2. La Poblla de Fantoba

25-V-2.009.  Ixen de Zirigoza por l´autobía enta Güesca, dimpués por la N-240 ta Balbastro, continan por la N-123 enta Graus y per l´ A-139 dica´l monezipio de La Poblla de Fantoba; bells 165 kms. en tot.

Vista general de La Puebla de Fantova. Ambista cheneral de La Poblla de Fantoba.

La Poblla de Fantoba ye una llocalidá de la Ribagorza entremeya de las bals de l´Esera y la Isabena, pertenexién a´l monezipio de Graus (9kms.), situgada a 710 mts. d´altaria y con poco más de 100 abitadors; enclluy las aldeyas de Bayona, Colloliva, La Mariñosa, Puzuelo, Rubiñaco y Coronas.

Puerta de la Iglesia de la Puebla de Fantova. Puerta de la Illesia de la Poblla de Fantoba.

La illesia de La Poblla ye del siegllo XVI, gotico aragonés, rezienmén esbiellata. Las fiestas son ta´l 22 d´agosto en onor a la Birchen de Llagure. El paisache d´es arredols ye de biñals, oliberas y zerials, pins, caixigos y carrascas.

Curiosa ventana. Chocante bentana.

La Poblla de Fantoba ye creyada a la Edá Meya per chens probiniens de la bizina pobllazión de Fantoba qu´escapan del dominio de lo siñor feudal, e ye anomenata asinas per la Carta Poblla atorgata per lo rai (siegllos XIV-XV).

Picaporte de una casa de La Puebla de Fantova. Trucadó d´una casa de La Poblla de Fantoba.

Bizindau de Fantoba dica 1.495, fa Conzello con Fantoba dende 1.834 dica zaguers del siegllo XIX, esdebenín alabegada la capetal del monezipio y enclluyín-ie a Zentenera.

Pared de adobe y de piedra de una casa de La Puebla de Fantova. Paret d´adoba y pedra d´una casa de La Poblla de Fantoba.

Jean-Joseph Saroïhandy a´l llibro “Misión Lingüística en el Alto Aragón” (edizión y estudio de Oscar Latas) repllega esgais y parolas de la Pastorada de La Poblla de Fantoba de 1.905:

“Desesperato, / fa como tres días / que perdié lo repatano / he corrito a quatre suelas, / galopan como un cavallo / por los montes de la Poblla / ni las trazas he trovato.

Santa Ana me de la llumbre /  para que pueda trovarlo / no han feto cap de agravio.

(churamento)

Yo te churo / que si per aquí lo atrapo / que le trenque las costiellas / con este largo gayato / como que fuere culpato.

Bien te sería millor / pedir a Dios perdon / de las maldaz que has obrato / has bebito / como bestia / como bestia t’has tornato / antes de cuatre momentos / tendrás el diaplle a cavallo / con cuatre peus galopando / tu te piensas que ye Dios / alguno de aquels engañá / capeza, engañato, / cerratos, obrato /  lo llatón, la zolle / tiene merecito / ser del mundo desterrato / puyar / chitar latinazos / dotós y cirujanos / ovellas (güellas) / guardá crapas y güellas / el trago que bebié”.

Torre de casa Pariz. Torraza de casa Pariz.

A l´entradó de´l llugá, como esfensa, se i troba la majiza torre de casa Pariz, del 1.575; al suyo canto, aintro ya de la pobllazión, la torre de casa Chirón, del 1.551.

Torre de casa Chirón. Torraza de casa Chirón.

Las dos i son chuñidas pe´l portal agüeltiau de Santa Ana, que fa d´entradó ta la carrera Mayó.

Portal con bóveda de Santa Ana. Portalada con güeltas de Santa Ana.

Entre que se´n i apaseyan, pretan a charruteyá con una mullé de casa Ferrero; dende´l balcón lis diz que -seguntes biella fama- la casa suya ba sé fa sigllos una garchola, talmén reyal.

Mujer en el balcón de casa Ferrero. Mullé al balcón de casa Ferrero.

Tamén diz qu´en teneba d´escuto, pero prou ixarringllau, lo cual que lo ban quitá e i ban fé ixe balcón dend´aón mos i eba parllán.

Mujer de casa Francho. Mullé de casa Francho.

Enfrén d´ixa casa fabllan tamén con atra mullé, de casa Francho, lis diz -entre atras cosas- que no´n queda guaire de chobenalla a´l llugá.

Antiguo escudo en el frontal de una casa. Antigo escuto a la frontera d´una casa.

Ye una billa ben maja con muitos pasadors y cubiertos y grans casals con antigos escutos, ricordos de´l suyo pasau meyebal.

Gran pasadizo cubierto. Gran callerizo cubillau.

Es nomes de las casas de La Poblla de Fantoba, seguntes Carlos Angel Rizos Jiménez a´l llibro d´el: “Toponimia de Ribagorza, Graus III: zona de Fantova” son:

Ana, Anselmo, L’Arrendadó, El Ballo, Bayona, Benardo, Benito, Benedico, Betrán, Beturián, Borén, Borbón, Botiguero, Caixigos, Calón, Casero, Castellano, Cequiel, Chanros, Chantorres, Chirón, Ciutá, Clavería, Closa, Colón, Colloliva, Coronas, Cosiello, Espona, Ferrero, Francho, Fustero, Herrero, Juanico, La Badía, La Juana, La Mariñosa, Machinaire, Manuel, Marret, Marro, Matías, Molins, Monclús, Montardit, Mora, Navarro, El Niño, Obac, Pablo, Palaín, Pariz, El Pastó, Pedro, Pepa, Pelegrín, Perico, Perna, Pllacito, Práxedes, Puzuelo, Rafelo, Rami, Ramona, Ricarte, Rosa, Roseta, Rubiñaco, Rubio, Salamero, Sallán, Sarraú, Santana, Sastre, El Soltero, Soro, Tixidó, Tomás, Turmo, Ubac, Urbano.

D´iste mesmo llibro en trigan bells toponimos de Fantoba y de La Poblla de Fantoba que lis parixen más trucadizos e intresans:

Las Aliagosas, El Bruniqué, La Bura, Cabanera, Canosa, Plana Castillo, Campo Civia, Comalmuerto, La Costaneta, La Demba, Escofil, L’Espona, El Estallo, Ferrero, El Ferreñal, Las Ferricas, Tozalet de las Forcas, Tozal de l’Home,  Malagons, Marro la Mata, Minglaneras, Pasarón, Pezolata, Pocino, Coma el Puzo, Puyuelo, Las Royas, Rubiñaco, Sarbaguera, Ermita de San Climén, Sarradiello, Campo Siresa, Sistuer, Torián, Tramacastillo, Trillas, El Vallo.

A bells 5 kms. enta´l noreste de La Poblla, puyán el barranco de La Bodegueta, ye pllantificada la fortaleza de Fantoba, y ent´astí qu´enfilan.

Anuncios