10.2. Pancrudo. El Morteruelo

26-V-2.010. Desayunan trempano en a tabierna de “El Molino” y marchan con l´auto enta lo primer destín de ro diya: El Morteruelo. Iste mon de 1.416 mts. d´altaria ye o más altizo de Pancrudo y de ros prenzipals de ra sierra La Costera, dend´él s´alufran unas ambiestas impresionans d´o payís aragonés;

Los Zerrigüeltaires en La Corona de El Morteruelo

M. Martín li comenta a M. Pérez que ya i puyó cuan teneba 10 añadas d´edá,

M. Martín en el Morteruelo, detrás el Castillo, detrás el Castillo y la ermita de Pancrudo y -al fondo- la Sierra Lidón. Migalánchel Martín en El Morteruelo, dezaga lo Castiello y l´armita de Pancrudo y -ta lo fundo- la Sierra Lidón

pos lo suyo güelo Isidro l´eba rezentau que dend´astí se biyeban lo Moncayo y os Pirinés, con tal que l´aire b´estase quedo y a morfuga limpeda. Amás que lo millor inte ta biyé-los yera en a Sanchuanada, a l´alba; M. Martín no puyó de nino ta lo Morteruelo en ixa calendata, sino en una calurosa tardi de chulio de 1.969; ixa begata no sape si plegó ta lo Morteruelo u no, pero en remera que biyó muitos mons y ambiestas que no sapeba ni podeba identificar…. Agora, 40 añadas dimpués, os dos Zerrigüeltaires prebarán de i bibenziar ixa mitica “bisión”, ixe “ritorno bisual enta ros orichens”.

Vista general de Pancrudo desde el camino que sube al Morteruelo. Ambiesta cheneral de Pancrudo dende lo camín que puya ta´l Morteruelo

Marchan con l´auto por a mesma carrera de Las Escuelas, endrezatos enta lo Noreste,

Vista de Pancrudo con la iglesia, el Castillo y -al fondo- la Sierra Lidón. Ambiesta de Pancrudo con la ilesia , lo Castiello y -ta lo fundo- la Sierra Lidón

y continan por una pista tot dreito enta debán,

Vista de Pancrudo desde la zona de la Fonblanca. Ambiesta de Pancrudo dende la zona d´a Fomblanca

dica qu´arriban  en “La Corona” del Morteruelo, do i son o bertiz chodesico

Vértice geodésico en la Corona del Morteruelo. Bertiz chodesico en la Corona del Morteruelo

y a “Rosa de los Vientos” achunta,

Primer plano de la Rosa de los Vientos de El Morteruelo. Primer plan de la Rosa de los Vientos de El Morteruelo

que i plantificón l´Asoziazión Cultural “El Calabozo” y o Conzello de Pancrudo ta orientazión d´os escorsionistas. Cal dizir qu´ista escorsa se pued fer á piet -y en ye bian consellable- por o Sender de Chiqueta Cursa PR-TE 38, que pasa por a Nebera tradizional -de finals d´o sieglo XIX, recuperata en 1.997 por l´Asoziazión Cultural pancrudina-, porla Fonblanca, la “Fuente´l Cura”, la balsa La Cazinarra y la “fuente´l Sombrerico”; manimenos, a ros Zerris no lis ne baga y lo fan tot en auto y por pista.

Una ermita de la zona desde El Morteruelo. Una armita d´a redolada dende El Morteruelo

A lo que i plegan, en primeras güellan en a “Rosa de los Vientos” as endicazions de ros prenzipals mons: Moncayo -enta lo Norgüeste-

Vista borrosa del Moncayo desde El Morteruelo;  en la misma línea visual están los montes de Ferreruela de Huerva, Puerto Cavero (756 mts.), La Cocha(1.040 mts.), Morés (1.170 mts.), los pueblos de Jarque,  Oseja y Purujosa, y después el Moncayo. Ambiesta esborrata d´o Moncayo dende El Morteruelo; en ra bisual tot tieso son os mons de Ferruera de la Güerba, Puerto Cabero (756 mts.), La Cocha (1.040 mts.), Morés (1.170 mts.), os lugars de Xarque, Osella y Purxosa, y dimpués o Moncayo

y Aneto -enta lo Noreste-;

El Morteruelo, vista hacia el noreste. Por aquí se esconden el Aneto y los Pirineos. El Morteruelo, ambiesta enta lo noreste. Por astí son amagatos l´Aneto y os Pirinés.

alufran fiters enta ras dos endrezas y, la berdá, no lo i beyen esclatero: paix estar que lo gallinazo campa güé por l´orizón.

Preciosa vista de las Sierras de Teruel desde el Morteruelo. Polita ambiesta d´as Sierras de Tergüel dende El Morteruelo

Con tot y con ixo, a begatas, consiguen atifar altizas montañas enta lo Norgüeste que -seguntes as endicazions- son o Moncayo (2.316 mts.) y a Retuerta (1.441 mts.).

El Morteruelo, vista hacia el noroeste. El Morteruelo,ambiesta enta lo norgüeste

M. Pérez lis fa bels afotos, por si dixan de i biyé-sen. Enta par d´o Norte y Noreste, l´ambiesta ye implida por os molins d´o Parque Egolico pancrudino “El Morteruelo”; por dezaga d´istos, ni semella de Pirinés: i domina de fundo l´orizón empabonau.

M. Martín con la Rosa de los Vientos y el vértice geodésico de El Morteruelo. M. Martín con la Rosa de los Vientos y lo bertiz chodesico de El Morteruelo

Más suarde han enta l´Este (la bizina San Yus -1.522 mts.- ye perfeutamén bistera)

El Morteruelo, vista hacia el este con el parque Eólico y la Sierra San Just. El Morteruelo, ambiesta enta l´este con o parque Egolico y la Sierra San Yus

y lo Sur-Sureste:

El Morteruelo, vista hacia el suroeste. El Morteruelo, ambiesta enta lo sureste

anque un poqued esborraus, i alufran perfeutamén a Peñarroya (2.019 mts.) y o Xabalambre (2.020 mts.).

El Morteruelo, vista hacia el sur. El Morteruelo, ambiesta enta lo sur

Tamién atifan sin d´empacho dengúnla Palomera(pasa de 1.500 mts.) y, más esborrau, lo Caimodorro (más de 1.900 mts.) enta lo Surgüeste.

El Morteruelo, vista hacia el suroeste. El Morteruelo, ambiesta enta lo surgüeste

Antis de marchá-se-ne, afotían os paisaches d´os arredols

Terrenos labrados, campos de cereal y chopos desde El Morteruelo. Güebras, cambos de zerial y choplos dende El Morteruelo

y -más que más- lo sarrato d´o Castiello de Pancrudo,

Castillo de Pancrudo y Virgen de la Palma desde El Morteruelo. Castiello de Pancrudo y Birchen de la Palma dende El Morteruelo

las Eras y l´armita dela Birchen d´a Palma,

Ermita de la Virgen de la Palma y caminos de El Prau y de Alpeñés desde El Morteruelo. Armita d´a Birchen de la Palma y camins d´El Prau y d´Alpeñés dende El Morteruelo

bistables dende El Morteruelo (lo lucar ye tapau por un mon que bi´n ha entremeyas).

Los Zerrigüeltaires en el vértice geodésico de El Morteruelo. Los Zerrigüeltaires en o bertiz chodesico de El Morteruelo

Anuncios