12.4. Pancrudo. Lo Castiello. Estoria de Pancrudo (I)

Dende la corona d´o tozal de lo Castiello l´ambiesta ye mañifica enta toz os costaus.

Restos del torreón circular del Castillo. Repoyos d´o torreyón zercular d´o Castiello

La bandera de Aragón en el Castillo de Pancrudo. Foto M. Martín 15-9-2012. A bandiera d’Aragón en o Castiello de Pan Crudo. Afoto M. Martín 15-9-2012

Os Tocayos se miran os estrazios de ros dos torreyons que tubió lo Castiello y s´aproxeman ta lo panel esplicatibo que plantificón astí fa unas añadas; por disgrazia, agora ye prauticamén sinleyible (se conox que lo duro clima pancrudino no l´ha feito güen prebo). Millor aspeuto ha unatro panel sopre la “Ruta de los Miradores”, perfeutamén leyible.

Rótulo respecto a la Ruta de los Miradores, en el Castillo. Retulo respetibe a la Ruta de los Miradores, en o Castiello

Con o fuyidizo sol d´a tardada, fan un redolín d´afotos enta lo lucar y os paisaches d´arredol.

Desde el Castillo, la iglesia y el polideportivo Esther Lahoz de Pancrudo. Dende lo Castiello, la ilesia y lo poliesportibo Esther Lahoz de Pancrudo

Primer plano de la iglesia desde el Castillo. Primer plan d´a ilesia dende lo Castiello

La Dehesa, La Fonblanca y, hacia el fondo, El Morteruelo. La Désa, la Fomblanca y, ta lo fundo, El Morteruelo

Los chopos del Prau y la Sierra Lidón desde el Castillo. Los choplos d´El Prau y la Sierra Lidón dende lo Castiello

Migalánchel Martín ya bi ye puyato muitas begatas, ta él ye una “tradizión” que precura cumplir cuan besita lo lucar. Migalánchel Pérez comenta que l´ha cuacau muito Pancrudo, las ambiestas y -en cheneral- toda la contornada; a lo que M. Martín adibe que l´ha paixito tó agún más majizo agora, en mayo, pos cuasi siempre eba besitau Pancrudo de berano u d´ibierno, no pas de primabera.

M.Pérez en el Castillo de Pancrudo. M. Pérez en o Castiello de Pancrudo

M. Martín en el Castillo de Pancrudo. M. Martín en o Castiello de Pancrudo

No han puisto quitá-ne treslau d´as esplicazions estoricas de ro panel, pero ixo rai !!; por suarde, ixe bofo lo podrán implir a caramullo con os informes y articlos adedicatos a ra custión en a rebiesta “Pancrudo”, siñatos por Pascual Tolosa, Manuel Gutiérrez, Flor Lahoz e Isabel Yeste, asinas como una entrebista a José Luis Corral y atras leturas y decumens zitaus más adebán.

Ya imos fablau en o capetulo d´El Prau de los repoyos prestoricos trobatos enla Cueba´l Prau, con bellas milentas d´añadas d´antigüedá. Antiparti, han aparixito estrazios arquioloxicos en diferiens zonas d´o monezipio, d´epocas prestoricas, ibera, romana, bisigota, mozleme, meyebal…. incluyitos bels repoyos d´un aposamién de “l´Iberico Pleno” en o Castiello de Pancrudo (rilazionatos en l´informe sopre “El Patrimonio de Pancrudo” en reb. “Pancrudo”, lum. 7 de chulio-2.003, pp. 75-82).

Pancrudo “dentra” enla Estorialo 1.122, Cuan Alifonso I lo Batallero -rai d´Aragón y Pamplona- establix en Mon Reyal de Xiloca la base d´operazions d´a suya campaña cuentra lo Lebán mozleme; primera menzión decumental que se´n conox d´o toponimo “Pancrudo”, anque sin de referenzia puntosa a si se i trata d´una localidá u d´un enclau cheografico. Pero beigamos lo contesto en o que se desembolicón os feitos debanditos.

Chopos y camino del Prau y, detrás, la Sierra Lidón. Choplos y camín del Prau y, dezaga, la Sierra Lidón

Alifonso I eba conqueriu Zirigoza a la fin de 1.118 y en as añadas siguiens continan abanzando as tropas d´os basallos suyos, aragoneses, nabarros y oczitans, por as bals d´a marguin dreita d´Ebro: Xalón, Xiloca, Güerba, Aguasbibas, Martín…. Os almorabides, que no eban puisto empachar la perduga de Zirigoza, aprestan la cuentraofensiba; l´emir Ali ibn Yusuf nimbía un gran exerzito en aduya de Calatayú y Daroca -qu´encá resisten- y con a fin zaguera de recuperar Zirigoza. Siguen o camín dende Balenzia, que pasa por Tergüel (Tirwal), bal de l´Alfambra, bal d´o Pancrudo, Xiloca, Xalón…. Pero Alifonso en ye bian enformato; l´exerzito crestián -abarracalato y a l´aguait en as siarras de Cucalón y Pelarda- lis talló la marcha en metá de la bal d´o Pancrudo, en Cutanda, do esfizioron de raso l´exerzito mozleme (chunio-1.120). Ye una bitoria tan dezisiba qu´encontinén cayoron Calatayú y Daroca, acupando los crestians las bals d´o Xalón, Xiloca y Pancrudo; establindo lo rai en Mon Reyal la “Militia Christi” de los Caballers de San Salbador y una linia esfensiba en a Sierra Lidón, dende Mon Reyal dica Pancrudo (1.122-1.128). De seguras que de por ixas engüeltas data la primer fortificazión crestiana d´o tozal de ro castiello pancrudino, sin que se pueda izir pon respetibe a una anterior mozleme.

Pancrudo, la vega del río y la carretera a Rillo desde el Castillo. Pancrudo, la bega de l´arriu y la carretera ta Riello dende lo Castiello

Paix estar que n´istas campañas melitars de 1.120 ta debán la partizipazión de nabarros estió espezialmén lumerosa e importán. Isto enguerará una estendenzia migradera y repobladera -que s´apolargará durán toda la Reconquiesta-dende la “Gran Nabarra” (incluyiba la Rioxay zonas de Burgos) enta las siarras ibericas, tanto de Castiella como d´Aragón y plegando dica lo Sureste peninsular. Prezisamén, la pulitica castellana d´Alifonso lo Barallador l´eba apremitiu recuperar a partir de 1.110 os territorios d´a Gran Nabarra de Sancho Garzés lo Mayor; isto ye sinificatibo ta lo posible orichen de l´anomenazión de Pancrudo, pos os unicos toponimos omonimos en a peninsula se troban en territorios pertenexiens a la Gran Nabarraen os sieglos XI-XII: puerto de Pancrudo en a muga Burgos-Alaba (Valle del Losa) y pico Pancrudo, de más de 2.000 mts., enla Sierra dela Demanda (La Rioxa), chunto lo monesterio de Valvanera y zerquica de lo de San Millán dela Cogolla (pasa por estar la “cuna del castellano”, encara que as suyas Glosas Emilianenses son os más antigos testos conoxitos en basco y nabarraragonés).

Barranco y fozinico de Las Calderetas y, debajo, El Prau. Barranco y fozinico de Las Calderetas y, debaxo, El Prau

Antiparti de la gran agundanzia d´apellius d´orichen nabarro por todas istas redoladas de la “Tierra Nueba” aragonesa, tenemos en o mesmo Pancrudola Peña Navarra(muga de terminos entre Alpeñés, Portalrubio y Pancrudo). Asinas que, si lo toponimo Pancrudo no esistiba ya mientres la dominazión mozleme -que n´ixe causo se tratareba posiblemén d´un nome mozarabe-, ye muito prebable que promane d´ixos primers momens d´a reconquiesta, y seiga estau baltizato asinas por os primers soldaus-pobladors d´orichen nabarro-rioxano.

Amplia vista de Pancrudo, con el río, Cazinarro, El Collau y Las Lomas, desde el Castillo. Ampla ambiesta de Pancrudo, con l´arriu, Cazinarro, El Collau y Las Lomas, dende lo Castiello

Cuan Nabarra se´n desepare d´Aragón, a la muert d´Alifonso I, prebará de mantener una “Estrematura” apropia que li premita continar la estendillanzia territorial d´o raino enta lo Sur, pero los pautos entre os rais de Castiella y Aragón li zarrarán ixa posibilidá. Por ixo dimpués de lo Pauto de Sahagún (1.170) as tenenzias y siñoríos nabarros en la “Tierra Nueba” -lo más siñalero en estió lo d´Albarrazín- irán acoplando-sen amoniqued ta los rispeutibes rainos de Castiella y Aragón. (En o causo d´Albarrazín pasará t´Aragón en o sieglo XIII). Ista “corrién nabarra”, reconqueridera y repobladera, esplicotiarba cualques peculiaridaz lesicas esistens en una faxa zentroriental peninsular que baxa dende la Riberanabarro-rioxana por redoladas güegatizas de Castiella y Aragón, La Mancha, os aintros d´o Payís Balenzián y probinzias de Jaén, Malaga y Granada; seguntes a teyoría esprisata por Diego Catalán y Gregorio Salvador y de ra que se´n fan leco Antonio Llorente y Francho Nagore (se beiga ra Bibliografía). Pos güeno, Pancrudo se trobareba en a mesma muga u cruzillata d´ista aria con autras más “aragonesizans” (enta l´arriu Martín y lo Baxo Aragón) y “mozarabizans” u “prearagonesizans” (bal de l´Alfambra, Gúdar….).

Una begata asolatas y fortificatas las posizions en o Xiloca, Alifonso I aprestó una espediata enta Lebán. Como diz Diego Catalán en “De Nájera a Salobreña” (se beiga ra Bibliografía): “….En setiembre de 1.125 el rey, acompañado de un enorme ejército, parte camino de Valencia (20-oct.), Murcia y Guadix (18-nov.), dispuesto a someter Granada (a cuya vista se encuentra el 7-en.-1.126). Esta gran expedición (que concluyó en jun.-1.126) no consiguió su principal objetivo, pero puso de manifiesto la voluntad del rey “celtíbero” de no reconocer otras fronteras para su reino en expansión que las costas de Motril, Salobreña y Vélez-Málaga (de ahí que tomase simbólica posesión del Mediterráneo embarcándose y comiéndose un pez)”.

Bi ha que adibir que d´ista espediata en tornó t´Aragón con bels 10.000 mozarabes (crestians que bibiban en os territorios mozlemes, espezialmén menazatos en ixos momens por o dominio de ros fanaticos almorabides) que contribuyoron remarcablemén a la repoblazión d´as tiarras d´a Bal d´Ebro rezién conqueritas.

Tamién cal mentar l´autra baruca “mediterrania” de lo rai Batallero: lo suyo ensuenio d´adubir a partizipar en as Cruzatas de Tiarra Santa.

A la muert d´Alifonso I (1.134) los poblemas causatos por o suyo testamén fan que as Ordens Melitars albandonen la “Tiarra Nuaba”. Ista queda almenistrata por l´emperador castellán Alfonso VII durán 3 añatas, dica que se´n fa lo repartimién finitibo (las mugas de Nabarra, Castiella y Aragón ya no cambeyarán enxamás) dimpués de cualques momens de sindefinizión (remeran que la mesma Zirigoza pertenexió allora por una añada a Castiella-Leyón -d´astí en promana l´escuto d´a zidá- y lo suyo tenén estió lo nuabo rai de Nabarra, antis de que pasás la tenenzia y posterior dominio ta lo nuabo rai d´Aragón, Remiro lo Monche). Dica 1.142, cuan Remón Belenguer IV atorga lo Fuer de Daroca,la Estrematuraaragonesa quedará cuasi espoblata, como “tiarra de naide” entre as zonas crestiana y mozleme. Con lo Fuer de Tergüel (1.177) y la creyazión d´a suya Comunidá, la metá meridional d´o territorio asinnato a Daroca en 1.142 pasará ta Tergüel: ye la nuaba Estrematura. Pancrudo queda en territorio de Daroca, güegatizo con lo de Tergüel.

Pancrudo, carretera a Cervera, Los Mases y El Cazinarro desde el Castillo. Pancrudo, carretera ta Zerbera, Los Mases y El Cazinarro dende lo Castiello

La siguién menzión de Pancrudo -ya esclateramén como aldeya- en decumentazión estorica aparix en a “Disposición del obispo de Zaragoza, Ramón de Castrocol, por la que otorga diversas rentas y diezmos a las iglesias de Daroca”, decumén en latín calendato lo 27 de febrer de lo 1.205 en Zirigoza, en o que s´atorgan os diezmos recaudatos en “Panecrudo” ta la ilesia de “San Martín, San Lorenzo y San Valero” de Daroca.

O siguién cambeyo importán esdebiendrá lo 1.248: dimpués d´un sieglo de “siñorío” asoluto d´a billa de Daroca sopre as suyas aldeyas, ístas consiguen “l´autonomía” establindo lur propia almenistrazión. Naxe la “Comunidá d´Aldeyas”, esboluzión lochica d´uns territorios que ya no son d´Estrematura y que refirman lur pogreso poblazional en o desembolique economico agropecuario.

L´amplo territorio d´a Comunidá queda trestallato en 5 “sesmas”, Pancrudo quedará integrau enla Sesmade Barrachina. Las sesmas esdebiendrán unidaz almenistratibas, chudizials y fiscals de gran importanzia ta la organizazión territorial d´o Sur d´Aragón y os monarcas entrebendrán ta regulá-las plaziblemén, por exemplo Chaime II en 1.298.

L´enanto demografico y economico fa crexer as ixabenenzias y pleitos sopre mugas, dreitos de paxentero, pasos y abrebadors ta los rabaños…. Cuan istos poblemas afeutaban a lucars de diferiens Comunidaz yera corrién fer “Chuntas de güenos omes”, como las que se gosaban fer en Pancrudo -como lucar güegatizo qu´en yera- entre ripresentans d´as Comunidaz de Daroca y Tergüel, sopre “prendas” de ganau (1.291), u sopre paxenters y abrebadors (1.394).

El tío Miguel con las ovejas en 1997. El ganado, fundamento económico rural desde antiguo. O tío Miguel con as obellas en 1997. Lo ganau, alizaz economico rural dende antis más.

Ye tamién importán la menzión en decumens de 1.344 de lo Castiello de Pancrudo, que yera serbito y mantenito por os mesmos abitadors de l´aldeya, igual que muitos autros castiellos d´a Comunidá.

Primer plano de la subida al Morteruelo, desde el Castillo. Primer plan d´a puyada ta lo Morteruelo, dende lo Castiello

La Peste Negra(1.348) y la “guerra de los dos Peiros” (Peiro I de Castiella y Peiro IV d´Aragón) -embasión castellana de 1.363- suposoron grans mortaleras ta la poblazión d´ista zona.

Anuncios