14. Cutanda

27-V-2010. Dimpués de desayunar y dispidí-sen de la chen de l´alox rural “El Molino” marchan enta lo primer destín d´o diya, Cutanda, pasando por Portalrubio, La Venta´l Diablo y, cruziando la N-211, siguen la bal de lo Pancrudo por Torre los Negros y Barrachina (A-1508) pa tornar a esbarrá-sen -2 kms. solamén- por l´A-2513.

01 Panorama de la localidad. Ambiesta d'a localidá

Panorama de la localidad. Ambiesta d’a localidá

Nomás dentrar en Cutanda alparcan y saludan a dos biellos que yeran capaziando a´l canto la carretera, preguntando-lis por o puesto do escaizió la famosa baralla.

02 Iglesia y tejados de Cutanda, al fondo Valle de Jiloca. Ilesia y tellaus de Cutanda, ta lo fundo Bal de Chiloca.

Iglesia y tejados de Cutanda, al fondo Valle de Jiloca. Ilesia y tellaus de Cutanda, ta lo fundo Bal de Chiloca.

Lis izen que se clama “Las Celadas” u “Campo Matanza” y que se beye muito bien dende lo cabalto d´o lugar; os Zerris lis demandan que nombren autros toponimos d´o termino monezipal, los que s´alcuerden agora mesmo, y amonico lis ban rilazionando los siguiens: El Cerro la Horca, Prasomero, La Cerradilla, Las Viñas, La Sierra (sopre “el Marojal de Pelarda” lis comentan que a ixos arbols lis izen “rebollos” y a los suyos fruitos “algallarones”), La Cañada Mayor, Fuentestú, Monte Cervera, La Muela, El Canalizo, Carramolino, el río la Vega, el río Soletas, Fuente´l Ziruejo, Bal de las Aguas, Fuente la Zorra, Fuente la Teja, Fuente Vieja, Barranco los Pozos, Carranueros, La Masada, La Lastra, El Regajo…. parix que nolis ne bienen más, asinas que agora lis preguntan por os motes d´o lugar u d´atros lugars bizins; dandaleyan bel poqued y en zagueras se deziden: “siempre se ha dicho que “el de Navarrete, contra más larga la tiene, más honda la mete“.

03 Rótulo recordatorio y denominación de una calle. Retulo remeratibo y anomenazión d'una carrera

Rótulo recordatorio y denominación de una calle. Retulo remeratibo y anomenazión d’una carrera

A la fin se´n ban dezidindo a izir beluns de Cutanda: Picarazos, Cabezones, Gototanes, Sastres, Carroquinos, Baldreses (“este debiene de los Baldreses” l´izen a un siñor qu´en ixas pasaba por astí), Herreros, Valientes, Millanes, Carambas, Politos (en istas pasa unautro biello que diz: “éstos bus darán detalles“), Valeros, Pamplonas, Chabarrías, Guitartes…. ya no´n remeran más.

04 Desde el Castillo vista hacia el Valle del Pancrudo. Dende o Castiello ambiesta enta la Bal d'o Pancrudo.jpg

Desde el Castillo vista hacia el Valle del Pancrudo. Dende o Castiello ambiesta enta la Bal d’o Pancrudo

Os Zerrigüeltaires lis quedan firme agradixitos y uno d´istos siñors s´abiene a izir lo suyo nome: Joaquín Simón Agudo; se´n dispiden y, siguindo as endicazions d´istos siñors, marchan por Prasomero (“prau d´alto”) ta lo cabalto d´o lugar, do se troban os repoyos d´o Castiello, d´orichen mozleme y que no s´espaldó dica metá d´o sieglo XIX.

05 Las Celadas o Campo Matanza desde la cima del pueblo - dende o cobalto d'o lugar

Las Celadas o Campo Matanza desde la cima del pueblo – dende o cobalto d’o lugar-

Dend´astí alufran con ficazio y afotían “Las Celadas” u “Campo Matanza”, ampla ballonera entre dos tozalicos do, en chunio de lo 1.120, Alifonso lo Barallador consiguió una gran bitoria sopre os moros que li guarenziaba ra conquista de la Bal meya de l´Ebro, aduyato entre autros por Guillén IX lo Trobataire, duque d´Aquitania; asinas lo rezenta la Coronica de San Chuan d´a Peña:

 

07 M. Martín al fondo Campo Matanzas. Migalánchel Martín ta ro fundo Campo Matanzas.jpg

M. Martín al fondo Campo Matanzas. Migalánchel Martín ta ro fundo Campo Matanzas.jpg

06 M. Pérez al fondo Campo Matanzas. Migalánchel Pérez ta ro fundo Campo Matanzas

M. Pérez al fondo Campo Matanzas. Migalánchel Pérez ta ro fundo Campo Matanzas

“….Et esti emperador vençió la grant batalla de Cuntada, en la qoal fue el compte Opiqueus bueno, que era allí con seycientos de cavallo, e murió allí el fillo de Amiramomelin con grandes gentes de moros que no avían compto, e por esto dizen que peor fue que la de Cuntada….”; asinas lo diz la Coronica d´os Estaus Peninsulars: “…. Esti venció la grant batalla de Cotanda, en la cual fue el cuende de Piteus con DC hombres de cavallo, et murió hi el fijo de Miramomelín et tan grandes gentes de moros que no eran conta. Et por esto dicen peor fue que la de Cutanda“; y asinas lo reculle la franzesa “Chronique de Saint-Maixent“, escrebita enta 1.140:

“….MCXX…. XV kalendas julii, comes Willelmus et dux Aquitanorum et rex Araguniae pugnaverunt cum Abraham et aliis quator regibus Hispaniarum, in campo Cotanciae; et devicerunt et occiderunt quindecim millia Moabitarum et innumerabiles captivaverunt. Duo millia camelorum ceperunt et de aliis bestiis sine numero, et plurima alia subjugaverunt castella….” ( 1.120…. 15 calendas de chulio, lo conte (de Poitou) Guillén y duque d´Aquitania y lo rai d´Aragón luitoron con Abraham y autros cuatro rais d´Ispania, en o campo de Cutanda; e i benzioron y matoron quinze milentas de Moabitas y sinlumerables i pilloron. De dos milentas de camellos se´n i emparoron y sin de lumero d´autros bestiars, y bels castiellos chusmetioron….).

08 Restos del Castillo. Repoyos d'o Castiello

Restos del Castillo. Repoyos d’o Castiello

Sopre os requilorios y as risultas d´a baralla de Cutanda se beiga lo ya dito en o capetulo d´a Estoria de Pancrudo, asinas como a soprixién colaborazión de Alberto CAÑADA JUSTE en a rebista XILOCA-20 (se beiga ra Bibliografía).

M. Martín al fondo el pueblo y el castillo de Cutanda. Migalánchel Martín ta lo fundo  lo lucar de Cutanda.jpg

M. Martín al fondo el pueblo y el castillo de Cutanda. Migalánchel Martín ta lo fundo lo lucar y o castiello de Cutanda

M. Pérez al fondo el pueblo y el castillo de Cutanda. Migalánchel Pérez ta lo fundo lo lucar y o castiello de Cutanda.

M. Pérez al fondo el pueblo y el castillo de Cutanda. Migalánchel Pérez ta lo fundo lo lucar y o castiello de Cutanda.

Rispetibe a lo nome de Cutanda, paix estar que l´anomenazión latina yera “CONTATA”,  d´astí en debenirba “Cuntada”, y dimpués -por metatesis- Cutanda.

11 Calle Prado Somero. Carrera Prasomero

Calle Prado Somero. Carrera Prasomero

Anque l´orichen d´ista anomenazión sereba unautro, seguntes a falordieta que li rezentó un biello cutandino a Migalánchel Martín en 1984, cuan triballaba como cusirador en a “Casa Gran” (espital Migal Serbeto de Zirigoza): “En tiempos antiguos, cuando aún no había mapas, iban unos oficiales del rey de Aragón por el territorio, recogiendo datos para censos, y a lo que llegaban a Cutanda, que ya lo tenían a la vista, se encontraron a una agüela que iba arreando a una tocina y le preguntaron que cómo se llamaba el pueblo; pero la anciana era completamente sorda y tampoco veía bien, así que aunque les estaba mirando, no sabía que estaban hablando con ella y siguió a lo suyo, arreando a la tocina y diciéndole: “cuta anda; cuta anda”, y así quedó bautizau el pueblo”.

12 Un pairón de Cutanda.

12 Un pairón de Cutanda

“Pior que la de Cutanda” no s´ha cayito y se contina izindo por istas redoladas, tamién ye fazil ascuitar “And´anda los de Cutanda” como esclamazión de sospresa.

13 La parte alto del pairón y la torre de la iglesia. La susana d'o pairón y a torre d'a ilesia

La parte alto del pairón y la torre de la iglesia. La susana d’o pairón y a torre d’a ilesia

Dimpués d´afotiar de firme lo lugar y os arredols dende lo Castiello, os Zerris se´n baxan por a carrera Prasomero y dan unas zerrigüeltas por la localidá, do tamién fan bels afotos d´a ilesia, bels pairons, retulos y l´escuto meyebal d´a poblazión.

14 Escudo de Cutanda. Estuto de Cutanda

14 Escudo de Cutanda. Escuto de Cutanda

Cutanda ye un lucarón de bella sitantena d´abitadors pertenexién a la comarca d´o Xiloca, entre as tradizions i mantenitas soprixe lo “Baile de San Roque”, remanenzia de l´antigo Danze d´a localidá. Tamién son muito conoxitos os Gaiters de Cutanda (espezialmén o famoso “tió Caramba”) y as corridas de pollos d´a localidá.

15 Foto antigua de los Gaiteros de Cutanda Afoto antigo d´os Gaiters de Cutanda

Foto antigua de los Gaiteros de Cutanda. Afoto antigo d´os Gaiters de Cutanda

Os Tocayos continan camín tornando ta l´A-1508,

16 San Jorge matando al dragón en un peirón de Cutanda. San Chorche matando a lo dragón en un pairón

San Jorge matando al dragón en un peirón de Cutanda. San Chorche matando a lo dragón en un pairón de Cutanda

siguindo la cursa de lo Pancrudo, pasando por Nabarret y Leitague dica plegar en l´abocadero de l´arriu en o Xiloca.

Anuncios