1. Muel

CURSAS NOSTALCHICO-FAMILIARS POR BELLAS BALS D´A MARGUIN DREITA DE L´EBRO I, DE LO 24 TA LO 30 DE MAYO DE 2010

 

Iste año ros Zerrigüeltaires ban con as miras d’arrecorrer bels lucars d’a zona zentromeridional d’Aragón, rilazionatos con alcordanzas de nineza y chobentú y orichens familiars de Migalánchel Martín, quedando ta una proxema edizión os lucars rilazionatos –por as mesmas enchaquias- con Migalánchel Pérez.


24-5-2.010. Ixen de Zirigoza de güen maitín enfilatos ta Muel (de ro latín MOLLE, por a presa romana e ro molín achunto; u talmén o sinificato de “mercau”), lucar d´o Campo Cariñena de 1.300 abitadors -altubaxo- a bels 30 kms. de Zirigoza capetal y arrigato por la Güerba.

01 El río Huerva atravesando el parque de Muel. La Güerba cruziando lo parque de Muel

S´endrezan en dreitura ta lo Parque d´ista localidá, do bi ye l´armita de la Birchen de  la Fuen, con penturas de Goya, que no pueden besitar pos la i troban tancada.

02 La Ermita de la Virgen de la Fuente. L'Armita d'a Birchen d'a Fuen

Ista armita ye costruyita sopre l´espeitacular dique d´a presa romana d´o sieglo I t´almadazenar as auguas dela Güerba, prebable orichen d´a localidá.

03 La Ermita de Muel en las aguas de la presa romana. L'Armita de Muel baxo as auguas d'a presa romana

L´almiran y afotían de güen implaz entre que ban garimboliando por o repolindato parque, dica plegar a dar bista ta ros pistonutos saldos d´augua dela Güerba, que a lo suyo canto se i troban os mañificos repuis d´o castiello de ros marqueses de Camarasa (sieglo XIV).

04 Cascada bajo el resto del castillo. Saldo baxo los repuis d'o castiello

Muel tien muitos atros retantes, como as Casas-Palaz d´a localidá u ra suya marbiellosa y antiguisma alfarería, pero no lis ne baga de requedá-sen más pos cal continar a cursa.

Anuncios