer queso; así no “les daba el pelo” ni se les ponían LIANDRES. Lo mismo con las cabras.”

31 Casas y corrales medio hundidas. Casas y corrales meyo espaldadas.jpg

Casas y corrales medio hundidas. Casas y corrales meyo espaldadas.jpg

Sopre as cazatas d´o pastor: “de pastor hi matau muchas liebres con el garrote; la que no vía yo, a lo mejor me la marcaba una oveja con la mirada, sobre todo cuando estaba nevau el terreno”.

De las gayatas: “el pastor, garrote; la GAYATA pa los agüelos; algunos, se las hacían ellos de ORMO”.

Respetibe á obellas rebels: “las que salían rebeldes se les tiraban piedras; a algunas “se les TRENCABA LA MANO” y quedaban ENCOJADAS”.

Migalánchel Martín Pardos se dispide d´o siñor Celestino Tornos muito agradixiu por la suya amabilidá y pazenzia en as rispuastas, son estatas unas charradas telefonicas muito intresans, amenas y agradables. O Zerri proposa á Celestino quedar bel diya, do y cuan li pete, t´afotiá-lo y fé-li bella grabazión, pero siñó Celestino lo refusa de raso y sentenzia: “No quiero fotos ni grabaciones porque después “me pondrán por tó´l copón”.

 

Bi ha dos cosas que no han dixau conforme a M. Martín: que no bi eba motes en Pardos y a escasez de datos sopre o misterioso “Archiduque”. Li comentará istas custions a l´amiu Chesús Casaus -gran triballador y conoxedor d´o territorio aragonés “de ro capitero ta ra foñata”- e íste li mete en contauto con un mesache deszendién de Pardos por parti de mai y componén d´o grupo mosical “Loba Parda”, clamato Chabier Crespo. Entrecambeyarán e-mails sopre Pardos, en un de ros cuals li partizipará las enformazions qu´ha replegato d´a mai suya y que trascriben encontinén:

Hola, amigos “zerrigüeltaires”. Ya he charrau con mi mai sobre as cosetas de Pardos que vos interesaba conoixer ta publicar en a vuestra pachina web. Contino vos recento a información que he replegau:

O lugar de Pardos quedó deshabitau de raso a meyaus d’os anyos 70. A chent marchó por manca de comunicacions: no bi heba so que camins ta caminar u marchar amontau en bell abrio enta os lugars d’a redolada (Abanto, Cubel, Aceret…). Si a Diputación Provincial hese feita a tiempo a pista que hue conecta Pardos con Abanto, u la que va enta Cubel, quasi seguro que agora no parlarianos d’un lugarón deshabitau, como tantos d’atros en Aragón.

 

A chent viviban de l’agricultura y d’o bistiar. Más que más se criaba ordio y trigo. Tamién se criaba cibada, remolacha, y bell poco de pipirigallo y guixas ta dar-lis de minchar a os animals. I heba tamién bellas pocas almendreras, cereseras y vinyas. En os poquetz hortals que teneban criaban una mica de tot (trunfas, chodiga verde…) nomás que lo chusto ta casa. De verano, marchaban cuadrillas de segadors a segar enta Castiella. D’hibierno bell uns marchaban ta la Francia, t’a campanya d’a remolacha.

 

De bistiar, bi’n heba ovellas y crabas (antiparti d’os abrios ta treballar n’o campo: machos, mulas y bell somero). No feban transuancia. Gosaban marchar t’a feria de bistiar de Calmarza. En as casas que teneban bistiar, en zagueras nomás que tres u quatro, feban queso con leit de craba y ovella.

 

En o mont i heba muita carrasca, y tamién bell poquet de buixo, chinebros y bella cerollera. O tozal más altero en dentro d’o termino de Pardos ye Cerro Redondo. Bells toponimos de Pardos:

Carra Cubel

Carra Las Fuentes

Carra Molinos

El Collado

El Puerto

Las Cerradillas

La Fuente la Hiedra

Los Guijares

San Antón

Trascastillo

Val de las Viñas

 

32 Casa de Pardos junto a las carrascas. Afoto Ch.Crespo

Casa de Pardos junto a las carrascas. Afoto Ch.Crespo

En Pardos no se feban servir motes, y as casas no teneban nombre que las identificase (fueras d’o nombre que preneban d’os suyos amos). En o lugar i heba botiga, bar y posada. Y una escuela aon iban chuntos totz os zagals y zagalas. Os nombres d’as carreras yeran:

El Cantón

El Horno

La Plaza

La Replaceta

La Sahuquerilla

 

33 Casa hundida. Foto de Chabier Crespo. Afoto de Chabier Crespo. Casa espaldada

Casa hundida. Foto de Chabier Crespo. Afoto de Chabier Crespo. Casa espaldada

A electricidat arribó en Pardos a primers d’os 70, quan quedaba ya poqueta chent n’o lugar. Dica allora, s’alumbraban con candils de carburo.

34 Bóveda de una habitación de una casa de Pardos. Güeltas de una cambra de una casa de Pardos..JPG

Bóveda de una habitación de una casa de Pardos. Güeltas de una cambra de una casa de Pardos..JPG

O mosen y o medico puyaban d’Abanto. A fiesta yera ta Sant Ramón Nonato (31 d’agosto), que i acudiban os gaiters de Cimballa. Tamién se feba una romería a meyaus d’abril ta l’Armita d’a Virchen de Guialguerrero, n’o termino monecipal de Cubel. Ixa romería encara la fan agora antigos habitadors y amigos de Pardos, que tamién s’achuntan a meyaus de chunio (festividat de Sant Antonio de Padua) en l’armita de Sant Antón, restaurada en 1995.

 

Ta part d’alavez, 1995, estió quan vivió en Pardos un supuesto archiduque austriaco: Hugo von Habsburg. Iste presonache yera aloxau en o monesterio de Piedra, en Nuevalos, y conoxió Pardos a traviés d’o suyo “secretario” particular (un treballador d’o monesterio) que diz que yera republicano. Tanto goyo li fació lo lugar que decidió de retirar-se a vivir en una d’as pocas casas que encara no yeran espaldadas, dedicando-se a l’estudeo d’as plantas y os animals, más que más as cullebras. A la fin, dimpués d’acudir una ripa chent ta Pardos mirando de trobar-se con l’archiduque, un buen diya brincó cara ta America y nunca más se’n ha sabiu brenca.

 

Ixo ye tot, amigos “zerris”. Como podetz viyer, ye cierto que en Pardos no s’usaban motes, tal como vos dicioron en Abanto. Y estoi que habretz escuitau muitas vegadas causas parellanas (manca de servicios) que explican a despoblación de tantismos lugars n’o nuestro país, más que más n’os Pirineus pero tamién n’as sierras d’o Sistema Iberico que ocupan buena cosa d’as provincias de Zaragoza y Teruel.

 

Exprisions y a plantar fuerte.

 

Chabier Crespo Blasco.

Li quedan firme agradixitos a Chabier por lo suyo intrés y guana desposizión y li demandan que -si podese estar- lis nimbiase bel afoto antigo de Pardos; cosa que tamién consiguirán, pos Chabier Crespo lis achuntará en un mensax eleutronico bels afotos d´o lugar qu´ha feito él y un afoto biello, d´enta 1.960, d´os alunnos y alunnas d´a Escuela de Pardos con a suya mayestra. Una de las ninas de l´afoto ye la mai de Chabier.

35 Escuela de Pardos. Foto de Chabier Crespo. Escuela de Pardos. Afoto de Chabier Crespo

Escuela de Pardos. Foto de Chabier Crespo. Escuela de Pardos. Afoto de Chabier Crespo

Niños y niñas de Pardos con su maestra. Foto del libro de  José Á. Urzay Barrios, "Cultura popular comunidad Calatayud"

Niños y niñas de Pardos con su maestra. Foto del libro de José Á. Urzay Barrios, “Cultura popular comunidad Calatayud”

A berdá ye qu´agora ya en han consiguito pros de datos de toda mena sopre Pardos y as suyas chens, y se´n dan por satisfeitos. Pa forro i bota, antiparti de todas as enformazions sopre l´Archiduque en os tres blogs debanmentaus y en o mensax de Chabier Crespo, M. Martín troba “pinchau” en Youtube un reportax que Antena 3 li fazió a ixe presonax en Pardos, cuan i bibiba, ta lo pograma “A toda página”, en as añadas 90:

36. El Archiduque en Pardos. L'Archiduque en Pardos

El Archiduque en Pardos. L’Archiduque en Pardos

Astí l´anomenan “Hugo de Habsburgo y Lorena. Archiduque de Austria, Príncipe de Germania y Gran Duque de Toscana”. Aseguran que: “…. su imperio es ahora este pueblo abandonado; su palacio, una casa semiderruída; sus compañeros, una gata, un perro y una cabra…..desde hace algo más de un año don Hugo es el único habitante de Pardos. Aquí ha encontrado su paraíso perdido…. soledad, contacto con la naturaleza y espiritualidad…..” Tamién diz que yera estau profesor en una unibersidá americana y qu´antis de bibir en Pardos, eba triballau de pastor en un lucar bizín. Li se beye cautibando lo güerto, azeutando sobres de simién que li trayen abitadors d´a redolada (posiblemén “Abanteros”), andando por as carreras de Pardos, replegando augua d´a fuen y muyindo a la suya unica craba…. Diz que bibe con 40.000 pezetas a l´añada y que no´n recloxida cosa d´a suya bita anterior……

Paix estar que tanta remetida meyatica remató por xorrontá-lo y se´n fuyó d´astí, aborreziu de no poder estar tranquilo ni en un lugarón perdiu y albandonau d´as Siarras Ibericas d´Aragón. Os Zerris li deseyan a Herr Hugo von Habsburg-Lothringen -zaguer abitador de Pardos- muita suarde y guana bita, seiga qui seiga y do quiera que seiga.

37 Entrando por Pardos. Dentrando por Pardos.jpg

Entrando por Pardos. Dentrando por Pardos.jpg

Ban dentrando por Pardos alufrando as estruezas en todas as casas, sin de tellaus, con muitos paretons escatumbaus, anque autros agún i aguantan; ban abanzando por as carreras, i afotiando bels detalles que s´han manteniu firmes cuasi miraglosamén,

38 Una de las casas mejor conservadas. Una d'as casas millor conserbatas

Una de las casas mejor conservadas. Una d’as casas millor conserbatas

con reparo y ficazio de no apegá-sen masiau ta las parez ni trespasar dengún portal -no seiga cosa que i caiga bel alchezón u tella-. A bechetazión que se´n apodera sin de remeyo d´as casas contrasta pro con as royencas costruzions, emplindo-las d´una malinconica politeza, entre que lo ziel griso escurizo agún engranda más la sensazión de tristura. Lastima de lugar!!.

39. Contraste

Contraste

Afortunatamén, Pardos no ye muerto de raso. En a romería ta la Virgen de Guialguerrero (Cubel) d´abril de 2005,

40. Virgen de Guialguerrero en 2010. Birchen de Guialguerrero en 2010

Virgen de Guialguerrero en 2010. Birchen de Guialguerrero en 2010

os pardeños y deszendiens astí presens dezidioron de creyar l´Asociación de Amigos de Pardos con asambleya fundazional en chunio d´ixe mesmo año y ochetibos zentraus en a recuperazión d´o patrimonio natural y cultural de Pardos,

41. La Fuente de Pardos. La Fuen de Pardos

La Fuente de Pardos. La Fuen de Pardos

mantenendo la memoria y la rilazión entre os pardeños, deszendiens, amius y colaboradors. Gosan chuntá-sen cada año en a romería debanmentada y en l´armita de San Antón de Pardos, cada mes de chunio i zilebran una fiasta, entre autras autibidaz.

42 Romería de San Antón en Pardos. Junio-Chunio de 2011

Romería de San Antón en Pardos. Junio-Chunio de 2011

A lo que plegan ta la ilesia de Nª Sª de l´Asunzión

43 Campanario de la torre de la iglesia. Campanal d'a torre d'a ilesia.JPG

Campanario de la torre de la iglesia. Campanal d’a torre d’a ilesia.JPG

-d´orichen romanico con güeltas goticas d´o sieglo XVI-

44 La Iglesia de Pardos. A Ilesia de Pardos

La Iglesia de Pardos. A Ilesia de Pardos

fan os zaguers afotos y se´n tornan ta l´auto y cara t´Abanto, esbarrando-sen por o camín ta la cucha pa biyer o Güello de Pardos;

45 El Ojo de Pardos. O Güello de Pardos

El Ojo de Pardos. O Güello de Pardos

anque no ye bistero dende lo camín, la prisenzia d´agundán arbolau en una zona puntosa lis abisa de que ya i son plegaus.

46 M. Pérez en el Ojo de Pardos. M. Perez en o Güello de Pardos

M. Pérez en el Ojo de Pardos. M. Perez en o Güello de Pardos

Cuan lo beyen, compreban lo suyo aspeuto misterioso y cuasi “perigloso”: millor no amaná-se-ie masiau!!. Antiparti, en os blogs debanmentaus leyerán a liyenda d´a suya formazión y as dixendas sopre afogamiens en tiampos antigos.

47 Pardos güellando lo Güello de Pardos. Pardos mirando el Ojo de Pardos

Pardos güellando lo Güello de Pardos. Pardos mirando el Ojo de Pardos

Dimpués d´os obligatos afotos, y con a tardi ya pro abanzata, continarán biache t´Abanto y por a carretera A-2506 dica Nuebalos, do adormirán ixa nuei. Ye estada una chornada muito bian espleitata por redoladas rayanas con Castiella, sobremajizas y fundamén aragonesas.

Anuncios