21. Sa Martí de Berí – Renanué – San Feliu de Berí – Berí

Sa Martí de Berí (a las Desimas de Castilló, a primers del s. XI, “SANCTO MARTINO”). El patrón del llugá -llochicamén- ye San Martín. Ye una aldeya pertenexién al munisipio de Bisagurri, a 4´3 kms., a 8 kms. de Castilló de Sos, a 135 kms. de Güesca capetal, a 1.302 mts. d´altaria y tien 10 abitadors.

Mapa de la zona. Mapa de la redoltada.

A iste llugá encomensa unatra sona llingüistica de l´aragonés benasqués en una intensificasión d´els rasgos catalans, que se farán dominans a l´altra bersán del Coll de Fadas.

A´ls de Sa Martí lis digüen “Pitarrois”, com u espresan istos dos ditos lligaus en altros llugars besins: “Pinarretas de Gabás, pitarroys de San Martí y trencanoces de Berí” y “Pitarroy de San Martí / que pasa por Castilló  / y llega a Sesué / ya sabe lo que ye padesé / perque a Castilló els pelen”.

Casa típica de San Martín. Casa tipica de Sa Martí.

Tant el llugá, situgau a l´esquerrero del barranc Rigabás, com la illesia i están prou reformaus, pero en la estetica encara de l´arquitetura tradisional del país.

Paisaje desde San Martín de Veri. Paisache dende Sa Martí de Berí.

El paisache, plleno de berdó, ye mol majo y puesto de naixensa de l´aigua anomenada “Veri”, qu´embutellan a Bisagorri.

Detalle de una reja en una ventana. Detalle d´una rella a una bentana.

A´l llibre “Toponimia del municipio de Bisaurri” de J.M. de las Pueblas y M.A. Hidalgo se i mentan els noms de las casas de Sa Martí, Renanué, San Feliu, Berí y altras aldeyas, que serán rillasionadas así en ixe orden mateix. Respetibe a Sa Martí, son las siguiens:

Caseta, Coronas, Daniel, Juana, Lagaya, Martín, Micalet, Miquelet, Palací, Palasí, Pedro, Betranet.

Primavera en San Martín de Veri. Primabera a Sa Martí de Berí.

Bells toponimos chocantes de Sa Martí de Berí:

Prau el Poso Cuartal, Prau la Roca la Pinialla, Fuen Roya, Prau la Crusialla, Fuen de las Cuastas, Prau la Liana, Prau la Tusaleta del Pinaret.

Casa e iglesia de San Martín de Veri. Casa y illesia de Sa Martí de Berí.

Encara que per pista el llugá de San Feliu en está mol serqueta, desiden d´aná-ie per la carretera, tornán ta Bisagurri y aturán pe´l camino a Renanué, 14 kms. en tot.

Renanué (del bascón ARRI-AND-OI “parache de la rocasa”; u de ARRI-UNANU-OI “arbesoneral rocasero”; u de l´antroponimo d´orichen prerromano RENANUS) ye una aldeyeta de Bisagurri, a 3 kms. y mich. Está al canto la carretera de Castilló ta Pont de Suert, entre Bisagurri y l´esbarro enta San Feliu. A 7 kms. de Castilló de Sos, a 138 kms. de Güesca, a 1.263 mts. d´altaria y 9 abitadors (en teniba a´l 1.991).

Paisaje desde Renanué. Paisache dende Renanué.

Llugaret de gran bellesa al peu del Coll de Fadas, en bistas güenismas. La illesia de Sen Estebe, reformada, ye d´estilo romanico rural; la espigada torre ye més tardana.

Iglesia de Renanué. Illesia dende Renanué.

A´ls de Renanué lis disen “Llanudos”. Aixinas l´esprisa iste dito: “En Renanué son llanudos, / Bisaurri, estripamardans, / en Urmella carambellas, / Vilaplana rematats”.

Respetibe a´ls noms de las casas de Renanué:

Erbera, Gabacha, Muria, Palasí, Ramonic, Sallén que continúa desde el s. XV.

Bell toponimo intresán:

Tusal Castiello, Prau de Fontisialla, Barranco la Tosca.

Continan pe´la carretera enta´l Coll de Fadas mentre 3 kms., astí sall el tresbío enta San Feliu de Berí (etimolochico de FELICEM. A las Desimas de Castilló, de primers del s. XI, “Sancto Felice”) ye una aldeyeta pertenexién a Bisagurri, a 9´5 kms.; a 13 kms. de Castilló de Sos, a 175 kms. de Güesca capetal, a 1.415 mts d´altaria y ten 42 abitadors. A San Feliu li digüen “El Llugaret” y “nido de neu”. De mote lis digüen “Matapolls en cobertera”.

San Feliu -igual que Berí- está pllantificau a´l sarrau que separa els barrancs de Garganteras y Las Cuastas, que s´achuntan entre Berí y Sa Martí ta i formá el ya mentau barranco Rigabás. El llugá lis ha feto molto goy, en bellas casas tradisionals remarcablles. la illesia está debotada al patrón San Feliu y ye del s. XVI, en risaltán la suya torre campanal.

Iglesia de San Feliu. Illesia dende San Feliu.

Debanmentau ya a´ls altres capitols, el pirineista fransés Maurice Gourdon, a´l suyo biache arredó del Turbó en mayo de 1.888, cuan ba pasá per San Feliu en i ba escriure lo siguién:

“Desde el collado de la Muria,… hacia…el río de Gabás o de la Muria…se cruza el río…Después de media hora de fácil subida a través de campos y praderas llegábamos a San Feliu…a pedir cobijo en casa Pallás.

Las mujeres estaban solas en casa en aquel momento, pero nos recibieron amablemente. No eran todavía las cuatro y ya se preocupaban en prepararnos la cena…

Durante la velada, mientras tomaba el té y fumaba unos cigarrillos con el señor Pallás, hablamos de la montaña, principalmente del Turbón. La idea de verme ascenderlo…

Se hacía tarde, y como contaba con irme antes del amanecer, deseé buenas noches a la familia, y nos fuimos a dormir. La cama era excelente y limpia, y eché un sueño hasta las dos y media de la madrugada.

Levantarme y correr hacia la ventana sólo fue cuestión de segundos. El cielo completamente despejado tenía en aquel momento un tono rojo escarlata, como el fuego de una aurora boreal brillando con los destellos de millones de estrellas. Mal presagio: llovería antes de la noche. ¡Pronto, pronto! Marchémonos, si no el Turbón se nos escapará…”

Portalada de una casa de San Feliu.

Els noms de las casas de San Feliu de Berí: Tomasa, Chorchi, Morens, Pallás, Peret, Farroloro, Raso, Farrero, Semeli, Lacreu,  L’Abadía.

Es toponimos qu´en han triau de San Feliu de Berí: Carrera Basellas, Pena Guara, Fuen de la Muria, La Montañeta.

Paisaje de San Feliu. Paisache de San Feliu.

Del llibre ya mentau “A l´Aire (Garbas)” Mª Jesús Nicolau Barrau, mayestra y naixeda a San Feliu, escribín-ie sobre´l suyo llugá encomensa aixinas:

“San Feliu de Berí ye un llugá de la parte més oriental de la Ball de Benás. En temps ba sé prou importán pero ara s’ha tornau com els moltos llugás de la montaña qu’ha perdeu la chen y poc á poc se ban quedán buedos…”.

A la redoltada de San Feliu i están els suyos cuatre barris, casi espobllaus, Berí, Dos, La Muria y Buyelgas. A mitat del sigllo XIX teniban més de 400 abitadors, güe solamén en i queda 14 personas tot l´an. De tots ixos barris el que ban a bere ye Berí.

Berí (nom personal llatino VERINUS, documentau com ACCIUS VERINUS. A las Desimas de Castilló, a primers del s. XI: “Berín”). Berí ba doná el suyo nom als besins Sa Martí y San Feliu de Berí, a 1km. y mich es dos.

Casa de Veri. Casa de Berí.

Berí está enredoltiau de berts praus. A´ls d´así lis digüen “Saltamatas” y “Trencanoses”.

Els noms de las casas de Berí son: Betrana, Serbera, Chuan d’Arcas, Albañil,  Brunet, Erbera, Irene, El Freixe, Sastre,-Verí Sempiri, Vicent, Visén y un toponimo intresán: Tusal Castellá.

Dos (llatín DOSSU-DORSUM “espailla”) está a 1.425 mts. d´altaria; se ba documentá a´l s. X la esistensia d´un castiell. S´esbarran 500 mts. antis d´arribá en San Feliu y, sinse baixá de l´auto, i beyen las casas.

A´ls de Dos lis digüen “Chicas-Damas”. Tenen un dito referén al nom del llugá, u al numero según se querá mirá: “De dos a tres, besinal”.

Els noms de las casas de Dos son: Chuanet, Chuanriu,  Sastre, Teixidó, Valeri. El topónimo més chocante ye: Prau de Chinastral.

Buyelgas (llatín BOVILICAS “bordas ta bous”) se troba a la esquerra per una pista, a un parache soleu. A´ls de Buyelgas lis digüen “Malpeinaus”.

Els noms de las casas: Aqués, Puyol, Fondevila.

El toponimo més chocante: Prau las Comiasas.

La Muria (de BORIA “fasienda”; u poché de MOLA “puy”) está a una pista que sall ta la esquerra de l´entradó de San Feliu. La contornada ye de molta berdó. Diu que dend´así se i beu l´Aneto y ye güen rancadero ta´l Turbó.

Els noms de las casas de La Muria son: Presala, Rubiella, Rosó, Felip, Ticatac.

Antis d´arribá ta Las Pauls -a la carretera N-260- begüen Pedrafita y San Baleri. Encara que la boga de la Ball de Benás é lo Coll de Fadas, istas aldeyas pertenesen a Bisagurri.

Pedrafita (PETRAM FICTAM “pedra ficada”, “boga”), a 1.410 mts. d´altaria. Ten dos casas abitadas -una é de turismo rural- y illesia d´els ss. XVI-XVII, reformada el 1.887; abans teniba capellá propio. Quedan soletas casa Rins y casa Fadas, d´els ss. XVI-XVII. Yay mol bonas bistas desd´así.

Los noms de las casas de Pedrafita son: L´Abadía, Cornell, Mora, Javier.

Iglesia de San Valero. Illesia de San Baleri.

San Baleri (debotau al bispe y patrón de Saragosa) é un lloc mol serqueta de Perafita, a 1.432 mts. d´altaria. San Baleri perteneseba a Perafita y teniba capella propia. La illesia llugarenca del s. XVII i é desapartada de l´aldeya. Guan no i biu degú. Els noms de las dos casas de San Baleri son: La Pedrosa, Tomás y Rafel.

Anuncios