3. Castiello de Fantoba

Fantoba (1.004 mts. d´altaria) ye praticamén espobllada dende´l siegllo XIX, encara en i quedan d´estrazios de casas per las costeras, sén casa Turmo la unica qu´encara i pllanta ben quillada.

Pueblo de Fantova con la casa Turmo en pie. Llugá de Fantoba con casa Turmo en peu.

Ye mentada per primer begada en un decumén de l´año 863 “in villa Fantovua, subtus illo castello nomine Bitalato…in termino de Fantoua”. Lo 960 aparix como “Castro Fontove” (en chenitibo) y “Castro Fontova”. Más tardi “Fonte Tova” y “Dontetuua” lo 1.002, “Font Toua” lo 1.015, “Fontetoba”. “Toba” ye -si fa u no fa- parellano a “embagada”.

La Font Tova ye la fuen que surte d´una mina d´aigua, la que se fa de propio ta fer-ne surtir d´aigua (istos datos ban sé repllegaus del mentau llibro “Toponimia de Ribagorza, Graus III: zona de Fantova” de Carlos Angel Rizos).

Dos huevos fritos de la Naturaleza. Dos ous friyius naturals.

Seguntes Manuel Benito en “Los pueblos del Alto Aragón, el origen de sus nombres” (de la edizión eletronica dichital) Fantoba esdebien de “FONTE” más la radiz prelatina “TOB”: “costera”. Fantoba: “fuen encosterata”. Tamén podriba esdebení del ribagorzano “TOBO”; Fontoba-Fuantoba-Fantoba: “fuan d´aiguas tobas”. Ixo sin contá la posiblle rillazión con la pedra “toba” u tosca, feita de l´asole d´aiguas masiau calsinas.

Iglesia y Torre del Castillo de Fantova. Illesia y Torre del Castiello de Fantoba.

Lo 960 lo bispe de Roda -fillo d´es contes de Ribagorza, Remón y Garsenda- consagra la illesia de Santa Zezilia, d´estilo romanico llombardo, conoixita como “Las Reliquias”.

Iglesia Ermita de Santa Cecilia. Illesia Armita de Santa Zezilia.

La benda d´un cambo que lo monesterio d´Obarra teniba a Fantoba, a primers de l´año 1.000, presuposa uns dreitos de propiedá anteriors a ixa calendata.

Torre circular del castillo de Fantova. Torre zerculá del castiello de Fantoba.

De per ixas engüeltas seriba lo primer rezingle esfensibo, dimpués allerato per las tropas mozlemes d´Abd al Malik -fillo d´Almanzor- lo 1.006, y retraziato dimpuesas per arquiteitos llombardos.

Dibujo de la reconstrucción de la torre de Fantova según Félix Ibáñez. Dibuixo de la refetura de la torre de Fantoba, seguntes Félix Ibáñez.

Lo castiello de Fantoba aparix como residenzia d´es Contes de Ribagorza con l´arribata de lo conte Guillén Isárnez.

M. Martín desde la Iglesia Ermita de Santa Cecilia. M. Martín dende la Illesia Armita de Santa Zezilia.

La torre zercular, rematata lo 1.015, de cualques 20 mts. d´altaria, teniba güena bisual enta las torres de Paniello, El Mon y Graus y  ba sé anomenata per aquelas engüeltas “Parietes Altas”;

Tumba antropomórfica en la explanada del antiguo castillo de Fantova. Fuesa antropomorfica a la pllanera de l´antigo castiello de Fantoba.

complleta el conchunto, amás de la illesia-armita, es rebusques de muratos, bellas fuesas antropomorficas

Aljibe en la explanada del antiguo castillo de Fantova. Alchib a la pllanera de l´antigo castiello de Fantoba.

y un alchib.

M. Martín en el campanario de la Iglesia del castillo de Fantova. Migalánchel Martín a´l campanal de la Illesia del castiello de Fantoba.

Puyan ta´l campanal de l´armita, dend´astí la torre ye de güen miral.

Torre del castillo de Fantova, a la derecha, restos de la antigua muralla. Torre del castiello de Fantoba, enta la dreta, estrazios de l´antiga muralla.

L´entradó ta la torre ye una puerta situgata a meya altaria d´una de las parietes, (a bels 8 u 10 mts. del suler de la base), aón ban arribá puyán unas escaleras foranas de fusta, de nuaba feitura, farchadas semellans -per lo que parix- a las qu´en i abeba d´antis más. A lo que dentran i beyen una sala cubierta, con suler de fusta, y como nobedá, las güeltas d´arista.

Arriban ta´l cabalto de la torre puyán per una escalera interior ubierta a´l mur.

Observatorio astronómico en la terraza de la torre. Ixulufradó d´estrelas a´l tarrau de la torre.

Se i troban con una tarrau susano esfensibo amuresnato con 7 muresnos. La sospresa ye que al bel meyo d´iste tarrau ye estau pllantificau un ixulufradó astronomico; no ye de güen entendé que no i aiga unatro puesto a la redolada pa posar-lo; manimenos, si no se puya dica lo cabalto no se´n i bey per dengún costau, ni den´aintro ni dende difuera de la torre.

Torre del castillo de Fantova, abajo a la izquierda el pueblo abandonado de Bafaluy. Torre del castiello de Fantoba, abaixo ta la ezquerra el llugá abaldonau de Bafaluy.

L´ambista, asiñorián el barranco de Mingualas, ye majisma, con selba preta y berda y llugarez buedos de chen: de parello no ñay ni mica ni res. Bafaluy, Yardo, Torruella d’Aragón, Abenozas.

Casas de Bafaluy: L’Abadía, Alférez, Castellano, Marco, La Pepa, Sebastián, Tomeu, L’Obago, Collada, Chironi.

Casas de Yardo: L’Abadía, Antoni, Casero, Chorchi, Ferreras, Fumanal, El Grado, Nogueras, Puicontor, Pumarte, Rami, La Romana, Ruata, La Turma.

Casas de Torruella d’Aragón: L’Abadía, Barrabés, Bernat, Bringué, Costa, Felip, Ferrero, Jorge, Mariano, Nuguero, Ramón, Sarrau.

Casas de Abenozas d’Abaxo: Ciutá, Fulgencio, Nieves, Raso, Solé, Tobeña, Toña.

Casas de Abenozas de Arriba: Casetas, Maella, Serena, Sin, Bizén.

Vista del pueblo abandonado de Erdao, al fondo Torruella y Abenozas. Ambista del llugá abaldonau d´Erdau, enta´l fundo Torrualla y Abenozas.

De camín enta Graus s´esbarrainan per atra carretera, arribán ta l´aldeya cuasialbandonata de Zentenera, a 660 mts. d´altaria -ara repllobata per foranos- qu´es nomes de las casas y bells toponimos, seguntes el debanmentau llibro de Carlos Angel Rizos, son:

El pueblo de Centenera. El llugá de Zentenera.

Casas: Ambrosio, L’Arbañil, Ballarín, Castillón, Coscolla, Juan, El Maestro, Martín, El Molino, Morillo, Mur, Oliva, Pallargüelo, Pascual, Rami, Sastre d’Abajo, Sastre d’Arriba, Sastre el Cabo, Torres y ye posible que casa Francho.

Bells Toponimos: Almuzara, Canamás, Comadabo, Comar de Cortils, Escaldamillo, Viña Francho, Es Granez, La Mucholera, Perillón, Puntarrón, Robinal, Coma el Roy, San Chuan, Tozaleta, Las Tremosas, Turmaguera.

La siguién aturada ye a Besians, a 13 kms. de Fantoba. Ritornan enta Graus y siguen la carretera A-139, endrez Benás; en ixas, que s´ha feit ya la ora de minchá.

Anuncios