11. Cuevas de Portalrubio – Portalrubio

Dimpués de chintar marchan en l´auto ta Las Cuevas de Portalrubio, lugarón de tasamén una uzena d´abitadors en o que naxió l´agüelo de M. Martín, Isidro Martín Pérez (1.901-1.991).

A lo que plegan en a plaza d´a ilesia s´endi escunzan con un biellé que lis diz que bien poca chen i trobarán por as carreras, pos “d´ande no hay, no se pué sacar” y que beluns de ros abitadors serán en a tabierna. Dentran os tres en o “Bar-Centro Social” y os Zerris prenen bella consumizión y preguntan por o Museyo Local de Fósils; lis contestan que ye astí mesmo, en una cambra enta la cucha que lis ubren desiguida.

Rótulo en el Museo de Fósiles de las Cuevas de Portalrubio. Retulo en o Museyo de Fosils d´as Cuebas de Portielrubio

Os Zerrigüeltaires se´n sosprenden gratamén d´a caterbada de fósils de toda mena, perfeutamén atrapaziaus y esposaus en repalmars y bitrinas; endi sobrexindo espezialmén bels guallardos güegos de dinosauro: impresionán !!.

Calabaza fosilizada encontrada en las minas de las Cuevas. Carbaza fosilizata trobata en as minas d´as Cuebas

Hermoso huevo de dinosaurio. Guallardo güego de dinosauro

Pues eso... bibalbos. Pos ixo.... bibalbos

Vitrina llena de fósiles de las Cuevas de Portalrubio. Bitrina rebutién de fosils d´as Cuebas de Portielrubio

A contraluz (una montonada de fósiles y un bicho viviente). A cuentraluz (una caterbada de fosils y un bicho bibién)

En a charradica con os presens, M. Martín se prisenta como nieto d´un fillo d´o lugar, y que no yera estau enxamás en Las Cuevas dica d´agora. Como yera d´asperar, ista nobedá lis risulta muito chocante a toz, y os más biellos l´izen qu´eban conoxiu a l´agüelo Isidro, pero que l´eban tratau poco, pos de bien chobenzano se´n fue a triballar y bebir ta Pancrudo.

Pasatiempo respecto a la baraja en el Centro Social de las Cuevas de Portalrubio.Pasatiampo respetibe a la baraxa en o Zentro Sozial d´as Cuebas de Portiel Royo

Marchan a roldar por o lugarón y afotían a ilesia de San Miguel (d´o sieglo XVIII),

Fachada de la iglesia de Cuevas de Portalrubio. Frontera d´a ilesia de Cuebas de Portiel Royo

o casalar, detalles chocans por as casas y carreras

Caserío tradicional en las Cuevas de Portalrubio. Casal tradizional en las Cuebas de Portielrubio

Bonita reja aragonesista en las Cuevas de Portalrubio. Polita rella aragonesista en as Cuebas de Portielrubio

Torre y tejado de la iglesia de Cuevas de Portalrubio. Torre y tellau d´a ilesia de Cuebas de Portielrubio

Manija de una puerta en las Cuevas. Manillera d´una puarta en as Cuebas

Polea tradicional y artística en un pozo de las Cuevas. Carruchas tradizional y artistica en un puzo d´as Cuebas

El mismo pozo, por el otro lado. Lo mesmo puzo, por l´autro costau

y bel paisax trucadizo: una corraliza feita con un paretón de piatras manposatas, aprofeitando los cocholons y furgachos en o pedero d´o bizín rochal calzino que  -posiblemén- son la causa de lo nome d´a poblazión.

Corral hecho en los huecos del roquedal, junto a las Cuevas de Portalrubio. Corraliza feita en os furgachos d´o rochal, chunto a Las Cuebas de Portielrubio

Primer plano del mencionado corral. Primer plan d´a debandita corraliza

Lo barranco “del Torrejón” (naxe zerquica d´o Morteruelo) s´achunta en Las Cuevas con autros promanans de Portalrubio, creyando l´arriu deLa Rambla(un de ros naxeders de l´arriu Martín) que tien espeitaculars saltos d´augua en o suyo fozino, ya no guaire luen de Martín del Río.

La torre d´a ilesia de Las Cuebas, entre tellaus. La torre de la iglesia de Las Cuevas, entre tejados.

Casa y corral, muy deteriorados, en Cuevas de Portalrubio. Casa y corral, pro estronchinaus, en Cuebas de Portielrubio

Chimeneas y tejado en Las Cuevas. Chamineras y tellau en Las Cuebas

Contrimuestra d´a riqueza chioloxica d´ista contornada, antiparti d´os saltos d´augua, as espelungas y l´agundanzia de fósils, ye a prisenzia e importanzia qu´estoricamén tenió la minería d´o carbón. En Las Cuevas bi eba cualques minas importans de linnito -l´agüelo de M. Martín i triballó- igual como en Riello y, ya en menor mida, en o mesmo Pancrudo. Tamién agundan os chazimiens arquioloxicos en Las Cuevas: en el “Cabezo dela Oración” en b´ha uno iberico, autro bisigoto -paiz estar- en “El Cuco” y en la “Cantera del Ejido”: las “Cuevas -u Casas- de los Moros”, ande posiblemén i abitoron moriagos en os sieglos meyebals.

Vieja puertecica de un aljibe en Las Cuevas. Biella puertezica d´un alchibe en Las Cuebas

Campanal de la torre de Las Cuevas de Portalrubio. Campanal de la torre de las Cuebas de Portielrubio

Marchan ta Portalrubio, lugarón d´una bentena d´abitadors que tamién apertenex a lo monezipio de Pancrudo.

Puerta de un corral tradicional de Portalrubio. Puarta d´un corral tradizional de Portiel Royo

Fan bels afotos por as carreras:

Antiguo llamador en Portalrubio. Antigo clamador en Portiel Royo

a una colunna de l´antiga lonxa,

Columna de la antigua lonja de Portalrubio. Colunna de l´antiga lonxa de Portielrubio

a la biella urma muerta que l´ha naxiu aintro unatro arbolico chobeñón,

M. Martín junto al viejo olmo de la plaza de Portalrubio. M. Martín chunto a la biella urma d´a plaza de Portielrubio

a lo charaiz y lo labador (por dezaga d´iste i acucuta un chocante torreyón-palomar, con calendata en as recholas d´a parete: 1.927)

El lavadero y, detrás, una torre-palomar de 1927 en Portalrbio. O labador y, dezaga, una torre-palomar de 1927 en Portielrubio

El abrevadero de Portalrubio. Lo charaiz de Portielrubio

y a la ilesia de San Martín, barroca d´o sieglo XVII.

Iglesia de Portalrubio, reconstruida después de la guerra. Ilesia de Portielrubio, recostruyita dimpués d´a guerra

Magueras la suya radita poblazión autual, Portalrubio consigue “rebibir” de berano y ta bellas calendatas puntosas: fiastas patronals (agora se fan en Agosto), diya “meyebal y tradizional” (ta lo puen d´a Purisma), romerías tala Birchen deLa Langosta…. Tamién han recuperato bels edefizios emblematicos -amás d´a ilesia, estrochinada en a Guerra Zebil-: lo forno “moro” comunitario, la ferrería y la escuela, que agora ye un museyo escolar y etnografico. Tienen la suya propia asociazión cultural “El Horno”, y editan la rebiesta “El Jaraiz”. Cal dizir, antiparti, que lo nome meyebal yera “Portiel Rubio” (portiello royo), referito posiblemén a los royals d´as costeras regachadas de Puerto Mínguez.

Os Zerris ban chustos de tiampo, asinas que se´n tornan ta Pancrudo pos agún lis ie quedan cosicas pendiens.

Anuncios