12.5. Pancrudo. Lo Castiello. Estoria de Pancrudo (y II)

En o zaguer tierz d´o sieglo XIV bels listaus fiscals y zensals premiten conoxer la demografía pancrudina d´allora, que yera de bels 300 abitadors y cualques 50-60 casas. Trascriben encontinén lo decumén que replega lo zenso de Pancrudo de 1.373,

Portada del libro donde aparece el censo de Pancrudo de 1373. Portalada d’o libro do aparix o zenso de Pan Crudo de 1373

correspondién a lo trebuto d´o “morabetín”; prisenta un listau pro amplo de bizins d´a localidá (los que por lurs rentos teneban obligazión de i trebutar):

“Depués daquesto, el sobre dito día, sabado, a XX días del mes d´agosto, anno a nativitate Domini Mº CCCº LXXº tercio, en el lugar de Pan Crudo, aldeya de la ciudat de Darocha, Francisco Morata, procurador sobredito, presentes don Jayme de Mingons et Johan Ferrero, jurados del dito lugar, de Pan Crudo. Et presente mi, notario, et los testimonios de la part de juso scriptos, presente, los sobre ditos jurados et por mi, notario, leyer et publicar fizo la dita comision del sennyor rey, por vigor de la cual dita comision, requiró a los ditos jurados que juren sobre la cruz et los sanctos evangelios de nuestro sennyor Jhesuchristo, de dezir verdat et de fazer verdadera manifestazón de todos et cuales quier vezinos et abitantes del dito lugar que an bienes mobles o sedientes, valientes setanta sollidos jaqueses, por los cuales deven pagar moravedí al sennyor rey, segunt fuero et huso del regno, si quier seyan sirvientes, pupillos, viudas o otros cuales sequier. Los cuales ditos don Jayme et Juhan Ferrero juraron en continent sobre la cruz et los sanctos evangelios de nuestro sennyor Jhesuchristo, ante ellos puestos et de sus manos corporalmente tocados, de dezir verdat de lo que saben et interrogados seran por el dito procurador en el feyto del dito moravedí et de la manifestazión daquell. Interrogados los ditos jurados por el dito procurador, por la dita jura, quins son los que pueden pagar maravedi en el dito lugar respondieron et dixieron por claros los que se siguen:

 

Pan Crudo. Primerament Yuhannes Just, Juhan de Mallén, Martín Março, Pascual Monyoz, Martín Ramo, Miguel Stevan, Rodrigo Pérez, Domingo Venedito, Don Jayme de Mingons, Muger de Vizeynt Gómez, Gómez de Salzediello, Domingo Rodrigo, Juhan Serrano, Domingo Ramo, Gil Torrijo, Juhan Ferrer, Domingo Serrano, Muger de Pascual Gil, Domingo Valero, Martín Ferrero, Muger de Miguel Asensio, Mari Peyro, Domingo Martín, Venedito Savastián, Marín de la Foz.

 

Suman los claros…….. XXV Dudantes los que se siguen. Primerament Martín Gorgorio, Fijo de Martín Gorgorio, Rodrigiello, Fijos de Domingo Valero de Lidon, Fijo de Juhan Valero, Fijo de Martín Pérez, Fijos de Valero Savastián, Donnya Oria María, Hurraca, Marta Simón.

 

Suman los dudantes……. X (Siguen unas frases en catalán, en as que lo Mayestre Razional -lo contable d´a Corona d´Aragón, con siede en Barzelona- i fa bels contos y remata: “XXXVI morabetins clars”).

 

Interrogados, por la dita jura, por si saben  más personas ni bienes algunos en el dito lugar qui valan sus bienes LXX sollidos jaqueses por los cuales deven pagar maravedí, segunt dito es, respondieron et dixieron, por la dita jura, que no y sabían personas ni bienes otros algunos qui devan pagar maravedí al sennyor rey en el dito lugar de Pan crudo, balent los que de part de suso dito et manifestado han. Et de las sobreditas cosas, el dito procurador requiró a mi, notario de juso nombrado, que de las sobre ditas cosas le fiziese carta pública testimonial a conservazón del derecho suyo et de aquellos de qui el era procurador. Et testimonios son desto Gil Torrijo et Juhan Rosano, vezinos de Pancrudo.

 

Sig + no de mi Pascual Stevan, vezino de Sant Martín del Río, aldeya de ciudat de Darocha, por attoridad del sennyor rey, notario publico en todo el regno d´Aragón, qui a las sobre ditas cosas present fu et aquesto scribi et cerre”.

Ye esclatero que ra letura d´iste decumén li risulta plazentera y dica emozionán a Migalánchel Martín, fillo d´un pancrudino clamato Domingo Martín y que -por estar fillo de Domingo- los pancrudinos (puntosamén, as chirmanas Lahoz) li diziban de nino: “Mingüelo”.


M. Martín con su padre Domingo, y su abuela Palmira, hacia 1965. Migalánchel Martín con o suyo pai, Domingo, y a suya güela Palmira, enta 1965

M. Martín con su padre Domingo, y su abuela Palmira, hacia 1965. Migalánchel Martín con o suyo pai, Domingo, y a suya güela Palmira, enta 1965

De ros sieglos XV y XVI b´ha pocas enformazions decumentals pancrudinas. Quizau l´estudeo por menuzels d´a decumentazión de Pancrudo y lucars bizins alzata en l´Archibo Notarial de Montalbán, en dase pro de razón d´istas engüeltas estoricas en a localidá. En o lumero 71 d´a rebiesta “Teruel” (1.984) Paloma Del Valle publicó un “Inventario” de dito archibo

Algunos signos notariales del Archivo de Montalbán. Bels siñals notarials de l’Archibo de Montalbán

que abraca dende 1.412 ta 1.550 (se beiga ra Bibliografía); astí se siñalan 2 escrituras notarials feitas en Pancrudo en o sieglo XV y autras 19 en o sieglo XVI, asinas como muitismas más de toz os lucars d´a redolada. Por la suya parti, M. Martín besitó en as añadas 80la Notaría de Montalbán, ande l´amostrón las carpetas con decumens notarials referens a Pancrudo, remerando-ne que yeran espezialmén agundans os de ros sieglos XVIII y XIX. Por disgrazia, naide no ha puisto emprender l´estudeyo d´istos papels dica d´agora.

Carretera a Portalrubio, la Dehesa y el Morteruelo. Por el camino entre la Carretera y el Castillo pasaba la Ruta Mora. Carretera ta Portiel Royo, la Désa y El Morteruelo. Por o camín entre la carretera y lo castiello pasaba la Rota Mora

Seyerá en o sieglo XVII cuan Pancrudo prenzipie a alquirir la suya fesomía autual, con o casalar abiau en carreras rayals a partir de ros dos “zentros” d´a localidá: las plazas d´o Conzello y d´a ilesia. D´istos sieglos XVII y XVIII en son tamién las primeras referenzias a presonas “notables” d´a localidá: infanzons y relichiosos, mentaus en l´articlo de Flor Lahoz sopre “La Virgen de la Palma” (reb. “Pancrudo”, lº 8), do tamién s´informa: “Según A. Ubieto Arteta…. en el año 1.646 había en Pancrudo 62 fuegos, y 70 vecinos en el año 1.713, lo que traducido a habitantes serían, poco más o menos, 310 y 350 respectivamente”. Se beye que no bi ha grans esferenzias respetibe a ros zensos d´o sieglo XIV, y lo mesmo cal izir de meyaus d´o XIX, pos Pascual Madoz replega en a suya archiconoxita obra bellas 70 casas y “272 almas”.

En bispras d´a Guerra Zebil d´o 36 la poblazión eba crexito, pos pasaban de 400 os abitadors, y se´n debió de mantenir pro estable en as siguiens decadas, pos en 1.970 encá teneba 403 abitadors. Ye en as zagueras decadas de migrazión masiba enta las zidaz cuan la poblazión se´n ye achiquida dramaticamén: 202 abitadors en 1.996 y bels 130 autuals (en tó lo monezipio, inclusibes os autros 3 lucars que i pertenexen).

Ta rematanza, izir que ya no se conoxen más referenzias decumentals a lo Castiello de Pancrudo; ye de suposar que dimpués d´a guerra con Castiella en o sieglo XIV, fue perdendo utilidá y funzionalidá, y se´n fue esturrufiando aspazico. Con tó y con ixo, agún debió de fer güena onra en as Guerras Carlistas, pos por tradizión oral iz que s´arreyaban güenos tirotazos entre lo Castiello y o parache de “La Guerra” (en la partida de “La Désa”, ande agún endi queda un furgacho foratau en la peña).

Restos del muro del torreón circular del Castillo. Repoyos d´o mur de lo torreyón zercular d´o Castiello

De seguras qu´istos “pepinazos” no li fazieron güen prebo a lo Castiello y, por si no yera pro estronchinau, li plegó la rematadura en a zaguera Guerra Zebil, cuan i fazieron trincheras (lo güelo de M. Martín, Isidro, li rezentaba que i troboron “pasadizos y tuneles” con trozez de zeramicas “de los moros”) y rematón d´esturrufiar lo torreyón zercular (que agún i teneba 5 u 6 mts. d´altaria) porque “era un objetivo muy visible desde los aviones” (reb. “Pancrudo”, lº 8, p. 76).

Vestigios del torreón cuadrado y de las trincheras de la Guerra Civil. Estrazios d´o torreyón cuadrato y d´as trincheras d´a Guerra Zebil

Respetibe a la descrizión morfolochica d´o Castiello, os datos alportaus por Pascual Tolosa y Flor Lahoz en ixe mesmo articlo en son: esistenzia d´alizazes d´un torreyón cuadrato de 4 x 4 mts. y repoyos de mur d´unautro torreyón zercular de 6 mts. de diametro, deseparaus bels 20 mts. l´auno de l´autro.

M. Martín, vigía de la ruta mora. M. Martín, guaita d´a rota mora

M. Pérez, vigía de la ruta castellana. M. Pérez, guaita d´a rota castellana

O torreyón zercular ye encarau enta l´Este-Sureste (rota mora) y lo cuadrato enta lo Güeste-Norgüeste (rota castellana);

La Ruta Castellana, por la Sierra Lidón, desde el Castillo. La Rota Castellana, por la Sierra Lidón, dende lo Castiello

por ixo ye posible prexinar  que lo zercular sereba más antigo, de tiampos d´a Reconquiesta (sieglo XII), y lo cuadrato de ros tiampos d´enfrontinamién con Castiella (sieglo XIV).

Sin poder end´alberar pon, por mancanza de datos, y a l´aspera de que nuabas escabonazions podesen end´alportar de nobedaz.

Dimpués de cualques prebatinas, os Zerris consiguen afotiá-sen chuntos con la torre d´a ilesia

Los Zerrigüeltaires en cuclillas en el Castillo, para poder fotografiarse con la iglesia. Los Zerrigüeltaires en cocletas en o Castiello, pa poder afotiá-sen con la ilesia

y emprenden lo ritorno baxando-sen por Las Eras y dentrando por la carrera Mayor; afotiando de paso bels detalles de casas y parez, como trucadors, armiellas ta ligar abríos,

Argolla y gancho en una casa pancrudina. Armiella y gancho en una casa pancrudina

rellas de finiestra

Vieja ventana enrejada. Biella finiestra enrellata

y bellas placas de rechola con más d´un sieglo d´antigüedá, con abisos, imachens policromatas de santos y mesmo…. l´alcordanza d´un crimen !!.

Viejo rótulo adminisrativo. Biello retulo almenistratibo

Vieja baldosa policromada de tema religioso. Biella rechola policromata de tema relichioso

Baldosa recordativa de un crimen acaecido en Pancrudo en el siglo XIX. Rechola remeratiba d´un crimen escaiziu en Pancrudo en o sieglo XIX

La iglesia y Las Lomas desde la calle Mayor. La ilesia y Las Lomas dende la carrera Mayor

A lo que tornan a pasar por “La Plaza” se´n i escunzan con unas pancrudinas de diferiens edaz que reconoxen a M. Martín; iste tamién las conox “de bista”, pero no se´n sape los suyos nomes (ixo li gosa escaizir con muita chen de Pancrudo). Istas mullers lis fan amablemén bel afoto chuntos con a frontera d´a Casa´l Lugar; tamién lis esplicotian ande ye lo recuperato Forno comunal.

Los Zerrigüeltaires delante del Ayuntamiento de Pancrudo. Los Zerrigüeltaires debán de la Casa´l Lugar de Pancrudo

Se´n dispiden d´elas, quedando-lis-ie firme agradixitos.

Anuncios