6. Ibón de la Escarpinosa

L’ Ibón de la Escarpinosa en Agosto de 1988.

L´ibón de la Escarpinosa se trobe ben a man de l´Ibonet de Batisielles, al bel mich de l´Agulla de Perramó y les Tuques d´Ixeya.

El Ibón de la Escarpinosa en Agosto de 1988. L’ibón de la Escarpinosa en Agosto de 1988

CURSA TA L´IBÓN DE LA ESCARPINOSA

BASE: Ibonet de Batisielles (1.940 mts.)

DESTINASIÓN: Ibón de la Escarpinosa (2.060 mts.)

ESLLIBEL: 120 mts.

DURADA: micha ora (anada)

DIFICULTAT: chiqueta

Ibón de la Escarpinosa. Afoto d'un bidio de M. Martín el 1-7-1989.

Ibón de la Escarpinosa. Afoto d’un bidio de M. Martín el 1-7-1989.

Migalánchel Martín en l'ibón de la Escarpinosa. Afoto d'un bidio de M. Martín.

Migalánchel Martín en l’ibón de la Escarpinosa. Afoto d’un bidio de M. Martín.

Dende l´Ibonet de Batisielles se prete a caminá per un asagadó ta la dreta de la marcha, enfilán enta´l Mesdía. Mentre güenacosa de la cursa lo caminet  abanse per una costera entre pins y al canto´l riu Batisielles, diquia qu´en cosa de micha oreta s´arribe en l´ibón de la Escarpinosa.

¡Que viene, que viene!. ¡Que i biene, que i biene!.

Els peixenters arredol d´ibón i son d´un bert esbufaliu, pus la neu i-guere a terra diquia en fa ben poquet; en aterreñar-se-ñe, y coma no´n i ha feto encara cap de caló, la tasca i aparente coma cremada, ixuta.

Al fondo el Valle de Estós. Enta lo fundo la Ball d´Estós.

Chustamén per astó no se´n i beden encara guaires de fllors.

M. Martín con nieve junto al camino. M. Martín dan neu chunto lo camino.

Del mentau poeta José Sanmartín Sopena, continán-ie dan la cursa:

“…Si puyes a Batisielles / y arribes a Escarpinosa, / ojo al baixá no t’esllises y te caiges y t’espanlles; / que si pllou ye peligroso / y yey que baixá a poquet, / si corres te expondrás molto / y aixó no u sabe la chen…”

Al fondo el Valle de Estós. Enta lo fundo la Ball d´Estós.

Continen la puyada goyán d´el caminet entre pinades y abetals encara que, altramén, se´n i escunsen més y més neu; no parese qu´en i eiga d´espinguets pero, contra més s´aprosemen ta ibón, més panta yey, y la sendereta acabe per quedá amagada adichós l´esnebusal; a la fin pueden puyá sins´esquibadansia, en podé eschafarriá-güe-ie cuasi sinse risque.

M. Martín tras llegar al Ibón de la Escarpinosa. Migalánchel Martín en arribá a l´ibón de la Escarpinosa.

Arribats así, en una mena de bonico sierco glasiá, profiten del majismo ibón de la Escarpinosa (terreno d´escarpins)

El Ibón de la Escarpinosa. L´ibón de la Escarpinosa

amaniu de les aigües qu´en baixen de l´ibón de Perramó (que i-gué ansimeta), de l´Agulla de Perramó (2.525 mts.) y les Tuques d´Ixeya (bocable bascón “Exea”, de Etxe: “casa”)(2.835 mts.).

M. Martín con el Perdiguero al fondo. Migalánchel Martín dan lo Perdiguero ta´l fundo.

Amés que, cherán-se-ie de culs, aguaiten unes sucoses abistes ent´astidellá, a l´altra man d´Estós, (Pic del Portillón d´Oô y, més que més, lo Perdiguero (3.221 mts.)).

El Ibón de la Escarpinosa. L’ibón de la Escarpinosa

El gran pirineísta francoirlandés del siegllo XIX, el conte Rusell, ba describí istos paisaches aixines:

“A la compllegansa de les dos balls (Perramó y Batisielles), al bel mich d´un parache afalagadó, en dintro d´una chasiella d´abets, cantals y fllors, es dos ibonets d´Escarpinosa se i cheten amansits. All´asigalto la ball de Perramó -que se´n i agrandeixe amagán-se-ie derré d´una selba de negros abets- esdebiene un puesto solerenco, allusquiu y romantico que se´n retray per begadas a Suisa e Ingalaterra….  Anén baixán pe´ls boscarrals, entre sallens de fllors y baixo catedrals de fuelles”.

Desde el Ibón de la Escarpinosa. Dende l’Ibón de la Escarpinosa.

Les ese feto molto goy d´arredoliá l´ibón -que per bells costats encara en i lluse de chelo-, d´aprosemá-se-ñe enta´l sallenil de Perramó, u de fé una cherada pe´l tusalón de l´ibón, pero no i beden mica pllatero per agón seguí dan la neu que yey, desidín a la fin dixá-güe está y fer-ie lo repás debán d´ixo almirablle espetacllo natural pus, amés, el tems ya i bé acllarín prou.

M. Martín en el Ibón de la Escarpinosa. M. Martín a l´ibón de la Escarpinosa.

A istos ibons ya yeren estats en fa més de bint anades, pero ara ye la primer begada qu´i han anau chuntos.

El Ibón de la Escarpinosa y la cascada que viene del Ibón de Perramó. L´ibón de la Escarpinosa y el sallén probinién de l´ibón de Perramó.

Chino-chano y ben apllé, se´n tornen pe´l mesmo camín fen-ie bells afotos més, entre qu´arretasteyen la bonica cursa d´ista gambada tan probante.

Las aguas que vienen de los ibones de Perramó y de la Escarpinosa. Aiguas baixaderas d´es ibons de Perramó y la Escarpinosa.

Anuncios