12.1. Por Plazas y Carreras

De tornata en Pancrudo alparcan l´auto en l´alox “El Molino” y marchan a piet ta lo cabo baxo d´o lugar, pero antis li fan un afoto a una biella carreta de labranza que beyen chusto enfruén.

Vieja carreta enfrente del alojamiento El Molino. Biella carreta enfruén de l´alox El Molino

Marchan enta las zagueras carreras d´a poblazión y enfilan cara ta l´arriu, lo cruzian por un trabesallo chicotón, de zimén, y puyan bel siñalín por la costera de Las Lomas. Dend´astí end´ay una ambiesta diferién d´o casalar de Pancrudo, l´arriu qu´enfila enta lo fozinico de Las Calderetas y El Prau y, entalto, lo tozal d´o Castiello cucutiando-lo tó.

La iglesia de Pancrudo desde el río. Ilesia de Pancrudo dende l´arriu

Vista parcial de Pancrudo con el río, la zona de la iglesia, y hacia el fondo la Fonblanca. Ambiesta parzial de Pancrudo con l´arriu, la zona d´a ilesia y, enta lo fundo, la Fomblanca

Vista del río Pancrudo en dirección al Prau y observado por el Castillo. Ambiesta de l´arriu Pancrudo enfilando ta´l Prau y aguaitau por o Castiello

El barranco de Las Calderetas desde Las Lomas. Lo barranco de Las Calderetas dende Las Lomas

Repasan lo pontarrón de l´arriu y marchan ta la plaza d´a ilesia.

Fachada de la iglesia de Pancrudo. Frontera d´a ilesia de Pancrudo

Dentran en a ilesia y M. Martín se i queda como un alufres en biyé-la tan esbiellada y bien atrapaziada, pos la remeraba muito escuriza y tristona. Agora planta rufa y brilantiza de raso, pos l´esbielle bi ye estau perfeuto.

Vueltas de crucería estrellada en la iglesia de Pancrudo. Güeltas de cruzería estrelata en a ilesia de Pancrudo

Crucería estrellada en la iglesia de Pancrudo. Cruzería estrelata en a ilesia de Pancrudo

Vuelta del cabecero de la iglesia de Pancrudo. Güelta d´o capezero d´a ilesia de Pancrudo

La ilesia de Nª Sª dela Asunción de Pancrudo ye d´estilo gotico, costruyita en a segunda metá d´o sieglo XVI en piatra manposata y picata, y fundata -seguntes tradizión oral- por flaires agostins.

Entrada con porche de la iglesia de Pancrudo. Entrador aporchegau d´a ilesia de Pancrudo

Primer plano de la puerta de la iglesia de Pancrudo. Primer plan d´a puarta de la ilesia de Pancrudo

Primer plano del campanal de la iglesia de Pancrudo. Primer plan d´o campanal d´a ilesia de Pancrudo

De nau aunica y con capiellas entre os muraus, la nau presienta güeltas de cruzería estrelata y coro en l´alto. Las capiellas laterals han güeltas d´ariesta; lo capezero ye semizercular.

El Altar Mayor de la iglesia de Pancrudo. L´Altar Mayor d´a ilesia de Pancrudo

La puerta d´a ilesia ye d´epoca posterior, d´estilo barroco con dople colunna toscana sobre poyato. La torre ye cuadrata, costruyita en manposau, con dos trampos y rematada en un chiqué chapistelico. Os aintros estieron estrapaziaus mientres la Guerra Zebil; manimenos, endi queda una decorazión de cortinaches pintaus en a parete d´o presbiterio, que debeban i enbastidar un retaulo barroco.

Retablo antiguo de la iglesia de Pancrudo destruido en la Guerra Civil. Retaulo antigo d´ a ilesia de Pancrudo, destruito en a Guerra Zebil

Retablo antiguo de la iglesia de Pancrudo destruido en la Guerra Civil. Retaulo antigo d´ a ilesia de Pancrudo, destruito en a Guerra Zebil

El púlpito de la iglesia de Pancrudo. La pedricadera d´a ilesia de Pancrudo

Detalles ornamentales en el techo de la iglesia de Pancrudo. Detalles ornamentals en o teito d´a ilesia de Pancrudo

La plaza d´a ilesia ye anomenata por os pancrudinos “la Replazeta” u “el Porchegau”; isto, chunto con la posible fundazión agostina d´a ilesia y atros detalles, endizias y troballas, fa considerar a Isabel Yeste Navarro (autora de l´informe sobre “Evolución urbana de Pancrudo” -reb. “Pancrudo”, 3, pp.46-55 de lo qu´en imos bistrayiu toz istos datos) que la ilesia poderba aber apertenexiu antis más a un combento, que lo suyo claustro sereba estau en lo qu´agora ye la plaza d´a ilesia y d´astí en debenirba lo nome de “Porchegau”. Lo combento aberba endurau decayenzia y a la fin sereba estau ixamortizau, endi remanindo sólo que la ilesia en funzions de “parroquial” d´a localidá.

La iglesia de Pancrudo desde la Replazeta. La ilesia de Pancrudo dende La Replazeta

Entre que afotían os aintros, s´endi enziertan con o mosen -qui, antiparti de Pancrudo, s´encarga de bels autros lugars- y fan consella con él un ratico, primero en a ilesia y dimpués en o Porchegau. En istas, aparix Demetrio amontau en o suyo cuadramoto -conoxito de Migalánchel Martín de cuan as bacanzias estibals chobenils- lo cual que tamién con él i pillan güen capazico, pos lis rezenta que -dimpués de muitas añadas difuera- se´n ye tornau a bebir ta Pancrudo de muito güen implaz.

M. Martín con Demetrio el Barbudo en la Replazeta. Migalánchel Martín con Demetrio lo Barbato en La Replazeta

Dimpués de dispidí-sen de los dos continan cara ta lo cabo alto d´o lucar,

Bonitas forjas antiguas en una puerta pancrudina. Politas forxas antigas en una puarta pancrudina

Bonita reja pancrudina forjada en 1660, según inscripción en el adorno superior. Polita rella pancrudina forxata lo 1660, seguntes iscrizión en l´adorno susano

plegan en “La Plaza” y afotían la frontera d´a “Casa´l Lugar” (sieglo XVII);

El Ayuntamiento de Pancrudo, en La Plaza. La Casa´l Lugar de Pancrudo, en La Plaza

en a parete, denzima d´a lonxa-trinquete (zarrata agora con cristaleras) bi ha una placa de zeramica i plantificata lo 2.005, con a enchaquia d´o güeiteno-zenteno cabodaño d´o primer decumén conoxiu en o qu´aparix mentata l´aldeya de Pancrudo (1.205).

En o costau dreito d´a Casa´l Lugar yera o “calabozo”, cambra que fizió onra ta siede de l´Asoziazión Cultural Pancrudina y que, por ixo mesmo, en dezidioron d´anomená-la asinas.

Anuncios