19. El Rú – Castilló de Sos

El Rú (del bascón URRU “lluen”, esbarrau de URRUTI “lleixano”) ye un llugá pertenexién a Castilló de Sos, a 1 km. y mich y a´l mismo entradó de la Ball de Benás. Ye a 128 kms. de Güesca capetal, a 828 mts. d´altaria y tien 86 abitadors. La fiesta més importán d´El Rú ye ta´l primé cabo-semana d´agosto.

Mapa de la zona. Mapa de la redoltada.

A´l mentau llibre “Tradiciones Altoaragonesas”, José Damián Dieste i escriu sobre una serimonia que se feba a El Rú ta la brispa d´els Reis Magos. Iste chuego u costumbre yera coneixeu com “sacar Damas y Caballeros“.

El ritual establecía un ficticio noviazgo –durante un día- que surgía de un sorteo que se celebraba en la víspera de noche de Reyes, en el que se colocaban papeletas con los nombres de todos los mozos y mozas. Los jóvenes pensaban ¡pues este/esta que me ha tocado en el sorteo…igual me llego a casar con él/ella!”.

Rincón típico de El Run. Racón tipico d´El Rú.

A´ls d´El Rú les disen “Tringoletas” y tienen istos coneixeus ditos:

“Cuan arribaba als congustros / se m’acababan els disgustos, / y cuan ba-llegá al Ru / ya no me i-feba pó digú”.

“Moixón que escápe de El Rú /  y carágol, de Sesué, /  ya sabe lo que ye padesé”.

La flor denominada Aquilegia vulgaris (aguileña común). La flló anomenada Aquilegia vulgaris (palometas).

Seguntes el llibre “Toponimia del municipio de Castejón de Sos” de J.M. de las Pueblas y M.A. Hidalgo, els noms de las casas d´El Rú son:

Abadía, Barbero, Casalero, Catalana, Celador, Escuela, Francho, Garús, Mesón de Alto, Mesón de Velayo, Mingo, Molinero, Palleret, Rumaldos, Sebastián, Suprián, Tusaleta, Velayo.

D´iste mismo llibre en trían es toponimos més chocantes d´El Rú:

Roca las Cherasombras, Prau la Entremisa, Prau l’Estallo, Prau l’Estreto, Prau de Francho, Pico Picalcrabera, Prau las Portiallas, Prau el Recadiello, Barranco Saoret, Tusal, Congostro de Ventamillo.

Iglesia de San Aventín de El Run. Illesia de San Abentín d´El Rú.

El Rú tien bell casal antigo y la illesieta de San Abentín, del sigllo XII, en esbiellamens a l´arreu d´es tems, pero lo més remarcau ye l´armita de la Birchen de Grasia, a bells 10 minuts del llugá y que la ban a bisitá.

La curseta ye siñalisada y pllasentera. Se salle del llugá crusán una pllasa en un bonico albergue y chunto la fuen d´els Set Canos, aigua benida del Posets.

Rotulación de una fuente en aragonés patués. Retulasión d´una fuen en benasqués.

Enta la dreta almiran el bonico paisache bert d´uns pradals en bacas paixentaderas y, ta´l fundo, se´n apersiben de bells llugars besins, com Castilló. Mol remajiso tot.

Desde Chía, paisaje hacia Arasán y Gallinero (2.728 mts.) Dende Chía, paisache ent´Arasán y el Gallinero (2.728 mts.)

Se contina per una endresera estreta que desenfila ta una pista forestal, dend´agón se i bede l´armita  a l´endret y, per un enrellau, dintran ta´l resinto. En ixas, se´n pesguardan d´es paramens repuntaus a las parets, pus la están reformán. Con tot, les ha baleu el treball d´arrimá-se-ie, pus ye prou orichinal l´edifisio y pllantificau al bell mich d´un amagatón embuscarrau.

Ermita románica de la Virgen de Gracia de El Run. Armita romanica de la Birchen de Grasia d´El Rú.

Ista illesia ye un güenismo representán del romanico de l´Alto Esera. Ba sé  consagrada a l´an 1.104, pertenexén a´ls saguers momens del primé estilo romanico-llombardo. Lo més carateristico d´ista armita ye´l suyo torreyón en pllanta cuadrada, las bentanas truixadas, la chiqueta arquería llombarda, el friso de cantonets y bells motibos decoratibos, com las lesenas u arquiells de mich punto dichós el ráfel.

Ermita románica de la Virgen de Gracia de El Run. Foto de 1998. Armita romanica de la Birchen de Grasia d´El Rú. Foto de 1.988.

T´acabansa, el mentau pirineista fransés Maurice Gourdon, a´l suyo biache alredó del Turbón en mayo de 1.888, en bisitá El Rú en ba escriure isto:

“Se trata de esas aldeas que el azar o el capricho del hombre estableció un buen día en un repliegue de la montaña. Es un lugar pintoresco, toda una tentación para un artista, donde todo es encantador por su color y su aspecto, incluido el viejo molino, cuya rueda musgosa es movida por el torrente”.

Castilló de Sos (del llatín bulgá CASTELLIONE, achiquiu de CASTELLUM “castiello gran”) ye una bila situgada a 130 kms. de Güesca capetal, a 904 mts. d´altaria y tien 731 abitadors.

Vista de Castejón de Sos desde El Run. Ambista de Castilló de Sos dende El Rú.

Se coneixe un decumento del comensamén del sigllo XI –las Desimas de Castilló de Sos- escrito en llatín michebal en ribagorsanismos d´alabegada, ye dí, pareseu a lo que se parllaba a la Ball a ixos tems. Probiene de l´archibo capitolá de San Bisén de Roda, seu del bispe de Ribagorsa, y astí se rillasionan els diesmos que bellas casas de la redoltada eban d´apocá al bispau. En i achuntan bells trosets:

“Memoria de ipsas decimas de Sancto Vincentio de Rota de Castellione…de illa mallola ad caput de uilla dedima debet dare /…Guielm Abo de Benascho decima debet dare de illa Plana /…Allefredus de Benascho debet / as terras qe comparauit de Galin Macerat. Illi filii de At Ennecho debet dare / uineas qui fuerunt de Ato Oriol de Bessaurri. Sanz Garsia de Benascho… / uinea qui fuit de Guielmo presbiter de Castellione. /… in Castellione de Pardino decima. Martin Oriol /… Bidals debet donare de duas terras… / …de quantas …habet in Castellione / …Ariol Albini faciat similiter. / de Castellione & alia in Petra Maiore decima dare debet. Petrus Ato de /…quod tenet in Castellione de sua muliere… /… qui fuit ad caput de Castellione qui fuerunt / De Petra Fita Galin /… illum Nocherum decima /… Filu de Ramon Baron… / … in Spiner decimam dabit /… Petra Tota…/ Fontanla & alia in capite de uilla… /… Et de de sua uxore de… / Pere Martin …sua muliere abet… / …mulier de Ennecho Atons /…& illas filias… / … garius de… conpara…”.

Alrededores de Castejón de Sos. Foto M. Martín en octubre 1986. Redoltada de Castilló de Sos. Foto de M. Martín en otubre de 1.986.

Las fiestas grans son ta´l Pilá, el 12 d´otubre. Lo més ripresentatibo ye´l Ball Pllá, el ball tipico, agón las parellas ban cambián-se-ie asta complletá la cherada en la primera. Las fiestas chiquetas son ta San Sebastián, el 20 de chinero, cuan es casaus en rajan del Ball d´es Pañuelos: i ballan per parellas en un pañolás, asagán-se-ñe de reculas y mirán-se-ie al santo.

José Damián Dieste, a´l mentau llibre “Tradiciones Altoaragonesas” torna a tratá de la fiesta de “Damas y Caballeros”, ista begada referida a Castilló de Sos:

“Acaecía la víspera de la Epifanía. Previamente el mocerío y bien entrada la noche organizaba un baile muy concurrido por el violinista José Vidaller, de casa Tomás, y era norma que junto al músico se colocaran dos pucheros, uno con los nombres de los hombres y el otros con el de las mujeres. No se excluía a los que ya estaban emparejados. Al acabar el baile se sacaban las papeletas y se vinculaban las parejas. Al día siguiente –Epifanía- cada mozo tenía la obligación de ir a buscar a su casa a la moza que le había deparado el sorteo y convidarla a turrón y en los bailes del día bailar unas piezas con ella. Después de ese día y si ambos lo convenían cada uno se marchaba por su lado”.

Iglesia de Castejón de Sos antes de la restauración. Foto M. Martín en octubre 1986. Illesia de Castilló de Sos antis de la restauración. Foto de M. Martín en otubre de 1.986.

A´l estudio etnolingüistico “Lengua, vida y cultura en el valle de Benasque”, Ricardo Morant y Marco i conta que a Castilló de Sos, a l´acabamén de la misa de Nitgüena, se i llechiba el “Pregón de Nochebuena” referiu a´ls costumbres en ocasión de dita fiesta, com l´amuestra iste, arrepllegau per Lourdes Minchot a´l suyo treball sobre lliteratura populá:

“Abiso a tóta la chen de Castilló, / chicotóts y grans, y a tóta la maináda:

No fagáts búlla y escultát lo que tos boy a dí:

<<E sallíu de cása dan el fret que fa / ta pregonátos, y que tot el mon s’entére, / qu’ista nit ye Nochebuena y no ye cósa de dormí.

Tots a tocá y a cantá, a la misa de Gall.

A fe búlla cóma síga, / dan panderetas y tot lo que tiengám, / encára que s’en baixen la illésia y el campanal.

Enguán, cóma altros ans, / tos felisito las Páscuas, / pérque ya u diú el refrán:

Ista nit ye Nochebuena / y demá ye Navidád; / si alguno tiéne fret als péus, / que se-us báiga a escalfá>>.”

Casa con balconada de madera. Casa en balconada de fusta.

A´ls de Castilló de Sos les disen “Matasaps”. Tienen un dito, u consello, qu´endica lo siguién: “´Sólo el sol mos lléga buéno de la part de Bidallé / No’n pórtes llitón ni dóna, que tey tocará perdé”. Amés i ye coneixeda ista cansión: “Singardaixa sall sall / que tu pai está a la Ball / que s’escana que s’escana / en un casco d’abellana”.

Castilló ye estallau en tres truixos: el Cabo, el Mich y el Suelo. El Barri Biello está al norte y el Nuebo al sur, separaus pe´l Ral, que ye carrera prinsipal y carretera. Ye de risaltá la illesia del sigllo XVI en portalada en pilastras estriadas a´ls costaus y un arco baixo frontón triangulá; dende que la ban esbiellá s´ha empllegau coma sentro cultural.

Iglesia de Castejón de Sos restaurada para centro cultural. Illesia de Castilló de Sos refarchada ta sentro cultural.

Manimenos l´aparensia de “llugá nuebo” que tien Castilló -inclluyín-ie la illesia- encara i quedan bellas casas de pedra en resapia tradisional, en balcons de fusta y bell calleriso. M. Pérez i merca pan y fruita.

Rincón típico con pasadizo. Racón tipico en calleriso.

Seguntes el mentau llibre de J.M. de las Pueblas y María A. Hidalgo, els noms de las casas de Castilló de Sos son:

Abadía, Adolfo, Alejandrina, Angelito, Antoniet, Artiga, Badía, Barañac, Barbaruens, Benjamín, Borbón, Caballera, Caballera la Vieja, Cabaré, Camilo, La Carmen, Caseta, Caseta la Vieja, Casolá, Castel, Catalán, Cirujano, Cubera, Chanolet, Chanolo, Choncastán, Diamó, Domec, El Sastre, Estanquero, Farrero, Farrero la Pllasa, Feixa, Figuera, Fineta, Florentina, Fustero, Garrabet, Garús, Gasquet, Gavacha, Hernández, Hilario, Jaimiti, Joaquín de Pedro, Joseret, Juan, Juana, Joaquín de Urbano, La Riba, Llorens, Llorenseta, Llugá, Manicuro, Manolo Barbaruens, Mariquita, Menescal, Micalet, Milio, Miranda, Morancho, Moreta, Paco, Pagán, Pagüet, Panificadora, Pauet, Pedro, Pepe el Sastre, Pepe Piñana, Pepe Riu, Pierris, Pilar, Pilar la Riba, Prujente, Puyol, Rafel de Juanet, Ramón, Ribera, Ricardo, Rita, Riu, Roque, Rosita, Sarrat, Sarrat la Vieja, Sebastián el Tabernero, Seira, Silvestre, Simón, Sofía, Solanilla, Soralla, Tabernero, Tejero, Tienda, Tintorero, Tomás, Tonet, Toño Morancho, Tramidal, Trinidad, Urbano, Victor, Vitorián, Zapatero, Zaragozano.

D´iste mismo llibre en tríen es toponimos més intresans:

Prau la Bache, El Basal de Garús, Prau el Cabo el Raso, Prau el Chesero, Campet d’Estiu, El Montisiello, Ralla el Caixigo, Sobaló.

Curiosa casa de Castejón de Sos. Chocante casa de Castilló de Sos.

Seguín en el fransés Maurice Gourdon, en bisitá Castilló de Sos el 1.888 -un poquet denantes qu´El Rú- lo ba describí aixinas:

“¡Qué pueblo más curioso, con su vieja puerta de entrada, negra como una cárcel medieval, su placita ornamentada con una cruz de piedra y sus casas montadas unas encima de otras, alineadas a lo largo de una larga y única calle en subida, por la que baja un claro riachuelo”.

Sallen de Castilló en destinasión Bisagurri, qu´en está a 3 kms. y mich.

Anuncios