10.1. Pancrudo. Fuente Gimeno. Birchen d’a Palma. Orichens

A Fuente Gimeno ye a prenzipal fuen pancrudina y furnidera de l´augua corrién d´a localidá; astí pasó M. Martín güenacosa de chornadas estibals en a suya nineza,

Escena familiar en la fuente Gimeno. Brindis de M. Martín con agua pancrudina. Eszena famillar en a Fuente Gimeno. Brindis de M. Martín con augua pancrudina

cuan  beniban a ormino con a familla ta i chintar e desfrutar d´a frescor y güenestar d´o parache.

La Fuente Gimeno en la actualidad. La Fuente Gimeno en l´autualidá

Antis más, antiparti d´abrebador ta lo ganau y abríos, tamién s´emplegaba ta i labar a lana que dimpués triballaban pelaires y tixidors.

M. Martín en a Fuente Gimeno

Dimpués de fer-ie os correspondiens afotos continan enta Pancrudo; como end´i son a menos de 2 kms., ascape dan bista ta lo lucar, en risaltando dend´astí lo sarrato d´o Castiello, la torre d´a ilesia y -en primer plan- as enrunas de l´armita d´a Birchen de La Palma,

molimental construzión de primers d´o sieglo XVIII,

El interior de la ermita de la Virgen de la Palma. Los aintros de l´armita de la Birchen de la palma.

d´estilo barroco tardano,

Portada de la ermita de la Virgen de la Palma. Portalada de l´armita de la Birchen de la Palma

en do aturan t´alufrá-la más amonico y fé-li bel afoto.

Inscripción en el arco de la entrada de la Virgen de la Palma. Iscrizión en l´arco d´a portalada d´a Birchen de la Palma

Se cremó en a zaguera guerra zebil, pos os “colectivistas” i eban ficau astí toda la garba d´a cullita, sin de trillar, y ta que no la podesen aprofeitar os “nacionales” -qu´abanzaban sinaturables- li pretón fuego.

Ventana en un muro de la Virgen de la Palma. Finiestra en un muro de la Birchen de la Palma

Se cremó lo zerial y, de paso, l´armita.

Ermita de la Virgen de la Palma por detrás. Armita d´a Birchen de la Palma por dezaga

Cayó lo tellau pero aguantón os rezios murs y, fa no guaire, l´han apañau pro as fendriellas y malmeteduras.

Pancrudo desde los alrededores de la Virgen de la Palma. Pancrudo dende os arredols d´a Birchen de la Palma

Flor Lahoz se pregunta en o lumero 8 d´a rebiesta “Pancrudo” (chulio-2004) cómo ye que ista armita de La Palma y ra ilesia parroquial (de ra qu´en fablaremos dimpués) estioron feitas tan grandizas e molimentals, y abentura la teyoría de que se debese a espezials prebilechios consiguitos por ilustres relichiosos u infanzons d´a localidá, sin que as rechiras por archibos y decumentazions end´aigan consiguito aclarir la custión.

La Dehesa y la Fomblanca desde la Virgen de la Palma. La Désa y la Fomblanca dende la Birchen de la Palma

Continan enta lo lucar, dentran por a carrera Mayor y se´n esbarran ta cucha, pasando chunto lo charaiz y o labador;

Fuente, abrevadero y lavadero de Pancrudo. Fuen, abrebador y labador de Pancrudo

salen ta la carretera A-1510 (que pasa por o cabo baxo d´o lugar) enta la dreita y, a lo qu´han arrecorriu bel zentenal de mts., chiran enta la cucha por la carrera d´as Escuelas

Barrio de Las Escuelas de Pancrudo. Bico de Las Escuelas de Pancrudo

y plegan en a tabierna y alox rural “El Molino”, do ban a amallatar ixa nuei y la siguién.

Pancrudo ye un monezipio de bels 130 abitadors, trestallatos entre a localidá d´ixe nome (80 y tantos) y as poblazions de Portalrubio, Cuevas de Portalrubio y Cervera del Rincón. Pancrudo ye situgato a 1.235 mts. d´altaria, arrepinchau en a solana de Las Lomas, formazión chioloxica entre as Siarras de Lidón y La Costera;

Mapa de situación de Pancrudo. Mapa de situgazión de Pancrudo

autualmén apertenex a la comarca “Comunidad de Teruel” y a la “Mancomunidad del Altiplano de Teruel”; estoricamén apertenexió a la Sesma de Barrachina de la “Comunidad de Aldeas de Daroca” y a ros partius chudizials de Segura, Montalbán y Calamocha.

Cartel de Senderos del Altiplano de Teruel en Pancrudo. Retulo de Senders de l´Altiplano de Tergüel en Pancrudo

A los de Pancrudo  lis izen “Tozudos”  os de los lugars d´a redolada. J.A. Adell y C. García replegan en o suyo libro “Historias de nuestros pueblos. Teruel.” ista xotica:
“En Portalrubio, Sebosos/  y en Rillo, Cebollinos/ en Pancrudo, los Tozudos/ y en Cosa, los garapitos.” 

A familla pairal de Migalánchel Martín promana d´istas tiarras zentrals de Tergüel dend´antis más (as chenerazions reziens yeran de Camariellas,

Miguel Escriche Blasco, nacido en Camarillas en 1875, bisabuelo de M. Martín. Miguel Escriche Blasco, naxito en Camariellas en 1.875, bisgüelo de M. Martín

Montalbán, Cuebas de Portalrubio y Pancrudo) y tienen u han teniu parentalla en atros lucars como Bañón y Billel. Lo “normal”, tradizionalmén, yera casá-se t´autros lucars d´a redolada; en Pancrudo por exemplo, en o sieglo XX, cuasi toz os matrimonios teneban un conyugue de difuera, si no los dos. Magueras no aber teniu masiada rilazión con o lucar d´o suyo pai, remera con cariñicos as bibenzias y momens goyosos d´a nineza y primera mozedá, cuan os Martín beraniaban en Pancrudo y teneban agún muitos pariens que i bibiban, güelos, tíos

Palmira Escriche e Isidro Martín, abuelos de M. Martín, hacia 1970. Palmira Escriche e isidro Martín, agüelos de Migalánchel Martín, enta 1970

Palmira Escriche e Isidro Martín, abuelos de M. Martín, hacia 1970. Palmira Escriche e Isidro Martín, agüelos de Migalánchel Martín, enta 1970

La tía Rosario Escriche, hermana de la abuela de M. Martín en 1997. A tía Rosario, chirmana d’a güela de M. Martín en 1997

Miguel Gómez, hijo de la tía Rosario y tío de M. Martín, con las ovejas (1997). Miguel Gómez, fillo d'a tía Rosario y tío de Migalánchel Martín con as obellas (1997)

Miguel Gómez, hijo de la tía Rosario y tío de M. Martín, con las ovejas (1997). Miguel Gómez, fillo d’a tía Rosario y tío de Migalánchel Martín con as obellas (1997)

y primos que dimpués han feneziu u han marchau t´as capetals.

Isidro y M. Martín montados en el burro Perico, hacia 1965. Isidro y Migalánchel Martín amontaus en o burro Perico, enta 1965

Isidro y M. Martín montados en el burro Perico, hacia 1965. Isidro y Migalánchel Martín amontaus en o burro Perico, enta 1965

Migalánchel Martín con su prima-hermana Maribel. Monzalbarba, mayo-2011. Migalánchel Martín con a suya prima-chirmana, Maribel. Monzalbarba, mayo-2011

Anuncios